لقاء كـ،ـ،ـارثي
ايمي….بضحك اتلم يا بلطجي والله العظيم ما بعرف اشتم انا مش بشتم غير مع البنات
سلامه…..ايمي جريئه اكتر من انها تشتم او تقول الفاظ صح
ايمي….اه ممكن بس بهزر مع البنات عادي لكن اني اشتم حد و كده معرفش
مصطفي….طب لو ليله بتتخانق و معاكي بتعرفي تسندلي معاها ولا بتاخدي جنب زي نادين و سلمي
ايمي…..بابتسامه لليله بسندل ولا لا
ليله…..بأبتسامه هي في كل الاحوال مش بتسيبني بس اقصد ان ايمي مش شخصيتها تضرب او تشتم يعني ايمي مثلا حبست واحد قبل كده ثلاث شهور في مشكله بردوا كانت معايا و الشاب اعتذر و امه بقت تتحايل عليا و بقيت انا اللي اقولها خلاص انا سامحته انا مش عايزه اذيه ودي ابداً قفات دماغها و قلبت عليا و كانت ليله فين لحد ما اقنعتها بتعرف يعني تتعامل بفعل اكتر
مصطفي…..طيب يعني الست ليها دور اهي
ليله…..بصراحه اه
مصطفي….طب وايه
ليله…..علي حسب سعات تدخل بس لو هي واثقه ان الخناقه مش هتكبر او مش كبيره
ايه…..بضحك لو في ضرب لا سلام انا معلش انا مش حمل قلم هطير
عشري…..بتخلعي يعني
ايه…..بضحك لا والله بمسكلها الشنطه والموبايل و بستناها في العربيه
سلامه…..بضحك بتأمنيها يعني
ليله…..اه و اوقات تبقي مشكله عاديه تقف تاكل اللي في ايدها او تكمل عصيرها بتتفرج علي فيلم من الاخر
مصطفي…..طيب نعيمه
ليله…..بضحك غمزتلها لا اسد بصراحه هي ملهاش في الشتيمه بس ممكن تضرب
فضل….بضحك اوباااا بتضربي
نعيمه….بضحك اسيبها يعني
مصطفي….طب مش بتخافي
نعيمه….لا يا عم هي موته ولا اكتر
ليله….نعيمه ماشاء الله طويله فا بتعرف تتعامل تجيب بقي من الوش تدي رجل كده يعني
مصطفي….بضحك بص للشباب الله يكون في عونكم ده انتوا لبستوا
ضحكوا كلهم علي مصطفي
مصطفي….طيب تقي نسمه امنيه حد فيهم اتعامل معاكي في خناقه
ليله…..ااا لا ولا نسمه ولا امنيه يعني بيخرجوا معانا بس ولا مره حصل قدامهم مشكله مجرتهمش بس تقي اه
مصطفي…..بتعمل ايه
ليله…..في مره حصل مشكله وهي معايا بس انا بصراحه كنت اول مره اخاف لان كان شابين و بنت شديت معاهم بس مكبرتش الموضوع عشان هي معايا خوفت عليها بس هي لسانها طويل بقيت انا اللي اسكتها قفشت في البنت و بقت تشتم فيها يجي منها يعني
ايمي….بلطجيه زي عمتها
تقي….والله ما عملنا حاجه البنت اصلا اللي بدأت كنت بتكلم انا وليله و كنا قاعدين في مكان فا سألت ليله علي حاجه فا ليله سرحت شويه لاقيت البنت فجأه قامت وقربت من ليله بتقل ادبها و بتقولها انتي بتبصي علي الولد اللي معاها يعني فاكره ليله بتبصلوا وهي كانت سرحانه معندهاش ثقه في نفسها ولا فيه من الاخر
فضل…..فكراها بتعاكسه يعني
تقي…..اه و احنا كنا قاعدين بنفكر في حاجع و ليله بجد كانت سرحانه و بصت للبنت بصدمه اللي هو انتي عبيطه
سلامه…..بضحك وسكتي يا ليله
ليله…..بابتيامه طب اعمل ايه مخها تعبان و بصراحه انا مش بحب اتخانق مع بنات و هي كان شكلها كيوت و رفيعه اوي لو قفشتها هقطمها نصين و دي طبعاً مسكتتش و روقتها وفرجت علينا المكان و بقي الشابين اللي مع البنت يعتذروا بصراحه كانوا محترمين و واحد فيهن قال معلش هي مضايقه وفي بينهم مشكله و بتغير وبتاع فا خدتها علي قد عقلها بس دي تسكت كنت بجيبها من فوق التربيزه
ضحكوا كلهم علي تقي
تقي…..بضحك ماهي مستفزه بصراحه
ريهام…..جدعه يا بت
عدي…..بهمس و هو بيضحك متشرده
تقي….بابتسامه مش عاجبك
عدي…..بضحك انا قولت حاجه
تقي….اه قولت متشرده
عدي…..بضحك علي البنت مش عليكي
تقي….بابتسامه اه بحسب
مصطفي…..طيب بعيد عن الخناق كل واحد فيكم يحكي اي موقف محرج حصل معاه و قال يومها يارب الارض تتشق و تبلعني في حد فيكم حصل معاه موقف زي كده
فضل…..بضحك اه انا حط ايده علي وشه و فضل يضحك
مصطفي…..طب احكي
فضل…..بضحك مره كنت في السوبر ماركت انا و عشري و عمر اخوه كنا رايحين نحضر فرح ناس معارفنا في سيناء و قررنا نروح بالعربيه مش طيران فا نزلنا نشتري سجاير و شويه حجات للطريق
عشري…..بضحك اه افتكرت
فضل….بضحك المهم موبايلي كان مع عشري و انا واقف بجيب عصاير و ريد بول و بتاع كانت قدام و هو كان ورايا علي طول فا وانا واقف سمعت نفس نغمه موبايلي فا مديت ايدي لوراء و انا مش باصص و بقوله هات يا عشري يكت و فضل يضحك هو و عشري و فصلوا من الضحك
كلهم ضحكوا علي ضحكهم
فضل….ااااه المهم انا بمد ايدي بحسن نيه والله بس اتفاجئت اني ماسك حاجه تانيه غير الموبايل و ببص لاقيت عشري جنبي و بنت بتصوت بصيت لاقيت نفسي ماسك حاجه تانيه خالص
فصلوا كلهم من الضحك و نعيمه رنه الضحكه
فضل ضحك لخد ما دمع
ايه…..مسكت ايه
كملوا ضحك علي سؤال ايه
فضل…..بضحك هكون مسكت ايه يا مصيبه انتي
ايه…..بضحك والله ما فهمت
ايمي….يعني البنت وراه و هو بيمد ايده هيمسك ايه يعني اقرب خاجه قابلته
ايه…..بضحك يخربيتك و سكتت
فضل…..بضحك هي صوتت و فضلت بصالي و انا حسيت اني عرقت و لو خلفتلها اني باخد الموبايل مش هتصدق و عشري و عمر و اقفين فطسانين من الضحك طبعاً اعتذرت و انا واقف مبلول و مش عارف اتكلم و البنت بصالي بقرف فكرتني متحرش و انا والاه ما كنت قاصد خدتهم و طرت لحد ما حاسبنا و خرجنا علي العربيه و دول هيموتوا مني من كتر الضحك
سلامه….بضحك اه يا متحرش
فضل…..والله ما خدت بالي فكرت موبايلي
تامر…..بابتسامه انا مره كنت بكلم عميل علي الواتس فا كان خلاص الشغل بيخلص و في مصطلح كده بنقولوا عادي اللي هو فاينل تشيك اللي هو مقصود بيه المعاينه الاخيره قبل الاستلام فا بتكلم بثقه اوي مع العميل و بقولوا ان شاء الله بعد بكره هقابلك في الشقه و نعمل فاينل تشيك و بعت فا الموبايل عندي بيقترح كلمات فا كتب حاجه تانيه غير تشيك لفظ وحش يعني
مصطفي …..بضحك اوعي يكون اللي جه في دماغي
تامر…..بضحك هووووو
ضحكوا ملهم و فهموا يقصد ايه
تامر…..بضحك فا لاقيته باعتلي علامه استفهام علي الكلمه فا بصيت بصدمه و حسيت ان حد نزل عليا مايه ساقعه و بسرعه كتبتلوا فاينل تشيك فا بعت ايموشن ضحك و قالي ياراجل وقفت قلبي
ايمي….بضحك الغلط في الكلام ده كارثه
تامر….اه والله و خصوصا لو بتتكلمي مع عميل او حد تبع شغل بيبقي الموضوع محرج
سليم…..انا مره في الكافيه كنت بشرب عصير كنا في الصيف و واحد من اللي بيشتغلوا عملي ليمون بالنعناع و في بنت قاعده مع صحابها فا واحد بيعدي من جنبي خبطني في كوعي العصير كله وقع علي تيشرتها بقيت واقف مش عارف انطق
فضل…..بضحك لا قول الصراحه البنت كانت لابسه بدي كت و العصير دخل في صدرها كله
حط سليم ايده علي وشه و فضل يضحك و كلهم ضحكوا
ليله….بضحك سمعتك ربع اكيد
سليم….بضحك لا كانت بتيجي ديماً و عارفينها و متكلمتش بصراحه فضلت تضحك وصحابها يضحكوا و انا كنت محرج جدا و مش عارف اعمل ايه بس اتصرفنا يعني
ايمي….بضحك حميتها و لا ايه
سليم….بضحك لا دخلت مع صحابها الحمام و خدنا التيشرت اتغسل واتجفف و الدنيا تمام بس كان موقف محرج اوي
مصطفي….بضحك انا كان ليا مواقف محرجه كتير بصراحه كنت ديماً بحاول ابهر اي بنت في الجامعه عشان اللي هو اظبطها بقي وكده و كل مره يحصل موقف محرج يعني مره حبيت الفت نظر بنت كانت عحباني و كانت واقفه وسط البنات صحابها فا قولت بس ادخل عليها داخله حلوه تبهرها عملت فيها روش حطيت ايدي في جيبي و ماشي اسمع اغاني و اهز راسي عامل فيها شاب نيجر و قولت اوريها اللياقه و المرونه فا كان في حجر كبير قولت بس انا انط كده زي بتوع الباركور و ابهرها وانا بنط رجلي اتشنكلت في حرف الحجر وقعت علي وشي لحست التراب اللي علي الارض
بخ رشيد من بوئه المايه و كلهم فطسوا من الضحك
