ابن ليل

دانه….طيب ايييييه انا مش قادره

دارين…..وطي صوتك عشان مامي حرام سبيها نايمه

بصت دانه علي دره وابتسمت

دانه…..اول مره اشوف مامي نايمه بالعمق ده كأنها بقالها سنين منامتش

دارين…..فعلاً مامي نومها خفيف اوي وبتصحي من اقل حركه اول مره اشوفها غرقانه في النوم كده

دانه….يظهر بيتها و أوضتها كانوا واحشينها اوي اصلا مفيش حد بيرتاح غير في بيته

دارين…..هو انتي معاكي حق وانتي عارفه اني عمري ما بعرف انام غير في السرير بتاعي بس بصراحه انا حطيت دماغي محستش المكان هنا مريح جداً والجو العام يخليكي تحسي بالراحه غصب عنك

دانه….امبارح لما دخلنا الاوضه التانيه انا وديما قولتلها اني بيتهيألي مش هعرف انا بس نمت علي طول انا كمان ويمكن منمتش كتير بس مش عارفه ليه حاسه اني. فايقه

دارين….وانا كمان امبارح قولت هطمن ادم واعرفه اننا وصلنا بس نمت ومعرفتش ابعتله صحيت لاقيته متصل كذا مره وباعتلي مسدچات

دانه…..طبعاً ادم هيتجنن عشان سافرتي

دارين….بحزن حبيبي زعلان خالص 🥺 وانا مش عارفه ازاي هقدر مشوفهوش

دانه….هو مش هينزل مصر

دارين….مش عارفه بس هو قالي انه هيبقي يجي وكمان هو عنده أمل ان الخلاف اللي بين بابي ومامي ينتهي ونرجع تاني

دانه….تفتكري في امل يا دارين انهم يرجعوا

دارين….مش عارفه يا دانه انا بتمني بس بيتهيألي بابي مسابش اي فرصه لمامي عشان تسامحه خصوصاً انه خانها مع اقرب صاحبه ليها

دانه….بس لو رجع وطلب انها تسامحه المفروض مامي توافق انا بصراحه مش قادره اتخيل اننا نكمل حياتنا من غير بابي

دارين…..ولا انا يا دانه بس كمان مينفعش نفرض علي مامي حاجه لازم نحط نفسنا مكانها واي واحده فينا عمرها ما هتقبل ولا علي نفسها ولا علي كرامتها انها ترجع ولا ايه

دانه….يمكن معاكي حق بس انا مش قادره ارضي بالامر. الواقع

دارين….حالياً مفيش حاجه في أيدنا نعملها غير اننا نرضي وبعدين محدش فينا عارف بكره ممكن يحصل فيه ايه
لازم نسيبها تهدأ وتاخد وقتها اللي بابي عمله مش بسيط يا دانه واظن مش محتاجه افكرك بابي عمل في مامي وفينا ايه.

دانه….اووووف خلاص اقفلي السيره دي ويلا تعالي ندخل التويلت مش قادره اتحمل.

دارين…..يلا تعالي وربنا يستر 🙈

راحت دارين براحه فتحت الباب بصت شمال ويمين وبعد كده خرجت ودانه وراها.