لقاء كارثي
أميره أسامه
صاحبة البطل الواحد
. البارت الرابع والثمانين .
………………………
كل اتنين كانوا عمالين يتكلموا مع بعض و الشباب كمان كانوا عمالين يتكلموا نسمه كانت بتتكلم مع سليم من بعيد و تامر و نادر مشاكرينهم الحوار.
نسمه….بابتسامه عدي ممكن نبدل لحظه عشان اعرف اسمعهم
عدي…..بأبتسامه هاديه و فرحه كبيره من جواه تعالي
بصتلها تقي بهدوء و هي بتبرقلها
ضحكت نسمه و قامت وقفت
نسمه….وسعي عشان اخرج
قامت تقي و قفت بره و بصت لعدي
تقي….احممم ادخل
عدي….بصلها بنظره تركيز في عينها ادخلي انتي
تقي….مش بعرف ادخل جوه و ده مكاني
عدي…..ادخلي
بصتلوا تقي بهدوء و ضيقت عينها و بعدين دخلت جوه و هو قعد جنبها
كانت متغاظه من نسمه عشان عارفه انها كانت قاصده تعمل كده و كانت متوتره جداً و مضايقه من نفسها عشان جواها حته كده مبسوطه
بس كانت خايفه يسألها و يعاتبها ليه مش بتردي ليه شوفتي كل الرسايل دي و مردتيش حتي لو برساله تقولي فيها متكلمنيش تاني فضلت باصه علي الشباك مش عايزه تجيب وشها عنده خالص
بس هو كمان فضل ساكت مسك الموبايل و فضل يقلب فيه فات حوالي ربع ساعه وهي وهو علي نفس الوضع رقبتها من كتر ما كانت باصه علي جنب واحد و جعتها بس كمان مكانتش عايزه تتحرك وده ضد طبيعتها هي عامله زي ايه شويه بتتحرك كتير و مش بتعرف تقعد ساكته بس كانت عايزه تلهي نفسها في اي حاجه مسكت هي كمان موبايلها و فضلت تلعب فيه شويه
وبعدين شغلت مسلسل اجنبي كانت محملاه عندها و طت الصوت خالص و فضلت تتفرج عليه
بص بعينه بهدوء علي موبايلها و بعدين كمل تقليب في موبايله شويه
اخر ما زهق قفل الموبايل و سند راسه علي الكرسي و ربع ايده و عينه كانت مع المسلسل لحد ما بدأ يندمج اندمجت هي كمان و بعد حوالي عشر دقايق حست انه بيتفرج معاها من خياله أبتسمت بهدوء و علت الصوت حاجه بسيطه
شويه و جالها رساله ظهرت فوق علي الشاشه من حدوته.
حدوته….صاحيه و لا نايمه.
بص عدي بتركيز و استني يشوف هترد و لا هي مش بترد علي حد خالص ماهو ادام بيسألها صاحيه ولا نايمه يبقي ميعرفش انها سافرت بما انهم يعني صحاب و يعرف عنها كل حاجه سحبت تقي الرساله و ردت عليه
تقي…..صاحيه معنديش نوم لسه في الطريق اصلا
حدوته….اشطا هتصل عليكي
تقي…اوك
حس عدي بغيره جواه رغم انه عرف ان حدوته صاحبها و مرتبط بس اضايق
ثواني و الموبايل رن
تقي….الو
حدوته….ايه الاخبار
تقي….تمام و انت
حدوته….تمام ايه قدامك كتير لسه
تقي….يعني لسه اه داخلين في الساعتين انت فين ؟ صوتك في الشارع
حدوته….اه كنت سهران مع صحابي بعد الماتش بس مروح خلاص و قولت ارخم عليكي شويه
تقي….بضحك طب ليه كده يا رخم
حدوته…..بقولك ايه هو الواد ادهم فين مش باين
تقي…..موجود هو منزلش معاك انهارده
حدوته…..كان جاي و قبل الماتش بشويه قالي مش هيجي و هيتفرج مع ناس بعد الماتش كلمتوا كذا مره موبايله مقفول
تقي…والله ما اعرف يا حدوته انا اخر مره كلمته كان بدري معرفش بقي بس يمكن الموبايل فاصل و سهر بره مثلا
حدوته…انا عموما بعتلوا رساله لما يشوفها بقي يبقي يتصل
تقي…..ماشي
حدوته….اشطا بقولك ايه ابقي طمنيني عليكي لما توصلي انا هطلع خلاص
تقي…..حاضر
حدوته…..لو منمتش هبقي اتصل عليكي
تقي…..بضحك روح نام الساعه اربعه و ربع
حدوته….تصدقي انا غلطان اني عايز اسليكي يلا غوري
تقي….بضحك لا استني خلاص
حدوته….يلا يابت انا طالع انام
تقي….بضحك ماشي يا رخم باي
حدوته….باي
قفلت تقي و هي مبتسمه و بعدين خدت بالها من اللي بيولع سيجاره جنبها و عمال يهز في رجله
تجاهلت خالص وجوده و مبصتش عليه و رجعت فتحت المسلسل تاني و استنت انه يرجع زي ما كان و يتفرج بس هو كان ساند ايده علي ايد الكرسي و باصص قدامه
لفت راسها ببطئ فظيع عشان تلمحوا بطرف عينها و رجعت تاني بصت في الموبايل بسرعه ملامحه كانت غضبانه و شكلوا مضايق
قررت انها تندمج مع المسلسل سندت راسها علي الكرسي و رفعت ركبها الاتنين علي الكرسي اللي قدامها و بصت علي الموبايل
وفجأه اتخضت لما عدي قرب راسها منها بجسمه كله و بصلها
عدي…..بهمس طب ما انتي طلعتي بتردي اهو علي الموبايل يعني التجاهل اللي كان حاصل ده مش علي الكل ولا حاجه زي ما فكرت
بصتلوا تقي بخضه فظيعه و قلبه دق جامد نزلت رجلها بهدوء و رفعت نفسها شويه و اتوترت خالص
عدي…..ايه مش هتردي بردوا
تقي…ااااا احممم انا مش فاهمه تقصد ايه
عدي…..لا فاهمه يا تقي فاهمه كويس اتصلت بيكي كام مره ؟ بعت كام رساله ؟ كام مره كنتي و يتنج و مهانش عليكي تتصلي بعد ما تخلصي كام مره شوفتي رسايلي و اتجاهلتيها ده انتي كنتي بتشوفي كل رساله ابعتها بعد ما توصلك بكام دقيقه و اوقات كنتي بتفتحيها علي طول قررتي مره واحده تختفي و حتي الشغل قررتي متجيش و نسمه و ادهم و تمارا يجوا بدالك و مش بس كده مكنتيش عايزه تيجي و لولا ليله كانت هتزعل منك جيتي
ايه حصل مني ايه يخليكي تهربي مني ؟ حصل ايه عشان تقرري انك تختفي فجأه
بصتلوا تقي بصدمه و مكانتش عارفه ترد اتوترت و بصت جنبها و بعدين بصت علي الكرسي اللي قدامها فضلت تسمعوا و هي مش بصاله
عدي…..ساكته ليه ما تردي ؟ عملت حاجه من غير ما اقصد ضايقتك ؟ قولتلك حاجه من غير ما اخد بالي خليتك تاخدي مني موقف ؟ عادي قولي جايز اوي اكون عملت اي حاجه من غير ما اخد بالي
كانت عماله تدور الموبايل في ايدها و بعدين فتحته مسك عدي الموبايل منها
تقي….ااا عدي هات الموبايل
عدي….لما تردي عليا انا مش بكلم نفسي
بصتلوا و معرفتش ترد
عدي….. انا عايز افهم في ايه احنا اخر مره كنا كويسين و وصلتك و محصلش اي حاجه و المرات اللي شوفتك فيها قبل اخر مره كمان كنا كويسين و محصلش اي حاجه التغيير المفاجئ ده حصل ليه حاولت افهم مش عارف سألت نفسي ميت مره و راجعت كل موقف حصل بينا في اي خروجه مش لاقي
كل مره كنا بنروح مبسوطين حتي اليوم اللي حصل في المشكله بتاعت الراجل كلمتك بعدها و كنتي تمام
خروجتنا عاديه و كلامنا عادي و مصدرش مني اي حاجه تضايقك تقي ردي عليا من فضلك لاني مش هسيبك غير لما تردي
تقي…اااا عدي محصلش منك اي حاجه و لا انا زعلانه منك اصلا
عدي…..تمام يبقي في ايه ليه مش بتردي ليه بتشوفي رسايلي و بتتجاهليها ليه مره واحده قررتي انك مش هتيجي توصلي الشغل ليه انهارده اتعاملتي معايا علي اني غريب و اول مره تشوفيني ليه الوقت متوتره و ليه لما شوفتيني اول ما جيتي اتخضيتي
تقي….ااااعدي انا هزعل منك ايه و بعدين انت لو زعلتني اكيد هقولك في وشك و كمان انت بيتهيألك انا لا اتخضيت ولا بعاملك علي انك غريب انا سلمت عليك
عدي….تقي بلاش الطريقه دي معايا انتي فاهمه كلامي كويس ردي علي سؤالي ليه مردتيش علي اتصال ولا رسايل
تقي…..مفيش بس كنت مشغوله بالمذاكره و كمان نفسياً مكنتش كويسه و كمان بردوا كنت تعبانه
عدي…..انتي كدابه يا تقي
بصتلوا تقي و سكتت
عدي….اه كدابه يعني انتي مكنتيش بتردي علي اي حد؟ مكنتيش بتكلمي اي حد ؟ مبترديش علي رسايل ؟ غريبه ده انتي بمرجد ما حد ته بعتلك الوقت رديتي و اتصل بيكي رديتي يعني انا اللي كنت مقصود يا تقي
تقي…..انت عايز ايه يا عدي
عدي….عايز افهم
تقي….تفهم ايه
عدي….افهم في ايه ؟ مش كنتي بتقولي اننا هنبقي صحاب جامدين و كنتي بتقولي في كل مره انك اتبسطتي و محستيش بالوقت حصل ايه لكل ده
تقي…..ولا اي حاجه يا عدي انا كده عادي ممكن شويه اكون كويسه و شويه احس اني محتاجه اكون مع نفسي
عدي…اللي بيحتاج يكون مع نفسه يا تقي بيبعد عن الكل و انا اغلب المرات اللي اتصلت عليكي فيها كنت بلاقيكي معاكي تليفون
تقي…..هو انت مالك و مالي يا عدي ليه مركز معايا كده
عدي…..ليه مركز معاكي ؟؟!
تقي…..بتوتر اااااا اه يا عدي ليك مركز قولتلك مفيش اي حاجه و اني لا زعلانه منك و لا انت زعلتني و لا حصل منك حاجه اصلا واه كنت مبسوطه بخروجتنا و كل حاجه تمام بس انا اللي نفسياً مكنتش احسن حاجه
عدي…..الكلام ده هصدقوا لو ماشي علي الكل بس لما يكون عليا انا بس يا تقي لازم اسأل و لازم افهم كان سهل اوي تردي لو مره و تقوليلي عدي انا نفسياً الفتره دي مش احسن حاجه متكلمنيش او تبعتي رساله ده انا بعتلك و قولتلك اني قلقان عليكي تكوني تعبانه مردتيش سألتك اكتر من سؤال كنتي بتشوفي و كأنك مش بتشوفي اخر رساله بعتهالك لو انتي فعلاً يا تقي مش بتكدبي و بتقولي ان مفيش حاجه كنتي علي الاقل رديتي و قولتيلي عدي ايه العبط اللي انت باعته ده كان لازم رسالتي الاخيره دي تخليكي تصححي فكرتي و بعدها قوليلي انك مش حابه تتكلمي الوقت بس انتي معملتيش كده يا تقي اقولك علي حاجه كمان انتي طلعتي قليله الذوق معايا اووووي مدلها ايده بالموبايل خدتوا منه بهدوء و هي بصاله.
عدي…..انا مكنتش عايز منك اي حاجه يا تقي مش هنكر اننا بقينا صحاب و حبيت القاعده والكلام و الخروج معاكي فتحتلك قلبي و كنت مبسوط انك فتحتيلي قلبك اعتبرتك ركن هادي كده لما احب اتكلم او احس اني مرتاح اجري عليه كنت عايز اطمن عليكي لان اخر مره لما روحنا للدكتور المفروض انك كنتي تعبانه و انا فكرت عدمك ردك في الاول تعب عشان كده كنت بتصل و بطمن بس واضح اني غلطت و قللت من نفسي اوي انا اخر رساله بعتهالك يا تقي كنت ناوي اعمل اللي فيها بجد و مكنتش جاي زيك بالظبط بس قررت اجي علي امل اني اشوفك و اطمن عليكي و افهم منك الحمد لله اطمنت انك بخير بس للاسف مفهمتش السبب و السبب اللي واصلي هو انك طلعتي قليلة الذوق معايا اوي يا تقي
بصلها بنظره غضب و زعل و قام بهدوء من جنبها مشي علي قدام
بلعت تقي ريقها بصعوبه و اتجمعت في عينها دموع كتير اوي بصت علي الشباك عشان محدش يشوفها و حطت ايدها علي رقبتها كتمانها للعياط خلاها تحس انها مش عارفه تبلع ريقها وفي حجر واقف في زورها…
الجو كان هادي جداً في الباص همسات و صوت بسيط بين كل كابلز
ليله وعشري و ايمي و رشيد وسلمي و حسان و فضل و نعيمه اللي مندمجين مع بعض في البيت و التجهيزات و في اللي نام و في اللي مغمض عينه بس في دنيا تانيه لوحده زي تامر و في اللي بيتفرج علي فيلم شغال في الباص قدامهم
و اللي في موبايله و ايه كانت قاعده باصه لسلامه و سانده راسها علي الكرسي و هو كمان قاعد زيها و بيتكلموا مصطفي و ريهام نامو و محمود كان بيتابع الفيلم هو كمان.
بص سليم علي عدي و هو قايم رفع راسه يشوف رايح فين لقاه قعد قدام
نسمه…..بهدوء هو في ايه ؟
سليم….بهمس مش عارف راح قعد قدام وتقي باين انها مضايقه حاسس ان في مشكله
نسمه…..استني هشوف تقي طيب
سليم….ماشي شوفيها و عرفيني
قامت بهدوء و راحت قعدت جنب تقي و قربت بجسمها عليها و اتكلمت بهمس بسيط عشان محدش يسمع
نسمه…..تقي في ايه ؟ حصل بينكم حاجه ؟
بدأت تقي تهز رجلها جامد و مبصتش لنسمه
نسمه….تقي في ايه متقلقنيش عليكي كملت بهمس انتوا اتكلمتوا في حاجه قالك اي حاجه طيب قولتيلوا السبب هو قام مضايق و انتي كمان مش علي بعضك
رفعت تقي كفها وهي باصه لبعيد تسمح دموعها
نسمه….بهمس تقي انتي بتعيطي؟
في ايه طيب عرفيني عشان خاطري
لاقدرت تكلمها ولا ترد لانها كانت عارفه انها لو فتحت بوئها صوت عياطها هيكون مسموع و مكانتش حابه ده يحصل ابداً
نسمه…..طيب اهدي طيب عشان خاطري
حاولت تاخدها في حضنها بس تقي نشفت جسمها و مرضيتش ابداً تخليها تسحبها و تشوفها وهي بتعيط.
سابتها نسمه و فضلت تمشي ايدها علي ضهرها بهدوء
نسمه….كفايه طيب هو قالك ايه عمل ايه خلاكي تعيطي بالمنظر ده
بصت نسمه لسليم هز ىاسه بمعني في ايه رفعت كتفها و شاورت بايدها تعرفوا انها بتعيط قفل سليم بين حواجبه باستغراب و بعدين مسك موبايله يتصل علي عدي يفهم و يعرفوا انها بتعيط.
تقي مكانتش مضايقه من كلمه عدي لما قالها انتي قليله الذوق و لا كانت مضايقه من كلامه عموماً بس هي اضايقت في العموم من الموقف كله و كان بقالها كام يوم بتقاوم شعورها و رغبتها و جواها صراع نفسي بين الخير و الشر و بين اللي قلبها عايزه و اللي عقلها رافضه فكانت حاسه انها مضغوطه و كلامه و زعلوا منها زودوا الضغط عليها عموماً.
عدي….بهدوء ايوه يا سليم
سليم…في ايه ؟
عدي…مفيش حاجه في ايه ؟
سليم….بتعمل ايه قدام ؟
عدي….ولا حاجه قاعد سايبك براحتك انت و نسمه
سليم….طب حصل ايه بينك و بين تقي
عدي….ولا حاجه يا سليم في ايه ؟
سليم….هو ايه اللي ولا حاجه تقي منهاره من العياط يا عدي عملتلها ايه
عدي…..بتعيط !!
سليم….بقولك منهاره
عدي…طب اقفل يا سليم
قفل سليم معاه و بص لنسمه مكانتش بصاله
سليم…..ششششش
بصت نسمه علي الصوت شاورلها سليم براحه ترجع علي الكرسي
لمحت نسمه عدي جاي عليهم قامت و قعدت جنب سليم
سليم….بهدوء متبصيش بقي ناحيتهم عشان محدش ياخد باله
نسمه….هو حصل ايه
سليم….معرفش مقالش حاجه بس واضح ان في سوء تفاهم
قعد عدي جنب تقي و بص عليها كانت باصه للشباك و مايله بجسمها كله علي قدام عشان محدش يشوفها
قرب منها و مسك دراعها
عدي…..تقي تقي بصيلي
مبصتش عليه و حطت كفها علي حرف وشها تداري وشها كله مكانش صوتها طالع بس واضح انها منهاره من العياط
عدي…..تقي بصيلي بقولك ارجعي وراء و خدي نفسك مسك كفها يبعده عن وشها بصيلي عشان محدش يسمع صوتنا من فضلك
سحبت كفها و بصت لتحت و هي حاطه ايدها الاتنين جنب وشها وبتهز رجلها جامد
طلع عدي منديل من جيبه و مد ايده ليها
عدي….طيب امسحي دموعك دي مال هو كمان لقدام وبصلها
تقي بتعيطي ليه ؟؟ انا اسف لو زعلتك و مكنتش قاصد اني اقول انك قليلة الذوق و الله العظيم اسف بس تقي انا مخنوق و مضايق و كان بقالي كام يوم بحاول افهم يمكن عندك حاجه حاصله انا معرفهاش و ده اللي كنت بحاول افهمه عشان محكمش عليكي بس صدقيني مقصدتش ازعلك و لا اوصلك لكده بصيلي عشان خاطري
مسحت تقي دموعها و فضلت باصه لتحت و سانده راسها علي الكرسي
عدي….تقي طب بصي سواء في عندك مشكله او لا انا عارف ان في حاجه مضيقاكي مني ايه هي انا مش عارفها لو عملت اي حاجه من غير قصدك فا انا بعتذر لاني اكيد معملتش حاجه بقصد و لو وجودي مضايقك اقرب ريست هنوصلها انا هرجع تمام فكي بقي و بطلي عياط
والله العظيم يا تقي هرجع خلاص انا عارف انك مكنتيش عايزه تيجي عشاني فا انا مش هضايقك خلاص همشي و هقول اي سبب المهم اني ارجع ممكن تبطلي عياط بقي رجعت تقي لوراء و هي عماله تمسح في وشها و تحاول تهدأ و تسيطر علي دموعها بصلها عدي بتأثر مش فاهم مالها بش مضايق انها بتعيط بالشكل ده.
عدي…..تشربي مايه؟
هزت راسها بلأ كانت ماسكه ايدها الاتنين في بعض و المنديل معاها و كل ما دموعها تنزل تمسحها بسرعه
عدي…..طب كفايه عياط عشان خاطري بلاش حد يشوفك كده
فضل باصص عليها بهدوء و بيتابع انفعالاتها و ملامحها كانت بتحاول تاخد نفسها و تتحكم اكتر في نفسها لانها حقيقي من كتر ما كتمت العياط مبقتش عارفه تتنفس بشكل طبيعي كانت خايفه حد يسمعها او يحس بعياطها و اكيد هيسألوا وهي معندهاش حاجه تقولها و كمان هتحطه في وضع مش الحلو الكل هيسأل و هيبصلوا علي انه السبب
عدي…..تقي احسن
هزت راسها بأيوه
عدي….طيب ممكن تبصيلي من فضلك
كانت خايفه تبصلوا تعيط تاني و هي ما صدقت اتحكمت شويه في نفسها
مد ايده مسك كفوها بهدوء
عدي…..تقي بصيلي
بصتلوا بهدوء دموعها كانت لسه بتنزل
عدي…..بابتسامه بسيطه بطلي عياط بقي خلاص همشي والله و مش هضايقك تاني تمام
مسحت دموعها و فضلت ساكته شويه و هو كمان ساكت احد ما هديت خالص و قدرت تسيطر علي نفسها
عدي….تقي
بصتلوا بهدوء
عدي….احسن
تقي….تمام
عدي….الحمد لله طيب مش عايزه تقوليلي اي حاجه قبل ما امشي
بصتلوا ثواني و بعدين هزت راسها بلأ
ابتسم بهدوء و هز راسه و بص قدامه
سكتت ثواني تستجمع قواها و تحاول تشوف ايه اللي هيسيطر عليها اكتب قلبها ولا عقلها.
تقي…عدي
عدي….بصلها بهدوء نعم
تقي….متمشيش خليك
بصلها و بعدين ابتسم ابتسامه خفيفه
عدي….يعني ايه ؟
تقي….عدي انا مش زعلانه منك و لا عندي مشكله معاك انا بجد مش كويسه اليومين دول و نفسياً مش احسن حاجه و يمكن تكون جات فيك بس انا اسفه لو ضايقتك او طريقتي عموماً ضايقتك اسفه لو من غير ما اقصد خليتك تحس اني مضايقه منك او في مشكله معاك
عدي…..بلاش تتأسفي يا تقي انا لو كنت عايز اوصلك او لو بكلمك الوقت و باين عليا اني متعصب فا ده عشان كنت حابب افهم في ايه مش عشان مستني اعتذار انا مش زعلان والله بس هو احنا مش بقينا صحاب
هزت تقي راسها
عدي….طيب مش المفروض الصحاب لما واحد فيهم بيزعل بيتكلم مع التاني يعني لو انتي مش زعلانه مني عادي جداً تتكلمي معايا ولو مش حابه اصلا تتكلمي مكانش لازم تبعدي و تختفي كده بصي يا تقي انا اوقات كتير اوي ببقي نفسياً مش احسن حاجه و انا لما بحس بالشعور ده مش بعرف اتكلم او أعبر
يمكن قولتلك ان سليم اقرب شخص ليا و بحكيلوا كل حاجه بس اوقات كتير مبقدرش اقول كل اللي جوايا ولا سليم ولا لغيره باخد جنب مع نفسي خالص و لو سألني بقولوا اني مخنوق و مش حابب اتكلم و هو بيحترم ده و مش بيتكلم معايا تاني
وده اللي انا كنت اقصده حتي لو انتي مش حابه تعرفيني مالك او فيكي ايه كان ممكن تردي او تكتفي برساله عدي انا مش حابه اتكلم الفتره دي و لما ابقي احسن هكلمك كنت هطمن و في نفس الوقت هسيبك براحتك و كمان مكنتش هسيب المجال لدماغي انها تودي و تجيب و افضل طول الوقت اسال نفسي انا عملت ايه؟
تقي….عدي انا حاسه اني مضغوطه دماغي فيها تشويش فظيع اول مره احس باللغبطه دي مضايقه و مخنوقه و مش حابه خالص اتعامل او اتكلم مع اي حد و علي فكره انت فهمتني غلط في موضوع حدوته يمكن اه برد عليه و بنتكلم عادي و برد علي نسمه و صحابي و ليله و اي حد بس انت فهمت الموضوع بشكل غلط اني ادام رديت يبقي انا زعلانه منك انت بالذات
عدي….طيب زعلانه من مين؟
تقي….مش من حد ولله انا مش قادره افهمك انا فيا ايه بس انا لا زعلانه منك ولا عايزاك تمشي
عدي….طيب ممكن اسألك سؤال و مش عايز تفاصيل خالص بس قوليلي اه او لا لان الاحساس اللي جوايا مسيطر عليا و مش قادر اصدقك
تقي…..سؤال ايه؟
عدي….انا السبب في الحاله دي يا تقي صح ؟
بصتلوا تقي و هي عينها رايحه جايه
تقي…ااا لا
عدي…..بابتسامه جميله لا انا يا تقي بصي انا هقولك حاجه يمكن انتي صادقه في موضوع اني مزعلتكيش او قولت حاجه بقصد او من غير قصد تضايقك بس انا شاكك في حاجه معينه هي اللي زعلتك او خلينا نقول هي اللي وصلتك لحاله اللغبطه دي
بتصلوا تقي بإرتباك
تقي…..حاجه ايه ؟
عدي….بضحكه جميله يبقي انا صح
تقي…..صح عشان سألتك حاجه ايه انا عايزه افهم تقصد ايه
عدي…..ماهو لو مفيش حاجه كنتي قولتي لا مفيش اصلا حاجه بس انتي بتسالي حاجه ايه و كأنك حابه تتاكدي انا فاهم ولا لا
تقي…..ااا عدي الموضوع مش كده صدقني انا بقولك مخنوقه و يمكن كمان مضغوطه بسبب المذاكره مع الشغل عادي يعني
عدي….طيب هسألك سؤال اخير ليه متعاملتيش معايا زي ما اتعاملتي مع الكل يعني انتي لسه قايله اني فهمتك غلط و انتي حسبت الموضوع شخصي و مش بتردي عليا انا بالذات مع انك قولتي بردوا انك بتردي علي الكل عادي حدوته و صحابك و نسمه و ليله و اي حد ليه انا مكنتش من ضمن اي حد و رديتي عليا لو انتي مكاني مش هتحسي ان الموضوع شخصي شويه ولا غلطان
تقي….اااا عدي انا
عدي…..بأبتسامه بصي انا مش عايز اضغط عليكي لاني تقريباً شبه اتأكدت من الحاجه اللي زعلتك دي
بصتلوا تقي بتوتر و مردتش.
تقي…ااا طيب قولي تقصد ايه لانك واضح انك فاهم غلط
عدي…..بضحكه جميله بصي انا اكيد هتكلم معاكي بس مش الوقت لان احنا مش لوحدنا يعني حوالينا ناس و حابب لما اتكلم اكون براحتي لاني مش بعرف اتكلم بهمس و بهدوء بس انا في كل الاحوال هتكلم انا وانتي ولو انا غلط قوليلي انت غلط لو صح هتقولي اني صح اتفقنا
