لقاء كارثي

قربت ايمي منهم بالشاي و ايه معاها حلويات بتاعت زوزو

ايمي….دوقي بقي عمايل ايد زوزو

ماريز….دوقي دي يا ايمي

قعدوا يدوقوا بعض و كانوا مبسوطين

عادل…..طيب يا جماعه انا هقوم بقي لاني خلاص بنام علي نفسي و مش قادر و لسه هروح

حماده….خليك سهران معانا

عادل….عشان نجلاء بقي لوحدها

سلم عليهم كلهم و قالهم يخلوا بالهم من بعض و راح فضل هو ونعيمه يوصلوا لحد العربيه

عادل كان سابق مع نادر

عادل….خد بالك من اخواتك و اي حاجه يعوزوها هاتها و اي فلوس تقصر معاك قولي هحولك علي طول

نادر…..متقلقش و بعدين قولتلك الف مره معايا فلوس

عادل…..طب خلبني ابعتلك تاني و ريحني

نادر….والله ما عايز معايا الحمد لله

عادل….ماشي يا حبيبي اتبسط انت و اخواتك

نادر…..سايبينلك البيت ياعم فاضي عليك انت و الجو

عادل….بضحك ضربوا علي دماغه اتلهي نسمه اي حاجه تحتاجيها جيبيها ولو احتاجتي فلوس خدي من اخوكي او عرفيني

نسمه….حاضر يا حبيبي

وقف عادل قدام العربيه

عادل….يلا يا قلب ابوكي انا همشي خدي بالك من نفسك و من اخواتك

حضنتوا نعيمه بحب

نعيمه ….اطمن يا دولا متخافش عليهم

عادل….مش هوصيك يا فضل معاك ثلاث امانات و بالذات المجنون ده خد بالك منه انا عارفه كويس

فضل…..نادر ده نسمه

نسمه…..بضحك نسمه مين

فضل….بضحك اسكتي انتي

عادل….نادر نسمه طب خد بالك منه ده شيطان

فضل…..شيطان مين انا فوق راسه متقلقش و بعدين هنيموا معايا في الاوضه يعني مش هيعرف يتنفس
صح يا عم نادر

نادر…..علي حق يا ابو نسب

عادل…..بأبتسامه خدوا بالكم من بعض و طموني لما توصلوا

نعيمه……انت كلمني بس لما توصل و طمني عليك

عادل….حاضر يلا اشوف وشكم بخير

سلم فضل عليه و ركبوا وفضلوا واقفين لحد ما اتحرك حط فضل ايده علي كتف نادر.

فضل….بقولك ايه هنخربها

نادر ….بضحك حصل

خدوا ودخلوا و نعيمه و نسمه فضلوا يضحكوا عليهم و دخلوا وراهم.

عشري….ايمي هي فين ليله

ايمي….معرفش كانت هنا من شويه

عشري….طيب بصيلي عليها كده

ايمي…..استني يمكن في التويلت

دخلت ايمي تشوفها.

رشيد…..شكلها مصدع علي فكره

عشري…..اه خبطتها جامد بس والله ما خدت بالي

رشيد….بسيطه الحمد لله

ايمي….من بعيد عشري تعالي

راح عشري علي ايمي

ايمي….بضحك و همس دي نايمه

عشري….نايمه بجد

ايمي….والله تعالي بص براحه

دخل عشري معاها لقاها نايمه علي الكنبه و حاطه ايدها بين رجلها

عشري….ليله تعبانه

ايمي…تعبانه ازاي يعني

عشري….مصدعه من الخبطه

ايمي….طب استني اشوفها

راحوا عليها الاتنين

قرب عشري منها ومال عليها بجسمه و حط كفه علي راسها

عشري…..ليله ليله

فتحت ليله عينها براحه

عشري…ايه يا قلبي فيكي ايه

ايمي…..بت انتي لسه مصدعه ولا مالك

ليله…..شويه بس بسيط يعني مفيش حاجه

عشري…..طب نايمه ليه كده يا عمري و من امتي و انتي بتنامي في الدوشه و النور اصلا قومي يا ليله تعالي نروح صيدليه و لا مستشفي

ليله….لا لا انا كويسه والله بس انا اصلا مش نايمه كويس

ايمي…ليله احنا لسه قدامنا طريق يعني لو فيكي حاجه قولي

عشري….انتي لسه هتسأليها قومي يا ليله قومي معايا

ليله…..انا كويسه بقولك

عشري….قوووووومي

ليله….ورحمة ماما كويسه بس حسيت مره واحده اني عايزه انام جيت ريحت شويه بس قبل ما نمشي

عشري…لا انتي مش كويسه قومي عشان خاطري

ايمي…..طب انتي حاسه بأيه

ليله….والله العظيم ولا اي حاجه بس حسيت ان دماغي تقلت شويه و صداع بس من الخبطه

عشري…..هو المسكن اللي انتي اديتهولها ده بينيم؟

ايمي….بابتسامه افتكرت يا نهار اسود و منيل

عشري….في ايه؟

ايمي….بضحك شكلي اديتها من المنوم

عشري…..يخربييييييت عقلك

ليله…..بضحك مسكت راسها انا قولت والله شكيت انا عمري ما بسقط كده علي نفسي في الدوشه دي

عشري….طب ايه هو غلط يا ايمي

ايمي….ياعم بدل الوسوسه دي بقي بقالي اكتر من عشر سنين عايشه عليه و بعدين زي القرده اهي

عشري….لا قوميلي كده انا لا بحب المهدئ ولا المنوم

ليله….بضحك منك لله جيتي مع اكتر حد موسوس

ايمي…والله ما بيعمل حاجه متخافش

ليله….وانا عماله اقول المسكن ضعيف

ايمي…..بضحك استني هجيبلك واحده

عشري….تجيبي ايه و الله العظيم ما هتاخد اي حاجه

ايمي…..بضحك يا ابني عشان تفوق من الصداع ده

ليله….خليني اخد واحده تريح الصداع ده

عشري….وغلاوة ليله ما هتاخدي اي حاجه تاني بقولك ايه قومي اغسلي وشك عشان تفوق

ايمي….تطلعي تاخدي شاور فوق طيب عندي

عشري….اه احسن قومي يلا معاها

ليله….لا مش قادره و بعدين مش قادره احط ميك اب تاني

عشري…..بلا ميك اب بلا زفت قومي فوقيلي كده منط لله يا ايمي

ايمي…..بضحك هتفضل تدعي عليا يا بلطجي

رشيد….دخل وهو مبتسم في ايه هي مالها

ايمي…..بضحك اسكت انت الوقت

عشري…..انا هنفخك انت و مراتك ايمي ادت ليله منوم بدل مسكن

رشيد…يا نهار اسود جابته منين ده

عشري….بتسألني اسأل مراتك اللي هرتكب فيها مصيبه

رشيد….هو انتي لسه بتاخدي المنوم ده

ايمي….بضحك منك لله يا عشري هيمسك فيا الوقت

رشيد….رددددي انا مش بهزر

ايمي….انا مخدتش حاجه والله

رشيد….امال بيعمل معاكي ايه هو انا مش قايل لا تاخدي منوم ولا مهدئ

ايمي….بقولك مخدتش هو معايا عادي بس مش باخد منه

رشيد….ولما انتي مش بتاخدي منه مخلياه معاكي ليه لحد الوقت

ايمي….عادي يا رشيد هو ديما معايا في الشنطه

رشيد….روحي هاتي البرشام ده يا ايمي

ايمي….بابتسامه هاديه طيب ممكن نوطي صوتنا

رشيد….لااا روحي هاتيه

ايمي….بتنهيده عضت علي شفارفها بهدوء و بصتلوا طيب مش وقته

رشيد….سمعتيييييي

بصتلوا ايمي بهدوء و هزت راسها و ملامحها اتغيرت

ايمي….تمام

مشيت من قدامه و طلعت علي فوق

عشري….في ايه يا رشيد ما براحه عليها شويه

رشيد….بقولك ايه اطلع من دماغي مش وقتك

عشري….طب انت اتحولت ليه هو البرشام ده في حاجه لياه خدت منه

ليله…..مفيهوش حاجه يا عشري و بطل قلق بقي و انت يا رشيد مالك قلبت عليها ليه كده

رشيد….عشان قولتلها الف مره يا ليله تبطل القرف ده ايمي اتعودت عليه نومها مش طبيعي المهدئات و المنوم مع الوقت بيدمروا العقل تخيلي كده طول الوقت بتحاولي تنيمي عقلك غصب عنه بتنام مغمضه بس عقلها شغال و ده غلط هو بيريح الجسم بيخليكي تفصلي بس العقل مش بينام و بعدين مش عارف هي ليه بتاخده لحد الوقت اصلا طيب قبل الجواز ماشي انما ليه بتاخده لحد الوقت

عشري…..طيب معلش براحه عليها

ليله….هو تعود يا رشيد مش اكتر هي اتعودت عليه مش بتعرف تنام غير بيه مش بتعرف تفصل من دوشه اليوم غير بالمهدئ

رشيد….ماهو غلط يا ليله مش صح و بعدين في ايه في حياتها محتاج مهدئ انا قايلها و محلفها و اتكلمت معاها كتير بهدوء و قالتلي حاضر الوقت وانا بسألها بتقولي اسكت انت عشان مش عايزاني اعرف انها بتاخد الدواء لحد الوقت

عشري….يعني انا عملت مشكله بينكم من غير ما اعرف

رشيد….ياعم ولا عملت ولا سويت هو مفيش مشكله اصلا انا خايف عليها القرف ده بيبقي عامل زي الادمان و بعدين انا اللي بنام جنبها ايمي نايمه بس عقلها صاحي و طول الوقت وهي نايمه بتتكلم و بتنفعل كأنها صاحبه و حد قدامها وده دليل علي كلامي ان عقلها صاحي

عشري….هو بصراحه غلط انا مش بحب الحجات دي ابداً

ليله…..انا عارفه انه غلط والله و قولتلها كتير بس معلش براحه و بلاش والنبي تزعلوا واحنا مسافرين كده و متزعلهاش لا هقتلك

رشيد….بابتسامه هاديه يا ستي انا جيت جنبها انا والله خايف عليها

نزلت ايمي بهدوء من فوق بس كان باين عليها الزعل قربت منها و حطتهم في ايده

ايمي…..حاجه تاني