لقاء كـ،ـ،ـ،ـارثي
سلامه……حبيبي ساكت ليه
ايه…..زعلانه
سلامه…..من ايه
ايه……الرحله خلصت بسرعه
سلامه…..الوقت الحلو بيخلص بسرعه بس اكيد هنكررها تاني ان شاء الله المىه الجايه تبقي علي الصيف و نلقي كلنا متجوزين
ايه…..لابتسامه يارب
سلامه….المهم اتبسطتي المرادي اكتر ولا اول مره
ايه…..امممم مش عارفه هما الاتنين حلوين بس كل رحله ليها طعم مختلف
سلامه…..ازاي
ايه…..يعني اول مره كنا بنتعرف لسه علي بعض كان فيها طاقه و ىوح جميله بس افتكر ان احنا رجعنا و لسه منعرفش مشاعرنا او معترفناش بيها كنت زعلانه اول كام يوم من رجوعنا لما فضلت كام يوم متسألش و لا اعرف عنك حاجه كنت فكراك يعني قضيت كام يوم حلوين و خلاص كده
سلامه….بابتسامه كنتي فكراني محبتكيش
ايه…..لا مش كده يعني انا كنت حاسه بمشاعر حلوه منك كان في حاجه غريبه مخلياني اتعلق بيك و من نظراتك و كلامك و طريقتك كنت حاسه بشعور حلو بس في نفس الوقت كنت حاسه انه لا انا واهمه نفسي ده بيعتبرني صاحبته اخته مش اكتر بس كنت هتجنن و اشوفك لحد ما جيت المحل بقي و خلاص بدأت الحكايه المرادي الوضع مختلف احنا مسافرين و احنا مخطبوين فا الرحله مختلفه المشاعر مختلفه يعني بصراحه الاتنين حلوين انت بقي بالنسبالك انهي احلي
سلامه…. انا اي حاجه معاكي ليها طعم مختلف سواء الرحله دي و لا اللي فاتت او حتي اي موقف مرينا بيه مع بعض يمكن الرحله دي مختلفه لاني معاكي بحبك اكتر في بينا علاقه رسميه فا اكيد بالنسبالي هي مختلفه و اكيد اللي هتبقي مختلفه اكتر اول رحله لينا بعد الجواز سواء كنا مع الشباب او لوحدنا يعني عموما الحياه مراحل يا ايه كل مرحله فيهم ليها طعم و شعور مختلف
ايه…..سلامه ايه الحاجه اللي ممكن تخليك تزهق مني فيها او تزهق من العلاقه بشكل عام
سلامه…..لو زهقت منك يا ايه او العكس لو انتي زهقتي يبقب حبنا لبعض مش حب بجد
ايه….اكيد بس يعني اللي اعرفوا ان الروتين و الجواز و العلاقه بعد وقت طويل بتبقي بارده
سلامه…..بصي يا ايه الروتين عموماً بعيد عن الجواز بيقتل اي علاقه حتي علاقه الشخص بنفسه بس لو انتي بتتكلمي عن الجواز عموما و عندك خوف منه فا الروتين في الجواز مش بس بيقتل العلاقه بيدمرها
ايه…..طيب ايه الحاجه اللي انا ممكن اعملها معاك متخليش في روتين او ملل او برود
سلامه…..حجات كتير لس مش منك انتي بس مني انا كمان الراجل يا ايه مسؤول عن العلاقه زي الست بالظبط مش لازم الست تتنطط و تعمل اراجوز للراجل عشان العلاقه تستمر دي انانيه من الراجل اما يرمي لوم فشل العلاقه علي الست لان هو كمان ليه دور كبير
ايه….بابتسامه اول مره اشوف راجل بيعترف
سلامه…..دي حقيقه و الراجل اللي يقول غير كده يبقي ناقص العلاقه انقاذها مش في ايد الست بس عشان نحافظ علي ثباتنا و محدش فينا يقع لازم احنا الاتنين نمسك الحبل و الراجل لازم يبقي عارف ان مسكتوا لاحبل غير الست بصفته اقوي .
يعني مثلا حجات كتير اوي مني و منك او من الراجل و الست عموما تدمر علاقتهم و تخلي بعد وقت في فتور و برود
ايه….طيب زي ايه؟
سلامه….لا حجات كتير اوي بصي يا حبيبي الروتين في الجواز بيجي غالباً تدريجي ومن غير ما حد يحس وأسبابه بتكون خليط نفسي و تراكمات يوميه أهمها مثلاً
الانشغال وضغط المسؤوليات
الشغل العيال البيت العلاقة نفسها بتتحط في اخر اللستة فالحب بيتحول لواجب يعني بننسي الحب و حلاوه البدايات و نركنه اخر حاجه
وزي قلة التواصل يعني
الكلام يبقى عن الطلبات والمصاريف بس مفيش حكايات مفيش فضفضة مفيش مشاركة إحساس العلاقه نفسها بتتحول للسته طلبات او شكاوي و بننسي نفسنا
كمان الاعتياد الزايد كل حاجة بقت متوقعة نفس المواعيد نفس الخروجات نفس ردود الأفعال مفيش مفاجأة عشان كده لازم بكون في تغيير عارفه يا ايه احلي حاجه في علاقتي بيكي ايه
أيه…..ايه
سلامه……اننا مجانين و شبه بعض مش متوقعين و بيتهيألي علاقتنا دي هتبقي ناجحه و مكمله لو فضلنا كده صحاب محدش فينا بيخنق التاني ارجع بدري مره ارجع متأخر ارجع قبلك مثلا فا انا اجهز الاكل احضر قاعده حلوه مفيش قيود فهماني
ايه….بابتسامه فهماك طيب ايه تاني
سلامه… الإهمال العاطفي
قلة الكلام الحلو اللمسة الاهتمام مع الوقت القلب يحس إنه لوحده حتى وهو متجوز
كمان مشاكل متراكمة مكبوته محدش فينا بيفضفض فيها مع التاني خناقات قديمة اتسكت عليها واكيد بتتحول لفتور وبرود بدل انفجار اوقات الانفجار علاج يا ايه
وكمان غياب التجديد
لا سفر و لا نشاط جديد ولا تغيير في شكل الحياة أو طريقة التعبير عن الحب و المقارنات دي من ضمن اكتر الحجات اللي بتدمر العلاقه
ايه….يعني ايه المقارنات
سلامه….يعني السوشيال ميديا انك تقارني علاقتنا بعلاقه حد مشهور مثلا بتحصل علي فكره و ممكن علاقات ناس تانيه حوالينا زي اصحابنا معارفنا تخلي الواحد يحس إن حياته أقل حتى لو كانت كويسة
ايه…..بس لو في رضا اكيد الوضع هيختلف
سلامه…..اكيد الرضا في النقطه دي اهم حاجه ولو الحب قوي يا ايه محدش في الكرفين بيشوف التاني اقل و حاجه كمان بتسبب برود و فتور
زي التعب النفسي أو الاكتئاب
أحياناً الروتين مش بيبقي من الجواز نفسه يا ايه لا ده بيبقي من الشخص وتعبه الداخلي نينفعش احس انك مضايقه و اسيبك حتي لو رفضتي الكلام ممكن حضن يبقي كفايه ليكي احسسك ليه اني جنلك و معاكي مبنفعش اعمل عبيط و اسيبك او حتي اقلل من مشاعرك و العكس بردوا مينفعش ابقي راجع قرفان و مخنوق او مكتىب بسبب ظرف معين و تسيبيني لوحدي لو قدرت اتعافي من غيرك او تتعافي من غيري مع الوقت هنحس ان وجودنا في حياه بعض مش مهم و عادي من غير بعض هنقدر نكمل و لو هنتكلم عن النقطه دي بالتحديد مش بس ريحصل فتور او برود لا ممكن يحصل خيانه يعني خيانه الراجل او الست بتيجي من النقطه دي الراجل لو شاف ان الست مش معاه في اكتئابه و حالته النفسيه مع اول طبطبه من حد غيرها بيروح مش بس عشان هو بتاع ستات لا الراجل زي الطفل بيحب الاهتمام و نفس الوضع عند الست هو ده مش مبرر بس بيحصل
أيه……معاك حق
سلامه….و حاجه كمان مهمه قلة التقدير لما المجهود يبقى حق مكتسب ومفيش شكر أو اعتراف العلاقه بتبدأ تموت حتي لو حاجه بسيطه الست بتحب تسمع كلمه حلوه يعني لو عملت اكله حلوه هي بس اللي شايفه تعبت فيها قد ايه و عملتها بحب الراجل بيجي زي الحمار يامل وخلاص مبيقدرش انها وقفت عملت بحب الاكله دي عشانه كانت شايفه انها هتفاجئه بحاجه كبيره وهو قلل منها فا بتوجع نفس الشئ عند الراجل بيفرح اوي لو شاف رد فعل حلو حتي لو جاب شوبن حلويات هي بتحبها احياناً المبالغه في رد الفعل في حجات بسيطه زي دي بتفرق في العلاقه
كمان حاجه مهمه نسيان إن الجواز علاقة مش عقد يعني محتاج رعاية مش بس التزام الجواز زي الطفل بيحتاج اهتمام زي الرزعه طول الوقت عابز رعايه وحد يشربه عشان بعيش و يكمل و ميدبلش هو مش مجرد عقد اتكتب و لا مسؤوليات علي كل واحد من الطرفين في حجات اكبر من المسؤوليات لازم تتعمل عشان العلاقه تستمر من غير روتين و برود فهمتي يا قلبي
ايه….فهمت طيب لو هتقولي نصيحه ليا انا مش ليك انت يعني نصيحه لبنت و انسي خالص انك شريكي في العلاقه دي تقولي ايه
سلامه…..بابتسامه بعني نصيحه لايه صاحبتي
ايه….بابتسامه اه مش ايه حبيبتك يعني اعتبرني هتجوز حد تاني تنصحني بايه
سلامه…..خنقها بهزار بعيداً عن حد غيري دي هقولك ماشي
ضحكت ايه و بعدين مسك ايدها بحب
سلامه….بصي يا ستي عشان علاقتك بجوزك و حبيبك تستمر و تبقي مفيهاش روتين ولا برود و لا فتور و مشاكل اقل لازم تعملي بالكام نصيحه دول اول حاجه
خليكي أنثى او ست بمعني الكلمه مش مديرة بيت بس لا افتكري نفسك قبل المسؤوليات دلعي نفسك و دلعي شريكك خليكي في بعض الاوقات انانيه حافظي علي حلاوه البدايات مش كل حاجه البيت و العيال و المسؤوليات متنسيش نفسك و لا شريكك و تخلي دوامه الحياه تسرقك قسمي وقتك بيتك واكلك و ولادك و مسولياتهم واوعي تنسي نفسك انتي و جوزك حتي لو هتخصصي ليكم ساعه واحده كل يوم
تاني حاجه اختاري معاركك
مش كل حاجة تستاهل نقاش أو خناق في حجات ممكن نعديها و منقفش عندها في حجات ممكن تديها خمس دقايق تفكير يمكن تلاقي انها مش مستاهله او اتفهمت غلط لو وقفتي عند اي مشكله و قلبتيها معركه جايز سوء فهمك ليها يطلعك خسرانه و لما تهدي تقولي ياربتني ما عملت مشكله الموضوع كان بسبط و مش مستاهل.
تالت حاجه الكلام في وقته
الزعل اللي يتسكت عليه بيتراكم ويبقى برود مينفعش اعمل حاجه من غير ما اخد بالي و اسالك تقولي مفيش وتيجي بعدها بكام يوم تقولي اصل حصل وحصل وحصل الكلام في وقته بيختصر كلام كتير و خدي بالك الرجاله مش بتركز في اغلب تصرفاتها فا اتكلمي في وقتها افضل.
رابع حاجه الامتنان اليومي
حتى شكراً بسيطة بتفرق الراجل عبيط يا ايه و فرحه بسيطه من فعل بسيط عملوا بتحسسوا بقيمه الفعل ده و بيكرروا كتير متحسييش الراجل ان ده واجب هو اكيد واجب بس الواجب مع الوقت بيتحول لالتزام و بيحس انه مهما عمل مش بيبقي فارق
خامس حاجه زي ما قولت المقارنة
ما تقارنيش جوازك بحد تاني كل علاقة ليها شكلها كل جوازه ليها ظروفها اوعي تنسي ان الحياه يوم فوق و يوم تحت يوم معانا و يوم مش معانا
سادس حاجه التجديد العاطفي قبل الجسدي الكلمة الحلوة بتهيئ أي حاجة بعدها.
وسابع حاجه والاهم اتعاملي معاه كشريك مش خصم مش مين كسب ومين خسر حتي لو هو اللي طلع غلطان في موقف او مشكله مش طول الوقت تقوليله كان معايا حق شوفت انت اللي غلطت الراجل ليه حته كده مش بيحب انها تتكسر
الجواز ما بيبوظش فجأه يا ايه الجواز بيبرد لما الناس تتعود بدل ما تختار بعض كل يوم يعني بأيدك تخلي يومك يتكرر او كل يوم يكون في جديد فهمتي يا ست البنات
ايه….بابتسامه كنت اسمع يعني عن الوصايا العشر اللي الاب بيقولها لبنته قبل الجواز بس اول مره تتقالي
سلامه….بابتسامه تجنن عارف و لازم تعرفي اني ديما هتكلم معاكي كا اب و صاحب بينصح بنته بكل الحجات اللي تخلي حياتها احسن
ايه…..و انا هعمل بكل نصايحك دي انا بحبك اوي يا سلامه و صدقني انا هعمل كل حاجه اقدر عليها عشان متحسش عمرك بملل او روتين معايا عشان تفضل تحبني زي الوقت مش هتزهق مني و انا مش هزهق منك
سلامه….وانا مستحيل ازهق منك و هعمل كل حاجه تخليكي ديماً راضيه عن علاقتك بيا يا احلي حاجه في حياتي
ابتسمت ايه و حضنتوا و دفنت وشها في رقبته
سلامه….بضحك همسلها هتودينا في داهيه يا جزمه
ايه…..مش مهم اروح معاك في اي حته
سلامه…..اخوكي لو قفشك هينفخك
ايه….مش بخاف وانا جنبك
ابتسم سلامه بحب حط كفه علي راسها وباسها من خدها
سلامه…..طول ما انا جنبك محدش يقدر يزعلك اصلا تعالي لقلبي يا قلب سلامه
حسان…..بابتسامه طيب لو رجع بيكي الزمن و في قرار خدتيه هترجعي تاخدي نفس القرار ده او هتلغيه خالص او تأجليه كنتي هتعملي ايه و ايه هو القرار ده
سلمي….اممم لا هو كتير اوي بص يا حسان انا عايزه افهمك حاجه احنا طول الوقت بناخد قرارات كتير في حياتنا في منها اللي بننفذه فعلاً ومنها اللي بيتأجل و منها اللي بيتلغي انا خدت قرارات كتير في حياتي منخا اللي طلع صح و منها اللي طلع غلط و ندمت عليه في قرارات تانيه بردوا خدتها بس كان قراري فيها التأجيل و بردوا منها اللي اكتشفت مع الوقت ان تأجيلي ليه صح لاني اكتشفت اني لو كنت مأجلتش كنت هغلط و منها اللي ندمت اني اجلته اصلا و في قرارات كتير لغيتها و دي محستش فيها بالندم لاني لما قررت الغيها كان في حجات كتير بتقول انه مش قرارا صح فاهم حاجه
حسان…..فاهم جداً طيب ايه القرار اللي خدتيه و ندمتي عليه
سلمي…..اني اديت فرصه لناس غلطوا في حقي و قولت استني يمكن يتغيروا و ده غلط لان مفيش إنسان بيغير من طبعه بتبقي بتقنع نفسك بحاجه انت مش مقتنع بيها عامل زي الي مستني الشمس تطلع بليل وده مستحيل طبعاً فا قراري في اني استني وادي فرصه كان غلط تضيع وقت وجهد نفسي و عصبي كبير اوي
حسان……طيب فهمت قرار بقي أجلتيه و ندمتي انك عملتي كده
سلمي….اااا بص كان في مره هطلع عمره و بابا تعب انا من جوايا كنت عارفه ان التعب ده عادي مش حاجه كبيره بس كمان حسيت اني لو سافرت هبقي انانيه اوي و بعد ما التحاليل طلع اكتشفت اني كنت صح بس للاسف كنت أجلت فكره السفر و بعدها اتشغلت في حجات كتير اوي و مروحتش من وقتها فا ندمانه اني أجلت القرارا و في نفس الوقت لما بفكر بحس اني مكانش في ايدي حاجه وقتها
حسان…..او يمكن ده حصل عشان لسه ربنا مأذنش مثلاً
سلمي…..يمكن مع ان بابا قالي سافري و روحي و انا اللي مرضتش اوقات اقول لنفسي ربنا مكانش عايزني و اوقات تانيه اقول لا اكيد في سبب
حسان……لا خالص متحسبيهاش كده ده نصيب مش اكتر لسه وقت زيارتك مجاتش متفكريش بالطريقه دي
سلمي…..ده بس لما بسيب عقلي شويه كده يتحكم فيا بس انا واثقه ان لسه مجاش الوقت
حسان…..بالظبط طيب قرار لاغتيه اصلا من البدايه
سلمي….لا كتير مش فاكره اوي بس انا عارفه انه كتير يعني في قرارات كنت بقرر اني اخدها و علي اخر لحظه ارفضها خالص و الغيها و دي بتبقب واضحه يعني انها مش صح
حسان……جميل طيب في قرار خدتيه و جواكي نص مقتنع و نص لا
سلمي…..بصتلوا و ابتسمت شويه اااا ممكن بس اتأكدت منه خلاص
حسان…..يعني ايه اتاكدتي منه
سلمي….يعني اتأكدت ان النص اللي موافق علي القرار ده هو اللي صح
حسان….بابتسامه وايه هو القرار ده بقي
سلمي….بضحكه هاديه لا عادي مش مهم ايه هو المهم انه طلع صح
حسان….رفع حاجبه لا عايز اعرف
سلمي…..بضحك طيب هتزعل
حسان…..ااااااه اوعي يكون قرار ارتباطك بيا
سلمي…..ضحكت و بصت بعيد
حسان….بضحك تعالي هنا بصيلي يومك مش معدي
سلمي….بضحك طيب بص هقولك انت صح انا فعلاً لما ارتبطت بيك كان جوايا نص فيا بيقولي ان ده قرار صح و نص تاني ببقولي انه غلط بس ده كان في الاول والله العظيم يمكن قبل ما نتخطب كمان
حسان…..بابتسامه طيب و ليه كنتي محتاره
سلمي…..مش حكايه محتاره انا من جوايا كنت مقتنعه و عارفه ان انت الشخص المناسب ليا و لشخصيتي و فينا من بعض اتعلقت بيك و مش هنكى اني حبيتك و كان جوايا جزء كبير عايزك في حياتي و في نفس الوقت كنت متردده خايفه يكون القرار ده غلط
حسان…..طيب و الجزء ده عشان فرق السن ولا عشان كنت متجوز و منفصل ولا عشان معايا بنت
سلمي…..ولا حاجه من كل دول يعني السن ده بعيد خالص عن تفكيري عموماً بس انا كنت خايفه مقدرش خابفه يبقب في لينا مشاكل مثلا بسبب طليقتك خايفه حياتك تبقي مضغوطه و متعرفش توفق بيني و بين هنا في النهايه ده غصب عنك وانت اب و اكيد هيبقي غصب عني لو حسيت بإهمال انا قولتلك في البدايه خالص اني اكتر حاجه مش بحبها الإهمال و كنت خايفه اعيش التجربه دي معاك بس مع اول مره شوفت فيها هنا كل ده اتغير جوايا
مع الوقت كنت بتثبتلي ان قراري مش غلط و اني صح اثبتلي انك قادر تفصل بين كونك اب و ان في حد جديد في حياتك يعني كان مجرد قلق مش اكتر كمان كلام بابا معايا في البدايه خالص لما كلمتوا عليك قالي انا مش معترض علي حسان بس انتي هتقدري مش هتضايقي مثلا انه مهتم بنته مش هتغيري من علاقته بطليقته كلامه يومها علي قد ما انا عارضته علي قد ما فكرت فيه
حسان…..طيب و حالياً بصراحه مش بتفكري كده خالص
سلمي….خالص والله العظيم انا واثقه من قراري و بعيداً يعني عن ان ممكن يحصل بينا مشكله او سوء تفاهم بس انا قراري واثقه فيه
حسان….طيب بصراحه و من غير ما تكدبي عليا لما حصل بينا سوء التفاهم علي موضوع ولاده علا و انا عارف ايه اللي كان جواكي كويس محستيش وقتها انك ندمتي
سلمي….بابتسامه اااابص فكره اني اندم علي علاقتي بيك شيلها من دماغك لان قولتلك ده كان في البدايه بس عشان اكون صريحه معاك يعني اني تحس بغيره عليك يا حسان ده شئ طبيعي مش كده ولا انا اوڤر
حسان….بابتسامه لا يا حبيبي مش اوڤر ولا حاجه بالعكس بس المهم ان الغيره دي متتحكمش فيكي لان انتي عارفه اللي فيها كويس يا سلمي بصي يا سلمي انا مش ضد الغيره لا من علا و لا من غيرها انا بس ضد اننا ندخل في مشكله ملهاش وجود احنا اللي بنكبرها و انا مش عايز كده خالص عشان نتخانق مع بعض او بحصل بينا سوء تفاهم لازم تكون حاجه تستاهل حاجه تبقي كبيره فوق طاقتك او طاقتي فاهمه سلمي انا مش عايزك تندمي في يوم علي علاقتك بيا لاني بحبك و شاريكي و يعلم ربنا اني واخد قرار اني اتقي الله فيكي وجود بنتي في حياتي ده شئ طبيعي و لازم اكون كوجود في حياتها و مقصرش بس كمان لازم تعرفي اني عمري ما هاجي عليكي و لا هقصر معاكي عمري ما هرضي اني اشيلك ليله مش بتاعتك انتي لسه صغيره لسه ملكيش تجربه جواز سابقه فا مستحيل بعد ما ترضي بيا وانتي عارفه ظروفي اضغط عليكي بحاجه فوق طاقتك يعني يوم ما تامر كان بياخد المقاسات انتي عارفه اني سيبتاك كل حاجه و كنت عارف انك هتختاري كل حاجه علي مزاجك وانا كنت مبسوط بس اتفاجئت لما اختارتي اوضه لهنا و كمان مهتمه بيها مش هنكر اني كنت مبسوط بشكل مش طبيعي لان ده جه منك انتي مش مني انا فا وجود هنا في حياتيه امر طبيعي و وجودها في حياتك هيبقي برضا منك مش غصب
وانا عارف كويس انك بتحبي هنا بالنسبه لعلاقتي بعلا مش هقولك انها علاقه صداقه بمكن هي حاليا اتحولت للشكل ده بس مش هقنعك بيها لانك ممكن متصدقيش ان بعد الجواز والانفصال العلاقه تتحول لصداقه بس صدقيني هي كده و يمكن علاقتي بيها بقت كده عشان خاطر هنا مش اكتر بنتي لازم تعيش في جو هادي هي ملهاش ذنب تدفع ثمن حاجه انا وامها عملناها الانفصال مش اخر الدنيا بس كمان لما بكون في احترام متبدال تبقي هي دي الحاجه اللي نقدر نقدمها لبنتنا قرار الجواز والانفصال و التسرع اللي حصل مننا ملهاش ذنب فيه مينفعش نقف قصاد بعض لان هي اللي هتدفع الثمن مش احنا فا اتأكدي مليون في الميه ان علاقتي بعلا تربطها هنا غير كده هي متحرمه عليا ليوم الدين فا اوعي تغيري منها حتي لو كانت غيره طبيعيه لان علاقتي بيها حتي الغيره الطبيعيه استهلاك لطاقتك انتي مش اكتر فهمتي يا ماما
سلمي….بابتسامه فهمت
حسان…..انا بحبك يا سلمي و بحبك اوي ودي اهم حاجه عايزك تتاكدي منها
سلمي…..وانا بحبك و بحب هنا و اوعي تفكر اني مضطره اتحمل هنا عشان بحب ابوها انا بحب هنا عشان هي جميله و تتحب بجد يعني هنا مش عيبئ عليا
حسان…..عارف و هي بتحبك و قولتهالك قبل كده هنا عمرها ما اتعلقت بأي حد بسهوله و انها تحبك و تتعلق بيكي كده يبقي لمست في قلبك حبك ليها و الطفل بيحس و هنا مش بس حبيتك انتي بس لا دي حبت بابا و ايه و تامر يعني بنتي بقي ليها عيله جديده بتحبهم و بيحبوها
سلمي….اكيد عموما يعني بخصوص سوء التفاهم ده انا بعتذر تاني و مش عيزاك تزعل و كمان عيزاك تعدي و تتحمل في بعض المواقف كده احنا لسه لنعرف بعض و بنكتشف بعض و اكيد كل ده بدافع الحب
حسان…..عارف يا حبيبي لو عليا انا مش زعلان و مش محتاج اعتذار انا بس مش عايزك انتي اللي تزعلي و تضايقي نفسك بحجات مستحيل تكون موجوده فهمتي
سلمي…..فهمت يا قلبي
ابتسم حسان و باس كفها و كملوا كلامهم
