ابن ليل

كانت بتتكلم وحسن باصصلها بصدمه

دعاء….ياولا رد انا بنكلم نفسي مالك مانح كده ليه

حسن….يعني انتي جايه تصحيني من النوم يا أما عشان تساليني تعملي اكل ايه🤨

دعاء….ايوه عليك اما نسألوا مين بس

حسن….حرام عليكي سبيني ننام انا مَلحقتش نغمض ولسه شويه وهننزل الدكان😭

دعاء….نلمت عليك حيطه ما تقوم يا ولا تكلمني زي ما بنكلمك😒

حسن….كمان مش عاجبك امشي يا دودو امشي ربنا يهديكي  سبينا ننام شويه عشان نجروا علي اكل عيشنا

دعاء…..انا غلطانه اني حسباك بني ادم وبنتسايروا معاك😒

حسن….انتي صح انا مش بني ادم واتكلي علي الله سبينا ننام كمان ساعه وبعدين انا عايز نعرف انتي جايبه برود الاعصاب ده منين انتي ناسيه ان كرم لسه معرفش وهيولع الدنيا بس يعرف وجايه تقوليلي محاشي وفته وكوارع😒

دعاء…..داهيه تسد نفسك عيل نحس😒

حسن….يلا اخرجي بقي ساعه وصحيني

دعاء…..ياولا انت لسه هتنام مش قولت لابوك وجدك انت اللي هتفتح

حسن….يا أما زمان الرجاله فتحوا تحت سبيني انام ساعه وبعدين ننزلهم😭

دعاء….ابقي شوف مين اللي هيصحيك وحياه امك🤨 قامت دعاء من جنبه سحب حسن الغطاء عليه وغمض عينه وفجأه قربت منه دعاء تاني وقعدت جنبه

دعاء….ولا يا حسن تفتكر دره والبنات صحيوا نروحوا ننزلهم🤔

حسن….هي ليله سوده انا عارف 😭 يا اما ارحميني مين دول اللي صحيوا هو في حد فينا لَحق ينام انا عايز بس نعرف انتي ايه اللي مصحيكي من النجمه كده

دعاء…..النوم طاير من عيني يا ولا

حسن….طيب سبينا ننام الله يرضي عنك

دعاء….يااااساتر اتخَمد😡

خرجت دعاء وسابته يكمل نوم وفضلت تفكر تعملهم اكل ايه.

…………..

علي الساعه 11 صباحاً صحيت دانه من النوم بصت جنبها لقت ديما نايمه كانت عايزه تدخل الحمام بس خايفه تخرج ومش عارفه دره ودارين صحيوا ولا لسه قامت براحه راحت علي الباب فتحته بهدوء وبصت براحه مكانش في حد بره خرجت بسرعه ومشيت علي اطراف صوابعها وجريت علي الاوضه بتاعت دره فتح ودخلت بسرعه وقفلت وراها.

دارين….بصوت واطي عشان دره متصحاش بسم الله خضتيني🙈

دانه….انتي صاحيه؟

دارين….ايوه صحيت من شويه مالك داخله تتسحبي كده ليه

دانه…..هموت وادخل الحمام يا دارين وخايفه الاقي تيته في وشي

دارين….ومين سمعك انا ماسكه نفسي بالعافيه و مرعوبه بصراحه اخرج فا قولت اتحمل لحد ما مامي تصحي او طنط دعاء تنزل.