لقاء كـ،ـ،ـ،ـارثي
صاحبة البطل الواحد
. البارت المئه 103.
………………………
الرحله خلصت..
ولحظه الرجوع ديماً بيبقي فيها إحساس مختلف هدوء شبع وحنين لسه يادوب بيتولد جوانا.
في لحظات عمرها قصير بس لو اتعملت صح بتسيب جوانا شبع يكفي العمر كله الرحلات كتير بس مش كل رحله بتنتهي بالوداع في رحلات وداعها بيكون بدايه طريق احياناً الطريق بيكون اطول في بدايه الرحله بس وقت الرجوع اللي بيبقي طويل مش الطريق ده بيبقي استرجاع اللحظات زي ضحك اتقال ابتسامه اترسمت سكوت اتفهم قلوب شبعت فا ابتدت تشتاق.
واجمل الرحلات هي اللي بتخلي الحنين ييجي مطمن كأنه عارف ان كل لحظه اتعاشت صح.
لحظه الرجوع الكلام يمكن يقل بس الاحساس زاد كل واحد فيهم كان بيراجع الرحله جواه بهدوء من غير اي كلام رجوع في طريق شاهد ان القلوب راجعه مليانه مش زعلانه
الرجوع من الرحلة حقيقي كان مختلف مش تقيل ولا حزين لكن هادي كأن الطريق نفسه بيطمنهم انه هيسيب لكل ذكرى وقتها الكلام قل مش علشان مفيش حاجة تتقال لكن علشان القلوب اتملت والامتلاء دايماً بيخلي الصمت أصدق كل واحد كان شايل جواه ضحكة نظرة ولحظة اتعاشت من غير استعجال ومع كل خطوة في طريق الرجوع كان الحنين بيتكون بهدوء لا بيضغط ولا بيوجع بس بيعلن إن الرحلة يمكن تكون خلصت بس في المكان لكن لسه عايشة جواهم و مكمله و بتعلن عن رحله جديده جوه القلوب
………
بعد ما الباص اتحرك فضلوا ساكتين اكتر من تلت ساعه باصين علي الطريق و هاديين و كل واحد في دنيا بتاعته خاصه بيه هدوء و سكينه و صمت مرسوم علي ملامح الكل ولكن بعد صمت دام كتير بدأ صوت همس بسيط اتحول في ثواني لهمس اعلي و هما باصين علي الطريق و بيراقبوا بعيونهم الكلاب اللي كانت علي الطريق الباص مشي بهدوء و هما قربوا من الشبابيك و فضلوا يبصوا.
و كل واحد فيهم مركز اللي متوتر و خايف زي نعيمه اللي اول مره تشوفهم من قريب كده اللي مستغرب زي حنان اللي كانت طول ما الباص ماشي براحه تقول سبحان الله و تذكر الله و اللي عنده فضول و حماس و اللي مش حابب يركز اوي زي اللي اغم عليهم خصوصا سليم و ليله و زي عسال اللي مش عايز نادين ترجع تبص تاني
كانوا عمالين يشوفوا عمال عمالين يشدوا فيهم و يبعدوهم عن الطريق لان كل مره الكلاب ترجع يحصلها كده تقف في نص الطريق فا يضطروا يفضفوا يبعدوهم عشان العربيات و الحـ،،ــوادث منظر الكلاب و هي متخشبه و بيشدوا فيها كان لوحده منظر غريب و يثير فضول اي حد
حنان……سبحان الله بجد
حسان…..ايه يا حنون شوفتي شكلهم
حنان…..اه يا حسان ده ايه ده انا اول مره اشوف كده
سلمي….منظرهم غريب اوي و بعدين تحس ان وزن تقيل و هما بيشدوا فيهم كده
حسان….عشان مخشبين نفسهم
حنان….ده كأن في حاجه قفشاهم في الارض سبحانك يارب قادر علي كل شئ.
……..
قرب عدي اكتر من تقي و هو بيبص معاها فكان مقرب منها اوي تقي مكانتش مركزه مع الكلاب قد ما كانت متوتره من قربه كده
عدي….بص لفضل هما ازاي مش حاسين وهما عمالين يسحبوا في ديلهم كده
فضل…..انا عارف شكلهم مرعب اصلاً
نعيمه…..انا كويس اني مقربتش منهم لما اغم عليكم انا من بعبد كده و مرعوبه منهم اصلا خايفه يجروا ورانا
فضل….لا يجروا ورانا ايه هما اصلا لما فكوا من الحاله دي جريوا استخبوا
نعيمه….طيب هما هيفضلوا كده لحد امته
فضل…..والله ما اعرف
نعيمه…..يارب بس لما نرجع ميبقوش بالمنظر ده تحت البيت و الله اموت فيها دي
فضل…..لا متنزليش قبل ما تبصي هتفضحينا
نعيمه….ده اللي فارق معاك مش هلحق افضحكم اصلا انا هيجيلي ساكته قلبيه اصلاً
…………
نسمه……انت كويس مالك؟
سليم….مفيش بخير بس متوتر منهم بصراحه
نسمه…..خلاص متبصش خليك كده احسن انت حاسس بحاجه طيب
سليم….لا لا انا زي الفل
عسال……نزلي الستاره دي و متبصيش
نادين….خليها عشان لو عايز تشوف انت انا مش باصه
عسال….لا لا مش عايز اشوف المهم انك بخير
نادين….بخير متقلقش انا بس خايفه ابص يحصل حاجه تاني زي ما الدكتور قال
عسال….لا يا عمري بعد الشر عليكي نزلي بس دي لحد ما يرجعوا تاني يفكوا و نكمل طريقنا علي خير تعالي في حضني
…………
ليله…كانت بتبص و تبعد عينها
عشري…..ايه يا قلبي حاسه باي حاجه ولا ايه
ليله….لا تمام
عشري….طيب ممكن متبصيش او خلينا نبدل المكان لحد ما نعدي منهم
ليله كانت باصه لملامحه بحب و هو مقرب وشه كله و بيبص من الشباك جنبها
ليله…..بابتسامه هو مع احترامي لكلام الدكتور طبعاً بس انا احساسي بيقولي اني اغم عليا بسبب التوتر و منظرهم و الطاقه السلبيه اللي حسيت بيها مش مشاكل او حاجه زي ما قال انت عارف كويس اني اتخطيت كل ده بس بجد منظرهم قبض قلبي و خلاني حسيت اني تعبت لكن انا الوقت ببص و ببعد عيني و كويسه يعني تمام
عشري….بصلها بحب انا بقول كده بردوا حبيبتي قويه
ليله…..بابتسامه باسته من شفايفه بسرعه و هو محدش مركز معاهم مش اوي كده يعني
عشري…..بضحك يابت اتلمي
قربت تاني باسته
ليله….مش هتلم انت اللي مقرب اتحمل بقي
عشري….بابتسامه بصلها متجريش شكلي انا وشيطاني
ليله…..بابتسامه تجنن باسته تاني اللي عندك انت وهو اعملوا
عشري….بضحك طب وليه يعني تنكشي فينا احنا مبنصدق
ليله….بحب ازنقك
عشري….بضحك زنقتي مش حلوه هنتفضح اسمعي مني
ضحكت ليله و مسكت وشه بايدها و باسته بهدوء بين خده و شفايفه
عشري….لا لا لا انا هقوم من جنبك
ليله….بضحك طب خلاص مش هعمل حاجه
عشري….ارحمي امي
ليله…..اعترف انك مش قدي و انا ارحم امك
عشري…..مش محتاجه اعتراف بوظتي اعصابي يا مفتريه
فضلوا يضحكوا و استنوا شويه لحد ما الطريق بقي فاضي تاني و بدأ السواق ياخد سرعته تاني.
………
ايمي….مالك متوتر ليه
رشيد….مكنتش متخيل انهم كتير اوي كده علي الطريق
ايمي…..ولا انا بس مشيوا خلاص الحمد لله قول انك خايف علي اللي في بطني
رشيد….بابتسامه اكيد خوفي بقي مقسوم علي اتنين مكنتش اتخيل ان الموضوع بيبقي كده علي فكره
ايمي….تقصد ايه
رشيد……يعني مكنتش متخيل اني ممكن اخاف علي حته مني وهي لسه في بطنك كنت بفكر ان الخوف الحقيقي من الاب علي ولاده بعد ما يشوفهم
ايمي….حاسس بالمسؤليه
رشيد….فوووووق ما تتخيلي يا ايمي و ده شعور انا بجد مستغربوا اوي
ايمي….بس حلو صح
رشيد….حلو اوي بس سبحان الله يعني في مشاعر البني ادم مش بيحسها غير لما يجربها يعني حب الاب لولاده او خوفه عليهم ميشبهش حب اي حد في حياته طول الوقت احنا لنعيش مشاعر و بنجرب احساسها بس حقيقي احساس الولاد ده مختلف مش عارف بصراحه عشان انا حسيت بيهم متأخر ولا ده احساس الاب عموما
ايمي….بيتهيألي احساس الاب عموما يا رشيد يعني انا كمان احساسي مختلف كان نفسي اجرب الاحساس ده اوي بس لما جربته حاسه ان المشاعر اللي كنت مستنيه احس بيها اكبر بكتير مما تخيلت
رشيد….زي ايه مثلا
ايمي….يعني اول شعور مسيطر عليا الخوف خايفه اني اقع مثلا اني اتعب اني اتخبط اني حد يزقني رد فعل اي لني ادم طبيعي لو حس ان في حاجه هتقع عليه مثلا يخبي وشي انا من من امبارح من وقت ما وقعت طول الوقت و هما الشباب بيهزروا بيحدفوا حاجه بيجروا من بعض بحط ايدي غلي بطني
رشيد….بضحك لاحظت انا و هش ليله كانت هتجري وراء عشري
ايمي….بابتسامه شعور الام بيتغير و خوفها بدل ما بيبقي علي نفسها تلقائي بيبقي علي ابنها او بنتها
كمان الحب يعني انا حاسه اني بحبه او بحبها من قبل ما اشوفوا راضيه بيه علي اي شكل بحبه من قبل ما يتحرك او احس بيه كمان الحماس متحمسه اوي اني اشوفه في السونار مع اني عارفه اني مش هشوف ملامح بس فكره اني اشوف كائن صغير جوايا ده شعور ملهوش وصف يا رشيد اني اسمع صوت دقات قلبه ده لوحده شعور ليه رهبه انت متخيل ان جوايا قلبين دمعت وهي مبتسمه يعني ااا انت عارف انا من صغري كنت ديما اقول لماما انا مش هجيب عيال انا مليش خلق لا لا انا مقدرش اسيل مسؤوليه عيال لا لا انا مش هبوظ جسمي و لا شكلي و لا ابقي متبهدله وانا عماله اجر في عيال والبس واقلع واحمي حتي بعد ما اتجوزت علي فكره عمري في حياتي ما افتكر اني كنت مستنيه اللحظه اللي احمل فيها بعد الجواز يعني مفيش مره استنيت الخبر ده
رشيد….يمكن عشان مطولايش في الجواز
ايمي….خالص والله يا رشيد انا مكنتش حاطه في دماغي ان يحصل اللي يحصل ده كنت مديه الامان وواثقه و متخيلتش بحضل كده بس اقصد ان الشهر اللي فضلت فيه متجوزه محستش باني مستنيه خبر الحمل جايز عشان كنت اصغر جايز وقتها كنت شايفه اني لسه قدامي وقت عشان افكر في الحمل بس بعد كده حسيت اني نفسي اكون ام يعني الشعور ده جالي بعد ما انفصلت بكتير لما حسيت اني سني بيكبر لاقيت انه لا انا اكيد نفسي ابقي ام
رشيد…..ايمي في سؤال عايز اسأله مسالتهوش قبل كده
ايمي….سؤال ايه
رشيد….مفيش اي حد لفت نظرك بعد الانفصال خالص او مفكتريش محدش اتقدملك محستيش مثلا بعد فتره انك عايزه تدخلي في علاقه جديده و تتخطي القديمه
ايمي….رشيد انا اتخطيت العلاقه قبل ما اخلعوا وده مش عشان انا بياعه او بنسي بسرعه او مثلا مكنتش حابه الشخص انا مش عابزه اتكلم بوضوح اكتر عشان ماضايقش بس
رشيد…لا خالص يا عمري اتكلمي
ايمي…كان في حب و علاقه جاده و اكيد لو مش جاده مكنتش خدت الخطوه دي لان انا يارشيد مش بتاعت حب و لف و دوران و لا بتاعت علاقه طويله مش جاده و سرمحه و الجو ده يمكن يبان عليا كده بس انا بحب اكون دوغري حبيتك حبيتني عرفنا بعض خلاص لازم يكون في خطوه جاده و انا عنلت كده فكره بقي اني اتخطيت بالسرعه دي مش معناها ان شعوري مكانش اكيد او محبتش لا بالعكس بس انا قابلت حبي ده بخيانه ثقه و الثقه لنا بتتهز بالشكل ده بيبقي سهل عليك تتخلي فا انا تخطيت قبل ما اخد خطوه الخلع لاني شوفت ان الشخص ده غير امين و مستحيل حياتي تكمل معاه بعد كده هيفضل في شك حتي لو اتغير علاقتي بيه اتوترت خلاص و بقي فيها قلق فا خلعت و سيبت اتقدملي كتير اكيد و فيهم ناس كانت مناسبه
محترمين بس انا بحب بصعوبه يارشيد انا مش من الناس اللي بتعرف تدخل علاقات بسرعه حتي لو اتخطيت مش معناه اني اقدر ادخل علاقه جديده و عشان اعمل كده لازم الشخص اللي قدامي يكون لمس قلبي حرك مشاعري عشان اعرف احب سهل ادخل علاقه و اتعرف بس صعب احب اصل الحب ده مش اي حد يستاهله كمان انا لما اتجوزت متجوزتش صغيره اوي يعني كنت 28 تقريباً و بعد الانفصال قعدت فتره فا تقدر تقول كان في نضوج عقل فا اكيد اختياري و حبي بقوا اصعب لحد ما لقيتك يا رشيد
رشيد….بابتسامه حركت قلبك هااا
ايمي….بضحك حركت كل حاجه
رشيد…..بابتسامه طيب ندمانه او حاسه بشويه ندم انك صارحتيني خصوصا لما عرفتي ان مشاعري من ناحيتك كانت موجوده مقولتيش بعني كنت استنيت شوبه وهو اللي نطق
ايمي…بابتسامه خالص و لو رجع بينا الزمن تاني هختارك تاني و هعترف تاني و مش هيفرق معايا مين فينا اللي قال الاول و انت عارف كده كويس
رشيد……انا بقي اللي ندمان اني معترفتش قبلك
ايمي….شايف انها كبيره ان الست هي اللي تعترف
رشيد….خالص المشاعر مش بايدنا يا ايمي وانا مش مع الناس اللي بتقول لا الست او البنت مينفعش يعترفوا بالعكس دي جرأه مش اي حد يقدر عليها الا لو الست قويه و واثقه من نفسها بس انا ندمان عشان مخدتش الخطوه بسرعه
ايمي….بضحك لا هو لو علي السرعه احنا كنا بادوب لسه بنتعرف علي بعض شكلي انا اللي كنت سريعه شويه
رشيد….بابتسامه و انا كان لازم اكون اسره و لو بايدي كنت اتمني تبقي اول واخر جوازه ليا
ايمي….وانا كمان بس مش ندمانه انك تاني جوازه لان مش ديما اول حب بيبقي حب حقيقي و لا اول جوازه بتبقي جوازه العمر انا بعتبر ان التجربه الاولي اتعلمت منها بس تجربتي معاك بالنسبه لقلبي الاولي و الاخيره اللي خلتني نسيت جوازتي و نسيت الخذلان اللي حسيت بيه و اللي خلتني كمان اكتشفت ان ده مكانش حب اصلا
رشيد…..بحب مبسوطه معايا يا ايمي؟
ايمي….اتمني تكون انت مبسوط معايا ولو واحد في الميه من السعاده اللي عيشاها بوجودك جنبي
رشيد……لو علي سعادتي معاكي فا انتي عارفه كويس اني حياتي بدايتها كانت معاكي انا بحبك اوي
ايمي…..وانا بحبك اكتر
ضمها رشيد و باس راسها بحب
