لقاء كارثي

لقاء كارثي
أميره أسامه
صاحبة البطل الواحد

. البارت الثاني والثمانين .

………………………

بعد ما اتعشوا مع بعض و ضحكوا من قلبهم علي رشيد و احمد اللي كانوا بياكلوا و هما متنكد عليهم

اتفرقوا و كل واحد فيهم كان بيعمل حاجه و بيستعدوا عشان يسافروا

حبه منهم بيتكلموا مع بعض و حبه بيتكلموا في الموبايل وحبه بيجهزوا نفسهم.

عشري….انا مش عارف اقولك ايه يا حماده بجد بس الحقيقه انك كنت سبب كبير في ان ليله تهدأ و هي اللي قالت كده بنفسها لما سمعت رسالتك

حماده…..انا معملتش حاجه يا عشري بس انا راجل كبير و عيشت و شوفت حجات كتير اوي و اقدر اميز البني ادم الكويس من الوحش و انت وليله حبكم كان واضح للكل ليله بتحبك اوي انا عارف البنت دي من زمان و دي يمكن تكون اول مره اشوفها بتحب بالشكل ده يمكن كلامي ليها فوقها او خلاها تهدأ و تشوف الموضوع بطريقه مختلفه بس الاكيد انها لو مش بتحبك يا عشري مكانتش هتديك الفرصه دي يعني انا معملتش حاجه كمان انا عارف انك بتحبها و مهمه عندك فا كان حرام نشوف اللي بينكم بينتهي من غير اي تدخل بس نصيحه من راجل كبير عاش و شاف و مر بتجارب كتير اوعي يا ابني تفكر في مره انك تكرر الغلط اي بني ادم فينا لما بيحب بجد بيدي فرص و لو نفيش بيخلقها بس لو الغلط اتكرر بعيداً عن اننا ندي فرص غصب عننا بيبدأ الحب جوانا يموت اوعي تموت حبك بأيدك يا عشري انا عارف ان كدبتك دي كانت خوف من الخساره بس الكدبه مش بتطول و لو الخساره مكتوبه هتشوفها هتشوفها

فا بما ان الكدبه اخرتها خساره ليه منقولش الصراحه من البدايه مش جابز الصراحه يكون فيها فرصه للسماح عن الكدب اللي اخرته خساره

عشري….معاك حق بس صدقني انا لما خبيت او كدبت مكنتش بخبي بقصد الكدب نفسه زي نا قولت انا خوفت اخسرها و مقدرتش افكر في اي حاجه تانيه غير اني احافظ عليها بطريقتي

حماده….الخوف الزياده يا عشري بيموت صاحبه قبل ما يموت اللي بنحبهم حالتك كانت ايه و انت شايف علاقتك بتنتهي قدام عينك و بتخسر البني ادمه اللي قلبك اختارها و الوقت حالتك ايه

عشري…..الوقت مرتاح انا من غير لساه كنت ميت

حماده…..بالظبط و ده اللي انا اقصده انت اذيت نفسك و اتوجعت قبلها يعني باختصار الوضوح و الشفافيه في اي علاقه احسن بكتير من اننا نخبي و نعيش في توتر و سواد

عشري…..معاك حق هو كان درس و بيتهيألي ان انا اول واحد اتعلمت منه

حماده….انا مبسوط اوي عشانكم و مبسوط من قلبي بجد و انا شايفكم مع بعض حافظ عليها يا ابني ليله جدعه و طيبه و بنت اصول و بتحب بإخلاص و اوعي في مره تخسر حد حبك بكل كيانه بلاش كمان توجعونا عليكم انا عن نفسي مبسوط اوي بعلاقتكم كلكم مبسوط انتوا ايد واحده و بتحبوا بعض خليكم كدن ديماً و خد بالك علاقه واحده فيكم كلكم لو حصل فيها اي حاجه هتأثر علي كل بما فيهم احنا لان لما بيكون في حياتنا ناس بنحبهم و بيحصل معاهم حاجه مش حلوه بنتوجع عليهم و بنتأثر معاهم

عيشوا في سعاده و خليكم كلكم ديماً كتف بكتف و انا واثق فيك يا عشري ان اللي حصل هيخليك تحافظ اكتر علي ليله و تحطها في عينك

عشري…..ده اكيد متقلقش عليها و بجد شكراً من قلبي علي كل حاجه حلوه و كل كلمه اتقالت في حقي

حماده….انت زي ابني يا عشري و راجل جدع و محترم و تستاهل كل خير يا حبيبي

عشري……باس راسه حبيبي يا عم حماده ربنا يخليك و يديك الصحه

…………..

سلمي….انا اتصلت بالماركت جاب كل حاجه ناقصه و كان في كمان بطاريات بتاعت الريموت بابا قالي اجيبها جيبتهالوا

ايه….يعني مش ناقصوا اي حاجه خالص

سلمي…..لا بيتهيألي كل حاجه موجوده في البيت خلاص و بعدين حتي لو في حاجه نقصت هيتصل ؤجيبها او ينزل يتمشي بدل ما يفضل طول الوقت في البيت زهقان

ايه….ماهو انا مش عيزاه ينزل لوحده ساعات السكر و الضغط بيترفعوا و بيتعب

سلمي….احنا كده كده هنبقي معاه بالتليفون متقلقيش

قرب تامر منهم و عيون سلامه كانت عليه من بعيد و هو قاعد مع احمد و حسان و عادل و فضل.

حط تامر بطريقه تلقائيه ايده علي كتف ايه

تامر….في حاجه ولا ايه ؟

سلمي….لا مفيش ايه قلقانه بس علي بابا و بتسأل كل حاجه موجوده عنده في البيت ولا لا

تامر…..هو مش انتي طلبتي كل اللي ناقص من الماركت

سلمي….اه طلبت كل حاجه

تامر….طيب في اي حاجه نستيها اروح اجيبها بسرعه و اديهالوا ياخدها وهو مروح

سلمي…..لا انا طلبت كل اللي لاقيته خلصان وهو كان محتاج حجات طلبتهالوا

تامر….طيب في حاجه ناقصه في علاجه

سلمي…لا بصيت علي كل حاجه لسه في عنده كتير

تامر….وكده كده انا قايل لسامح صاحبي يبقي معايا علي الخط لو في حاجه يروح يطمن عليه يعني متقلقوش

سلمي….اه والنبي ابقي خليه كده يتصل و يكلموا هو معاه رقمه صح

تامر….اه معاه و هو عارف هيعمل ايه متقلقيش قولولي انتوا محتاجين اي حاجه نجيبها الوقت علي الطريق

سلمي….لا لا و لو احتاجنا اكبد هنجيب من اي ريست

تامر….وانتي يا ايه

ايه…اااا لا مش محتاجه صحيح هو انتوا اتأكدتوا من اكل ميلو و سلامه انا عارفه انه في بس نسيت ابص اشوف كتير ولا قليل

تامر….لا في و في متفتحش اصلا

ايه….انا كنت عايزه اخدهم والله بس عشان بابا ميحسش انه لوحده

تامر…..لا خليهم يسلوا و بعدين حرام عشان ميتبهدلوش الجو بقي برد عليهم

ايه…..تمام سحبت نفسها من تحت دراعه انا هروح التويلت

سلمي….ماشي

…………..

عسال….ايوه يا مصطفي نزلتوا

مصطفي…..اه يا ميدو احنا واقفين قدام البيت اهو مستنين اوبر

عسال….طب ونزلت ليه الوقت كنت استني لما يجي عشان ماما متتعبش

مصطفي…..ما احنا نزلنا واحده واحده عشان الشنط كمان اللي معانا قولت عشان الراجل ميجيش يفضل واقف هو خلاص قدامه دقيقتين

عسال…..طيب ركبهم لما يجي و حط الشنط بعد كده و خد بالك منهم

مصطفي….ماشي متقلقش مش هنتأخر عليكم باذن الله

عسال….لا علي مهلكم و متستعجلش السواق

مصطفي….ماشي يا ميدو

عسال…..يلا سلام

مصطفي…..سلام.

…………….

نعيمه….الووو

نسمه…ايه يا نوني نزلنا والله خلاص

نعيمه…..بجد ولا بتهزري

نسمه….اه والله ايه كنتي عايزه حاجه

نعيمه…..لا انا بحسبك بتضحكي عليا

نسمه….لا والله نزلنا يعني لسه متحركين من خمس دقايق بس مش هنتأخر الطريق كويس

نعيمه….طيب يا قلبي مستنينكم

نسمه…..بابا مشي

نعيمه….لا لسه موجود

نسمه….طيب تمام

نعيمه….يلا باي

نسمه….باي يا قلبي

……………..

في منزل وليد

وليد…..يا تقي خلصتي ولا لا يلا عشان متتأخريش عليهم و توقفي الناس

فتحت تقي الباب و بصت لوليد

وليد….انتي لسه مخلصتيش

تقي…..بقولك ايه ما تملم ليله تقولها اني مش هينفع اروح

وليد….ليه

تقي…..يعني بصراحه مليش مزاج و عندي مذاكره و كمان مش هينفع اسيبك انت و ادهم و تمارا لوحدكم

وليد….لو علي الشغل ملكيش دعوه بس انتي جايه تقولي كده الوقت والناس مستنين

تقي….ما بصراحه اختك دماغها صعبه و مش راضيه تسيبني

وليد….بقولك ايه انا مش ناقص وجع دماغ لو مش عايزه تروحي و ملكيش مزاج اتصلي انتي عليها

تقي…..ماهي هتشتمني

وليد….تستاهلي الشتيمه بصراحه

تقي….طب عشان خاطري خليك حلو يا لودي و جرب كده معاها

وليد…..وهو بيطلع الموبايل بص لتقي والله العظيم ما هتسكت انتي حره حط الموبايل علي ودنه

ليله….ايه يا حبيبي فينكم

وليد….بقولك ايه انا مليش دعوه مش انا اللي مأخركم تقي بتقولي الوقت انها مش عايزه تيجي و عيزاني انا اللي اقولك

حطت تقي ايدها علي وشها

ليله…..ده بجد ولا ايه

وليد….والله واقف قدامها اهو شكلها ملهاش مزاج و خايفه من لسانك

ليله….طب افنح الاسبيكر يا وليد

وليد….بضحك اهو فتحتوا سمعيها بقي

ليله….بصي الساعه الوقت 12 الا ربع تمام اخرك معايا 12 و نص و الله العظيم يا تقي لو ما جيتي مش هقولك هاجي اجيبك و الكلام ده لاني مش هوقل كل الناس دي تستناكي بس مش هتكلم معاكي تاني و مهما حاولتي او قولتي هبقي اصالحها مش هسمعك اصلا

تقي……بابتسامه ترقب طيب يعني هي السفريه من غيري مش هتنفع و لا متوقفه عليا مثلا

ليله….انا قولت اللي عندي يا تقي مش حابه تيجي انتي حره يلا يا وليد سلام يا حبيبي

وليد…..ماشي يا لولي باي بص لتقي و ابتسم قلبت خدي بالك و انتي عرفاها

تقي…..انا عايزه اعرف هي مصممه ليه بجد و مكبره الموضوع مش هتفرق عليا يعني

وليد…..عيزاكي تكوني معاها يا تقي مش عابزه تحس انها لوحدها كل بنت و كل شاب معاهم حد من اهلهم

تقي …مش كلهم يا بابا يعني نادين مش معاها حد و اغلب الشباب مش معاهم عادي يعني

وليد….نادين ملهاش حد تاخده معاها يا تقي و امها و ابوها باخوتها بره مصر لكن ليله معاها اهلها روحي معاها و متبقيش رخمه و فرحيها بصي انتي حره مش عايزه تروحي متروحيش بس عرفيني اروح اغير و ادخل انام و لا هتلبسي

تقي……بقلة حيله طيب يا بابا خمس دقايق و اكون جاهزه

وليد…..ماشي مستنيكي يلا

……………..