ابن ليل

حسن….يابت منقصدش بس لو امك عَرفت الحوار ده هتقلب الدنيا

سماح…في ايه قلقتني

حسن….عمتي دره وبناتها رجعوا من السفر من ساعه

سماح….ايه😳🙈

حسن ….زي ما بنقولك

سماح…..طيب رَجعت ليه وستك وجدك وابوك عملوا ايه وكيرو عَرف ولا لا

حسن….يابت افصلي شويه مش عارف نرد عليكي😡

سماح….اديني سَكت اهو رد عليا

حسن …..الدنيا كانت والعه عندنا لانهم ميعرفوش انها جايه وكيرو لسه مَعرفش

سماح….انت كنت عارف انها جايه؟

حسن….عَرفت امبارح بس امي اللي كانت عارفه

سماح….طب وبعدين

حسن…..ولا قبلين خلاص رجعت واللي حصل حصل

سماح……طيب وهتسافر امته

حسن….لا مش هتسافر عمتي اتطلقت من جوزها وهتعيش هنا

سماح….احيه🙆‍♀️ دي الدنيا هتولع يا حسن

حسن….هي لسه هتولع هي وَلعت خلاص وبكره بس كيرو يشم خبر وهتشعلل اكتر اللي مخوفني من رد فعله ان الدنيا بينه وبين ابويا تبوظ اكتر

سماح….علي اساس انهم بيتكلموا اوي

حسن…..ايوه بس في فرق يمكن مبيتكلموش لكن كل واحد في حاله كل اللي بينهم مناقره في بعض مش اكتر لكن وجود دره هيقلب الدنيا انا عارف

سماح….ربنا يستر

حسن….بنقولك ايه ولا كأنك سمعتي حاجه وخصوصاً قدام سونه

سماح….اطمن اكيد مش هنقولوا حاجه انا مش حمل اللي هتعمله لو عَرفت ان عمتك رجعت

حسن…..بس كده خلينا بعيد بدل ما نتاخدو في الرجلين احنا مش ناقصين

سماح….ماشي انت هتنام

حسن….اه مش قادر كفايه الوش اللي حصل دماغي هتتكسر

سماح…..طيب خلاص روح نام ولما تصحي كلمني

حسن….ماشي هنكلمك تصبحي علي خير

سماح….وانت من اهل الخير.

………………..

قبل كام ساعه من معرفه كرم بوصول دره صحيت دعاء من نومها مقدرتش تنام اوي من كتر فرحتها برجوع دره اتسحبت بهدوء من جنب عبدالله وراحت علي اوضه حسن كانت الساعه تسعه الصبح

دعاء….حسن ولا يا حسن

حسن….بفزع في ايه يا اما اتعاركو تاني😳😳😳

دعاء….مين اللي اتعارك يا ابن الهبله انت بتحلم

حسن…..عمتي وجدي وستي وابويا

دعاء….لا محدش اتعارك وزمان الكل نايم

حسن…..ولما الكل نايم بتصحيني ليه يا دعاء😡

دعاء…..ياولا ما انا النوم طار من عيني وملاقتش غيرك قدامي نيجي نسأله

حسن….تسأليني علي ايه؟

دعاء….تفتكر اعمل اكل ايه لعمتك وبناتها ايه رأيك نعملوا تشكيله محاشي ولا نعملوا فته وكوارع ولا بلاش فته وكوارع بنات دره شكلهم ملهمش في الاكلات دي