لقاء كـ،ـ،ـارثي
حسان….حبيبه قلبي ده بالنسبه لايمي بالنسبه بقي للراجل ده انا فرحتي بيه مش كبيره والله اللعظيم و الله العظيم لو قولتلك ان فرحتي بخبر حمل ايمي كان اكبر من فرحتي لما عرفت اني هبقي اب هتقولوا اني ببالغ يمكن وقتها كنت لسه اصغر و المشاعر اه حلوه بس لا انا فرحتي الوقت ملهاش وصف ليه بقي لان رشيد بالنسبه ليا مش صاحب هو اخ انا اعرفوا من سنين العمر اعرفوا من قبل ما انا و هو نبقي واصلين للي احنا فيه ده عيشت معاه تفاصيل كتير اوي حزن وفرح رشيد شال عيال كل اللي يعرفهم عيال اخته و بنتي و كل معارفه من صحاب لاهل
ويشهد الكل انه كان في حنيه متتوصفش علي الاطفال اكتر من اهاليهم بنتي اتولدت علي ايده و رغم انه كان بيمر بمشاكل و ضغط نفسي و اتحمل اللي مفيش راجل يقدر عليه لكن فرحته و هو شايل بنتي في ايده كانت كبيره تعب كتير و انا كنت واحد من الناس بقولوا كفايه كده اتحملت كتير انت عملت اللي عليك و زياده من حقك تبقي اب مكانش بيرضي كنت بحب اخلاصه جداً بس كنت بضايق منه عشان متحمل فوق طاقته من مشاكل و خناق و نكد و رغم كل ده كان بيخاف علي مشاعر طليقته و مشاعر اي حد لما رشيد ارتبط بايمي دعيت من قلبي تبقي عوض ليه لانه بجد يستاهل و الحمد لله ربنا عوضه
و يمكن اتأثرت لاني فرحت اوي و الفرحه خضتني و كمان شيلت هم لما رشيد يعرف كنت عارف انه هيتصدم لان ده كان حلم رشيد مهما حاول يخبي و يقول عادي بس انا عارف انه كان نفسه يكون اب
عشري….بابتسامه ده نفس اللي وترني اول ما شوفت الرساله يا حسان كنت قلقان عليه اوي
مصطفي….طيب فرحت يا عشري
عشري….بابتسامه يا نهار ابيض فرحت انا فرحتي زي ما ايمي كتبت في رسالتها اتقسمت علي اتنين فرحتي بيها و برشيد ملهاش وصف الاتنين يستاهلوا كل خير ايمي ربنا يعلم اني بحبها حب ميتوصفش طبعاً انا بحب كل البنات و كل واحده فيهم ليها غلاوه عندي كبيره بس ايمي يعني ليها غلاوه خاصه شويه و انا مليش اخوات بنات فا هي اختي الجدعه و طيبه و حنينه و صاحبة موقف و يمكن كنت شايل همها جداً بسبب الحوار اللي هي قالته و كنت بحس بده اكتر من ليله ديماً كانت متوتره و خايفه عليها في الموضوع ده ايمي بتحب و بتخاف علي اللي حواليها اوي حبها لرشيد كمان كوم تاني انا في حياتي مشوفتش رشيد مرتاح و متطمن و مبسوط الا لما ايمي دخلت حياته
ابتسمت ايمي و بصت لرشيد بحب و هو باس كفها و ضمها ليه
عشري…..و عايز كمان اقول ان بجد راحة الراجل مش بتيجي غير من ست حبيته و هو حبها و دخلت قلبه بجد الراجل مش وحش زي ما اغلب البنات او الستات بتشوف مش بتاع ستات ولا عينه زايغه الا من رحم ربي بس بجد الراجل لما بيلاقي الراحه في ست بتبان عليه و رشيد باين عليه و كلنا ملاحظين ده كويس
فا فرحة رشيد انها تكمل بحلم كان بيتمناه دي كبيره عندنا اوي انا و الشباب و فرحتي عشانه و عشان ايمي كمان من قلبي والله العظيم لانهم يستاهلوا كل خير
ايمي….حبيبي يا بلطجي والله
مصطفي…..طب وانت يا ميدو اتوترت ليه
عسال….بابتسامه جميله بص لرشيد مش هقول اكتر من اللي حسان و عشري قالوه بس رشيد تعب و ده عوض ربنا ليه هو كان شخص مخلص و محترم وراجل و عاش مواقف كتير اوي مش كتير من الرجاله تقدر تكون قدها يمكن انا مش عايز اذكر الست اللي كانت في حياته بس عادي ان الراجل يعيش و يكمل مع حد ربنا مش كاتبلوا الخلفه بس رشيد اتحمل اللي اكتر من ده معاها و زي ما قال حسان من كتر الضغط عليه احنا اول ناس كنا بنقولوا كفايه انت اتحملت وعملت اللي عليك و مقصرتش بس الشماكل والضغط النفسي اللي انت عايش فيه من غير سبب هيموتوك مكانش بيرضي و كان متحمل فا بيتهيألي ان دي مكفأه من ربنا عشانه
و فرحة قلبي بيك يا رشيد و اني قريب هشوفك احلي و اجمل اب و الله العظيم مش سيعاني بالنسبه لايمي بقي انتوا عارفين انها غاليه عندي اوي و بحبها جداً و هي كمان تستاهل الفرحه دي و الله انا عندي كلام كتير بس مش عارف اعبر بيه ربنا يكملك علي خير و قريب يبقي معانا اول شاهد علي قصص الحب دي و طبعاً مبروك يا عموور انت وامنيه ربنا يكملك علي خير و يفرحكم
ايمي….يا عمري انت
عمرو….حبيبي يا ميدو عقبالك انت و نودي
امنيه…..عقبال ما نفرح بيكم يارب
مصطفي….طيب مين تاني
عسال….بضحك ولاااا انت بتصور
مصطفي…بضحك اه معلش بقي دي ذكري عشان الواد ولا البت لما يجوا يعرفوا مين قال في حقهم كلمه عدله قولي يا نادين
نادين…..بابتسامه اقول ايه معنديش كلام اقولوا مش هعرف
بصتلها ايمي بابتسامه جميله
ايمي….نودي بتتكسف
رشيد….والله وجعت قلبي لما عيطت و مكنتش عارف بتعيط ليه
مصطفي……ملناش دعوه قولي حاجه
نادين ….اكيد مبسوطه اوي عشانهم هما الاتنين لانهم كانوا محتاجين يفرحوا و يمكن ايمي قالت حاجه لما اتعرفنا علي بعض في السفريه الاولي كانت ديماً تقول اننا فينا من بعض كل بنت و شاب حكايتهم تشبه التاني صحوبيتهم تشبهنا حياتهم اللي عاشوها فيها من حياتنا و حقيقي ايمي و رشيد شبه بعض في تفاصيل كتير اوي فرحتي بايمي لوحدها متتوصفش ايمي اختي و صاحبه عمري و ليها فضل عليا في حجات كتير و في مواقف في حياتي هي معلمه فيها عيشت معاها ايام كتير فيها وجع و حزن كنت ديما بشوفها قويه و اي حد علي فكره بيشوف ايمي ست قويه و مش اي حاجه تهزها بس هي حد حساس اوي من جواها طيب اوي يعني من بره ست قويه جدا بس من جوه اللي يعرفها بس يعرف انها بيبي و جميله اوي كنت زعلانه عشانها و مكانس فب حاجه في ايدي اعملها بس الحمد لله ربنا عمل اللي احنا منقدرش نعملوا و فرحانه عشانها اوي
ايمي….عقبال يارب ما اشوفك انتي و ميدو احسن الناس و اشوف معاكي نودي صغيره و ميدو صغير
نادين …بابتسامه جميله بحبك
عسال….حبيبه قلبي يا ايمي.
مصطفي….طيب وانتي يا ليله لما جه الدور عليكي قولتي توقعتي محبتش اقولك توقعتي ايه احسن تقولي ورشيد يغهم بس بجد انتي توقعتي
ليله….بصت لايمي و ابتسمت في الاخر اه بص من كلام رشيد و هو عمال يخمن فهمت انه مش عارف و محبتش ابوظ المفجأه ليه بس من اول اللعبه مكنتش متوقعه اي حاجه بصراحه بس بعد شويه بدأت اشك لان ايمي مش بطبيعتها تسكت و هي كانت ساكته طول الوقت و عماله تعيط و تبص علي كل واحد بيقرأ فا كان جوايا شك فظيع ان الرساله دي تخصها محبتش اقول عشان خوفت يكون شكي مش صح و الفت نظرها للموضوع فا تضايق فا سكت بس لما البنات بدأوا يطلعوا و يتأثروا بالشكل ده نادين و سلمي و حسان كمان كملت بابتسامه زغروطه نوني و فرحه ايه و هي بتتنطت و رد فعل الشباب و لما امنيه و محمود طلعوا كمان و عيطوا هنا انا بدأت اشك ايمي كانت متأثره جداً ومقامتش من مكانها ولا حتي سألت في ايه زي ما كلنا سألنا فا كان لازم افهم كمان اول حاجه شككتني ترتيبك للي بيقوم يقرأ الرسايل.
بس ولما مسكت الورقه انا عارفه ان ده مش خط ايمي بس ده كلامها و فهمت اول ما قالت نصي الحلو و توأمي وحسيت انه خبر للحمل مقدرتش امسك نفسي بصراحه كنت عايزه احضنها لكن مقدرتش عشان رشيد
مصطفي…..طيب فرحتي اكتر و لا اتصدمتي
ليله……انا متصدمتش لان ايمي مكانش عندها مشكله في الخلفه ايمي في جوازتها الاولي قعدت شهر و انفصلت يعني معندهاش حاجه تمنع الحمد لله
ايمي….بضحك ليله هتضربك
مصطفي…..بضحك اه حسيت انها سخنت عليا مره واحده
ليله…..بضحك مسخنتش بس دي كانت حاجه معصباني فيها علي فكره و مكنتش بحب اتكلم معاكي فيها عشان متضايقيش كنت بحس من بعد ما الفايل ضاع انها بجد فاقده الامل و الفرصه راحت منها فا انا عن نفسي اكيد مكنتش مصدومه هي اول حمل ليها و لسه صغيره بس انا اتخطفت فرحت اوي و اتاخدت مش اكتر
مصطفي….طيب ماما سؤال انتي دمعتي ليه و حسستيني انك عشره عمر مع ايمي
ضحكوا كلهم علي مصطفي
ايمي…..وانت مالك يارخم
ليله….بضحك اصفر زي اختك
امنيه…..بضحك يا بنتي بقي ارحميني
سلامه…..امك بتعيط علي اي حاجه اصلا
ايمي….اي حاجه شكراً يا عم سلامه
سلامه….بضحك مش قصدي والله بس ماما دموعها قريبه
حنان…..بضحك هي مش لازم تبقي عشره عمر عشان احس بمشاعر ناحيتها و بعدين الفرحه حلوه يارب فرح كل البنات و يرزقكم الذريه الصالحه و ايمي جميله دخلت قلبي زي ما كل البنات دخلوا قلبي
ايمي….ياعمري انتي ربنا يخليكي لينا
رشيد….حنون انتي متأكده ان الواد ده متبدلش في المستشفي
حنان….بضحك للاسف
مصطفي…..للاسف انتي كنتي مقدمه علي مروحه وانا جيت بدالها ولا ايه
عشري….والله المروحه كانت هتنفعها اكتر
مصطفي…..باشا مش هرد عليك قول اللي يعجبك
ليله….بضحك يا جبان
مصطفي…..الله يسامحك مش هرد عليكي عشان الباشا
عسال…..سيبك من الباشا اللي قاعد جنبها اسمع مني مش هتعرف تروح و تيجي معاها
مصطفي…..هو انتوا ليه بتتعاملوا مع ليله علي انها الساحره الشريره طب اقولكم حاجه بقي اكتر واحده بحبها فيكم كلكم شباب و بنات
ليله…..بضحك احييييه لا خد قلبي خلاص بقولك ايه قول اللي انت عايزه مش هرد
مصطفي…..بضحك شوفت جات بكلمتين حلوين ازاي
ايمي…..ماهي سهله
ليله….بضحك احترمي نفسك يا واطيه.
مصطفي……طيب امنيه و حودا حسيتوا بأيه
امنيه…..كنت فكراك بتكدب والله او عامل مقلب اتخضيت اوي و فرحت اوي و حسيت اني اتلغبطت و كنت عايزه اخدها في حضني بردوا
ايمي….قلبي انتي و الله
مصطفي….وانت يا حودا
محمود….بابتسامه حب بص انا عيلتي عموماً غاليه عندي اوي امي و ابويا علاقتي بيهم مش طبيعيه و اكيد كلكم شوفتوا زوزو و حماده و علاقتنا بيهم شكلها ازاي بس علاقتي بأخواتي الضعف كمان
امنيه بنتي الصغيره و ايمي صاحبتي و بينا علاقه حلوه اوي فا فكره اني اشيل حته من ايمي كانت كبيره عندي اوي فا قلبي اتخطف من الخبر بجد و فرحت اوي و كلامها اصلاً في الرساله لوحده خلاني فقدت السيطره عالاخر.
ايمي…عقبال يارب ما افقد السيطره كده لما اشوفك عريس
عشري…خد بالك بتسمعك بالذوق
محمود…بضحك خدت بالي بس هعمل عبيط
رشيد….مفيش الكلام ده خلاص احنا لازم نفرح بيك ابني او بنتي اللي جايين و البيبي بتاع امنيه لازم يبقي ليهم ولاد خال
امنيه…..صح انا موافقه
ايمي….ايوه يا حبيبي عايزين نكبر العيله و ولادك يشيلوا اسم ابوك
حسان…..بضحك لبست انت كده واتحطيت قدام الامر الواقع و الكلام ليك يا عم تيمو
تامر….بابتسامه ماشي حاضر
عشري…..خد بالك انت مش مسيطر يا حسان بياخدك علي قد عقلك
تامر…..بضحك انت بتهدي النفوس يا عشري
عشري…..انا جاي هنا اوفق راسين في الحلال
ليله….بضحك عشري بقي خاطبه
عشري…..بضحك وماله ادام في الحلال عايزين شويه افراح كده
تامر…..هترقص طيب
عشري…..ياعم اتجوز انت وهو وهرقصلكم
ايمي….بمناسبه الرقص بقي انا شايفه ان احتفالكم بيا و بالنونو مش قد كده ايه لولي مش هترقصيلي
مصطفي….اه يلا
عشري……خير يا عم مصطفي
سلامه…..بضحك اسحلها بسرعه هنضرب معاك
عسال…..هيتقل مننا بسببك خد بالك
مصطفي…بضحك ايه هترقص لصحبتها فرحانه بيها
عشري…..ما تقومي يا حنون تاني عشان لما اضرب ابنك متزعليش
حنان….بضحك لا اضربوا هو عايز يتربي
عشري…..ما العيب علي اخواته
ايمي…..بضحك اخس عليك يا عشري مش عايزها تفرح بيا و لا ايه يا لولي
بص عشري لليله و هو رافع حاجبها
ليله…..بضحك حطت ايدها علي وشها لا لما نبقي مع بعضنا بقي نحتفل بيكي و هما يحتفلوا برشيد
ايمي…..احيييييه عليا زغرلها الزغره جابت وراء دي ليله يا عيال
نعيمه….بضحك لا ليله بقت مؤدبه
ضحكت ليله و حطت ايدها علي عينها
عشري…..بضحك انتي عايزه ايه انتي وهي بقي
ايمي….اصل انت مش فاهم دي مكانش يقدر عليها غير ربنا
عشري…..ولحد الوقت ميقدرش عليها غير ربنا خليكي في حالك يا سوسه
ليله….بابتسامه عاجبك كده
عشري….اه عاجبني ملكيش دعوه بيهم دي عيال سوسه
ليله…..طيب بصي يا صفرا زي اختك هو يعني احترام بقي وكده مش خوف يعني
ايمي….اه ما انا واخده بالي
ليله…..رفعت حاجبها و ضحكت انتي نالك كده هرمونات الحمل هتبدأ بيا ولا ايه
ايمي…..بضحك طبعاً بت يا تقي دي عمتك
تقي…..ولا اعرفها انا عمتي قويه و لسانها طويل
ليله….بضحك وحياة امك انتي كمان
تقي….بضحك اهي دي عينه منها بس مش كلها
مصطفي…..افتني عليها شويه يا تقي فرصه وهي كيوت كده مش هتعرف ترد علي حد فيكم
ايمي…..بضحك افتنلك انا لسانها مسحوب منها واخده الدنيا عافيه اللي يجي علي سكتها بتروقه
ايه…..بتضرب الناس في الشارع
نادين…..اه ولو اتعصبت بتشتم عادي جداً
تقي…..و بتشتم بكلكس العربيه
ليله…..بضحك ده انتوا بتوعي اتقلوا عليا انتوا بتطلعوني مسرح
ايمي….بضحك ايه بنكدب؟
مصطفي….ده انتي طلعتي موسوعه في التشرد والاجرام بتضربي الناس في الشارع يا ليله
ليله…..طب انا راضيه ذمتك تصدق ده منظر واحده تضرب حد
سلمي…..بضحك لا خد بالك اوعي تتغر في الكيوته دي
ليله……حتي انتي يا اوطي من الرصيف
رشيد….بضحك علي يدي رفعت عليا سكينه في السفريه الاولي عشان هزرت معاها
فضلت ليله تضحك و تحط ايدها علي وشها
ليله…..انتوا متفقين عليا
حنان…..مالكم ومالها دي قمر
ليله…..حبيبتي يا حنون مجاتش من صحابي العرر
مصطفي……بضحك لا بجد بتضربي الناس
ليله…..ياعم ناس ايه اللي بضربها انا غلبانه
تقي…..والله بتضرب اسمع مني حضرتلها خناقه مره
ايه….بتضرب رجاله كمان
عشري…..بضحك فضحاني
ليله….بابتسامه مصدقهم طيب انت من ساعت ما عرفتني عمرك شوفتني عملت قلة الادب اللي بيقولوا عليها دي دول مفتريين
نعيمه….بريئه يا بت
عدي….بابتسامه ضربتي راجل بجد قبل كده يا ليله
ايمي….راااااجل
ضحكت ليله و عملت نفسها عبيطه
عدي….ايه هما كتير
ايه…..العدد في الليمون يا عدي دي بتتحول شوفت كوريا اللي في فيلم عسكر في المعسكر حرمة سعرانه هي دي
عدي…..بضحك ده بجد يا ليله
ليله…..بابتسامه طيب بصوا عشان دول مسوئين سمعتي و مطلعني مسرح وانا ودين الله ما هسيبكم بس استنوا عليا
فضلوا كلهم يضحكوا علي ليله
ليله……يعني انا لما الاقي شاب قليل الادب بيقل ادبه المفروض اسيبه وامشي و لا اقف ساكته و اخليه يقل ادبه
مصطفي….طيب ايه نوع قلة الادب
ليله…..لا ربنا يكفيك شر الرجاله المنسونه بقي
ايمي….بضحك اهي ظهرت ليله الحقيقيه قولي كمان يا غاليه
ايه…..بضحك اظهري يا بيئه
