لقاء كارثي

حنان…..حبيبي بخير والله الف مبروك ربنا يسعدكم

عمرو….الله يبارك في حضرتك

سلمي…..اخبارك ايه يا حنون

حنان …اهلا بالجميله الحمد لله يا قلبي

نعيمه….بأبتسامه انا ليا بقي سلام خاص معلش المنقذه بتاعتي

حنان….بضحكه جميله يا حبيبتي انتي يالللي وجعتي قلبي

حضنتها نعيمه اوي

حنان….ايدك عامله ايه الوقت

نعيمه….بزعل اهي بصي شكلها

حنان….ماشاء الله بقت حلوه اهي

نعيمه….بضحكه جميله انتي بتجبري بخاطري يا حنون بالذمه دي حلوه

حنان…..طبعاً حلوه و خفت خالص. انا شوفتها في الاول و الحمد لله راقت خالص

ايمي….قوليلها عشان هتتجنن قريب و تجننا معاها

نعيمه…..بس شكلها وحش خالص

حنان…..خالص والله لو علي اللون بتاعها ده هي لسه هتهدأ اكتر انا زمان اتحرقت في رجلي و كانت عامله زيك كده و الوقت لونها طبيعي و زمان بقي انا لا روحت مستشفي ولا دكتور ولا حتي العلاج كان زي الوقت

عشري….هي ان شاء الله تحط الكريمات و تبقي كويسه

حنان….ان شاء الله

حماده….ازيك يا ريهام

ريهام….الحمد لله يا انكل حضرتك عامل ايه

حماده….في نعمه يا بنتي

ايمي…..بعد اذنك والنبي يا ست ريهام متحيش تبوظب النظام لا عندنا اونكل ولا طنط ده حماده و دي زوزو

ريهام…..بضحك ما خلاص اتصالحنا انا وزوزو بره

ايمي….اه خدي بالك بقي عشان دي لما بتتحول مبنعرفش نمسكها

مصطفي……سلام عليكم جميعاً

الجميع….عليكم السلام

دخل مصطفي سلم عليهم كلهم البنات و الشباب كانوا عمالين يضحكوا عليه و علي طريقته في السلام نعيمه و ايمي و سلمي ليهم معاه موقف يوم حرق نعيمه فا من يومها و هما حابينه جداً

مصطفي…لسه في تاني ولا خلاص كده انا فرهدت

ضحكوا عليه كلهم

عشري….ايه شفاف انا

مصطفي….با جدع شفاف ايه متقولش كده ده انت بسم الله ماشاء الله مانع الهواء يدخل انا بس سايبك للاخر

عشري…بضحك طب تعالي يا واطي

سلم عليه عشري و حضنوا مكانش باين في حضن عشري

رشيد….بضحك بلعك

سلامه…..الواد اختفي

مصطفي…..اخبارك ايه يا عشري و ربنا واحشني

عشري….انت مجتش ليه ياض امبارح الافتتاح

مصطفي…..ما انا سألت ميدو وسلامه بتوزعوا عربيات علي اللي هيجي يبارك قالوا قولت بس هروح علي الفاضي خلبني اشوف اكل عيشي

عشري…..بضحك اه يا واطي

مصطفي….بضحك لا والله كنت بخلص شغل و راجع قبل الفجر بحاجه بسيطه اسألهم كان لازم اسهر عشان لما نسافر بس اوعدك اول ما نرجع هجيلك ياعم و انت هناك

عشري……اما نشوف

بص لليله بطريقه مضحكه و باحترام خايف من عشري

مصطفي…..ازيك يا استاذه ليله

ليله…..بضحك استاذه ليله طب ليه كده بس ما كنا حبايب

مصطفي…..لا معلش اديكي شوفتي حضني اختفيت ما بالك بقي لو قولت ليله كده عادي هختفي بس مش في حضنه

ضحكوا كلهم

عشري…..شكلها كده هابقي سفريه حلوه علي دماغك

مصطفي….انا عايز اعترفلك اعتراف صحيح

عشري….اعترف

مصطفي….بص لرشيد اسمع انت كمان سلامه و عسال عايزني اعمل فيكم مقالب و انا قولتلهم لا مقدرش دول حبايبي

عشري…..جرب انت بس

رشيد…بضحك جدع ياض خليك في صفنا عشان تكسب

عشري…..خليه بس يفكر يسمع كلامهم

مصطفي…..ياجدع عيب قدرني ده انا بعترف علي اخواتي عشانك

سلامه….بضحك طب بلاش تدولوا الامان

عشري….بضحك والله هيبقي يومكم مهبب

ماريز….بضحك انا بقول تفكري اديكي شايفه العينه

حنان….بضحك شكلي هفكر انا خوفت منهم

ايمي….لا احنا هناخد بعضنا كده و نقعد مع بعض في ڤيلتنا ستات رايقه ونسيبهم هما يعملوا مقالب في بعض

حنان…خلاص ماشي اتفقنا

ماريز…..تعالي ارتاحي يلا تعالي يا ريهام تشربوا ايه

حنان….ولا اي حاجه

ماريز….لا والله ابداً لسه العربيه هتيجي و لسه هيحطوا الحاجه انتوا اتعيشتوا اصلا

حنان…..اقعدي متتعبيش نفسك احنا كلنا ونزلنا علي طول

ماريز….يبقي تشربي ايه

حنان…..طيب اي حاجه

ايمي….حنووووون فكي كده و بلاش كسوف انتي في بيتك

سلامه….بضحك ايمي سخنت

حنان….بضحك لا والله مفيش كسوف ولا حاجه

عسال….بابتسامه طيب اعملياها شاي يا ايمي هي بتحب الشاي

ايمي…بس كده عيوني و انتي يا ست ريهام

ريهام….ماشي شاي بردوا

ايمي…..بنظره قرف مضحكه بطرف عينها شاي ايه و تشربي شاي ليه انتي

ريهام…..بضحك ايه هو اتمنع ولا ايه

ايمي…..لا بس يعني في نسكافيه في بيبسي في عصير

سلامه….بابتسامه هي بتحب الشاي يا ايمي انا مسميها اسطي ريهام اربعه و عشرين ساعه بتشرب شاي زي الصنايعيه

ايمي….بضحك ده بجد

سلامه….اه والله فظيعه

ايمي…..طب وانت يا استاذ مصطفي

مصطفي…..معاكي مصطفي صنايعي قد الدنيا و بشرب شاي انا كمان

ايمي….بضحك و فخور اوي تعالي يا ايه معايا

سلامه….اتاخرتوا كده ليه اكيد ريهام اللي اخرتك

ريهام….هو كل حاجه ريهام والله هي اللي أخرتنا كانت عماله تعمل حجات في الفرن

سلامه….فرن ايه هو في حد في البيت

ريهام…..بضحك لا ده لينا في الطريق جو رحلات بقي وكده

حنان….بأبتسامه فكرتوني فين العلبه صحيح

ريهام…..معرفش كانت مع مصطفي

مصطفي….اه هناك فوق الشنطه

حنان….هاتها والنبي يا سلامه

عسال….طب و تعبتي نفسك ليه يا امي هنجيب كل حاجه عالطريق

حنان….مفيش تعب ولا حاجه كنت بتسلي

سلامه….دي

حنان….اه اتفضلي يا زوزو دوقي بقي عمايل ايدي

ماريز…..يا خبر تسلم ايدك يارب تعتبتي نفسك ليه

حنان….تعبك راحه بالف هنا

فتحت ماريز العلبه كانت مليان معجنات صغيره شكلها يجنن

ماريز…..ده ايه الحلاوه دي

محمود….انا عايز

ماريز…..امشي ياواد هي معاها ليكم دي بتاعتي

ريهام…..بضحك علي فكره مذنبانا بالعلبه دي طول الطريق

ماريز….حبيبتي دي عامله حسابي الله ده ايه دي حلوه اوي روح يامحمود هات اطباق ندوق حماده و عمك احمد و عمك عادل.

حنان….بالف هنا يارب