ابن ليل

نبيله…..كرررررم🥺 استر يارب.

خرج البنات بسرعه من الاوضه وقفوا علي الباب برعب وخرجت نبيله تجري علي بره كان زكريا سلم في اخر ركعه
وخرج يشوف مين اللي بيخبط كده.

بكر…..يا جدع بنقولك اهدي وانزل معانا

هيما….كرم عشان خاطرنا يا كرم انزل معانا اللي بتعمله ده غلط

كرم….افتحواااااااا😡

جريت دعاء علي عبدالله تصحيه

دعاء…..عبدالله عبدالله فوم بسرعه

عبدالله…في ايه.

دعاء…..كرم شكله تحت وشيطانه سابقه الحقوا بسرعه يا اخويا والنبي🥺

عبدالله….كرم😳 وسعيييي

دعاء….حسسسسسن ولا يا حسن

خرج حسن يجري من الاوضه جري

حسن …..في ايه

دعاء….الحق ابوك بسرعه كرم تحت والدنيا هتولع انزل يا ولا بسرعه

جري حسن وهو حافي علي تحت.

احمد…..اعمل حاجه يابااااا

في الوقت ده فتحت نبيله الباب في نفس الوقت اللي خرج زكريا فيه من اوضته.

كرم…..بنتك فيييييين😡

نبيله….بدموع اهدي ياكرم

كرم…..بنتك فين يا نبيله اتكلمي

نبيله……كرم🥺

زكريا….خرج بكل هيبته في ايه يا كرم
ايه جاي تتهجم علينا يا ابن الاصول

كرم…..انا عشان ابن اصول صَبرت كل السنين اللي فاتت دي وسحبنا كرسي لحد ما الدنيا تدور وتلف وترجع تقف قدامي عشان ناخدوا حقي

عبدالله…..كرم انت بتعمل ايه هنا؟ جاي تتهجم علي امي وابويا في بيتهم

كرم……اهلاااا اهلاااا بالدكر اهلا بصاحب عمري العره😡

اتنهد عبدالله وبص للسقف وهو بيجز علي سنانه ومقرر انه يتحمل كرم علي قد ما يقدر لانه عارف انه مش في وعيه.

عبدااله…..شكراً يا سيدي. مقبوله منك بس تعالي معايا يا صاحبي نتكلموا فوق عندي او تحت في الدكان او نروحوا عالبحر زي زمان يا كرم

كرم……زمان راح ومش راجح خلصصصصت مبقاش في حاجه تجمعنا
يا عبدالله ولو كنا صبرنا طول السنين دي فا ده عشان الحساب يجمع😡

دره كانت في الحمام سامعه اللي بيحصل وللحظه حست انها خايفه تخرج وكانت مرعوبه حرفياً مستحيل يكون ده كرم صوته وغضبه مستحيل يكون ده كرم اللي هي تعرفه ده اكيد شخص تاني.

زكريا……عايز ايه يا كرم كلامك معايا انا

كرم…..بنتك متقعدش لحظه في المنطقه تاخد عيالها وتتكل من هنا وإلا ودين الللله نحسرك عليها😡

زكريا….ايه جاي بيتي تتهجم عليا وتهددني كمان يا كرم

كرم…..انا يحقلي اعمل اللي انا عايزه😡

بكر…..يا كرم مش هينفع كده يا كرم تعالي معايا يا ابن الحلال