لقاء كـ،ـ،ـارثي
أميره أسامه
صاحبة البطل الواحد
. البارت المئه 101.
………………………
مصطفي….طيب وانت يا حسان ليه اتأثرت
رشيد….بابتسامه خد بالك انا اتوترت بسببك.
حسان….بابتسامه هقولك يا مصطفي
مصطفي…..ولا اقولك استني بس قبل ما تقول اي حاجه معلش هقاطعك بس انا عايز اسمع ايمي بصراحه عندي فضول اعرف انتي عامله فيهم ايه عشان يحبوكي الحب ده و ليه اثرتي فيهم كده وكمان هعترفلكم بسر هو اللي خلاني عندي الفضول ده ايمي الصبح لما قالتلي
ايمي….بضحك فتان انت
نصطفي….بضحك اه هفتن عليكي بصوا الصبح لما قالتلي علي الخبر والله العظيم فرحت اوي و يمكن من غير زعل فرحت اكتر عشان رشيد يعني بحكم اني اعرفوا اكتر و عارف انه هيفرح بس فرحتلك والله المهم يعني قولتلها خلاص هظبط الفكره و اقولك ظبطت الفكره و قولتلها عجبتها اوي و بعدين قولتلها انا هاخد عشوائي و كده و سالتها تحب ابدأ بمين و اختم بمين فا هي اول حاجه قالتها ليها اني اخلي البنات و اخواتها في الاخر شويه و طلبت مني اخلي ليله و رشيد اخر اتنين خالص
ايمي…كنت عارفه ان ليله لو عرفت في الاول هيبان عليها فا خلتها في الاخر و طبعاً كنت عايزه رشيد اختم بيه
مصطفي…..المهم ظبطنا كل حاجه و جينا بقي علي الرساله قولتلها نوحد الرساله و لا نغير فيها فقالتلي لا نغير فيها قولتلها طيب اكتبها انا بطريقتي يعني حاجه كده تضحك قالتلي تمام بس انا هبعتلك علي الواتس رساله لكلم شخص كده تكتبهم عن لساني طبعاً انا شوفت الرسايل دي قبلكم فا اتاثرت بصراحه و كنت حاسس كده ان في رساله معينه لكل واحد فيكم عشان كده حسيت الرسايل اللي انا كتبتها كانت عاديه اكتر من الرسايل اللي هي كتبتها بنفسها.
رشيد…بضحك عشان معندكش دم
ايمي….بضحك بص يا مصطفي اولاً لو هتكلم عن البنات فا هما اخواتي مش صحابي و اللي عيشتوا معاهم في عائلات و اهالي مش بيقدروا يعيشوا مع بعض انا علاقتنا مختلفه تماماً مفيهاش كرهه او حقد او نفسنه شبه بعض اوي اتجمعنا علي حجات صعب نتجمع عليها باختلاف طبعاً طباعنا يمكن في مننا طباعهم صعبه انا واحده منهم طبعي مش اي حد يتحملوا مع اني ابان سياسيه اكتر منهم بعرف احكم علي الامور بعقل بس هما عارفين اني بسايس كتير لكن لما بتروح مني انسي كلهم بيكشوا فا انا بحترم احتارمهم ليا و علي فكره ملهاش علاقه بالسن يعني انا ممكن مثلا اتلاشي نعيمه و هي متعصبه مش خوف بس عشان احترام للطبع ده عشان مخسرهاش عشان هي بتتحملني لما ببقي جايبه اخري كمان سلمي اوقات لما بتقلب بتلاشي قلبتها و بسايسها حتي ايه اللي هي اصغر واحده فينا ايه دي هي و نادين بالاخص بعتبرهم ولادي
ودي حقيقه بحسهم كده الحته البريئه بتوع شلتنا و للامانه اكتر اتنين مبحبش اجي عليهم لما بجيب اخري بخاف عليهم يعني ممكن اجي علي ليله اوي و علي سلمي و نعيمه بس هما لا بقف و بفرمل مش هيتحملوا قلبتي بس كمان ليهم طلعات و عصبيه بحترمها فا ملهاش علاقه بالسن بس اللي عيشناه سوا كبير اوي اكبر مما تتخيل بالنسبه للشباب ربنا واحده اللي عالم هما غالين عندي قد ايه و اظن ان شعوري تجاههم و صلهم عشان كده مشاعرهم كانت واضحه و فرحتهم كانت من قلبهم بعيداً عن ان انتمائهم الاكبر لرشيد و ده شئ طبيعي لانه صاحبهم زي ما البنات انتمائهم اكيد ليا بس انا واثقه من فرحه الشباب بالخبر ده.
وخليني كمان اقول سبب الفرحه دي و المشاعر اللي انتوا شفتوها واللي حبيت اني اوثقها بڤديو البنات و الشباب و حتي رشيد عاشوا معايا تفاصيل سر محدش يعرفوا حتي اقرب الناس ليا امي و ابويا و اخواتي
بصلها محمود و امنيه بهدوء.
ايمي….انا بعد ما انفصلت بفتره قررت اني مرتبطتش خالص الا بعد ما اتخطي و لما احس اني بحب بجد مش برتبط عشان اتجوز و خلاص و كنان قررت اركز في شغلي و انجح انا و البنات و يمكن قدرت اعمل كل ده الحمد لله بس فجأه لقيت الوقت بيعدي بيا و حلم الامومه بيكبر جوايا و اكيد كلنا عارفين ان الست لو عدت سن معين متقدرش انها تحمل و تجيب اطفال و انا مكانش في حد في حياتي ولا كنت هقدر اتجوز لمجرد بس اني اجيب طفل حتي لو ده حلم بالنسبالي فا وقتها قررت اني اعمل تجميد بيوضات و فعلاً عملت ده
بصتلها امنيه بصدمه هي و محمود
ايمي….بابتسامه ليهم عارفه ان انتوا مصدومين و عارفه كمان انكم ممكن تزعلوا مني عشان خبيت بس كان غصب عني كنت بحاول اتمسك بالامل ده الموضوع كان متعب و مؤلم و مرهق نفسياً و جسدياً و حتي مادياً بس الحمد لله مادياً كنت قادره عليها و مش عارفه انتوا تعرفوا معلومه زي دي ولا لا بس موضوع تجميد البويضات ده صعب في حفظه اول مره خالص عملتها باظت مني لان هي المفروض بتتحفظ في درجه حراره معينه و انا اول مره حطتها في الفريزر و ليله كبيره كده و طبعاً باظت فا عملتها تاني اكتر من مره في اكتر من سن معين كنت بوصل ليه و كنت بحتفظ بيهم في مركز تجميد بويضات موثوق يعني زي تاجير مكان كده او زي ما بتأجروا خزنه في بنك محبتش اقول لاي حد خالص حتي البنات علي فكره مكانوش يعرفوا انا ما قولتش غير لما حسيت ان انا ورشيد شكلنا هندخل في علاقه حقيقيه و كان لازم يعرف عشان هو ليه الحق يقبل او يرفض كمان كنت عارفه ظروفه اللي مر بيها كنت خايفه مقدرش احمل مكنتش عارفه هو فارق معاه الموضوع ولا لا كمان في مره هو قال انه مبقاش يفكر اوي في الموضوع و مش فارقلوا و اتكلم في موضوع السن و حجات كدن كتير بس انا ست و كنت بحلم اكون ام فا كان لازم يعرف ان ده حلم اتمني احققه عشان يبقي عارفه انه لو دخل معايا في علاقه احتمال يعيد نفس المسكله اللي عاشها مع طليقته.
بس فا وقتها البنات عرفوا محبتش اقول لامي و ابويا لاني مهما شرحت عقليتهم مش هتستوعب و هيشيلوا همي و هيضايقوا و احتمال اني تبدأ تدورلي علي عريس فا خليت الموضوع سر و كنت متطمنه جداً اني كل حاجه مخططاها ماشيه زي ما انا عايزه لحد ما حصل اللي حصل في اول الشتاء الكام يوم اللي البلد فيهم باظت و السيول بوظت الدنيا وناس بيوتها اتخربت و شغلهم راح
و للاسف انا كنت من ضمن الناس اللي حلمي اتدمر في لحظه لما جزء كبير بالداتا اللي في مركز تجميد البويضات اتحرق و انهار و باظ و طبعاً الداتا دي مهمه لان كل شخص محتفظ بالبويضات دي معاه رقم و بيانات بتتطابق مع الداتا اللي معاهم
يمكن الجزء بس بتاع الداتا اللي باظ و اتحرق لكن الجزء بتاع التجميد كان سليم فا عشان اعرف ارقام التجميد بتاعتي كان لازم يكون الفايل بتاعي موجود بس للاسف بردوا الامل بتاعي راح لاني فجأه و بدون مقدمات الفايل اللي عمري ما كنت بشيلوا من مكانه كانه اتبخر من بيتي قلبت الدنيا عشان الاقيه مكانش موجود
امنيه….لما كنتي بتدوري و بتقولي في ورق شغل ضابع و انا وماما كنا بندور معاكي كنتي بتدوري علي الفايل ده
ايمي…..بابتسامه هاديه ايوه هو بس طبعاً ملقتش حاجه و كل حاجه ضاعت و عرفت رشيد لاني مكنتش ضامنه ان الحمل ده يحصل كنت متدمره نفسياً الفتره دي حلم الامومه اللي فكرت اني ضمنته و حافظت عليه راح مبقاش قدامي غير اني ادعي او اشوف ربنا هيكتبلي الحلم ده ولا لا بس الحمد لله ربنا كتبلي الفرحه دي و يمكن عشان كده كان باين عليهم التأثر والفرحه و الحب زي ما قولت هما عاشوا معايا تفاصيل كتير اوي
حنان…..يا حبيبه قلبي سبحان الله ربنا مش بيتعاند يا ايمي كان في حكمه من ضياع الورق ده و في الاخر حملتي عشان ربنا عايز كده
ايمي…..صح يا حنون مش هنكر ان مشاعري كانت متلغبطه طول الفتره اللي فاتت شويه احس اني عندي يقين وامل في الله و شويه احس اني معنديش اي امل و حاسه بيأس كنت زعلانه اوي علي الفايل اللي ضاع كنت طول الوقت اقول طب ليه انا تبعت و حاولت بكل طاقتي احافظ علي البويضات دي لان هي الامل الوحيد بس مكنتش اعرف اني هحمل و بالسرعه دي انا حتي يوم ما كانت مشاعري بتتظبط واحس اني في امل كنت بتوقع اني احمل بعد كام شهر بعد سنه بس ديماً توقعاتنا او احلامنا ربنا بيدينا اضعافها.
حنان …ونعم بالله مهما حلمتي تحقيق الحلم بيبقي اكبر من اللي تتخيليه ربنا ديماً عنده الاحسن حتب في تحقيق الاحلام
امنيه….طيب ليه معرفنيش يغني لو مش عايزه تقولي لماما و بابا ليه مقولتليش
ايمي….مكنتش ناويه اقول اصلا مكنتش هتكلم ولولا رشيد دخل حياتي انا مكنتش هعرف اي حد اصلاً
محمود…..بابتسامه مش مهم اي حاجه المهم انك مبسوطه و ان تعبك مراحش علي الفاضي و ربنا عوضك
عمرو…..صح مش مهم اللي فات اصلا اللي فات كان تقيل عليها اوي و بيتهيألي الوقت تقدري تنسيه خالص
ايمي….بابتسامه نسيته اصلاً
مصطفي…..حقك عليا لو خليتك اتكلمتي في خاجه خاصه بس انا والله ما كنت اعرف ان سؤالي هيبقي وراه حكايه
ايمي….لا خالص مفيش سر بيفضل سر يا مصطفي و كمان مبقاش ليه داعي انه يبقي سر اللي كنت بتمني يتحقق حصل و يمكن انهارده اسعد حد في الدنيا مش بس عشان حملت لا عشان شوفت الحب في عينكم كلكم شوفت فرحتكم اللي من القلب
اتصدمت من شعور امنيه بيا انا مزعلتش خالص بالعكس انا اول مره احس انها كبرت و عقلت
امنيه….بابتسامه بالعكس انا كنت هموت واقولك بس لما ماما قالتلي اقتنعت بكلامها قولت استني عليكي شويه يمكن تحملي و الفرحه تبقي اتنين قولت يعدي وقت عشان متفضليش تسألي نفسك انا ليه محملتش وليه الحمل اتأخر كنت عايزه اديكي وقتك مش اكتر لام انا كمان حملت بسرعه فا مكنتش عيزاكي تشغلي بالك مش اكتر
ايمي….و مشاعرك دي لوحدها كفايه عندي و كمان البنات انا مع كل موقف بتحط فيه معاهم بتأكد ان اختياري ليهم كان صح حبي ليهم كان صح مشاعرهم ليا و حبهم عمرها ما كنت مشاعر مزيفه الشباب بجد فرحتهم و مشاعرهم فرحوني اوي و ربنا كرمني باخوات رجاله بجد و جدعان حتي اللي علاقتي بيهم لسه مش بقالها كتير زيك يا حنون انتي و ريهام و مصطفي كمان عدي و سليم بجد فرحتوني اوي
و طبعاً شهادتي في رشيد مجروحه رشيد اللي كان بيطمني طول الوقت و رغم انه كتير اوي حسسني ان موضوع الحمل مش فارق معاه و خرجني كتير اوي من ضغط نفسي رهيب لس كنت واثقه ان الخبر ده هيفرحوا اوي حتب لما عرف ان الفايل ضاع محسسنيش لحظه انه مضايق او فارق معاه اي حاجه
رشيد….بحب وانتي عارفه و متاكده انه مكانش كلام وخلاص انا مكانش فارق معايا غيرك و لحد الوقت مش فارق معايا غيرك فرحت اه فرحت و فرحت اوي و جربت شعور اول مره في حياتي اجربه و مبسوط من قلبي اني جربته معاكي انتي بس كمان انا والله ما كان فارق معايا غير زعلك كنت عايز احققلك الحلم ده باي طريقه عشان بس تفرحي بس انتي عارفه ان الحمل كان اخر حاجه افكر فيها بعلاقتي معاكي انا رميت كل ده وراء ضهري و سيبت كل حاجه في ايد ربنا قولت جات جات مجاتش انا مش خسران لان ربنا رزقني بيكي يا ايمي
ايمي….بابتسامه عارفه يا رشيد و يمكن دعمك ليا ديماً كان هو السبب في اني اخرج من حالتي دي بسرعه فا باختصار عشان مطولش عليكم مشاعر الحب دي يا مصطفي كانت حقيقيه و تأثرهم كان ليه سبب و كلكم الوقت عرفتوا.
مصطفي…..بابتسامه الحمد لله طيب نرجع بقي لحسان اللي انا قاطعته قول بقي يا حسان ليه اتاثرت
حسان…..انا عدت كذا مره اخر جمله دي بعيني كنت فاكر اني بقرأ غلط مش مركز متأثر باللي قرأ قبلي لحد ما قولت لا انا بقرأ صح اتصدمت صدمه كبيره بس صدمه تفرح اولاً فرحة قلبي بايمي متتوصفش اختي الغاليه اللي بحبها اوي الجدعه اللي تستاهل اكتر من كده بكتير فرحتها عندي كانت كبيره لنفس الاسباب اللي قالتها لان مش سهل عليها التجربه دي خالص فا فرحتلها عشان ربنا عوضها وفرحها.
ايمي….بابتسامه حبيبي يا حسان
