لقاء كـ،ـ،ـارثي
مصطفي…..بضحك لا وانا كنت حاطت ايدي في جيبي فا ملحقتش اطلعها عشان اسند
ليله….بضحك انت منحوس يا مصطفي
مصطفي….اوي والله المشكله ان هي ماتت علي نفسها من الضحك بنت الجزمه
ماتوا من الضحك عليه و رشيد وعشري كانوا فاصلين من طريقته وهو بيحكي
نعيمه….بضحك مخلتهاش تشوف وشك تاني اكيد
مصطفي…..بضحك ياريت ما انا بجح و مش بحرم مره تانيه بردوا حبيت الفت نظرها كانت داخله دماغي بصراحه فا قولت اتعلم من اخطائي بقي محطش ايدي في جيبي و اخلي بالي و مش هنط تاني و لا اعمل فيها روش فا مره تانيه كنت مقرب عليها و حاطت السماعات في ودني و ماشي كده و رايح ناحيتها و علي حظي الاسود جالي شد عضل في رجلي وقفت مكاني مش قادر اتحرك هموت و الدكتور داخل بعربيته هو مش شايف و لما لمحني مش يهدي بقي لا بيديني كلتكس علي اساس اتحرك و انا مش عارف طبعا كان قرب و معرفش يفرمل غير لما لمسني و كيرني علي الارض و الملحد نازل يكمل تهزيق و يقولي يا حماااار مكفهاوش الكسفه اللي انا فيها لا بيكمل عليا قدامها
ماتوا من الضحك عينهم دمعت
ليله….بطني وجعتني والله
حسان….بضحك موعود محستش ان الموضوع مش نافع
مصطفي……ما انا غبي كان بيحصل اشارات كتير اوي ترجعني لعقلي بس مكنتش بحرم
رشيد….طيب مغيرتش البنت
مصطفي….بضحك غيرتها في مره كان معانا بنت صوتها حلو اوي و كنا عاملين جروب كده شله يعني بنات و ولاد ودي كانت اول سنه ولسه بنتعرف علي بعض و بنحاول اننا نعمل صحاب عشان منبقاش عاملين زي اللي لسه جايين من المدرسه و طبعا اللي اكبر مننا كانوا بيشتغلونا المهم في الجروب بقي عاملين يتكلموا و الشباب تفرد عضلاتها قدام البنات عشان يعلقوهم و هي قالت ان صوتها حلو واحد قالها طب سمعينها يلا غني هوب قامت مغنيه قولت بس حلو ده اثبت نفسي فا قولت لميدو يغني اغنيه معينه كده بصوته و يبعتهالي المهم قولت انا كمان صوتي حلو وبتاع طب يلا ياعم غني و هي قالت ايه ده بجد طب سمعني و حوار فا بعتلهم الصوت علي انه انا طبعا مبهورين ايه الجمال ده ايه الحلاوه دي فضلت مزنوق في الكدبه دي حوالي شهر و طبعا كل شويه اقول لميدو يسجلي و هو يا عيني مش فاهم حاجه لحد ما قعدنا في مره في الكليه و بنهزر وبتاع و القاعده اتحولت لقاعده فنيه و هووووب يلا يا مصطفي غني و انا اقولهم لا مش قادر تعبان و يتحايلوا عليا و انا مش عارف اعمل ايه فا هي بقي قالتلي عشان خاطري يا مصطفي مقدرتش اقاوم صوتها الشتوي قالتلي عشان خاطري
ايمي….بضحك لبست طبعاً
مصطفي….بضحك لبست القاعده بعد ما كانت فنيه بقت قاعده مسرح و اتفضحت طبعاً حاولت اقنعهم ان صوتي تعبان بس خلاص فضيحتي بقت بجلاجل
عشري…..انت ملكش في موضوع الارتباط يا مصطفي اسمع مني انت نحس
مصطفي…..بضحك لا ما انا عرفت خلاص اقتنعت اخيراً
فضلوا يضحكوا و يهزروا و يحكوا مواقف كتير و بعد وقت بسيط اللي طلع ينام و اللي خدوا جنب مع نفسهم .
……………….
خد رشيد ايمي في حضنه و باس راسها بحب و بعدين حط ايده علي بطنها بسعاده رهيبه بصتلوا ايمي و ابتسمت
ايمي…..لسه مش مصدق
رشيد….بضحكه جميله انا مخضوض يا ايمي مش مصدق ان هنا فيه حته مني و منك كل يوم هتكبر شويه
ايمي….ولا انا نفسي الوقت يعدي بسرعه و احس بحركه بجد
رشيد….هتحسي يا عمري و بطنك هتكبر وهتبقي قمر
ايمي …بابتسامه طيب قولي حاسس بايه
رشيد….مش عارف بس مشاعر غريبه متتوصفش يا ايمي فرحان مبسوط علي متاخد ومخضوض ببتسم زي العبيط بفكر يا تري ولد ولا بنت طيب فاضل قد ايه و يبقي معانا هنروح امته نشوفه كده يعني
ايمي…..طيب عايز بنت و لا ولد
رشيد…..مش فارق يا ايمي المهم اني هبقي اب هيبقي عندها كائن صغير كده مجنني انا وانتي لو بنوته اتمني تاخد كل ملامحك و بالاخص عيونك و لو ولد كمل بضحك يعني معنديش مشكله باخد كل شكلك بس يكون اطول
مسكت ايده عضته وهي بتضحك
رشيد….بضحك ااااه يا عضاضه
ايمي….بدانا تريقه
رشيد….لا والله انتي روحي طيب قوليلي انتي حاسه بأيه
ايمي….حاسه بكل اللي انت حاسس بيه حاسه اني بحلم و خايفه اصحي من الحلم عايزه الوقت يعدي عشان اصدق اني بجد حامل مبسوطه اوي و حاسه بسعاده عمري ما حسيت بيها مش فارق معايا بنت ولا ولد اكيد كل اللي يجبوا ربنا كويس المهم يكون سليم و ضحته كويسه وبس
رشيد….يارب انتي عارفه وانا بقرا الرساله قلبي بقي يدق بسرعه حسيت اني في صدمه طولت شويه معايا حتي وانا واخدك في حضني و بتعيطي مش مستوعب و يمكن اكتر حاجه اتمنيتها كان نفسي اشوف رد فعلك اول ما عرفتي
ايمي…..بضحكه تجنن كنت بموت يا رشيد مفيش حته جسمي مكانتش بتترعش تلجت قلبي من كتر مادق حسيت انه هيقف بقيت واخده الاختبار في حضني وعماله اعيط و اتخيلك لما تعرف كنت مبسوطه اوي بجد
رشيد….بحب باس راسها يا عمري انتي انتي احلي مامي في الدنيا يابختهم بيكي
ايمي….حركت مناخيرها في خده يابختهم بيك انت
رشيد…..يا بختي بيكي يا ايمي انتي مش تخيله وجودك في حياتي بجد عمل ايه انتي مش مجرد عوض انا بسببك انتي هبقي اب لاول مره ودي لوحدها كبيره اوي
ايمي….عد الجمايل بقي ايام بس لما يوصل او توصل بالسلامه كده متركنش علي الرف
رشيد….عمرك ما هتبقي علي الرف انتي بنتي الكبيره فرحتي الاولي انا لو هحبهم يا ايمي مش هحبهم بس عشان ولادي لا انا هحبهم اكتر عشان منك انتي و ده مش كلام ايمي انا حبيتك كأني اول مره حب لما اتجوزتك حسيت اني اول مره اتجوز كل حاجه عملتها معاكي كنت بعيش مشاعرها لاول مره بالشكل ده معاكي و اوعي تفكري اني زي اي راجل بيقول كلمتين حلوين للست اللي معاه عشان يثبتها انتي عارفه كويس ان مشاعري من كل اللي بقولوا ده حقيقيه
ايمي….بحب عارفه
رشيد….ايمي انا معاكي و في حضنك حسيت اني اول مره المس ست حسيت برجولتي معاكي انتي حبك و جنانك و كلامك و دلعك و شخصيتك مختلفين تماماً حضنك لوحده مختلف يا ايمي في حضني ست بجد بحبها و بتحبني و الله العظيم يا ايمي والله العظيم ما كان فارق معايا الحمل و الخلفه و مكنتش حاطتهم في دماغي اكيد كنت بتمني بس مكنتش مركز معاهم لامي كنت عايزك انتي اكتر ولو كنت بفكر في الموضوع فا ده عشانك انتي عشان كنت عارف ان فارق ليكي اوي بس لما حصل و عرفت انهارده حسيت ان كده حياتي كملت حبيت و اتجوزت اللي بحبها و كمان كانت سبب في اني اعيش مشاعر اتحرمت منها فا متخيله بقي حبي ليكي بقي عامل ازاي الوقت
ايمي…..بابتسامه تجنن بصت في عينه متخيله عشان انا انهارده بحبك اضعاف حبي ليك كنت فاكره اني هفرح بالحمل عموما بس فرحتي اكتر انه منك انت
رشيد….بابتسامه غمزلها مش قولتلك هنحاول كتير و هعملها اي خدمه
ايمي…بضحك كان معاك جربنا و نجحنا
رشيد…..بضحك لا دي قدرات بقي انا قولت البريود مش هتعتب البيت ده خالص
ايمي….بضحك و اهي معتبتش وخافت منك
رشيد…اسمعي بقي يا ست الستات من انهارده مش عايزك تعملي اي حاجه لا تتعبي نفسك و لا تتحركي
ايمي….بابتسامه لا مش للدرجادي انا مليش في دلع الحوامل ده
رشيد….انا هدلعك و هدلع القمر اللي في بطنك ده و معلش بقي انا واحد ربنا كرمه وخلاه اب و انا لازم امارس دوري ما اب كويس و لازم احافظ عليه من قبل ما يجي
ايمي….ااااه قولتلي مش بقولك شكلي هتحط علي الرف يعني حضرتك بتحافظ عليه مش عليا
رشيد…لا انا هحافظ عليكم انتوا الاتنين و بعدين انا هدلعك وانا بحافظ عليه عايزه ايه تاني هنبتدي غيره
ايمي….اممممم ماشي بس مش اوي كده انت عارف اني عندي فرط حركه و مليش في القاعده اوي
رشيد…لو. بتحبيه هيبقي ليكي في القاعده لو خايفه عليه لازم نلتزم و اكيد هنشوف الدكتور هتقول ايه و اكيد اكيد هنبطل سجاير وقهوه
ايمي….اااااااه دي اكتر حاجه شايله همها
رشيد…مش عايزه تبقي مامي دي ضريبه الامومه يا قلبي ضحي بالحاجه اللي بتحبيها عشان تحافظي عليه صح ولا غلط
ايمي….اكيد
رشيد….سؤال بقي و نجاوب بصراحه الدواء بتاعك خدتيه كتير بعد الجواز من ورايا
ايمي….كام مره مش كتير اوي والله بس مش فاكره قد ايه
رشيد….طيب احنا لازم نعرف الدكتور عشان نتطمن بس احنا متفقين يا ايمي و حياتي عندك انا والقمر اللي في بطنك ده اوعي تاخدي من ورايا تاني
ايمي…..وغلاوتكم عندي ما هقرب منه تاني و متقلقش انا هبطل اي حاجه تاذيه ده حلمي اللي مستنياه يا رشيد يعني متقلقش مش هأذيه
رشيد….وانا كمان مش هشرب في البيت خالص اي سيجاره عشان متتعبيش اتفقنا
ايمي….انا بحبك اوي
رشيد….وانا بموت فيكي يا ايمي و نفسي الوقت احضنك حضن اكسر عضمط بين بس حرام في كائن صغير مش هيتحمل
ايمي….بضحك هتعرف تشيلوا بقي ولا هتبقي زي الرجاله الخايبه
رشيد….بضحك اكيد هبقي زي الرحاله الخايبه طيب بذمتك الطول والحسم ده يعرف يشيل بيبي اخاف والله امسكوا غلط ولا اضغط عليه بس اكيد هحاول
ايمي….هتبقي جميل اوي يا رشيد
رشيد….بابتيامه تجنن انتي اللي هتبقي قمر و انتي شيلاه
ايمي….هو انا لسه موصلتش للتخيل ده لاني مش مصدقه بس نفسي المسوا ونفسي نرجع بسرعه عشان اعمل التحليل و اتاكد اكتر
رشيد….اكبد بكره مش هنلحق وهنرجع تعبانين خليها بعد بكره ايه رايك
ايمي…..تمام صحيح فكرتني زوزو يعني كانت بتقول هنرجت علي بليل وهنبقي تعبانين من السفر و قالتلي اقولك نبات عندهم ايه رايك
رشيد…اللي انتي عيزاه يا عمري اللي يريحك
ايمي….لا اللي يريحك انت انا قولتلها هقول لرشيد الاول
رشيد….من غير ما تقولي يا عمري المهم اني معاكي مش هتفرق وبعدين عشان نفاجئهم
ايمي….بابتيامه هيفرحوا اوي مش كده
رشيد…اكيد ده حماده و زوزو هيعملوا فرح و لسه لما امي وابويا و اميره يعرفوا
ايمي…..انا مبسوطه اوي
رشيد….والله يا ايمي ما قدي انا مبسوط اوي و فرحان و حاسس اني اسعد راجل في الدنيا
ايمي….يارب ديماً يا عمري
ضمها بحب وباس راسها و هي غمضت عينها بسعاده.
………………
اللي كان لسه صاحي منهم قعد شويه و بعدين طلعوا عشان بجهزوا شنطهم و يناموا عشان الصبح المفروض هيجي السواق.
دخلت ايمي و ثواني بالظبط و طلعت وراها ليله خبطت و فتحت الباب بصتلها من بره بضحكه تجنن
ايمي….خير يا بلطجيه
ليله….ينفع البلطجيه تجهزلك الشنطه عشان متتعبيش
ايمي….بضحك عشان متعبش و لا عشان اللي في بطني يا واطيه
ليله…..دخلت و هي بتضحك عشان اللي في بطنك قلب خالتها من جوه
ابتسمت ايمي و حضنتها
ضمتها ليله اوي و باست راسها
ليله….يا فرحة قلبي بيكي
ايمي…..بابتسامه مرعوبه اكون بحلم يا ليله
ليله….يابت انتي ايه اللي جرالك هرموناتك مش جايه مع الجواز ليه مش لاقيه حاجه تنكدي بيها علي نفسك حلم ايه ما انتي قدامي اهو ارزعك قلم يفوقك يعني حامل يا ايمي و كلها كام شهر و تبقي شبه الكوره
ايمي….بضحك هبقي مسخره صح
ليله….بضحك اخاف اقولك اطلعك مسرح و يجي الدور عليا منزلش منه
ايمي….بضحك و الله قدمي السبت بقي عشان تلاقي الحد
ليله…..هتبقي زي القمر في كل حالاتك و هتبقي موزه بس و حياتي عندك بلاش هرمونات ولا نكد افرحي يا جزمه و بطلي تخوفي نفسك و تفضلي عايشه في قلق كده علي طول
ايمي….ماشي بس بشرط
ليله….عيوني
ايمي…..عيزاكي تيجي معايا بعد بكره هروح انا و رشيد للدكتوره عارفه انك اكيد من بعد بكره انتي و عشري هتتسحلوا في الحجز و الفستان و تجهيز الفرح و تجهيز باقي لبسك و حاجتك بس انا محتجاكي
ليله…..الفرح و الفستان و هدومي و اي تجهيز تحت رجلك ولو مشغوله افضالك و انتي عارفه كده كويسه بس انا بقول يعني اول مره روحي انتي و رشيد و فرحيه و افرحي معاه و تبقي ذكري حلوه ليكم زياره اول مره للدكتوره و بعدها انا معاكي كل شهر قولتي ايه
ايمي….ياستي يعني هي مش هتبقي ذكري لو مجتيش معايا دي هتبقي احلي
ليله….والله العظيم عارفه بس عشان جايز رشيد حابب يفرح بيكي بطريقته خليكي رومانسيه يا واطيه احمل انا بس و مش هعبرك
ايمي….بضحك كدابه اراهنك
ليله….اممم ماشي بس يعني روحي اطمني و المره الجايه هبقي معاكي اتفقنا
ايمي…لا متفقناش عيزاكي معايا و حياتي عندك
ليله….بابتسامه حب ضمتها تاني و باست راسها حاضر اللي انتي عيزاه المهم انا عيزاكي مبسوطه بس و خدي بالك الفتره الجايه علي الاقل اول ثلاث شهور نخف تنطيط شويه و سيبك من المطعم ارتاحي علي قد ما تقدري
ايمي…..اسيب المطعم لمين يا ليله ما انتي عارفه سلمي في شغلها ايه في شغلها نادين معاها شغل كتير و نعيمه ملهاش علاقه بالمطعم اصلا لا تفقه فيه شئ و من البدايه قالت ابعدوني عن اداره اي حاجه
ليله….انا هشيل عنك
ايمي…ليه مش ناويه تتجوزي
ليله….لا ناويه بس يادوب اجازه الجواز و هنزل المطعم و عشري هينزل شغلوا و من هنا لحد ما اجازه الجواز تخلص البنات يظبطوها مع بعض بس انتي ترتاحي خالص عايزين نحافظ علي البيبي يا ايمي علي قد ما نقدر مش عايزين نعمل اي حاجه تأذيه لحد بس ما الحمل يثبت و بعدها يا ستي هنظبط مع الدكتوره و ابقي اتحركي براحتك
ايمي…طب افرضي بقي انتي حملتي بعد الجواز علي طول بردوا مش شايفه ان ده هيبقي مشوار عليكي
ليله….ياستي اتجوز بس و نشوف بعدها هيحصل ايه هنلاقي حل اكيد بس وحياتي انتي ترتاحي اول ثلاث شهور دول علي الاخر انتي عارفه اني انا مش بحب ابقي رخمه في الكلام بس عارفه انك هتقبليه مني يمكن انا مفتحتش معاكي موضوع الحمل ولا لمحتلك عليه من بعد الجواز عشان موتركيش و حتي لما سالتك من كام يوم مالك مرضتش اضغط عليكي و فهمت انك مضايقه بسبب كده صح
ايمي….صح وعارفه انك فهمتي ان الموضوع مأثر عليا
ليله….طيب انا مش عايزه اضايقك بس ده اول حمل ليكي و لسه منعرفش انتي حملك رخم و بيحتاج راحه ولا عادي لسه منعرفش انتي هتحتاجي راحه وقاعده ولا ممكن تتعاملي كمان دي فرصه كنا مستنينها تحصل عايزين نحافظ عليها ايمي لا ولا انتي صغيرين يعني اللي فينا تحمل لازم تخافظ علي الحمل ده اوي لان بما انك حملتي الحمد لله فا هليني اقولك اللي انتي كنتي خايفه منه فرصتنا بتقل مع الوقت يا قلبي و انتي ربنا كرمك يعني لو الدنيا هتقوم و مش هتقعد قدامك ولا تسالي هتمي بس بنفسك واللي في بطنك واحنا علينا كل حاجه ومتقلقيش يعني يجي بس الدور عليا هطلع عينكم معايا اتفقنا
ايمي…..بحب انا مش بحبك من فراغ يا ليله ربنا يخليكي ليا
ليليه…و يخليكي ليا يا قلب اختك قربت من بطنها وابتسمت و يخلي القمر ده لينا يارب باست بطنها بحب
خدي بالك لو جات بنت انا وانتي هنبوظها هتكلع رقاصه
ايمي….بضحك بتقولي فيها انا عارفه انك هتبوظيها
ليله….تيجي بس بالسلامه و هندلعها احلي دلع
ايمي….يارب يا لولي
ليله….يلا انا هظبطلك بقي الشنطه و بعدين هسيبك تنامي و اطلع انا اعمل الشنطه بسرعه و انام
ايمي…ماشي بس خدي بالك هتعود انا عالراحه
ليله….بضحك معاكي تسع شهور اعملي فيهم اللي انتي عيزاه بعد كده هطلعوا عليكي
ضحكت ايمي و فضلوا يضحكوا و بتكلموا شويه خلصت حاجتها كلها و سابتلها طقم مريح تسافر بيه الصبح و قفلت الشنطه بعد ما اتأكدت ان مفيش حاجه نسياها و سابتها وطلعت تنام.
وللحديث بقيه……
