لقاء كـ،ـ،ـارثي
مصطفي…..بضحك استنوا بس يعني ايه رجاله منسونه مش تمام يعني
ليله……والله ياريت كنت هديهم عذرهم و اعتبرهم من جنس حوا و مش همد ايدي عليهم بس دول شباب المفروض انهم محسوبين علي الرجاله يعني
ضحكوا كلهم علي منظر عشري و هو باصصلها.
سليم…..طيب قولي موقف واحد يا ليله
ليله….بضحك حطت ايدها علي وشها لا هو بصراحه مواقف يا سليم
مصطفي….قولي واحد منهم عشان نتعاطف معاكي يا كوريا
ليله…..بضحك لا انت كده عايز تطلع مسرح انت وايه الحيوانه
ايه….بضحك والله لايق عليكي
مصطفي….استني بقي هنتضرب قولي يا ليله
ليله…..اممم يعني مره ضربت شاب في الشارع ركنت و نزلت اجيب حاجه من محل فا كان واقف و معاه واحد صاحبه وهو عاكسني
مصطفي…..نهار اسود هو اللي بيعاكس بيتضرب
ليله….يا ابني مش كده في معاكسه تعديها و تعمل نفسك عبيط و في معاكسه مؤذيه يعني لما ابقي ماشيه و يعاكس بطريقه مش تمام و يقول لفظ انا المفروض اسكت يعني خلينا متفقين ان اي معاكسه البنت بتفرح بيها
عشري…..بضحك نعم يا اختي
ليله…..بضحك اقصد ان البنت عموما بتحب تسمع كلام حلو معاكسه حلوه ممكن تعديها يعيني بتحس بانوثتها
ايمي….البلطجي هينفخك
نعيمه….لا هي تقصد في العموم
ليله….. بس اني يتقالي الفاظ لا طبعاً دي كده مش معاكسه فا مسكته ضربته
مصطفي…..ضربتيه ضربتيه
ليله…..اه والله العظيم ضربته و صاحبه كان بيحوش و خافوا لما الناس اتلمت
عدي….بضحك طيب مش بتخافي انه حد يمد ايده عليكي
ليله….مبفكرش بقي وقتها لما بتعصب بفقد اعصابي و بالذات لو اللي قدامي مش محترم
مصطفي…..طب حصل حد مد ايده عليكي
ليله….اه مره و دي قبل ما امد ايدي اصلا يعني هو لما اتجرأ ندمت امه كنت عندي شغل و البنات كانوا مستنيني في الداون تاون فا انا قربت عشان اركن العربيه هو كان شاب طول بعرض و باين عليه انه كلاس اوي من لبسه و عربيته بس صايع فا هو كان هيركن قبلي بس والله ما خدت بالي انه هيركن في نفس المكان مكنتش مركزه و حد من البنات وقتها كان بيكلمني فا مكنتش مركزه
نعيمه…..بضحك انا اللي كنت بكلمها
ليله….اه نوني المهم دخلت علي طول لما لاقيت مكان فاضي ركنت و كنت سايبه الموبايل علي الاسبيكر عادي و بكلمها و بقفل العربيه بقي عشان انزل فا سمعت صوت كلاكس كتير بصيت في المرايا و طنشت قولت اكيد مش ليا يعني خدت شنطتي و لسه هسحب الموبايل عشان اقفل مع نعيمه و احطه في الشنطه لاقيت الحيوان ده بيخبط علي الشباك جامد كان هيكسره و بعدين تحس انه كان متعصب فا فكر بقي انه هيطلعوا عليا
رشيد….بضحك بلطجيه
ايمي….بضحك بلطجيه دي قلبت الدنيا
ليله…..نزلت الشباك و بصتلوا لاقيتوا بيقولي بصوت عالي انزززززلي بصتلوا ببرود و فتحت الباب و نزلت اشوف ماله قبل اشتمه علي الخبط ده فا قولتلوا انت بتخبط كده ليه علي العربيه فا هو فكر اني كيوت بقي فا قالي هو انتي عاميه مش واخده بالك من الحمار اللي واقف و داخل يركن و خدتي مكانه قولتلوا انت بتقولي انا انتي عاميه فا خبطني بضهر ايده في كتفي قالي اه عاميه كملت بضحك و عينك ما تشوف الا النور بقي
فضل…..بضحك ضربتيه بجد
ليله…..ضربتوا انا دمي فار اصلا بمجرد ما مد ايده حسيت اني شايفه كل حاجه سوده ضربته في مناخيره الاول و كلتوا قلم و مش فاكره الباقي بقي انا لما استوعبت لاقيت البنات جنبي و الامن حواليا و الواد بينزف من مناخيره
نعيمه…..بضحك كان في قاموس شتايم مجاني و فرجت علينا الدنيا و الواد مضروب قدامها و دي راسها والف سيف تعمل محضر
حنان….والله جدعه
مصطفي…..طب مسبتيش الامن ليه يتعامل يعني ليه منادتيش علي الامن
ليله…..امن وانا هستني الامن يجيب حقي بقولك مد ايده عليا انت عارف لو نزل من عربيته بهدوء و قالي انا واقق عشان اركن والله هعتذر و اسيب المكان و امشي بس طريقته اصلا مستفزه خبط علي الشباك و بيقل ادبه و كمان بيمد ايده علي بنت عرف بقي البنت عملت فيه ايه
عمرو…..طلعتي شريره يا ليله
ليله…..والله مش شريره انا مبحبش المشاكل بس لو حد قل ادبه مش هقف ساكته و بعدين ده مش طبعي اصلا اني اخاف واكش ليه يعني انت منسون هتاخد علي عين امك
عشري…..بس بطلنا احنا الخناق ده صح
ليله…..بضحك علي حسب بقي
عشري….بضحك لا مفيش علي حسب
حسان….بص انا ضد ان البنت تقف تتخانق في الشارع بس بصراحه في اشكال بتضطر ان البنت تدافع عن نفسها
ليله…..يا حسان المشكله ان في رجاله و شباب بيفكروا ان البنت ضعيفه و اي حد ممكن يجي عليها و تسكت او تخاف بس لا هما مش عايشين في الدنيا لوحدهم المحترم يحترم بس قليل الادب يتهزق عادي و يتقل منه عشان بعرف ان الله حق
سلمي….بضحك ليله فاكره خناقه السوبر ماركت بتاعت نادين
ايه….بضحك لا بلاش
نادين….بابتسامه انتي فيكي انهارده
عسال….ايه خناقه السوبر ماركت دي
بصت ليله لنادين و ضحكت
نادين…..لا مفيش حاجه
عسال….بابتسامه لا قولي
ليله…..بضحك مره كنا في رمضان
نادين….ليله اسكتي متسمعيش كلامها
عسال…..لا انا عايز اعرف بقي
نادين….انت متحنس كده ليه اكيد مش انا اللي اتخانقت
عسال…..طب خليها تقول
ايمي….مش ده المتحرش
حطت نادين ايدها علي وشها وضحكوا كلهم
عشري….متحرش ازاي
ليله….بضحك بص كنا قبل الوقفه بتاعت رمضان بيوم يعني بكره الوققه فا نزلنا مع بعض انا و سلمي و ايه و نادين نشتري طلبات لرمضان و سحور و الجو ده يعني فا الماركت كان مش زحمه كان علي بعضه اشترينا حاجتنا كلها و كله تمام و كل واحده فينا معاها عربيه جيبنا حجات كتير اوي و الكاشير عليه طابور فا انا كنت قدام و ايه و سلمي ورايا سلمي واقفه بالعربيه ورايا علي طول وايه حاطه العربيه بتاعتها جنب عرييه سلمي و واقفه جنبها بترغي معاها و نادين وراهم لوحدها كنت واقفه العب في الموبايل بسلي نفسي لحد ما الطابور يخلص وفجأه ركزت علي صوت سلمي عماله تقول براحه طيب قوليلي مالك؟ طيب بتعيطي ليه و ايه تقولها في ايه طيب انتي تعبانه
سكتت ثواني و فضلت تضحك هي و سلمي و ايه و نادين و شها احمر و عماله تضحك و تخبي وشها
ليله…..المهم بصيت بسرعه لاقيت نادين وشها احمر و الدموع مغرقه وشها و من كتر ما هي خايفه مش بترد و هما صوتهم اصلا واطي فا اتخضيت قربت منهم و بصتلها و سالتهم في ايه قالوا مش عارفين يابنتي مالك يهديكي يرضيك لحد ما قالتلي ليله الولد اللي ورايا قليل الادب هو و صحابه
خبت نادين وشها و فضلت تضحك
حسان….ضربتيه
سلمي….بضحك ضربته ده الماركت كله بقي واقف يتفرج علينا كانهم بيتفرجوا علي فقره اعلانيه و كان في شباب محترمين والله ضربوا مع ليله الشباب و الامن جه بسرعه و من يومها اتشهرنا في الماركت كله عارفنا هناك بفضلها
رشيد….والله جدعه
ايه…..بضحك انا كنت شايفه واحد منهم ليله عماله تحدفه علي الرفوف و الحاجه تقع كان في فيلم اكشن حاصل
عسال…..طب وانتي واقفه تعيطي بدل ما تديلوا بالقلم
ايمي…خد بالك نادين ملهاش في الجو ده و بتخاف جداً و بتتوتر
سلمي….هو عموما خد علقه من ليله و الشباب هو وصحابه اكيد تابوا بعدها و الامن اصلا خدهم كمان
ايه…..احلي حاجه في الموضوع انهم حاسبونا بسرعه بدل الطابور الطويل ده
سلامه…..بضحك ده اللي هامك
ليله….بضحك علي فكره قالتها يومها والله كويس ان الخناقه حصلت عشان الطابور كان طويل
حنان…..والله جدعه يا ليله في مواقف زي دي البنت مينفعش تخاف فيها عشان اللي قدامك ميتماداش
فضل…..صح انا مره ضربت شاب عمل كده مع بنت بردوا و كانت عماله تعيط و واحده كبيره عناله تقولها مالم فا سمعتها بتقولها ان الولد اللي وراها بيلمسها مسكتوا طحنتوا ومقدرش ينطق
رشيد….بيبقوا خوافين علي فكره يعني المفروض البنت متخافش ولا تتوتر
سلمي…..بضحك بعد ما خرجنا ليله فرجت الدنيا علي نادين بره
حسان…..طيب وهي مالها
ليله…..ماهي حاجه من الاتنين يا حسان لو سكتت هيفهم انها يا خايفه فا هيتمادا يا اما الوضع عاجبها فا بردوا هيتمادا اضعف الايمان خالص لو مش هتعرف تضربه ولا تشتمه انها تتكلم او تعلي صوتها عشان اللي حواليها يساعدوها
عسال……صح يا ليله
ايمي….بس في بنات بجد من كتر ما بتتوتر مش بتعرف تطنق في بنات بتتصدم من الموقف فا اللي بيجي عليها انها تسكت
عشري…..لا بس ده مش صح المفروض تاخد رد فعل وزي ما ليله قالت علي الاقل تعلي صوتها عشان اللي حواليها يساعدوها
مصطفي…..بس انتي كده مش شريره يا ليله هنا اللي عايزين الحرق
ليله…..شوفت بقي مفيش بنت في الدنيا بتحب انها تقل من نفسها خصوصا في الشارع بس لو الامر اضطرها لكده لازم تتعامل
ايمي……بابتسامه انتي فاتتك خناقه ميدو في المستشفي يا ليله كانت عيزاكي والله
ليله…..بضحك اه والله بس سمعت ان ميدو وسلامه و مصطفي طلعوا مواهبهم
عسال…..بضحك انا مش بتاع خناق والله بس اتخانقت عشان نعيمه
ايمي…..انا اتصدمت فيهم والله يا ليله و في ميدو بالاخص يعني مصطفي مكنتش اعرف اوي شخصيته و سلامه ممكن اتوقعها منه شويه بس ميدو مستحيل ميبناش عليه سحبوا سحبه كان نفسي تسمعيها
ليله….بضحك و الله جدعان
عسال…..بضحك غلط في امي نسكتلوا
ليله….بضحك لا طبعاً بس فاتتني انا السحبه دي
مصطفي…..طيب في بنت منكم اتخانقت في الشارع قبل كده او ضربت حد.
ليله….استني دي فرصتي اطلعهم مسرح نادين مستحيل تتخانق و خوافه و اصلا لو صادف واتخانقت وهي معايا بتقف بعيد تستناني اخلص و ارجعلها ودي اول عره معانا لو موت قدامها اخرها تعيط
ضحكت نادين وكلهم فضلوا يضحكوا
حسان….طب انتي مستنيه ايه من نادين هي كيوت في العادي ملهاش في الخناق
نادين…..مش بعرف ولله يا حسان وبعدين ماشاء الله ليله مش بتحتاج خد معاها
ليله…..لا بس خد بالك لو في مشكله او حد بيقل ادبه بالادب بتعرف تقل ادبها بالادب بردوا يعني بتسمع كلام باحترام بس في الجون
نادين…..اخيراً قالت في حقي كلمه عدله
ليله….عدي الجمايل يا واطيه عشان تعرفي اني اجدع منك المهم سلمي ممكن تخسرني خناقه يعني بتشتم بالادب تفضل تقول يا حيوان و ياقذر و ليله كدددده مش ماشيه مع الخناقه
سلمي…..بضحك مش بعرف اشتم طيب اعمل ايه
حسان……بضحك بتخسريها
ايمي….دكتوره محترمه بتخاف علي بريستيچها
ليله…..بضحك لا هي بجد مش بتعرف تشتم و لا تضرب يعني شبه نادين كده شويه
رشيد…..طيب ايمي يا ليله
ليله…..بضحك بص هي ايمي ملهاش في الشتايم
عشري….نعممممم دي لسانها اطول منها
ليله…..بضحك لا والله معانا بس لكن هي بنت ناس خد بالك
ايمي…..بضحك خد بالك انا بتكسف
عشري…..بضحك غمزلها و حياة امك
