چاسمين

رواية
چاسمين
أميره اسامه
صاحبة البطل الواحد
((فتجدهم حيارى مضطربين ليسوا على يقين من أمرهم ))
( البارت الثامن)
قفلت بيري مكالمه مع والدتها دموعها كانت نازله بس كانت فرحانه و الطريقه اللي فاتن كلمتها بين خلوها تحس براحه وامان صدقتها و وثقت فيها
لكن كان جواها شعور غريب مش قادره تفسره الموقف اللي كانت فيه و بتتمني يخلص خلص و مكالمتها مع والدتها اكدت انه خلص لكن علي قد فرحتها كانت حاسه پخنقه حاسه بفرحه مش كامله مكانتش عارفه هي مضايقه من عصبية فريد عليها و لا مضايقه انها هتمشي بعد ما اتعودت عليه يمكن كانوا اربع ايام لكن الراحه اللي حستها معاه وفي بيته الاربع ايام دول محستهمش في عمرها كله.
مكانتش عارفه ايه سبب ضيقتها وخنقتها مكانتش زعلانه منه ولا حتي زعلانه انه اتعصب وڠصب عليها كالعاده فضلت تفكر كتير لكن مقدرتش تحط ايدها علي سبب الخنقه اللي هي حاسه بيها.
بصت بيري في الساعه كانت خلاص داخله علي سته قررت بيري انها تقوم تجهز نفسها وتمشي كانت بتحاول علي قد ما تقدر تضيع الوقت عشان متمشيش والنهار طالع اوي
وقفت بيري و فضلت واقفه شويه قدام الدرج و جالها فكره قررت انها تعملها و متعرش ليه فكرت فيها من الاساس
فكرت انها تركب تاكسي ينزلها في مكان و ترجع تاخد تاكسي تاني تروح بيه علي بيتها .
للحظه حست انها خاېفه علي فريد من خالد هي عارفه ان خالد دماغه مش سهله و يمكن يحاول يجيب نمرة التاكسي من الكاميرات اللي قدام البيت عشان بس يعرف هي كانت قاعده فين او السواق خدها منين و كانت لاول مره تشغل دماغها وتفكر صح خالد شخصيه مش مضمونه
و اللي ممكن يفكر فيه ميجيش علي بال اي حد و اكبر مثال علي كده انه حط في الخاتم جهاز تتبع عشان يقدر يكون عارف هي فين طول الوقت.
حست انها لازم تعمل كده عشان تحمي فريد من شره خصوصا بعد ما ساعدها و وقف جنبها مكانش ينفع ابدا بعد ما تمشي تسبب ليه اي اذي.
طلعت بيري علي فوق خد شاور و ظبطت نفسها و وقفت شويه افتكرت انها كانت جايه بالفستان ومش هينفع تمشي بيه
فضلت تفكر شويه وقررت انها تاخد لبس من لبس اخته .
لبست بنطلون چينس و سويت شيرت و كوتشي  حطت من البرفيوم بتاعها و قررت تسيب فستانها وجزمتها لما افتكرت القط كانت مقرره انها تاخده معاها ومكانتش عايزه حاجه تلخمها في ايدها لان هو مش معاه بوكس تحطه فيه .
خدت شنطتها الصغيره و نزلت علي تحت وقفت شويه وفضلت تدور بعينها علي ورقه وقلم قربت من التربيزه اللي تخت التلفزيون فتحت الدرج و لقت ورق و اقلام
خدت ورقه وقلم وراحت قعدت علي الكنبه وبدأت تكتبله رساله.
بيري…
انا مشيت كان نفسي اودعك قبل ما امشي بس عارفه اني لو كنت كلمتك كنت هترفض و تفكرني مشيت عشان زعلانه منك بس صدقني انا مش زعلانه منك خالص بالعكس انت اكتر شخص دعمني و وقف جنبي في اكتر وقت كنت حاسه فيه بالخۏف والضعف قولتهالك قبل كده و هقولهالك تاني الامان اللي حسيته في بيتك و معاك يمكن اكون محستهوش قبل كده مع اهلي ووسط ناسي كل مره كنت بعمل فيها مصېبه و تتعصب عليا
مكنتش بفكر اني ازعل وامشي حتي المره الاولي اللي قررت امشي فيها مقدرتش ابعد خطوه عن البيت و فضلت في الجنينه و انت لاقيتني بسرعه.
يعني اوعي تفكر اني ماشيه عشان زعلانه بالعكس انا عايزه اطمنك انا كلمت ماما من موبايلك انت نسيته تقريبا و المرادي المكالمه كانت غير كان معاك حق لما قولتلي اتكلم معاها بهدوء و هي هتفهمني كان معاك حق لما قولتلي اكيد هتختارك انتي عشان انتي بنتها مش هتختاره هو ماما وافقت و قالتلي ارجع و كنت وحشاها اوي هي وبابا واخواتي قالتلي انها مش هتجبرني علي حاجه وانها كانت فاكره ان اجبارها ليا علي الجواز من خالد في مصلحتي و قالتلي كمان لو انتي مش قادره ولا عايزه خالد خلاص اعملي اللي انتي عيزاه بس ارجعي
انا عايزه اقولك اني مبسوطه اوي انهارده اني هرجع بيتي و ان ماما قدرت تفهمني و تقتنع بكلامي وتحترم رأيي
بس مش هنكر اني زعلانه اني ماشيه يمكن مقعدتش هنا غير كام يوم بس والله العظيم البيت بقي جزء مني .
قرأت زمان جمله بتقول ان اوقات الاماكن بتختارنا و بترتاح لوجودنا فيها قبل ما احنا نختارها ونرتاح لوجودنا فيها
و حقيقي بيتك كان عامل زي اداة الجذب جذبني ليه لما كنت بهرب احتواني في عز ضعفي واحتياجي حسيت فيه بالامان والراحه اما بقي عن وجودي معاك تحت سقف واحد كان اكبر احساس بالامان محستش بالخۏف لحظه في وجودي معاك
كنت حاسه اني اعرفك من زمان اتحاميت فيك وطلبت منك الحمايه بكل ثقه وكأني كنت واثقه انك مش هتخيب املي و حقيقي مخيبتش املي ولا خذلتني انا لو فضلت اقول كلام حلو كتير مش هوفيك حقك
ولو فضلت اشكر فيك مش هردلك جزء واحد من اللي عملته معايا.
عشان مفيش كلام حلو ولا شكر يكفيك.
شكرا علي احلي اربع ايام في حياتي شكرا علي العصبيه و الخناق والكلام الحلو و الاكل الجميل شكرا علي كل تفصيله حصلت معاك بجد
قبل ما اختم رسالتي انا حابه بس اعتذر منك لاني خدت من دولاب اختك لبس لاني مكنتش هقدر امشي بالفستان ان شاء الله هرجعهم لحضرتك في اقرب وقت واه انا مضطره اسيب الفستان والشوز هنا واكيد يعني مش سيباهم عشان يبقوا رهن للبس بتاع اختك بس عشان اقدر اخد (قدر ) اكيد انت عارف انه مش ليه بوكس وهبقي مضطره اشيله علي ايدي .
انا نضفت البيت وظبط كل حاجه مكانها ويارب مكنش نسيت اي حاجه عشان مترجعش تتعصب
اتبسط بقي من انهارده ريحتك مني انا وقدر و خلصت من اهم مصيبتين في حياتك.
لو لينا نصيب نتلاقي تاني اتمني اشوفك علي خير ولو ملناش نصيب اتمني تكون بخير و اتمني تفتكرني بالخير.
بيري.
مسحت بيري دموعها وقامت وقفت و بدأت تدور علي قدر وتنادي عليه.
بيري….بس بس بس قدر قدر انت فين
بس بس بس بس اعمل اي صوت فينك يا قدر
فضلت بيري تدور علي قدر في كل ركن في البيت مسابتش مكان غير لما دورت فيه كانت هتتجنن وحزينه مش عارفه تعمل ايه بقالها اكتر من ساعه بتدور الساعه بقت سبعه وربع ولسه ملهوش اثر ولا حتي بيعمل صوت.
بيري….انت روحت فين بس مستخبي فين يا قدر
وكان قرارها الاخير بعد تدوير اكتر من ساعه انها مضطره تمشي وتسيبه قيل ما الوقت يعدي وتبص تلاقي فريد قدامها.
بصت علي الورقه تاني بحزن وراحت مسكت القلم وكتبتله في اخر جزء من الورقه.
بيري…
انا اسفه اني بكتبلك تاني انا تقرببا بقالي اكتر من ساعه بدور علي قدر بس للاسف مش لاقيته خالص مش
—
عارفه راح فين بس انا واققه انه مستخبي في مكان في البيت لاني مفتحتش اي باب
كان نفسي اخده معايا لاني وعدته ولاني عارفه كمان ان حضرتك لما ترجع هتبقي لوحدك و هتخاف منه اسفه بجد معلش بقي قدرك كده اعملك مصېبه حتي وانا ماشيه.
بص متخافش منه لما تيجي يمكن يكون طلع من المكان اللي مستخبي فيه او يمكن انت تلاقيه عارفه انه صعب طبعا يفضل معاك عشان كده انا عارفه مصيره هيكون ايه كل اللي عليك
افتح الباب و حط الاكل في الطبق بره الباب هو اكيد هيطلع يبقي جعان لما يخرج ياكل اقفل الباب بسرعه متخافش منه هو طيب ومش بيعمل حاجه بس ارجوك لو قدرت تحط اي حاجه ينام عليها اعمل كده حرام الجو برد و بكره لما استاذ بلال يجي لو فضل قدر موجود اتمني تخليه يوديه اي مكان بيبيع حيوانات عشان حرام هو لسه صغير
انا بكتبلك وانا هتجنن عشانه بس تقريبا قدري انا وهو كان مدته مجرد ايام بسيطه كنت اتمني تطول اكتر علي الاقل يكون ذكري تفكرني بالايام الجميله دي .
اشوفك علي خير
حطت بيري الورقه علي الثلاجه خاڤت قدر يظهر ويقطع الورقه
ونادت عليه لاخر مره بس مكانش ليه اثر بصت علي البيت شويه قبل ما تخرج و بعدين خدت نفس طويل وخرجت بهدوء وهي بتبص حواليها عشان محدش من جيرانه يشوفها
خرجت بسرعه و علي حظها لمحت تاكسي وقفته و ركبت فيه ومشيت و طبعا قالتله ينزلها في مكان غير مكان بيتها.
…………….
بعد مرور حوالي ساعه و نص وصلت بيري قدام بيتها
حاسبت سواق التاكسي التاني ومشي وفضلت واقفه تبص علي البيت من بره مقدرتش تنكر ان بيتها وحشها بس كمان كانت حاسه بغربه
قربت بهدوء من البيت خبطت وفضلت واقفه شويه
فتحت مريم الباب و اول ما شافتها صړخت بفرحه وحضـ,ـنتها.
مريم…بيرررررري
بيري…بابتسامه وحشتيني اوي ياروحي.
قرب بسرعه مازن و شدها من حضڼ مريم من غير ولا كلمه ضم راسها لصدره بحزن و فضل يبو,,,,,س راسها بحب.
بيري….حبيبي يا مازن وحشتني اوي
مازن….وجعتي قلبي يا بيري و حشتيني اوي.
مريم….ماما مامااااا بيري رجعت يا بابا تعالي بيري رجعت.
قرب سعيد وفاتن بسرعه
جريت بيري علي سعيد حضـ,ـنته بحب وهي بټعـ,ـيط
سعيد…كده يابيري كده يا بنتي
بيري…حقك عليا وحشتني اوي
سعيد…انتي اللي وحشتيني يا حبيبتي .
بصت بيري لفاتن بترقب شدتها فاتن لحـ,ـضنها.
فاتن….وحشتيني يا بيري
بيري….وحضرتك وحشتيني اوي
فاتن…حمد الله علي السلامه نورتي البيت
بيري…الله يسلمك يا ماما وحشتوني كلكم والبيت وحشني حاسه اني غايبه بقالي كتير.
سعيد…طيب وسع ا كده وسيبوها تدخل ترتاح تعالي اقعدي
مازن….تعالي يا حبيبتي اقعدي
قعدت بيري وسطهم كانت مبسوطه بترحيبهم ليها و طايره من السعاده انها قاعده معاهم لكن كان جواها حته مش معاها و كأن الحته دي سابتها في بيت فريد من غير ما تحس
سعيد….يلا يا فاتن فين الاكل بيري اكيد جعانه
فاتن….حالا يكون جاهز انا عملتلك كل الاكل اللي بتحبيه
بيري…تسلم ايدك يا حبيبتي.
حضروا الاكل بسرعه وراحوا علي السفره و قعدوا كلهم ياكلوا مع بعض بيري كانت بتاكل بهدوء وهي بتبص عليهم و علي ملامحها ابتسامه بسيطه كانت ملامحها مخطوفه زي اللي حاسس بغربه جواها مشاعر متخبطه بين السعاده لرجوعها وبين انها مخنوقه و مش مبسوطه .
فاتن…ايه ياروحي مش بتاكلي ليه الامل مش عاجبك
بيري….لا خالص يا ماما جميل اوي بس انا شبعانه يمكن عشان مبسوطه اني رجعت وسطكم مبقاش ليا نفس
مريم….وحشتيني اوي يا بيري بجد البيت من غيرك وحش كنت بتخانق معاكي عشان تروحي اوضتك انا من النهارده مش هقولك روحي اوضتك دي تاني ابدا و اقولك اعتبريني انا اللي في الاوضه ضيفه.
مازن….ابسطي يا ستي مريم بتضحي بأوضتها عشانك
ضحكوا كلهم و ضحكت بيري ضحكه بسيطه وبصت لمريم بحب
بيري…ياعمري ربنا ما يحرمني منك انتي اللي وحشتيني اوي
خلصوا اكل وفضلوا قاعدين علي السفره بيكملوا كلامهم
سعيد…قوليلي يا بيري كنتي فين
مازن…انا دورت عليكي في كل مكان حتي المستشفيات والفنادق كنت هتجنن
بيري….حقك عليا يا حبيبي انا كنت قاعده في فندق كده بس صغير يعني ثلاث نجوم انت عارف بقي ان الفنادق الكبيره سهل استاذ زفت يلاقيني فيها بسهوله
مازن…..عمل معاكي ايه يابيري سامحيني يا حبيبتي مقدرتش احميكي بس كان ڠصب عني انا مش عارف ازاي مكنتش في وعي العصير طلع فيه نسبة كحول و محستش بنفسي انا ومريم وملك وامجد.
بيري….متقولش كده يا حبيبي انت عمرك ما قصرت معايا وطول عمرك اماني وحمايتي وعارفه انكم مكنتوش في وعيكم زي ما عمل معايا بالظبط بالشيكولاته اللي ادهالي
سعيد…يابنتي متأكده انه عمل كده ما يمكن انتي مكنتيش في وعيك او تخيلتي
بيري….ولو فرضنا يا بابا اني تخيلت صدفه ان مازن ومريم وملك وامجد ميبقوش في وعيهم و صدفه ان الشيكولاته اللي ادهالي متبقاش شيكولاته عاديه انا نفسي اعرف ليه بجد مصممين تكدبوني او تطلعوني مجنونه.
سعيد….يا حبيتي انا بتناقش معاكي مش اكتر ولا قاصد اكدبك ولا اجننك انتي بنتي يا بيري
فاتن….خلاص اقفلوا بقي علي الموضوع ده انا وعدتك يا بيري اني مش هجبرك علي حاجه في مقابل انك ترجعي بس انا عايزه اقولك كلمتين يا حبيبتي
خالد حتي لو عمل كده خالد لسه شاب و حبه ليكي مخليه يتصرف تصرفات مش صح هو عايز يتجوزك ومش شايف غيرك انتي. عارفه ان نص بنات مصر يتمنوا واحد زي. خالد بس هو اختارك انتي هو قال انه معملش كده ولو بيكدب يكفي انه كدب ومقدرش يقول الحقيقه عشان ميخسركيش و لسه بيحبك ولسه عايزك بصي يا بيري انا مش هجبرك علي حاجه بس كل اللي طلبان منك تقعدي كده مع نفسك وتفكري بهدوء ادي نفسك فرصه قبل ما تقولي انك رافضه خالص ونعرف خالد بقرارك لو حسيتي انك فكراله اي حاجه حلوه وافقي مقدرتيش يبقي خلاص.
بيري…وانا واخده قراري يا ماما
مازن….حتي لو كل اللي بتقوليه ده صح يا ماما ده ميديش خالد الحق انه يعمل كده في بيري واضح انه نسي انه ليها اب وليها اخ يحموها.
فاتن….يا ابني قول كلمه عدله او اسكت فكر في اختك يا حبيبي كل المشاكل دي وارد تحصل عادي بس في النهايه اكيد هتبقي متطمن لما اختك تبقي متجوزه راجل ليه اسم وليه نفوذ و عنده فلوس تعيش اختك ملكه هي واحفاد احفادها راجل فيه مميزات كتير شاب وحلو و ليه كاريزما وليه شخصيه و الكل بيعمله حساب وريث ابوه الوحيد يعني اختك هتعيش حياه تانيه واللي هتطلبه او تشاور عليه هيجي في لحظتها يا فرحتي تحب واحد و يعيشها متهانه او تعبانه معاه و علي قده الحب في الزمن ده ميأكلش عيش فوق انت وهي الزمن ده عشان تعيش مرتاح و مسنود دور علي اللي يحبك اللي معاه فلوس اللي مستعد يجيب حته من السماء عشانك لكن تقولي حب و كلام فارغ
مازن….يمكن معاكي حق بس اكيد مش كل حاجه الفلوس
فاتن….لا الفلوس هي كل حاجه تقدر بيها تعمل كل حاجه لو وقعت من
—
طولك تتعالج في احسن مكان في العالم تعلم ولادك احسن تعليم تشغلهم في احسن اماكن او تعملهم البيزنس الخاص بيهم تسافر وتلف العالم تاكل احسن اكل تتعامل احسن معامله تدخل احسن وانضف الاماكن تتعرف علي ناس من مستوي اجتماعي يليق بيك و يشبهك تسهل اي حاجه واقفه
توصل صوتك و تخلي اسمك لما يتسمع يتض…ربلك تعظيم سلام
الفلوس كل حاجه يا مازن
جرب بس انت او هي تعملوا اي حاجه من اللي قولت عليها دول بالحب مش هتلاقي لان الحب مش بيفتح طرق ولا بيسهل امور
زمان كنت بسمع مثل من جدتي كانت ديما تقوله و كان معاها حق فيه كانت بتقول لو دخل الفقر من الباب هرب الحب من الشباك
الحب والفقر مينفعش يجتمعوا في مكان واحد لكن الفلوس تجيب الحب و تجيب السعاده وتجيب التفاهم مش هيبقي في خناق لا علي مصاريف بيت او اطفال مش هتقدري تكرهي الراجل اللي بيلبي طلباتك
لو بتحبي راجل يابيري و خلفتي منه اطفال و طلبتي منه ابسط الحجات و مقدرش عشان ظروفه وفقره شويه شويه مش هتتحملي و هتتعبي اكتر و اكتر لما يبقي عندك اطفال و شايفه في عينهم نظره احتياج او تمني للعبه بقي لفسحه لسفريه طلباتهم بتكتر وبتكبر معاهم و انتي ظروفك وظروف جوزك صعبه هتبدأي تكرهيه
ماهو انتي ممكن عشان الحب تقولي انك مش محتاجه اي حاجه وكفايه اني عايشه مع الشخص اللي بحبه حتي لو هناكل عيش حاف مش هتشتكي بس صدقيني لما يبقي عندك اطفال مش هتقدري ولا هتبقلي لان كل أم في الدنيا تحب تشوف ولادها زي ما بتتمني تحب طلباتهم تتحقق متحبش ابدا تشوف في عينهم نظره احتياج
بيري….انا مش هقولك يا ماما ان الرزق ده بتاع ربنا وان كل حاجه بتيجي برزقها ولا هقولك ان الفلوس مش كل حاجه لاني عارفه ان الكلام ده مش هيعجبك
بس لازم تعرفي حاجه مهمه اوي انا بإرادتي او ڠصب عني هعيش اللي ربنا كاتبه ليا رضيت او نقمت علي عيشتي مفيش حاجه هتتغير وافقت او رفضت اللي ربنا عايزه هيكون.
حتي كمان لو دعيت كتير لربنا انه يغير حالي انا عارفه طبعا ان الدعاء بيغير القدر بس لو ربنا كاتب ان حياتي تكون في فقر او ضعف او مرض لحد ما امو….ت
مفيش حاجه هتغير القدر الا بمشيئته هو يعني كل الكلام اللي بنقوله ده ملهوش اي لزوم ولو فرضنا اني وافقت علي خالد او اي شاب في نفس مستواه عادي جدا انه يخسر كل حاجه في يوم وليله صدقيني يا ماما الفلوس مش كل حاجه.
فاتن….هي وجهات نظر يا بيري انا ليا قناعات وانتوا ليكم قناعات بس بفكركم اني ام واي ام في الدنيا نفسها تشوف ولادها في افضل مكان عموما خلونا بقي نقفل الموضوع ده خالص و نسيبه كده علي جنب و انا واثقه انك لما تفكري بعقل يا بيري هتغيري رأيك انتي بس ادي نفسك فرصه واسمعي خالد واقبلي اعتذاره.
بيري…تاني يا ماما انا قولتلك قراري وبعدين اعتذار ايه اللي اقبله طبعا مرفوض هو ناوي كمان يعتذر.
سعيد…اه يا بيري ناوي يعتذر وانتي هتقعدي وتسمعيه مش عشان توافقي عليه لا عشان ده حقك هو غلط و عايز يعتذر
بيري…وانا مش عايزه منه اي اعتذارات كفايه بس انه يسيبني في حالي.
فاتن….لا يا بيري هيعتذر و انتي هتسمعيه و مش معني اني قولتلك براحتك يبقي نعادي الراجل متنسيش يابيري ان خالد و والده عشرة عمر و في بينهم وبين ابوكي شغل و معرفه يعني مش هينفع نخسرهم فاهمه يا بيري لازم نخلص بقي الموضوع ده نهائي.
بيري….تمام يا ماما بس لازم تعرفي ان دي هتبقي اخر حاجه اعملها مع اللي اسمه خالد ده.
مازن…..متقلقيش يا بيري مفيش حاجه ممكن تجبرك علي اي حاجه بس زي ما ماما قالت هو غلط و لازم يعتذر وبعدين انا جنبك انتي مش بتثقي فيا ولا ايه
بيري…بحب ابتسمت اكيد بثق فيك طبعا يا حبيبي.
مريم…..بقولك ايه انتي مش هتطلعب تغيري بقي
بيري….اه انا عايزه اطلع اوضتي وحشتني اوي وكمان محتاجه انام شويه بس الاول عايزه اكلم سهر وملك اكيد قلقانين عليا
مريم….دول هيتجننوا عليكي
فاتن….يادي سهر دي بقولك ايه
بيري….بمقاطعه ماما انا عارفه هتقولي ايه كويس بس سهر صاحبتي واختي
فاتن….انا مقولتش حاجه بس يا بنتي انا بحس البنت دي معقده وبتغير منك راحت بهدلت خالد
بيري….طب وليه متبقاش عملت كده عشان بتحبني وپتخاف عليا وبعدين هتغير مني ليه سهر ماشاء الله زي القمر مش ناقصها اي حاجه شاطره و ناجحه و عندها شغلها و واصله لمكانه انا مش فيها يبقي ليه هتغير
فاتن….هتغير عشان خالد هيتجنن عليكي
بيري…يادي خالد اللي عاملك قلق يا ماما بجد هو ايه خالد ده مفيش منه كل حاجه خالد خالد
فاتن…اه يا بيري كل حاجه خالد لان واضح انك مش مقدره ابدا مكانته سهر لو كان خالد بصلها او اتقدملها مكانتش هتكرهه كده ساعتها كان هيبقي حلو بس هي بتشجعك علي اللي في دماغك عشان مش عيزالك الخير
بيري….طب ده كويس انه مجربش يتقدملها عشان وقتها مانت ممكن تقـ,ـتله بأيدها بقولك ايه يا ماما انا هطلع اوضتي لاني تعبت اوي بجد
مريم….خدي يا بيري موبايلك اهو
بيري….بسعاده يااااه اخيرا كنت مفتقداه اوي
سعيد….يلا يا حبيبتي اطلعي ارتاحي
بيري….تصبحوا علي خير
الجميع…وانتي من اهل الخير
مريم….ايه مش هتنامي معايا
بيري….لا انهارده اجازه عشان اوضتي وحشتني اوي بس اوعدك من بكره هقتحم اوضتك
مريم…ماشي يا ستي وانا موافقه
طلعت بيري علي اوضتها خدت نفس طويل و فضلت تبص علي الاوضه و علي وشها ابتسامه حزينه.
مشيت بهدوء وراحت قعدت علي السرير فتحت الموبايل و عملت مكالمه جماعيه بينها وبين ملك وسهر.
اول واحده ردت كانت سهر وردت بترقب مش مصدقه انها ممكن تكون بيري.
سهر….الو
بيري…وحشتيني
ملك….بيرررري
سهر….يلا يا جزمه قديمه انا لو شوفتك هطبق في زوماره رقبتك كملت پبكاء والله يا بيري انا لو شوفتك بجد مش هرحمك
بيري…بابتسامه طب بس اهدي بلاش عياط انا كويسه والله
ملك….بيري انتي فين رجعتي صح
بيري….ايوه رجعت يا ملوكه وحشتيني انتي وسهر اوي
ملك….وانتي وحشتينا اكتر و الكام يوم دول حياتنا كانت مش مظبوطه بسببك انتي كويسه
بيري…انا زي الفل والله انتوا طمنوني عليكم
سهر….عمل فيكي ايه يا بيري قوليلي
بيري….يابت بطلي عياط بقي مالك بقيتي عامله زي امينه رزق كده ليه انا كويسه اهو
سهر…مش هطمن غير لما اشوفك يلا قومي تعالي انا هنزلك الوقت
بيري…انزل فين الساعه
عشره ونص وبعدين انا مېته من التعب وعايزه انام انا بس مقدرتش انام غير لما اطمنكم
ملك…طيب حتي ساعه واحده بس
بيري….طيب ما نخليها بكره احسن علي الاقل نقعد براحتنا ونتكلم زي ما احنا عايزين
سهر….خلاص يبقي هنفطر مع بعض و هنقضي اليوم كله كمان.
بيري…طيب خليها غداء احسن عشان مش عايزه اصحي بدري و اهو علي الاقل اقعد معاكم براحتي
سهر….طيب خلاص بس هنشوفك بكره
بيري…اكيد انا محتجالكم اوي بجد
سهر…طيب قوليلي اي حاجه طمنيني عليكي
بيري….هحكيلكم كل حاجه بكره و الله كل اللي عيزاكم تعرفوا بس اني
—
بخير
ملك….انا مبسوطه اوي يا بيري بجد و مش عارفه ليه طول اليوم كان عندي احساس انك هترجعي انهارده وتكلمينا
بيري…يا عمري ربنا ما يحرمني منكم ابدا وحشتوني اوي بجد
سهر….انتي اللي وحشتيني اكتر وكنت ھمو….ت عليكي يا بيري بس يلا الحمد لله انك بخير اعملي حسابك هصحيكي من بدري بكره
بيري….رجعنا للازعاج من تاني كنت مرتاحه منك
ملك….بضحك لا اعملي حسابك مفيش راحه لا منها ولا مني الكام يوم اللي فاتوا كانوا سنين مش ايام
بيري….و الله انا انا كمان كنت مفتقداكم بجد يلا انا هسيبكم بقي و اشوفكم بكره
سهر….ماشي يا حبيبتي خلي بالك من نفسك
ملك….تصبحي علي خير يا بيبو يا قلبي
بيري….وانتي من اهل الخير يا ملوكه سلمي علي امجد كتير وقوليلوا انه وحشني
ملك….حاضر يا قلبي انتي كمان وحشتيه اوي
سهر…..يلا يا حبيبتي تصبحي علي خير
بيري…وانتي من اهل الخير سلام يا بنات
قفلت بيري معاهم وقامت خدت لبس من الدولاب و دخلت تاخد شاور.
………..
وصل فريد علي البيت دخل من الجنينه بهدوء وراح فتح الباب
ومن اول ما حط رجله شم ريحة بيري ماليه المكان ابتسم بهدوء
وقفل الباب وحط المفتاح علي اول تربيزه قابلته
لمح قدر نايم علي الكرسي و اول
ما عمل صوت نزل من علي الكرسي.
فريد…اهلاااا بدأنا اليوم اهلا يا استاذ قدر اوعي تقرب خليك بعيد فين صاحبتك سيباك نايم لوحدك ليه
قدر…نيووووو
فريد..انت مصدقت رجعت عشان تضايقني ولا ايه امشي هششش هشششش بيرررري يا بيررري
راح وقف علي اول درجه ونادي عليها
فريد….بيرررري
هي نايمه و لا ايه
البيت كان هادئ جدا ومكانش في اي صوت فكرها نايمه طلع براحه علي فوق الباب بتاع اوضتها كان مقفول نصه يعني موارب شويه وقف قريب منه
فريد….بيررري بيررري انتي ضاحيه ولا نايمه
استني الرد لكن لا في رد ولا في صوت.
قرب ايده من الباب خبط
فريد….بيرررري طب انتي كويسه انا هفتح الباب بيرررري
وبعد انتظار حس بقلق فا قرر يفتح الباب الاوضه لكن مكانتش موجوده حتي باب الحمام اللي في الاوضه كان مفتوح و مفيش حد جوه هنا بدأ فريد يقلق و يتوتر فضل يشوف في كل الاوض وينادي عليها بس مكانش ليها اثر بدأ يتعصب وغضبه يبان علي ملامحه مجاش في باله خالص انها ممكن تكون مشيت لانه مشي بعد ما صالحها وهي مقالتش تنها ماشيه و اكيد لو هتمشي هتاخد معاها قدر
كل اللي كان في باله ان في حد شافها او حد لقاها يمكن تكون خرجت او فتحت الباب ورجالة خالد لقوها نزل بسرعه علي تحت و دخل علي طول من الباب اللي بينزل تحت علي الصاله.
مكانش ليها اي اثر بردوا طلع تاني بسرعه و فكر في الباب اللي فالمطبخ يمكن نكون فتحاه و هو مخدش باله
طلع بسرعه ودخل علي المطبخ واول ما دخل لمح ورقه ملزوقه علي باب الثلاجه وقف وفضل باصص عليها من بعيد
ضر…بات قلبه ونفسه  كانوا عاليين بسبب جريه و تدويره عليها.
قرب بهدوء من الباب سحب الورقه وسند ضهره علي الرخامه بتاعت المطبخ و بدأ يقرأ رسالتها.
الحزن اللي كان علي ملامحه وهو بيقرأ الرساله فكره بحزنه علي اخته كأن في حته اتاخدت منه ابتسم بحزن وهي بتوصيه علي قدر و بتقوله يعمل ايه عشان يتخلص منه و ميخافش
قدر يحس من كلامها انها زعلانه عشان مقدرتش تاخده معاها
فريد…بحزن طبق الورقه و قفل عليها ايده ليه كده يا بيري طيب كنتي استنيتي لما اجي علي الاقل اوصلك و اطمن عليكي و اعرف مكانك ده انا حتي معرفش ليكي رقم موبايل.
اتنهد بحزن ورفع راسه بص لقدر
راح بهدوء فتح الثلاجه و فتح علبة تونه حطهاله في الطبق و بعدين نزل الطبق و اول ما قرب قدر بعد فريد بسرعه
بصله من بعيد و بعدين سابه وطلع علي اوضته حط الورقه في دولابه وخرج لبس ودخل خد شاور كان محتاجه جدا
بعد وقت بسيط خرج وفضل قاعد علي حرف السرير ساكت
كان ديما لوحده خاصتا بعد الحاډثه وبعد اختفاء ساره اتعود علي الوحده والوحده اتعودت عليه لكن جات بيري في كام يوم كسرت كل الحواجز دي و بعدت عنه الوحده اللي كان عايش فيها صحيح اټخانق معاها اكتر ما كان بيتكلم معاها بس خڼاقه وغضبه و ازعاجها و مصايبها حس انهم كان ليهم قيمه كبيره اوي و هو مش حاسس.
لاول مره يحس پخنقه وضيق من الوحده البيت ساكت وهادئ
يمكن كان في الاول وخاصتا بوم الحريق كان عايز يخلص منها و من مصايبها بس بعد كده حب مصايبها وازعاجها ورغيها و اهمالها و العشوائيه اللي كانت فيها افتقدها بجد يمكن كان مبسوط عشان هترجع لاهلها وانهم قدروا يفهمومها بس كان مضايق من جواه اوي.
قام بهدوء و من غير ما يحس دخل علي اوضه اخته اللي كانت قاعده فيها قعد علي السرير و مسك المخده اللي كانت بتنام عليها البرفيوم بتاعها كان مالي الاوضه و طابع علي المخده
ابتسم وخد نفس طويل عدي وقت طويل وهو قاعد مكانه بص في الساعه كانت اتنين الصبح مش عنده نوم مخڼوق
افتكر قدر نزل علي تحت وشافه عمال يجري ويرجع بص علي الارض لقاه بيلعب بالقلم اللي بيري كانت بتكتب فيه.
فريد….شششش باااااس بتعمل ايه يا مزعج انت كلت وهتفوق يلا عشان تمشي
حدف قدر القلم نزل تحت الكنبه
وقف وبص لفريد.
فريد…ايه بتبصلي كده ليه صاحبتك مشيت و بعدين هي اللي قالتلي اخرجك انت عارف انا مش هقدر اقعد معاك
قدر….نيوووو
فريد….طيب اعمل ايه انا مش هقدر
نام قدر في الارض وفضل يجي بجسمه شمال ويمين
فريد…بابتسامه حزينه لا بلاش دلع متحاولش مش هتأثر عليا وبعدين انا مش هقدر اعملك اي حاجه خالص لاني مش هقدر المسک يعني مش هقدر اساعدك حتي بص انت اخرج و خليك بره  والصبح هوديك اي مكان خاص بالحيوانات ماشي.
راح غريد براحه علي الباب فتحه و فضل ينادي عليه.
فريد….قدرررر بس بس بس يلا تعالي
قام قدر من الارض وقف شويه يبص عليه وبعدين راح لفريد
وقف قدام الباب خرج فريد بسرعه بره و خرج قدر وراه واول ما خرج رجع تاني بسرعه
دخل وقفل الباب بحزن عشانه وعشان بيري الاتنين في يوم واحد مشيوا وسابوا البيت كله ليه من غير ازعاج
فضل واقف شويه و بعدين طلع علي اوضته بسرعه عشان ميفكرش كتير طلع علي سريره و حاول انه ينام.
………….
في صباح يوم جديد صحي فريد بدري قبل بلال نومه كان مقطع او تقريبا هو منامش كويس
دخل الحمام و شويه وخرج كمل لبسه ونزل علي تحت
قدر ..نيووووز
فريد…صباح الخير
قرب منه قدر طلع درجه بسرعه لفوق وبصله وهو رافع حاجبه
فريد…ايه اتفقنا علي ايه امبارح تلتزم بالقوانين ومتقربش مني والا هخرجك ومش هدخلك تاني خليك مؤدب واسمع الكلام ماشي.
فضل قدر يبصله من تحت الدرجه كأنه فاهمه و لأنه كان صغير و الدرجه عاليه عليه مكانش بيعرف يطلع كان بيعرف ينزل بس و دي اكتر حاجه كانت مطمنه فريد انه مش هيطلع عنده فوق.
راح فريد حطله يفطر و فضل
—
لاصص عليه و مبتسم و افتكر اللي حصل.
فلاش باااك
طلع فريد علي السرير وحاول ينام بس مكانش عارف كلام بيري بيرن في ودنه لما قالها تخرجه لسه فاكر كل كلمه وفاكر شكلها وهب قاعده تكلمه من وراء الباب.
قام فريد من السرير ونزل علي تحت قرب من الباب يسمعه مكانش ليه صوت فاح بسرعه لقاه واقف قدام الباب و بيبص لفوق كأنه مستني حد يفتحله واوا ما فتح فريد دخل قدر بسرعه علي جوه ونط علي الكرسي.
فريد…..انت كنت مستني افتحلك
بص انا مش هاين عليا اسيبك ومش عارف عملت كده ليه اصلا وبطل تبصلي كده كأنك فاهمني
انا خدت قرار هخليك معايا بس لازم نتفق الاول علي شويه حجات كده ماشي
اول حاجه اوعي تقرب مني او تلمسني لاني ممكن اموت فيها وشكلي هيبقي وحش بجد لو جالب سكته قلبيه بسبب قط عمره شهرين
تاني حاجه اباك تقرب من حاجه تخصني عشان ھقـ,ـتلك.
ثالث حاجه ممن ع تطلع فوق هتفضل تحت هنا ماشي.
رابع حاجه تفضل مؤدب وتعمل بيبي في مكانك
خامس حاجه تبطل نونوه عالفاضي وعلي المليان متبقاش رغاي زي صاحبتك.
وكفايه كده عليك و لو افتكرت حاجه تاني هقولك اتفقنا يلا ابعد من قدامي خليني اطلع انام انزل الصبح اللاقيك مؤدب
باااااك.
سمع فريد الباب بيتفتح و دخل قدامه بلال.
بلال…ايه ده صباح الفل ايه اللي مصحيك بدري كده
فريد….عادي قلقت و مجاليش نوم قولت اقوم بقي
بلال….حضرت الفطار
فريد…لا انا كنت بحط اكل للقط بس مش جعان مليش نفس اعملي بس قهوه.
بلال….طيب عشان منطولش كتير عالصبح بلاش مناهده ووسع عشان اعمل الفطار
فريد….بضيق بلال بالله عليك انا اللي مش عايز مناهده انهارده مليش نفس قولتلك هتعمل ومش هاكل انا اصلا شبعان اعملي بس قهوه
بلال….طيب هعملك فطار بسيط تمام قول تمام عشان مش هتخلص مني
فريد…بنفاذ صير انجز يا بلال اخلص
بلال….فين بيري هي لسه مصحيتش
فريد….بتنهيده بص لبعيد بيري مشيت
بلال…بصله وسكت ثواني بيحاول يفهم مشيت فين
فريد..غين يعني روحت بيتها
بلال….ليه ده انت مشيتها يعني بسبب كلام ياسر
فريد…لا خالص انا رجعت امبارح ملقتهاش كتبتلي ورقه وقالت انها كلمت والدتها و الدنيا بينهم تمام
بلال…كلمتها ازاي
فريد…كنت ناسي الموبايل اللي هلتها تكلمها منه اول مره الرقم البرايڤت بس و مشيت
بلال….طب وسابت القط ليه مش كنت بتقول انها هتاخده
فريد….كان مستخبي تقريبا لان هي كتبتلي انها دورت عليه و مش لاقيته
بلال…طيب و ليه سايبه
فريد…پغضب بسيط ما خلاااص يا بلال كفايه اسئله واستجوابات عالصبح خرجته ومرضيش يخرج واكيد مش همسكه فا سيبته هو كده كده مش بيعرف يطلع فوق لوحده بينزل بس
بلال….طيب تحب انا اخرجه
رد فريد بسرعه ومن غير تفكير
فريد….لا سيبه انا بعدين هتصرف
بلال…طيب زي ما تحب فريد هو انت كويس
فريد….تمام يا بلال يلا خلينا نمشي بقي
بلال….طيب تمام هخلص بسرعه تاكل ونمشي علي طول
فريد…تمام
…………
في ڤيلا رأفت الباشا بعد الفطار
قام رأفت عشان يمشي.
رأفت…أمجد تعدي عليا علي الساعه 4 عشان عايزك
أمجد…تمام بس ليه في حاجه ولا ايه
رأفت…لا بس في شغل كده هنتكلم فيه خالد ابن مهيب هيجي هو وابوه هنتكلم فيه
امجد….طيب وانا ايه دخلي بالموضوع ده حضرتك عارف اني مفهمش في شغلكم
رأفت….ده ملوش علاقه بشغلنا يا أمجد دي فكره جديده لخالد و يعني كلنا هنقف معاه وندعمه فيها و انا عايزك تبقي معاه
أمجد….ابقي معاه ازاي ادعمه يعني بيتهيألي خالد مش محتاج دعم وبعدين ادام حضرتك معاه يعني اموره هتبقي تمام و اكيد ادام هتدعمه يبقي الفكره عجباك ودي لوحدها كفايه اكيد هينجح ومش محتاجني في حاجه
رأفت….مين جاب سيرة دعم منك يا امجد انا عايزك معاه في شغل و اه الفكره عجباني وعشان كده عايز ادخلك فيها ماهو انا مش هدعم ابن مهيب الباز بس لمجرد ان الفكره عجباني اكيد يهمني ان ابني يستفاد من الدعم والفكره دي
امجد…يا باشا حضرتك عارف اني دكتور و لسه يادوب باخد اول خطواتي في المهنه يعني انا بعيد كل البعد عن اي شغل تاني وبعدين ايه هو الشغل اللي خالد هيعمله وعاجبك اوي كده
رأفت….شغل ليه علاقه بالفن يعني شركة انتاج ضخمه وانا عايزك تكون جزء منها
امجد….طب وده كلام يا باشا فن ابه وانتاج ايه يعني مع احترامي لحضرتك بس ده بعيد عني خالص
هناء….طيب وفيها ايه يا امجد مل تجرب يا حبيبي وبعدين اللي فهمته من رافت ان خالد هو اللي هيكون شايل كل حاجه انتوا هتبقوا مجرد شركاء وبعدين انت زي ما قولت لسه بتبدأ اول خطواتك واكيد محتاج توصل لمكان اكبر بكتير و ده هيساعدك
رأفت….انت ايه مشكلتك انت مش هتبقي في الصوره خالص يا امجد كل الحكايه انك هتبقي شريك و بعدين انا مش عايز احط ميزانيه يستفاد بيها ابن مهيب
امجد….طيب معلش محتاج اسأل سؤالين اول سؤال ليه اسم حضرتك ميبقاش موجود تاني سؤال هو خالد او مهيب باشا محتاجين منك ميزانيه عشان يعملوا شغل زي ده بيتهيألي هما يقدروا يعملوا ده لوحدهم
رافت….اه يقدروا بس مش بالميزانيه الضخمه اللي اتكلمنا عنها متنساش ان السيوله اللي معاهم مش هتكفي كل فلوسهم في السوق تاني حاجه انا مينفعش اسمي يكون موجود يا امجد لاسباب كتير اولهم وضعي الاجتماعي عشان كده مينفعش غيرك انت
امجد….بس انا اسف يا باشا انا بصراحه مش حابب خالص و بعدين انا قولتها لحضرتك كتير انا عايز امشي المشوار من بدايته لوحدي يعني حضرتك مقصرتش معايا في التعليم نهائي و بيتهيألي كفايه اوي خليني بقي اعتمد علي نفسي واحس بحلاوة المشوار اللي بدأ
رأفت….يا ابني انت طالع دماغك ناشفه لمين وايه الهبل اللي انت بتقوله ده انا فلوسي كلها ملكك انت و أختك ولو معملتش عشانكم انتوا كل حاجه هعمل لمين
أمجد…وحضرتك عمرك ما قصرت معانا يا باشا بس كمان غير اني بعيد عن الشغل ده انا وخالد مستحيل نتفق في الشغل مع بعض
رأفت….افهم يا امجد الشغل ومتابعته وكل حاجه تخصه انا اللي هبقي متابعه مع خالد انت مش هتدخل في اي حاجه خالص غير انك هتكون شريك مش اكتر يعني تيجي و تمضي العقود و تضمن حقك وبس مش هحتاجك تاني في اي حاجه
هناء….خلاص يا امجد بابي قالك انت بعيد يعني انت كل اللي هتعمله انك هتمضي علي العقود وتبقي شريك رسمي غير كده ملكش دعوه بأي حاجه
امجد….بتتهيده وقلة حيله تمام يا باشا هشوف كده وهقولك
رافت…مش هتشوف يا امجد انت هتيجي علي الساعه 4 عشان نخلص الموضوع ده
امجد…تمام يا باشا خلاص هاجي باذن الله.
رافت….ماشي هستناك يلا محتاجين مني حاجه
هناء…لا يا حبيبي سلامتك
رافت….ملوكه عايزه حاجه
ملك…ميرسي يا بابي اه صحيح انا خارجه انهارده مع سهر وبيري
رافت….هي بيري رجعت
ملك….بابتسامه اه رجعت امبارح الحمد لله و طمنتنا عليها و هنروح نتغدي سوا
رافت….ماشي يا ملك زي ما تحبي بس ياريت مننساش الكلام اللي قولناه و اي كلام بيري تقوله عن خالد ملناش دعوه بيه تمام مشاكلهم يحلوها مع بعض
ملك….طيب يا بابي تمام عموما انا رايحه بس عشان اطمن عليها ونقعد مع بعض مش اكتر
رافت….ماشي يا
—
حبيبتي يلا سلام
هناء….سلام يا حبيبي
مشي رافت وبصت هناء لامجد
هناء…في ايه يا حبيبي مالك مزاجك اتقلب ليه
امجد….عشان حضرتك عارفه اني مليش في كل اللي الباشا قال عليه ده يا مامي و بعدين انا اتعامل مع خالد ابقي لطيف معاه يعزمني علي حفله اقعد معاه في تجمع لكن شغل وكمان اختصاص غير اختصاصي اكيد لا يعني
هناء….يا حبيبي ما هو قالك مش هتبقي موجود معاه مباشرة في الشغل انت هتبقي شريك بالنص و الربح هيتقسم بينكم هو هيشيل كل حاجه انت ملكش دعوه خالص
امجد….طب وليه هو احنا محتاجين فلوس عشان نتجه للسينما والانتاج
هناء….اكيد لا بس رأفت كده كده هيدعمه و اكيد مش هيدعمه كده وخلاص في النهايه رافت يهمه مصلحتك
ملك…. متضايقش يا امجد انت خليك مجرد شريك و ابعد عن اي حاجه خليه منه لبابي و ريح دماغك
امجد…بضيق بسيط تمام يلا انا همشي
هناء…امجد
امجد…نعم يا مامي
هناء…فك كده وروق مش بحب اشوفك كده
امجد….بابتسامه بسيطه مفيش حاجه يا حبيبتي انا تمام يلا سلام هبقي اكلمك يا ملك
ملك….تمام يا حبيبي
هناء….سلام يا امجد
……………..
في منزل سهر كانت قاعده هي و والدتها علي السفره بيفطروا.
امل…..بسعاده والله فرحتيني اوي يا سهر ان بيري رجعت وبخير البنت دي طيبه اوي وجميله وانا بحبها اوي
سهر….و انا والله يا ماما فرحت اوي امبارح كنت حاسه ان طايره لما شوفت رقمها بيرن عندي لاحظه كنت متخيله انها مريم بس لما طلعت هي كنت عايزه اتنطط من فرحتي
امل…..ربنا يحفظها ويبعد عنها اي سوء
سهر…يارب
امل….طيب مقالتش كانت فين او ايه اللي حصل معاها
سهر…لا هي كلمتنا عشان تطمنا عليها بس هتحكيلنا انهارده بقي لما نتقابل
امل….المهم مش هوصيكي يا سهر ابعدي خالص عن الشاب اللي بيحبها ده احنا مش ناقصين ۏجع قلب و مشاكل الواد ده شكله شړاني
سهر….علي نفسه
امل….ماقولنا بقي بلاش فتحة الصدر دي يا سهر اسمعي كلامي وريحيني مره الناس دي معندهاش ضمير ولا يعرفوا ربنا يا حبيبتي قلبهم مش موجود واسهل خطوه عنده الاذي
سهر…مټخافيش يا ست الكل واوعدك اني مش هقرب منه ولا هاجي جنبه الا لو هو نكشني بقي غير كده انا كل اللي يهمني هو بيري تبقي كويسه مش اكتر
امل…..ربنا يسترها عليها وعليكي يا حبيبتي ويبعد عنكم ولاد الحړام
سهر….اللهم امين يارب
امل….انتي مش عندك شغل و لا تصوير انهارده
سهر….لا انا الحلقه بتاعتي بعد بكره عندي حجات بسيطه بس بصراحه مش هعملها انهارده هعملها بكره واصلا الايام اللي فاتت كنت بخلص كل شغلي عشان اشغل نفسي علي قد ما اقدر بس انهارده اليوم هيبقي بتاع بيري بنت اللذينه وحشتني غابت كام يوم بس حاسه انهم سنين والله
امل….احسن اهو تفصلي شويه من الشغل انتي مش بتريحي نفسك خالص هتتقابلوا امته
سهر….يعني علي خمسه كده ان شاء الله وبيني وبينك عايزه اروح اجيبلها ورد و هعملها مفجأه هحتفل بعيد ميلادها زي ما وعدتها واديها هديتها.
امل….ربنا ما يحرمكم من بعض يا حبيبتي هي بنت حلال وتستاهل فرحيها انتي وملك اكيد يوم عيد ميلادها كان يوم صعب خصوصا بعد اللي حصلها
سهر….عارفه ده اكيد و بعدين هي صوتها كمان مكانش عاجبني مش عارفه ليه اه كانت بتضحك بس انا عارفه بيري كويس مش هي دي ضحكتها اللي من قلبها
كمان بيري تبان هاديه بس هي مهيبره معانا وامبارح صوتها كان هادئ زياده عن اللزوم وحزين يارب بس تكون بخير
امل….اكيد اللي حصل معاها مكانش سهل و بعدين بيري عمرها ما باتت بره و لا حتي باتت معاكي هنا هي مش متعوده تبعد عن البيت و ده اكيد صعب عليها.
سهر….يلا خير ان شاء الله واكيد بس نتقابل و هتفك وترجع تحسن من الاول
امل….يارب سلميلي عليها كتير و قوليلها طنط امل بتقولك حمد الله علي السلامه و انا هبقي اكلمها وعايزه اعزمها اخر الاسبوع كده تيجي ونتغدي سوا
سهر….ان شاء الله يا حبيبتي
يلا انا هقوم اشوف هلبس ايه عشان هنزل بدري شويه قبل ما هي تيجي
امل….ماشي يا حبيبتي
…………………
في منزل بيري صحيت من نومها بعد ما سهر عملتلها ازعاج علي الصبح وصحتها.
قامت دخلت الحمام غسلت وشها وخرجت وقفت قدام الشباك كان عندها حاله من الخمول و الضيق
مفيش النشاط اللي كان موجود ولا في شقاوتها اللي كلها طفوله وبراءه كان عندها حاله من السكون الغير مبرر ليها شخصيا مكانتش قادره تفهم او تحط ايدها عالسبب اللي مخليها كده
خبط الباب بتاعها ودخلت مريم هي ومازن
مريم….صباح النور
بيري…صباح النور يا قلبي تعالوا
مازن….ايه ده يخربيت عقلك ده طلع فعلا ان البيت من غيرك كان وحش اوي
بيري…ليه كان عندك شك ولا ايه
مازن….لا بس الوقت لما دخلت الاوضه حسيت انك كنتي سايبه فراغ كبير
بيري…. اديني رجعت تاني اهو يا سيدي بس قولولي بقي كده بصراحه كنتوا مرتاحين مني
مازن….ياااااه جدا كنتي مسببانا ازعاج وتوتر
مريم…ايوه وكانت رخمه كده وكاتمه علي نفسي في اوضتي
مازن….ولا كركبتها و نكشها في كل حاجه وسر….ق….تها لهدومي يااااه
مريم…ولا السرير اللي مكانتش مهنياني عليه يا مازن يا ساتر الواحد مكانش بياخد راحته
بيري….لا يا شيخ طب يلا اطلع بره اوضتي انت وهي كده
ضحك مازن ومريم عليها
مازن….بضحك لا لا خلاص والله بنهزر
بيري…ايوه كده اتعدل
مازن….بصراحه ومن غير كلام حلو انتي كنتي عامله فراغ كبير اوي و كنت مفتقدك اوي اوي وهتجنن عشانك
مريم….بصراحه مازن معاه حق و المشكله اننا مكناش عارفين اصلا ندور عليكي فين الحاجه الوحيده اللي طمنتنا انك كلمتي ماما و عايزه اقولك بقي اللي كان بيتريق عليكي الوقت ده كان هيـ,ـتجنن حرفيا عشانك و كان كئيب اوي ومزاجه زي الز…..فت
بيري….يا عمري انا ربنا ما يحرمني منكم ابدا
مريم….و عايزه اقولك كمان اني للحظه حسيت ان مازن اكبر منك كنت شيفاه بيدور علي اخته الصغيره اللي خاېف يكون فيها حاجه
بيري…طب ما انا اختوا الصغيره انتي عايزه تكبريني ولا ايه انا اعيل منك انتي وهو مكانوش سنتين اللي هتقرفوني بيهم
مازن….بس دي حقيقه يا بيري انتي عاره اني طول عمري بتعامل معاكم علي اني الكبير اه مريم توأمي واكبر مني بخمس دقايق بس في النهايه هي قدي لكن انتي اخ اكبر بس عمري ما حسيت انك اكبر ديما بحس انك قدنا و بحس انك صغيره بخاف عليكي انتي ومريم و بحس اني انا الكبير
بيري…طيب ما انت الكبير يا مازن احنا من غيرك ولا حاجه يا حبيبي ربنا يخليك لينا وتفضل سند لينا طول العمر
مازن…..بحب حـ,ـضنهم ويخليكوا ليا يا اغلي حاجه في حياتي قوليلي بقي يا بيري
رفعت بيري راسها وبصتله.
بيري….اقولك ايه
مازن…..ليه حاسس انك راجعه بس في حاجه ناقصه فيكي مش هي دي بيري اختي حبيبتي اللي كلها طاقه وحيويه ونشاط اللي بتصحكني من قلبي مالك فيكي ايه
بيري….ولا حاجه يا حبيبي بس انتوا كنتوا واحشني كمان طول الفتره اللي فاتت كنت مكتئبه من اللي حصل مش اكتر
مازن….بيري متخبيش عني حاجه احنا طول عمرنا سر لبعض احنا الثلاثه وكل مصا….يبنا اللي كان خد فينا بيعملها كنا بنخبيها وبنداري علي بعض
بيري….هخبي ايه بس
—
يا مازن قولي انت ايه اللي في دماغك و اتكلم علي طول عايز تقول ايه
مازن….اااا بيري خالد عملك اي حاجه
بيري….بسخريه بصاله بطرف عينها مكنتش بطحته في دماغه هو والواطي التاني
مريم….بيبو يا قلبي مازن خاېف عليكي مش اكتر و حابين نعرف عملك ايه عشان بس نطمن
بيري….والله ما عمل هو كان هيعمل بس انا مدتلوش الفرصه
مريم….بيري هو بجد حاول انه يقرب منك عشان كده ضر….بيته
بيري….بصتلها بحزن هو انتي مش مصدقاني يا مريم زي ماما وبابا فكراني بكدب
مريم…لا والله مش كده ده مجرد سؤال اصل انتي مشوفتيش الثقه اللي كان بيتكلم بيها
بيري….ومن امته خالد كان صادق يا مريم وحتي لو قال ايه المفروض تثقي في كلام اختك انا مش محتاجه يا مريم اكدب كدبه زي دي عشان اطفش خالد
واظن اللي عمله مع حمزه كان دليل علي انه كداب لانه لحد الوقت بيحاول يقنع الكل انه ملهوش علاقه بان حمزه يسيبني
او يبعني عشان فلوس وشغل معاه حمزه في البدايه قبل ما يعرض عليه الفلوس والشغل قالي ان خالد بيهـ,ـدده يبعد عني
بس لما خالد قرر يعرض عليه فلوس و يطمعه بالشغل حمزه كمان كدب وقال للكل انه مقاليش كده ولا حصل انه قال خالد بيهدده طلعوني كدابه مجنونه بحاول اسوء صوره خالد بس عشان ابعده عني
مريم….انا اسفه يا بيري والله العظيم سؤالي مكانش تشكيك في كلامك انا عارفه ان خالد ممكن يعمل اي حاجه لكن مكنتش متخيله انها توصل بيه القذاره لكده
بيري….لا توصل يا مريم لاكتر من كده اللي زي خالد ده عنده استعداد يعمل اي حاجه لمجرد ان يبقي معاه كل حاجه
مازن….انا هتصرف معاه و اخليه يندم علي اللي عمله معاكي ده
بيري…لا يا مازن ابو…..س ايدك لا يا حبيبي خالد بني ادم مؤذي و مش بيفكر هو كل اللي يهمه انه يوصلل للي عايزه وبس ومش مهم يأذي مين او يد…..مر مين احنا مش قده يا مازن واديك شايف بابا مش قادر يتكلم معاه عشان ميخسـ,ـرش شغله
مازن….يعني ايه يدوس علينا يقرب من اختي واسكتله
بيري…ميقدرش يدوس علينا و صدقني هو مقربش مني انا مدتلوش الفرصه و خلاص هو هيقف عند حده و هيبعد عننا خالص اوعدني يا مازن ماقربش منه
مازن….پغضب بسيط بصلها وسكت
بيري…اوعدني يا مازن وبعدين كفايه اوي انه طلع جبان وكدب ومقالش الحقيقه وده معناه انه هايف لكن لو روحت واجهتته هيبجح و هيبقي امر عادي وقتها هتعمل ايه اسمع كلامي يا مازن خليه خاي منك علي الاقل نضمن  انه مش هيقرب مني تاني
مريم …بيري معاها حق يا مازن الافضل انه يفضل خاېف.
مازن…تمام با بيري بس انتي كمان اوعديني ان اي حاجه تحصل منه تعرفيني
بيري…اوعدك يا حبيبي وبعدين هو انا ليا غيرك
مازن…بابتسامه حب باس راسها ربنا يخليكم ليا قوليلي خارجه امته عشان اوصلك في طريقي
بيري…انا هقابل البنات علي خمسه كده روح انت متعطلش نفسك عشان تىوح شغلك
مازن…لا انا احتمال كبير مروحش انهارده اصلا مش طابق اشوف خالد
بيري….مازن شغلك ملهوش علاقه بخالد روح يا حبيبي
مازن….مش عارف بس مليش مزاج خالص واصلا انهارده في اجتماع شغل بينهم وبين رأفت باشا و احتمال امجد
بيري….امجد طيب وامجد ماله ومال شغلهم
مازن…والله ما عارف يا بيري هو كلمني و مكانش طايق نفسه بس مفهمتش منه ايه طبيعه الشغل
ده بس واضح كده انه مش حابب و مجبر
بيري…طيب يبقي تروح عشان خاطر امجد علي الاقل انت عارف هو بيحبك قد ايه
مازن…تمام يا حبيبتي طيب هتروحوا ل حدكم
بيري…عادي يا حبيبي هروح بالعربيه انا ومريم
مريم…لا انا اوت اخرجي انتي معاهم اكيد وحشوكي ووحشتيهم ومحتاجين تقعدوا سوا
بيري…بطلي هبل و فين المشكله يعني اكيد مش هروح لوحدي يلا قومي شوفي هتلبسي ايه و جهزي نفسك من الوقت عشان انتي بتاخدي وقت مش عايزين نتأخر.
مريم….طيب تمام انا رايحه
بيري…وانت يلا قوم علي شغلك
مازن…ماشي يا قلبي محتاجه حاجه
بيري…لا يا حبيبي شكرا مازن انت وعدتني صح
مازن….خلاص والله يابيري هحاول متعاملش معاه اصلا بس انتي كمان وعدتيني انك تحكيلي اي حاجه يحاول يعملها
بيري…وعد صدقني
مازن….اتفقنا يلا سلام يا احلي بيبو.
بيري…سلام يا حبيبي.
بعد ما سابها مازن وخرج رجعت تاني وقفت قدام الشباك و سرحت.
……….
عدت كام ساعه و من وقت ما وصل فريد وهو بيتمرن و مقعدش لحظه يرتاح كان باين عليه الڠضب ومكانش في حالته الطبيعيه رجع تاني يسكت و ميتكلمش كتير  و بيرد علي قد السؤال وبس.
بلال كان مستغربه و حاسس انه في حاجه و اللي خلاه متأكد من ان في حاجه هو رفضه ان قدر يخرج او يمشي و هو اكتر حد عارف ان فريد بيكرههم حس ان الموضوع ليه علاقه ببيري بس قرر يسكت و يتلاشي فريد خالص.
………..
وصلت سهر وملك قبل وصول بيري بشويه وجهزوا كل حاجه
اول ما لمحوها وقفت بعربيتها قدام الكافيه خرجولها بره بسرعه
وجريوا عليها.
بيري…وحشتووووني
سهر….يا كلبه انتي اكتر وحشتيني اوي
ملك….يا لهوي ده انا حاسه اني بقالي زمن مش شوفتك وحشتيني اوي
بيري….يا عمري انتوا اللي وحشتوني
سهر….رعبتيني عليكي يا بيري حاسه ان روحي رجعتلي تاني
بيري…انا بخير والله اطمني وبعدين انا قدامك اهو زي القرده.
مريم…طب ايه شفافه انا ولا لازم اختـ,ـفي عشان تسلموا عليا
سهر…بضحك يابت اختك وحشتني تعالي يا ام نص لسان هاتي بو….سه
مريم….ايه القمر ده يخربيت حلاوتك
سهر…طول عمري يا اوزعه
ملك….مريومتي عامله ايه
مريم….الحمد لله يا لوكا
بيري….طب ايه هنفضل واقفين هنا
سهر…لا يلا تعالي ندخل .
دخلت بيري معاهم و اول ما دخلت شافت بلالين كتير بس مكانتش واخده بالها او متخيله انه عشانها راحت معاهم علي التربيزه وقعدوا سابت شنطتها ورجعت شعرها لوراء وبصتلهم بحب
بيري….هو انتي مالك احلويتي انتي وهي كده ليه كل ده عشان اختفيت
ملك…لا عشان جايين نشوف القمر بتاعنا.
سهر….مالك يا جزمه انتي واختك احنا طول عمرنا حلوين علي فكره
بيري….يالهوي حلوه بس ده انتي مزه
سهر….اه يا جزمه من كتر ما انتي وحشاني هاين عليا اقوم اقټلك
بيري…بضحك طب وليه ما الطيب احسن
سهر…طب يلا احكيلنا
بيري…هو ايه اللي احكيلنا طب اخد نفسي نتغدي انا ھموت من الجوع انتي مش قولتي هتغديني ولا رجعتي في كلامك
سهر….لا مرجعتش انا انهارده عملالكم احلي عزومه علي شرف وجودك
بيري….يا سلاااام ايوه بقي مفيش حد غيرك يا بنتي بيحسسني بأهميتي في الدنيا دي.
ملك….لا بقول ايه انا اللي عزماكم
سهر….بت انا قولت خلاص وبعدين انا الكبيره اتلمي ابقي اعزمينا يوم تاني
ملك…طب براحه الوقت بقيتي كبيره نقولها احنا بس تسمعينا زفارة لسانك
سهر….طبعااا انا اقول انتوا لا يلا تطلبوا ايه
بيري….انا هاكل اي حاجه اطلبيلي علي زوقك.
ملك…وانا كمان هاكل زيكم
مريم…مجاتش عليا انا كده كده بحب الاكل اللي فالمكان هنا كله
سهر….تمام يبقي هطلب انا.
طلبت سهر الاكل و بعد حوالي ساعه وربع كان الاكل وصل وكلوا وخلصوا كمان.
غسلوا ايدهم ورجعوا و فجأه بصت بيري بسعاده وهي شايفه الويتر داخل عليها وفي ايده تورته و شمع و اغاني عيد ميلاد شغاله.
بيري….ايه ددددده
سهر…كل سنه وانتي طيبه يا بيبوووو
بيري…ېخرب عقلك انتي لسه فاكره
سهر…طبعا وانا اقدر محتفلش بيكي ده انا
—
كنت مستنياكي ترجعي بس عشان اعملك عيد ميلادك.
بيري….بضحك يعني اهتفي تاني عادي
سهر…اه خلاص اختفي
ضحكت بيري وحشنتها بحب
بيري….ربنا ما يحرمني منك ابدا يا سهر
سهر…ولا يحرمني منك يا بيري
ملك…كل سنه والقمر طيب
بيري…وانتي طيبه يا لوكا
مريم…مش فاهمه ايه الناس اللي ببتعملها اكتر من عيد ميلاد دي
سهر….طبعا دي القمر بتاعتنا بس معلش بقي نحن نختلف عن الاخرون انا احتفالي مش زي احتفال الواطي
بيري…طب وليه السيره دي بس افتكري حاجه عدله.
قرب الويتر من سهر مدلها ايده بالورد و هديه خدتهم منه سهر و مدت ايدها لبيري
سهر….كل سنه وانتي طيبه يا قلبي
بيري …ايه ده ورد وهديه كمان
سهر…طبعا هو احنا بنلعب
بيري….انا مش عارفه اقولك ايه بجد علي كل اللي بتعمليه معايا
سهر…ولا حاجه قطعي التورته عشان شكلها حلو اوي وانا قررت ابوظ الدايت انهارده
ضحكوا كلهم علي سهر
ملك…طفسه اوي
حضـ,ـنتها بيري بحب و قعدوا تاني كلهم علي التربيزه قضوا وقت جميل مع بعض خرج بيري شويه من الحاله اللي هي فيها وبعدين بدأوا كلامهم.
سهر….ايه من ناويه تحكيلنا بقي اللي حصل
بيري….اكيد ناويه بس انتوا اكيد بردوا عرفتوا اللي حصل وعرفتوا اللي قالوا خالد
سهر….اع بس انا عايزه اعرف روحتي فين عملتي ايه كل حاجه حصلت معاكي وليه مجتيش عندي.
بيري…مكانش ينفع يا سهر ولا اروح عندك ولا اروح عند ملك
ملك انا عارفه ان انكل رأفت صاحب انكل مهيب و اكيد كان ممكن يقول قدامه او خالد يعرف بطريقته وانتي انا عارفه انك مش بتطيقي خالد و كذا مره تقفشي معاه وخالد مش سهل وانا عارفه انه مش طايقك وحاطك في دماغه خۏفت عليكي
سهر…هيعمل ايه يعني انتي يابت مش عرفاني ولا ايه هو انا بيهمني خالد ولا اللي زيه
بيري….عشان انا عرفاكي مقدرتش اجي لاني عارفه انك مكنتيش هتسكتي
مريم…هي فعلا مسكتتش وراحت تاني يوم لما عرفت بهدلته وهي اللي عرفت انكل مهيب كل اللي حصل كملت بضحك ولما نكر قالتله ابنك كداب
بيري….بتهرجي انتي عملتي كده يا سهر
سهر…اه واقف قدام ابوه بيبجح وبيقول انك كدابه وانه اضايق عشان لما شوفتي حمزه اتغيرتي و حنيتي وطبعا انا مستحملتش عليكي كلمه روقته وخليته يقف  قدام ابوه مبلول
بيري…طيب الحمد لله اني مجتش عندك حلو اوي كده
ملك…طيب كملي يا بيري
بيري…مفيش هربت منهم و دخلت في بيت نطيت من السور كان الانوار مقفوله قولت مفيش حد في البيت فضلت مستخبيه وووو
سهر…وايه
بيري…فجأة لاقيت صاحب البيت قدامي وطبعا بعد اللي سمعه من خللد ورجالته اني سړقت اخته فكرني حريمه كنت مڼهاره وقتها اترجيته واقسمت ليه اني معملتش كده و بصراحه كان شخص محترم يمكن مكانش مصدقني في الاول بس كان حاسس اني مړعوبه و طبعا لولا اللي عمله مع خالد مكانش مشي لان خالد كان مصمم يفتش كل البيوت اللي في المكان اللي احتفيت فيه وهو وقف ورفض وفعلا مدخلش حد و بعدين مشيوا بس كان سايب رجالته حوالين المكان واضطريت افضل عنده.
مريم…پصدمه عنده ازاي انتي مش قولتي روحتي في فندق صغير.
بيري…اه اضطريت اقولهم كده في البيت عشان لو عرفوا هيقولوا قدام خالد واكيد خالد هيأذيه لانه مكانش طايقه و مضايق انه وقف في وشه خۏفت عليه بصراحه الراجل وقف معايا وساعدني وشال همي الكام يوم دول وحماني من خالد ورجالته واكيد انا مكنتش هردله ده بأذيه من خالد عشان كده مش عايزه اي حد يقول غير اللي قولته قعدت في فندق ثلاث نجوم ماشي يا مريم حتي مازن ميعرفش
مريم…اكيد مش هقول طبعا متقلقيش
سهر…طب وايه ظروف الراجل ده كبير ولا موز وقمر
ملك…انتي في ايه ولا ايه بتقولك هربت من خالد ورجالته وقعدت في شقه مع راجل غريب هو انتي مش مستوعبه اللي بيتقال ولا ايه يا سهر اللي بتحكي دي بيري انتي متخيله انها تهرب من خالد ورجالته وتجري منهم وتعيش يوم كله اكشن تنط من سور تدخل بيت متعرفهوش و صاحب البيت يجي و تقعد معاه لوحدها
سهر….صراحه هو انا مش متخيله خالص لاني عارفه ان بيري جبانه ولخمه و بټغرق في شبر مايه بس كمان مبسوطه منها جدعه يابت ايوه كده
بيري…بضحك ايه رايك فيا
مريم….هو انتوا دماغكم متركبه غلط بجد افرضي الراجل ده كان طلع وحش
بيري….و عشان ربنا بيحبني مطلعش يا مريم ويمكن كمان هو اجدع راجل قابلته في حياتي يكفي انه كان بيسيب بيته ليا طول اليوم ويرجع بليل بعد ما يخلص شغله.
سهر….طب قوليلي اسمن ايه بيشتغل ايه ظروفه ايه
بيري…بارتباك ااا وانا ايش عرفني. هو مكانش بيتكلم كلمتين علي بعض بقولك بيخرج من بدري ويرجع عالنوم عشان ابقي براحتي
مريم…طب اسمه ايه الراجل الچنتل ده
بيري..اااا ككريم  اسمه كريم و معرفتش عنه اكتر من كده يعني انا كنت مكتئبه وبصراحه مكنتش بتكلم معاه خالص غير بسيط المهم يعني ان لولا وجوده و وقفته معايا مكنتش هعرف اعمل اي حاجه
سهر….انتي ربنا بيحبك و الحمد لله انه وقع قدامك شخص زي ده.
بيري…الحمد لله
بيري للحظه سالت نفسها لبه خبت عليهم الحقيقه ليه مقالتش اسمه و قالت كل حاجه مكانتش عارفه بس اللي سمعته من ياسر عن وظيفته الاولي و عن الحجات اللي حصلت لعيلته و علي الناس اللي لتحاول تشوف كل تحركاته خاڤت عليه و مقدرتش تتكلم عليه خاصتا قدام مريم هي يمكن بتثق فيها و عاره انها مش هتتكلم بس خاڤت لانها عارفه ان والدتها مش هتسيبها و هتفضل وراها و لانها شديده محدش كان بيقدر يخبي عنها حاجه فا قررت تسكت.
قضوا الوقت مع بعض و علي الساعه 11 اتحركوا من مكانهم.
في مكان اخر.
مازن…انت هتفضل مضايق كده
امجد….مضايق بس انا مش طابق نفسي يا مازن و مكنتش عامل حسابي للشړاكه دي خالص
مازن …واهي حصلت كبر دماغك بقي و زي ما الكل قالوا خليك بعيد انت مجرد شريك.
امجد…طيب قولي انت هتعمل ايه فالعرض اللي عرضوا عليك
مازن….مش عارف بصراحه يا امجد هو عرض حلو بس انا مش هفهم في الشغل ده حاجه يمكن الحاجه الوحيده اللي مخلياني افكر اني هبقي شغال في الجزء اللي يخصك يعني همسك شغلك وابقي مني لرأفت باشا اعرفه كل اللي بيحصل وكل جديد و هنوب عنك في كل حاجه عشان كده مش عارف اوافق ولا ارفض وخليني في شغلي.
امجد….وافق يا مازن
بصله مازن وسكت
امجد….انا اه شريك بالاسم وهبقي بعيد عن شغلهم خالص بس كمان انا مش عايز خالد يحس ان مفيش وراه حد انت عار بابا اكيد هيتابعوا بس مش زي ما بكون معاهم جوه الشغل نفسه
مازن…يعني ايه
امجد…صراحه بعد اللي عمله مع بيري بقيت مش بثق فيه اكتر عشان كده عايزك تمسك بدالي وتبقي وراه خطوه بخطوه انا اكيد مش عايز اضغط عليك بس انت عارف اني بثق فيك
مازن…تمام يا امجد موافق يا صاحبي.
امجد…بابتسامه يبقي بكره تروح تمضي العقد و تبدأ شغلك معاه .
مازن…اتفقنا يا صاحبي.
وللحديث بقيه…