لقاء كارثي
(لقاءكارثي)
لقاء كارثي
أميره أسامه
صاحبة البطل الواحد
~° البارت الثامن°~
……………
طلع عسال علي فوق بص علي الاوضه اللي نادين فيها شاف الباب مقفول فضل واقف قدام باب الأوضه بتاعته مش عارف يعمل ايه مهما كان لسه مفيش الجرأه بينهم اللي تخليه يروح يخبط عليها و حتي لو خرجت مكانش عارف يقولها ايه
مفيش بينهم عشم او حتي كلام عادي كل اللي هو متأكد منه مشاعره القويه وإصراره أنه يتعرف علي البني أدمه دي
و عنده احساس قوي أن ارتباكها و توترها و هروبها منه بيخبوا مشاعر جواها ناحيته
فضل واقف مش عارف يعمل ايه يدخل جوه عشان لو خرجت ميبانش أنه واقف مستنيها و لا يفضل واقف و يعمل نفسه كان هيدخل عشان ميحرجهاش و لا يحرج نفسه كان محتار اوي لكن فضل واقف.
اما عند نادين فطلعت فوق و فضلت اكتر من تلت ساعه علي امل يكون عسال ظبط المكان و حد من البنات ساعده عشان متحتكش بيه ولا يبان عليها الارتباك
و بعد ما حست انها زهقت قررت تنزل بس قبل ما تنزل تبص من فوق بهدوء و تشوفوا خلص ولا لا
راحت بهدوء علي الباب فتحت و خرجت و هي مش مركزه و بمجرد ما خرجت و مشيت خطوه رفعت راسها لقت عسال واقف قدامها علي باب الموضه بتاعته ساند ضهره و ساند رجل واحده علي الباب و في ايد الموبايل و الايد التانيه في جيبه
وقفت ثواني و هي باين عليها الصدمه و بعدين ابتسمت في وشه ابتسامه بسيطه كلها ارتباك و توتر و بسرعه رجعت شعرها وراء و دنها و رجعت مشيت بهدوء من غير ما تقوله ولا كلمه
ابتسم عسال غصب عنه
عسال…..شكراً علي المساعده
وقفت نادين مره تانيه و هي مدياله ضهرها و قلبها بيدق جامد غمضت عينها بقوه و بعدين حاولت تهدأ و بهدوء بلعت ريقها رسمت ابتسامه علي وشها لكن مكانتش عارفه تظبطها فضلت تهز راسها و بعدين بهدوء لفت لاقته واقف وراها لكن بعيد كام خطوه حست أن قلبها وقع في رجلها و فضلت لصاله بصدمه و كان باين علي صدرها انها بتاخد نفسها بسرعه
بصلها عسال بنظره جميله و هاديه كان حاسس بتوترها فضل ساكت و باصص في عينها بس مكانش يعرف أن ده هيوترها اكتر بصت نادين بعيد و ابتسمت بهدوء
نادين….ااااا انااااا اسفه بس يعني كنت بعمل حاجه وووو كنت يعني هنزل اساعدك
عسال…..مالك متوتره ليه
نادين…..اااا ايه ااااناا لا خالص شكلي متوتر
عسال…..بابتسامه جميله مال برأسه شويه و هو عينه في عينها اه اوي في مشكله معاكي
نادين….اااا لا انااا كويسه بس يعني ممكن اكون اتخضيت منك
ابتسم عسال و ضيق عنيه
عسال……ليه هو انا بخض ؟؟
بصله نادين و شردت في تفاصيله لاول مره كان واقف لابس بنطلون ابيض و قميص ابيض زرايره مفتوحه و باين عضلاته و مشمر الكم عينه فيها جاذبيه فظيعه سماره يجذب اي حد كل ملامحه وكل تفاصيله فيها سحر غريب
هزت نادين راسها بلأ و كأنها عايزه تقوله مين ده اللي يخض كانت في دنيا تانيه و ثواني وفاقت
نادين….اااا لا متخضش ولا حاجه مقصدش انا بس مكنتش سامعه صوت ولما خرجت وشوفتك قدامي اتخضيت عموماً انا اااا هنزل اساعدك
عسال…..بس انا خلصت خلاص
نادين…..اااا اوك طيب انااا يعني احمممم هنزل عشان يعني اقصد
عسال….نادين
سكتت نادين من الارتباك و الكلام اللي مش مفهوم و بصتله وهي بتدعي حد يطلع و يخلصها من الورطه دي و فضلت باصه بعيد عن عينه
نادين….ايوه
عسال…..هو انتي ديماً مرتبكه كده
نادين ….اااا لا انا تمام مش مرتبكه
عسال…..انتي شايفه كده ؟ طيب مصدقك
نادين….هو هو انا ممكن انزل
عسال….بابتسامه جميله اكيد بس ممكن الاول تردي علي سؤال و بعدين انزلي
نادين…..سؤال ليه ؟ ااا اقصد سؤال ايه
عسال…..ليه بتهربي مني ؟
بصتله نادين بصدمه و حست انها اتجمدت في مكانها وزادت ضربات قلبها و معرفتش تجاوب علي سؤاله و لا حتي عرفت تتظاهر بعدم الفهم أو حتي تقوله لا انا مش بهرب
فضلت ساكته و فضل عسال باصص علي عينها كان حاسس بيها اوي و اتأكد من إحساسه نادين جواها شعور مختلف من ناحيته عكس الشباب اللي تحت كلهم اللي ولا مره ارتبكت معاهم او هربت منهم او حتي منعت معاهم الكلام زي ما بتعمل معاه.
ابتسم عسال ابتسامه جميله و محبش يضغط عليها اكتر من كده
عسال….تقدري تنزلي يا نادين
و من غير ما تحس هزت راسها و بطريقه لا إراديه رفعت كفها علي قلبها و بسرعه نزلت علي تحت
فضل عسال واقف مكانه و هو مبتسم رفع رأسه لفوق و خرج نفس طويل
عسال…..تمام كده اوي شكلنا هنتعب كتير بس مفيش مشكله
نزلت نادين جري علي تحت حاولت تبان أن هي تمام دخلت علي المطبخ خدت ازازه و حطت شويه مايه في الكوبايه و فضلت تشرب
نزل عسال بهدوء دور عليها بعينه و لمنحها بتشرب اول ما جات عينه في عينها لفت ضهرها ليه بسرعه وهي بتشرب
ضحك ضحكه جميله و كان مبسوط جداً
عسال….ايه بتعملوا ايه تاني
ايه…..لا مفيش بس سلامه وقع مايه كنت بنشف و هنرجعها تاني
عسال…..بقولك ايه هو اسمه ايه
ايه…..ميلو
عسال….اه هو مش بياكل انا حاسس انك نسيانه
ايه….لا والله أكلته لما كنا بنفطر
سلامه….لا أكلته اه
عسال….اصلي مشفتوش بياكل خالص قولت افكرك
سلامه….لا متقلقش ده ابنها
عسال….بابتسامه يا جدددع
ايه….بضحك لا متقلقش مبزعلش هو فعلاً ابني اللي يتعود اصلا يربي حي أن بيحس أنه حته منه
عسال….طبعاً
سلامه….عسال عنده كلب علي فكره
ايه….ايه ده بجد طب ليه مجبتهوش معاك
عسال…..امي مرضيتش متعلقه بيه اوي
ايه….طيب نوعه أيه
عسال….چيرمن
ايه….الله حلو اوي تعرف أن ده من اوفي انواع الكلاب بجد
عسال…..دي حقيقه و كمان بحس أن تربيته اسهل و الاهم أنه مستعد يضحي بنفسه عشانك
ايه……فعلاً بس علي فكره تربيته مش سهله و عنيد شويه خصوصاً في تدريباته
عسال….بس ده في البدايه وهو لسه صغير
سلامه….هو بس بيحتاج طولة بال
ايه….هو عموماً اي حيوان محتاج طولة بال زي البيبي الصغير اكيد عشان يتعلم البيبي محتاج صبر عشان يسمع كلامك عشان يفهمك حتي عشان يتعود علي اسمه
عسال…..هو عموماً الكلاب بالاخص بتحتاج طولة بال بس لما بيفهموكي خلاص
ايه…..هو اسمه ايه ؟
عسال….بابتسامه اسمه آرثر
ايه…..حلو ده بس ليه آرثر ده عشان الملك آرثر و كده
عسال….يعني هو تحسيه كده ملك في نفسه
سلامه…..بضحك اه والله في هيبه الملوك و مرعب بس طيب
ايه….امممم بس حلو وجديد طيب قولي بقي علاقتك بيه شكلها عامله ازاي
سلامه….بضحك بينام في حضنه و بياكل معاه من نفس الطبق
عسال…..رفع حاجبه انا بس
سلامه…..صراحه لا و انا كمان تقدري تقولي ده الدلوعه بتاعت البيت محدش فينا يقدر يزعله
ايه…..انا كنت هموت واجيب كلب چيرمن بس بابا رفض للاسف لأن في النهايه تربية كلب زي الچيرمن في البيت صعبه هو عايز مساحه
سلامه…..طيب ما احنا في شقه بردوا
ايه…..موجود معاكم كده عادي
عسال….لا بصي هو احنا ساكنين في اخر دور و المفروض أن الدور شقتين فا هو الدور كله بتاعنا جزء شقه عادي و الجزء التاني خليناه زي الرروف كده و قاعده يعني الشقه كلها جوه اوض نوم و مكان للضيوف بس احنا اغلب قعدتنا في الروف و استاذ آرثر ليه بيت خاص بيه و بيت كبير يعني مش اي كلام
ايه…..الله طب حلو ده اوي
سلامه…..معندكيش عروسه ليه بقي
ايه….هو ولد
سلامه…..عاملين نقول آرثر من الصبح
ايه….بضحك ايوه صح ايه الغباء ده بجد عايز تجوزه
عسال…..لو السلاله كويسه اكيد
ايه……طيب خلاص والله انا بيجيلي چيرمن كتير و اعرف ناس كتير عندهم چيرمن و سلالات جامده
عسال…..خلاص شوفي و عرفيني و العريس موجود
ايه….بس انت عارف ان بيبقي في اتفاق علي موضوع التقسيم ده ولا لا
عسال….اه عارف في ناس بتقول هتدي النص و في ناس بيبقي شرط انها تاخد دكر واحد و النتايات كلها ليه و في ناس بتدي اتنين بالكتير دكر و نتايه و بياخد هو باقي الخلفه
سلامه….بضحك يبني الفاظك دكر و نتايه ايه
عسال…..ما هما اسمهم كده
ايه…..اه عادي انا فاهمه متقلقش بس اسمع في كمان ناس ممكن تجوز بس عشان الكلبه بتاعتهم لازم تتجوز و مش بيبقوا عايزين اي خلفه و في ناس كتير بتجاوز بفلوس يعني عشان تقدم لك النتايه تدفع
سلامه….بضحك ليه مهر العروسه
ايه….بضحك اسكت انت والله في ناس بتعمل كده بيزنس يعني
عسال….ايوه عارف بصي انا معنديش مشكله المهم زي ما قولتلك السلاله
ايه….طيب خلاص سيبها عليا انا دي
عسال…..انتي عارفه يا ايه أن الموضوع ده لو اشتغلتي فيه و وسعتي شغلك شويه هيبقي مربح اوي
ايه…..اه بس للاسف محتاج مكان و محتاج رعايه و حد يكون متفرغ
سلامه….خلاص شاركي عسال هو هيموت و يعمل مزرعه
ايه….بتتكلم جد
عسال….اه والله الموضوع في دماغي جداً من فتره بس انا كمان مكنتش مركز فيه عشان شغلنا بس لما عرفت انك ليكي في الموضوع ده رجعت افتكرت و اتحمست
ايه….يعني ممكن تعمل كده بجد
عسال……اعمله جداً و انا جاهز و ممكن نبدأ بآرثر نجوزه و نشتغل من السلاله بتاعته لأن كل ما كانت اصليه كل ما كان الربح اكبر
ايه…..طيب والله انا معنديش اي مشكله بس المكان هتعمل فيه ايه
عسال….في البدايه ممكن منحتاجش المكان اوي يعني لو فرضنا اني هاخد جرويين من خلفة أرثر مش هيحتاجوا مكان كبير عادي هيبقوا في الروف بس بعد كده هتعرف انا في المكان سهله
ايه…..بس انت عارف هي بتجيب قد ايه
عسال…..عارف من 8 وانتي طالعه بس لو عرفتي تشوفي حد مش قافش اوي في موضوع القسمه ده لو النوع يبقي ياريت احنا محتاجين علي الاقل نتايتين
ايه…..بحماس طيب سيب عليا انا الموضوع ده بس اوعي يكون حماس البدايات
عسال….انتي لسه متعرفنيش
سلامه….عسال دايس في اي شغل و بعدين هو بيحب الكلاب اوي يعني الموضوع داخل دماغه انا عارفه
عسال….وهو اصلا في دماغي من قبل ما اتكلم معاكي
ايه…..خلاص اتفقنا نرجع بس و سيب الباقي عليا
سلامه…..كده كده هنيجي نزورك في المكان عشان تورينا بقي هتتعاملي ازاي مع آرثر
ايه….يا سلام احلي معامله للعريس
قرب منهم فضل و نعيمه
فضل….عريس مين؟
سلامه….لا بنتكلم علي آرثر عسال عايز يجوزه
فضل….ايه لاقيت عروسه نقول مبروك
عسال…..بضحك لسه
نعيمه….آرثر مين
فضل…..ده كلب عسال
نعيمه…..انت كمان عندك كلب
عسال…..اه
فضل….صحيح يا ايه انتي بتتعاملي مع اي نوع و لا انواع معينه يعني كلاب كيوت كده زي ميلو
نعيمه….بسخريه كيوت نهار اسود دي بتتعامل مع وحوش
فضل….بضحك ايه
نعيمه….اوباااااا ايه مستهون بالقله الصغيره دي بت فرجيهم الصور بتاعتك
ايه…..رفعت حاجبها شكلك مستهون بيا
فضل…..والله اشوف واحكم
ايه….بس كده ثواني
مسكت ايه الموبايل بتاعها و فتحت الصور و جابت صورها و هي شغاله في المكان مع كلاب ضخمه و كلاب طويله و كلاب شرسه و كلاب صغيره صور وهي بتحميهم
و صور وهي بتحلقلهم و صور وهي بتقص ضوافرهم
فضل….اوبااااااا بوكسر وبيتبول وروت كمان
سلامه…..بضحك لا استني انا شكلي انا كمان كنت مستهون بيكي ايه الأنواع دي دول اضخم واطول منك اتعاملتي معاهم ازاي دول
ايه…..بضحك قصدك ايه بأطول منك دي
عسال….بابتسامه اسف يا ايه انا كمان شكلي استهونت بيكي
ايه…..علي فكره في انواع تاني كتير في موبايلي التاني بس هو مش معايا
نعيمه…..دي جامده بجد و المصيبه أنهم بيسمعوا كلامها
فضل…..ده انتي طلعتي بتحبي الكلاب بجد بقي
ايه….اه اوي والله
سلامه….بس دول يهدوا الحيل يا ايه انا افتكر مره آرثر بهدل نفسه و شد كوبايه عصير و كان الوقت متأخر دخلت انا وعسال نحميه حسيت اني واكل علقه
ايه…..هما فعلاً بيهدوا بجد خصوصا لو الكلب كبير
فضل….طيب قوليلي يا ايه انتي حسابك واحد في كله و لا كل كلب ليه حساب
ايه….لا طبعاً كل كلب ليه سعر يعني كلب صغير مختلف عن كلب كبير مختلف عن كلب شرس مختلف مع كلب شقي يعني ممكن يكون طلب صغير بس عشان تديله شاور و تقص شعره و ضوافره و تنشفه تاخد فيه ساعتين لانه مش بيقعد و اوقات بيضايق فا بتضطر تستني تحايل و تدلع و تغير موده عشان تعرف تكمل لا هي قصه كبيره كده
سلامه…..بابتسامه لا بقولك ايه انا لازم اجي اتفرج عليكي يوم
ايه……يا سلام تعالي هتتبسط اوي
عسال…..بإعجاب لا بجد براڤو عليكي هي شغله صعبه مش سهله و انتي بطله والله علي انواع الكلاب دي
ايه…..ميرسي يا عسال
فضلت نادين متابعه عسال من بعيد و سامعه كلامهم هتموت و تشارك معاهم بس مش قادره و كمان حست انها مضايقه مكانتش عارفه ليه مضايقه بس كان باين عليها و هي واقفه جنب ايمي و رشيد يعملوا السلطه.
رفع عسال عينه بهدوء و بص عليها كانت سرحانه وباصه ناحيتهم بس وشها متغير حس أن هي مضايقه ابتسم بهدوء فاقت من شرودها و بعدت عينها اول ما لاقته مركز معاها
وقرر عسال يزود لعبه كمان مع نظراته و هو أنه يتعامل مع كل البنات و يتكلم معاهم يمكن ده يحركها شويه.
رشيد….طلعتي بتعرفي تطبخي بجد
ايمي….ايه مش باين عليا ولا ايه
رشيد…..مش كده بس شكلي واخد فكره عنكم غلط بحس أن اللي بتهم بنفسها ملهاش في المطبخ
ايمي…..بضحك ليه وهو انا لازم اكون مبهدله عشان تصدق اني ست بيت
رشيد….خلاص بقي قولتلك شكلي واخد فكره غلط
ايمي…..امممم طيب صححها من فضلك بقي
رشيد…..يعني عايزه تقنعيني انك ديماً زي القمر كده و انتي بتطبخي
ابتسمت ايمي بإحراج عكس طبيعتها و بعدت عينها عنه
ايمي…..يعني بيقولوا
رشيد….مين دول اللي بيقولوا
ايمي…..اللي شافوني و انا بطبخ
رشيد…..ايوه بنات ولا شباب
ايمي…..هتفرق
رشيد….اه هتفرق لو بنات يبقي انا صح و ده مش الطبيعي ليكم انكم تكونوا زي القمر كده و لو شباب يبقي احب اعرف مين تاني قالك كده
ايمي….بضحك تحب تعرف امممم طيب هو عموما اللي قال .قال اني بعرف اطبخ مقالش اني زي القمر
رشيد….بابتسامه مبيفهموش شكلهم بس علي فكره كده يبقي انا الوحيد اللي قولت زي القمر
ايمي……لا مش انت بس علي فكره
رشيد…..بضحكه جميله ااااا ده بجد بقي في معاكسات و كده
ايمي…..ايه يضايقك في حاجه اصل اللي اعرفه يعني بيضايقوا أن الست بتتعاكس و بيتقالها انها حلوه
رشيد….مين اللي قال كده اصلا الرجاله هي اللي بتعاكس مين قال إنهم بيضايقوا
ايمي……يعني عشان محدش بيعاكسكم
رشيد….مين قالك ده احنا بنتعاكس معاكسه
ايمي….لا يا شيخ قول بقي انك مش بتعرف تمشي في الشارع من المعجبين
رشيد….يا نهار اسود ده البنات بتقطع بعضها عليا ده انا ببقي ماشي خايف علي نفسي منهم
ضحكت ايمي بصوت عالي و ضحك هو كمان
ايمي…..خاف علي نفسك بقي من الفتنه
رشيد….بابتسامه تريقه اه يا بنتي والله البنات بقت صعبه
ايمي….لا بجد مش بهزر انت بتتعاكس
رشيد….انا ساعات
ايمي….بجد
رشيد…بضحك اه والله مستغربه ليه مفيش غيركم يعني بيتعاكس ولا ايه
ايمي….لا مستغربه يعني أن في راجل بيتعاكس
رشيد….طب بزمتك انا متعاكسش
ضحكت ايمي بإحراج
ايمي….صراحه
رشيد….صراحه
ايمي….تتعاكس انت زي القمر
رشيد…..والله انتي اللي قمر
ايمي…..عارفه
رشيد…..واثق انت مش كده
ايمي…..حلو أن الواحد يكون عارف قيمة نفسه
رشيد….اكيد رفع حاجبه بس مش حلو يعني أنك تبقي مبسوطه بالمعاكسه
ايمي …..هو في ست مبتحبتش تتعاكس
رشيد….امممم طيب نشوف الموضوع ده بعدين بقي
ايمي….بضحك انا بقول كده
رشيد….صحيح عندي سؤال
ايمي…..اسأل
رشيد…..انتي بتدخني بقالك كتير
ايمي…..اه كتير اوي
رشيد….اشمعني بقي
ايمي….والله جات صدفه حبيت اجرب اتسحلت فيها و معرفتش أبطلها
رشيد….هي بتحب فعلاً بس حاولي تبطليها متعبه مش حلوه
ايمي…..و مقولتش كده لنفسك ليه
رشيد…..والله بحاول أبطالها بس مش لاقي اللي يشجعني
ايمي…..خلاص انا اشجعك
رشيد…..يا سلام موافق بس هشجعك انا كمان عشان هتبطليها
ايمي….ده ايه الثقه دي
رشيد….الله احنا مش اتفقنا نشجع بعض
ايمي…..ماشي هحاول
رشيد…..بابتسامه هنحاول
ابتسمت ايمي و كملت كلامها معاه.
……….
عشري…..شيلي ايدك هتتحرقي
ليله…..ايه ده هي ليه بتسخن كده
عشري…..مش شايفه الفحم شكله عامل ازاي
ليله….بس المفروض المقبض ده يكون معزول
عشري…..يا سلام نعزله وسعي
مسك عشري الفويل و قطع جزء كبير و فضل يلفه علي المقبض
عشري…..عزلناه يا ستي بس بردوا متقربيش اوي عشان ممكن يسخن
ليله….ماشي
عشري….قولتلي بقي انك طلعتي بتاعت مشاكل
ليله….انا لا خالص هو انك تجيب حقك ده يتسمي انك بتاع مشاكل و بعدين هما مش بياخدوا فلوس يعني اكيد احنا مش هندفع فلوس في حاجه بايظه
عشري….علي فكره انا بهزر و كويس انك بتقدري تجيبي حقك و حق صحابك
ليله…غريبه انك بتحب الست تكون قويه مع شخصيتك يبان عليها انك بتحب أن الست اللي في حياتك تكون أضعف
عشري….انا ؟؟ مستحيل انا الست اللي في حياتي لو مش قويه مقدرش اعيش معاها مبحبهاش تبقي يمكن احب انها تبقي ضعيفه معايا ومش معناه أن انا اللي ابقي مسيطر اقصد انها تكون ست مش راجل تحسسني بأنوثتها تحسسني باحتياجها ليا
ليله…..و ليه تحسسك باحتيجها
عشري….عشان انا احس اني راجل و مسؤول عنها مش عايش مع واحد صاحبي بيعمل كل حاجه لنفسه ومش محتاجني
ليله…..بس اوقات الست بتأمن نفسها و بتحب انها تعمل كل حاجه عشان الراجل ميتحكمش فيها
عشري…..مبيتحكمش في ست يا ليله الا الراجل الناقص
ليله….طيب بما انك من بدو سيناء و نصك التاني صعيدي يعني راجل طباعه صعبه قولي بقي ممكن تتعامل ازاي مع الست
عشري…..عادي انا راجل عادي يا ليله في النهايه انا شخص متعلم لفيت الدنيا و مثقف عشت كل حياتي تقريباً في القاهره وطباعي بقت زي اي طباع راجل عادي عندي العرق الصعيدي اكيد و عندي العرق البدوي و ده فخر ليا لكن انا مش الشخص اللي يتحكم في ست و لا الشخص اللي ممكن يقفل علي ست
ليله….بتغير يا عشري
عشري….اكيد بس غيره طبيعيه مش غير مرضيه
ليله…..والطبيعي بتاعك ده اللي هو ازاي
عشري…..الغيره الطبيعيه يا ليله بتاعت اي راجل شرقي يمكن في مواقف كتير بس مش قادر اقول ايه هي الوقت لكن في العموم انا غيرتي متخنقش
ليله….حلو طيب قولي انت اكيد بقي لو اتجوزت تحب تجيب عشر عيال اللي اعرفوا عن البدو والصعيد كمان أنهم بيحبوا الاطفال الكتير و خصوصا الولاد وانت ماشاء الله بتقول اخواتك كلهم ولاد
عشري….بس قولتلك بردوا اني شخص متعلم و عقليتي مش نفس العقليه المتشدده دي اولا لو جبت ولد طبيعي هفرح لانه هيشيل اسمي بس كمان انا بحب البنات اوي بالنسبه بقي للهلفه الكتير
لو انا أقدر أعيشهم في مستوي كويس ليه لا بس في حاجه اهم من كله صحة الست اللي هتكون في حياتي
ليله….تفرق معاك ؟!
عشري….تفرق معايا !! طبعاً تفرق معايا اللي اعرفه ان كتر الخلفه بتجهد الست و احتمال تأثر علي صحتها يبقي ليه اعرضها للخطر كفايه واحد او اتنين او تلاته بالكتير و بعدين انا ليا حادثه في الموضوع ده لا يمكن تتنسي و قررت من بعدها اني مستحيل اعمل كده في الست اللي هتكون في حياتي
ليله….حادثه ايه
عشري…..شوفت امي وهي بتولد اخوي الصغير قدام عيني و كنت معاها لوحدي وافتخر أن في الوقت ده كان لسه شويه علي معاد ولادتها وكنا في سيناء و اليوم ده مكانش في اي حد في البيت غيرنا و الكل كان بره و كنت نايم سمعتها بتصرخ جريت عليها لاقيتها نازله من السطح و بتقعد علي الدرج و بتموت بجد و ولدت علي السلم بقيت واقف مصدوم مش قادر اتصرف ولا فاهم اعمل ايه حتي اخوي لما نزل منها هي اللي مسكته انا مقدرتش
و وقتها كنت في اول سنه في الجامعه يعني مش صغير بس معرفتش اتصرف و بعدها امي تعبت اوي و انتقلت المستشفي و افتكر انها قعدت اسبوعين حالتها كانت صعبه لأنها مكانتش صغيره من وقتها لما شوفت المنظر و امي كانت بتموت قدامي محبتش فكره الخلفيه الكتير
ليله…..حلو انك تفكر فيها بالشكل ده
عشري…..الراجل الاناني اللي يجبر الست علي الخلفه الكتير من غير ما يفكر في صحتها يا ليله
ليله…..مع انك يعني تبان شخص جامد و مش سهل شويه بس قلبك طيب
عشري….وانتي بتاخدي بالمظاهر بقي
ليله…..مش ديماً بس بقولك اللي شيفاه عادي يعني ممكن اكون مش صح
عشري…..طيب انتي اكيد نفسك تكوني ام صح
ليله….طبعاً
عشري….تتمني يكون عندك كام طفل
ليله….يعني بردوا اتنين تلاته بالكتير
عشري…..متفقين يعني
ابتسمت ليله بإحراج و سكتت
عشري…..بابتسامه امسكي السيجاره دي لحظه
خدت ليله منه السيجاره و هو فضل يظبط الاكل علي الشوايه حطتها ليله في بوئها و شربت منها بعد ما خلص بصلها ورفع حاجبه وسحبها منها
عشري….ما تخفي شويه
ليله…..ايه خايف عليا
عشري…..يمكن و يمكن كمان مش حلوه يعني أنك تشربي قدام الكل كده
ليله…..وانت ايه اللي مضايقك بقي
عشري….لا مش مضايق عشانك يعني
ليله….سبحان الله من ثواني قولت انك بتحب الست تعمل اللي يريحها
بصلها عشري بنظره غريبه مكانتش فهماها بس اتبسطت منها و طريقته
عشري….بس كمان قولتلك اني راجل شرقي و بيغير
ليله…ااااا بإرتباك تغير !!
عشري….اه بغير غريبه دي
ليله….لا مش غريبه بس يعني الراجل بيغير علي أمه أخته حد من قريبه حبيبته مراته كده يعني
عشري….ااااااه تقصدي مليش دعوه بيكي يعني
ليله…..لا انا اقصد اني مش ولا حد من دول
عشري….و ليه حسبتي نفسك مش منهم
ليله….بابتسامه دلع رفعت حاجبها و كملت بهمس بسيط هو بس اللي يسمعه.
عشان انا مش امك ولا اختك ولا قريبتك ولا صحبتك و اكيد مش حبيبتك أو مراتك
عشري…..ابتسم عشري و فضل باصص في عينها ثواني و كمل بهمس و ليه لا ادام مش هتقبلي غيرتي غير بالشكل ده فا نخليكي منهم
بصتلوا ليله بصدمه وابتسمت
ليله….ايه هبقي مين فيهم يعني شايفني اقدر اكون فين بالظبط
عشري…..والله انتي و شطارتك انا ممكن اكون شايفك مكان اتنين منهم بس تقدري بذكائك تكوني مكان الكل
ليله….بضحكة كسوف هو انت جرئ كده علي طول؟
عشري…..انا مش بحب اللف والدوران
ليله….طيب ممكن اعرف ايه هما المكانين اللي خدتهم بما انك جرئ يعني ومش بتحب اللف و الدوران
عشري…..انا عن نفسي جرئ بس انتي جريئه ولا اول ما هقول هتختفي من قدامي
ليله…انا !! لا متقلقش انا كمان جريئه
عشري……طيب تمام نشوف يارب بس ملاقيش وشك بقي احمر و تجري
ليله….انا لا مستحيل متقلقش انا مش بتكسف يلا قول
عشري…..والله انا شايفك دخلتي اول مكانين وهو انك تكوني صاحبتي و حبيبتي
بصتلوا ليله بأبتسامه وهي مصدومه و اتوترت اوي فكرته هيقول صاحبته و أخته أو قريبته لكن متوقعتش حبيبته دي خالص
ليله….ااااا بيتهيألي انت مش محتاجني هنا هروح اشوف البنات
ضحك عشري و بسرعه وقف سد الباب بجسمه و منعها تدخل
عشري….مالك مش عامله فيها جامده وجريئه اتلغبطي ليه و بعدين انتي مش قولتي قول اديني قولت وطلعت أجرء منك كمان
ليله…..بضحكة جميله طيب هو انا ممكن ادخل
عشري…..لا مش ممكن تدخلي
ليله…..متبقاش رخم بقي و خليك جدع
عشري…..لا انا مش جدع و كملي كلامك يلا
ليله….كلام ايه انت اكيد مجنون يا عشري
عشري….ليه مجنون مش فاهم عشان قولت اللي جوايا هو مش انتي بتحبي الصراحه بردوا مالك زعلانه ليه
ليله….مش زعلانه اكيد
عشري….امال
ليله…..انت بتهرج اكيد صح
عشري…..بهرج في ايه بالظبط اكيد مش في اني بقيت اعتبارك واخده مكان صاحبتي لأن ده طبيعي اتعرفنا علي بعض و كلنا مع بعض عيش وملح واكيد لما نرجع هيبقي في بينا تواصل و نسأل علي بعض و نشوف بعض سواء انتي أو البنات
ليله…..ماشي اكيد انا معاك في دي بس يعني التانيه دي هي اللي…
عشري….هي اللي ايه بكدب فيها و لا مش مصدقاها
ليله….اكيد الاتنين انت بتكدب وانا مش مصدقاك
عشري….ليه طيب براحه كده قوليلي
ليله…..بضحك عشري انت بتخرج صح اصل لو كلامك ده طلع هزار هتزعل مني
عشري…..وغلاوه امي و ابويا مش بكدب عليكي
ليله…..ايوه اللي هو ازاي يا عشري يعني مكان زي ده مستحيل حد يقدر يوصله بالسرعه دي ده في اي علاقه طبيعيه بيكون علي الاقل في اعجاب و بعدين احنا مفيش بينا علاقه عشان يبقي حتي في اعجاب مش تقولي حب
عشري….والله انتي سألتي انا خدت مكان مين فيهم قولتلك علي اول مكانين خدتيهم في قلبي حابه تصدقي صدقي مش حابه براحتك بس متنسيش أن حسان قال حاجه صح عدد الساعات اللي قعدناها مع بعض تساوي وقت طويل من المرات اللي ممكن نشوف بعض فيهم بره
يعني اكتر من ثلاثين ساعه فاتوا واحنا تحت بيت واحد.و مرينا بظروف كتير خوفنا و اترعبنا ضحكنا هزرنا كلنا نمنا صحينا اتعرفنا فضفضنا الثلاثين ساعه دول لو كان كل واحد فينا في بيته و لنخرج نقابل بعض عشان نتعرف حتي مره في الاسبوع هنقعد قد ايه ساعه اتنين
ثلاثه يا ستي احسبي بقي ثلاث ساعات مره كل اسبوع هناخد كام اسبوع عشان نخلص الثلاثين ساعه دول يعني يا ستي لو قولنا الشهر خمس اسابيع وكل اسبوع ثلاث ساعات يعني 15 ساعه و نقول 15 ساعه كمان بقوا ثلاثين يعني عندك شهرين تعارف و طبعاً احنا الوقت بقالنا 35 ساعه يعني نقول شهرين واسبوع
ليله….بضحك انت بتحسبهم كمان
عشري….اه بحسبهم الوقت اللي قضيناه مع بعض هنا يساوي شهرين و اسبوع في اي ظرف عادي يعني وقت كفيل أننا نتعرف علي بعض و طبعاً احنا لسه متعرفش هتفضل قد ايه احنا بنتكلم في يوم ونص تقريباً
ليله….ايوه يعني ايه بردوا
عشري…..يعني انا مكدبتش يا ليله لما قولت أنك عجبتيني و داخله علي مكان خطر وهو انك تكوني حبيبتي
ليله…..عشري انت بتتكلم جد؟
عشري…..بأبتسامه نفخ دخان سيجارته تنكري أن ده مش نفس شعورك انتي كمان
ليله….بإحراج ابتسمت عشرررري
عشري…..بضحك عشرررري عيون عشري
ليله….لا انت رخم وانا بدخل واسيبك و لما تبقي بتتكلم جد هبقي اتكلم معاك
عشري…..اقفي هنا هتسبيني بتكلم و تدخلي مش حلوه في حقي دي عيب قدريني
ليله…..بضحك طيب اتكلم زي الناس
عشري…..وانا بتكلم زي مين ما انا بتكلم زي الناس و بعدين هربتي ليه من السؤال ده مش نفس شعورك يا ليله
ليله….علي فكره انا مش هرد عليك
عشري….والله مش محتاجه تردي باين في عينك
ليله….لا علي فكره انت غلطان و بعدين اشمعني انا ما انا والبنات معاك من نفس المده تقريباً و انت اتكلمت معاهم كلهم و كلهم بيتعاملوا معاك زي ما انا كمان بتعامل معاك
عشري…..طيب خليني ارد علي جزء جزء
ليله….اتفضل
عشري…..أولاً انا مش غلطان و باين في عينك يا ليله انا مستحيل اكدب احساسي ثانياً ليه انتي و مش البنات اه هما معايا من نفس المده زيك و اه اتكلمت معاهم بس ده سؤال تسأليه لقلبي مش ليا هو اللي اختار يكون فين و الاهم من كل ده إنهم مش بيتعاملوا معايا زي ما انتي بتتعاملي معايا كلامهم نظراتهم أسألتهم مش زيك يا ليله
ليله……طيب خليني معاك للاخر حتي لو بقالنا كتير رمعاك و كلام منطقي أن الوقت اللي قضيناها هنا يساوي شهرين او اكتر بس عادي انا ممكن اتعرف عليك شهرين او اكتر و ميحصلش كيميا
عشري….وممكن يحصل
ليله…..بس احنا لسه منعرفش حجات كتير عن بعض يا عشري يعني افتكر أن اللي انا قولته و اللي انت قولته لسه مش كافي
عشري…..يمكن و اكيد لسه في كلام كتير و بعدين مستعجله ليه نعرف بعض اكتر
ليله…..بأبتسامه يعني ايه يا عشري؟
عشري…..من الاخر انتي عجباني يا ليله و داخله دماغي و داخله قلبي يمكن متصدقيش بس عشان اكون ماشي معاكي بالطريقه اللي تعجبك ماشي يا ستي مش هقول حب اعجاب و ناخدها خطوه خطوه
ليله….بإحراج ابتسمت انت بتتكلم بثقه علي فكره و خلاص بتاخد قرار بالنيابه عنك
عشري….اه لو مكنتش شوفت في عينك اللي انا حاسس بيه تجاهك صدقيني مكنتش بقيت جريئ معاكي كده بس هقولك علي حاجه يشهد عليا ربنا اني عرفت بنات كتير مش هكدب بس ولا واحده فيهم دخلت جوايا و بوظت عقلي زيك
ليله…..يا سلاااام ده طلع في بنات كتير مش كانت كام واحده كده
عشري…..كلها تعارف و انا مكدبتش عليكي علي فكره قولتلك انا شاب زي اي شاب و حقيقي اتعرفت بس كان عادي عارفه لما حاجه تجذبك ما شكل بس لما تقربي تلاقيها فاضيه من جوه هنا بالنسبالي كانوا كده
ليله…..طيب ما يمكن تكون منجذب ليا شكل و لما تقرب مني تلاقيني فاضيه ده من وجهة نظرك
عشري……بس انتي مش فاضيه يا ليله و كلك تفاصيل و حكايات اللي اتعرفت عليهم يا ليله كانوا بتوع بابي و مامي و كل همهم هيقضوا السهره فين انهارده لكن انتي مختلفه رغم اني شايف قدامي ست مكتملة الانوثه إلا انها ست جدعه عاشت تفاصيل كتير و مرت بظروف اكتر و كانت قويه جداً وقدرت تعمل نفسها بنفسها محدش عملها و دي اكتر حاجه جذبتني ليكي منكرش يعني أن المسرح اللي طلعتيني عليه امبارح بعد ما كنت مصمم امشي هي اللي خلتني انجذبت ليكي بس بعد كده في تفاصيل كتير
ليله….بابتسامه قلبك اسود اوي صحيح كنت عايز تمشي ليه؟
عشري……مكنتش حابب اضايقكم و انا طباعي كده ميصحش اقعد معاكم في بيت واحد انا والشباب بس يظهر أنه كان نصيب يا ليله
ليله…..دي حاجه انا واثقه منها هي اكيد نصيب
عشري…..طيب سيبك بقي من اللي حصل امبارح خلينا في الوقت
ليله….بإبتسامه إحراج عايز ايه ؟
عشري…..تاني عايز اعرف رايكم يا ليله
ليله…..طيب اقولك علي حاجه و متقفشش
عشري…..مش هقفش يا ستي قولي
ليله…..انا مش هعرف ارد عليك عشان انا لحد الوقت مش مصدقه كلامك
عشري…..ليه طيب مش مصدقاني علي فكره يا ليله انا مش شاب مراهق انا راجل و مسؤول يعني قد كلمتي
ليله….مقصدش علي فكره انا بس اول مره تحصل معايا أن راجل يقولي كده علي طول
عشري……انتي شايفه انها علي طول عشان قلبك مش شايف غير اليوم ونص اللي قضيناهم لكن لو حسبتيها بالعقل زي ما انا حسبتها هتحسي انها عاديه و بتحصل عادي علي فكره
ليله….طيب لو مشيت معاك و اقتنعت وصدقت يعني ااااا ايه بقي
عشري…..ولا حاجه شوفي عايزه العلاقه تمشي ازاي و انا معاكي
ليله….بصدمه ابتسمت علاقه !!
عشري….اه ما هو احنا مش هنقضيها تلميحات كده من بعيد اكيد هيكون في علاقه ولا انتي مش حابه اصلا يا ليله
ليله….و الله السؤال ده إجابته عندك مش عندي انت شايف ايه ؟
عشري…..والله انا اللي شوفته انتي كدبتيه بس ارجع واقولك تاني لو مكنتش شوفت في عينك نفس الشعور المتبادل مني مكنتش قربت بس انا هقدر انك طلعتي بتكدبي وانك مش جريئه و لا بتاع و طلعتي بتعرفي في شبر مائه و بتتكسفي كمان و هعديها
ليله….بضحك لا علي فكره انا جريئه بس يعني انا متوقعتش تقول كده و اتلغبطت
عشري….طيب بقي اني قولتها خلاص و خدتي الصدمه خلينا بقي في ما بعد الصدمه شعورك نفس شعوري يا ليله
ابتسمت ليله و بصت لبعيد وهي متوتر جداً و مكسوفه
عشري…..لا بصيلي هنا
ليله…..بصتله ليله بإبتسامه مهزوزه و فيها حزن بسيط أو توتر و خوف عشري اااا عشري انا مش بنت عاديه
عشري…..بإبتسامه هاديه عارف
ليله…..طباعي صعبه في العلاقه يمكن متقدرش عليها
عشري…..عارف و هقدر
ليله…..و يمكن متقدرش
عشري….جربيني ؟
ليله……مبقاش فيا حيل للتجربه انا حد لما بيحب بجد بيسيب قلبه للحب بدي كل الحلو اللي جوايا للشخص اللي في حياتي بحب بكل ما فيا يا عشري بس لو جربت وملاقتش مقابل للحب ده بزعل و زعلي بيبقي وحش اوي
عشري…..وانا موافق
ليله…..موافق حتي لو زعلي ده في ايه ليك ؟
عشري…..موافق يا ليله عشان انا عمري هزعلك
ليله…..بس انا عشان العلاقه دي تكون من الاول ناجحه عندي شروط كتير و متفهمش كلمة شروط دي بطريقه غلط بس انا كل اللي حبيتهم من قلبي يا عشري اللي فارق خالص و اللي حرمني من حبه طول ما هو عايش و اللي مقدرش يكمل معايا الطريق عشري انا قفلت قلبي كتير اوي و يوم ما حبيت اتجرحت و رجعت وقفت و كملت تاني سنين لوحدي و قفلت علي قلبي و لو هفتح قلبي مره تانيه عشانك لازم تتأكد أن ده مش هيبقي قرار سهل عليا مش بجبرك انك تكمل معايا بس لو انت شايف انك مش هتقدر من البدايه بلاش يا عشري
عشري…..أولاً حتي لو تقصدي كلمة شروط دي بطريقه غلط انا موافق حقك قولي كل شروطك ثانياً ليه شايفه اني بتسلي بيكي و بعدين مش يمكن انتي لما تتعرفي عليا انا اللي معجبكيش و تبعدي
ليله…..لا يا عشري مش هعمل كده بس اكيد لسه محتاجه اعرفك اكتر
عشري….وانا جاهز
ليله….شوف يا عشري انا فاهمه أننا ممكن ندخل في علاقه و منرتاجش لبعض و قوتها محدش فينا مجبر يكمل ولا انت مجبر تفضل عشان خايف اني اشوفك بشكل وحش وانك مكنتش قد كلمتك لا عادي بس انا مش عايزه أتوجع ولا اتجرحت يا عشري خلينا لو مش هنقدر نكمل مع بعض يبقي السبب طباعنا مختلفه في حجات في عادتنا مش هنقدر نتأقلم معاها أو مفيش كيميا بينا لكن بلاش تخليني اسيبلك قلبي و في الاخر تجرحه يا عشري
عشري…..ليله انا واثق من شعوري قولتها لك و هقولهالك تاني انتي البنت الوحيده اللي دخلت عقلي بالشكل ده عجبتيني و جوايا مشاعر غريبه من ناحيتك يعني انا عايز اكون معاكي عمري ما هجرحك انتي بس لسه متعرفنيش وانا مقدر جداً كل اللي انتي خايفه منه ده بس انا هثبتلك العكس صدقيني
ليله….طيب في حاجه انا حابه اعرفها
عشري….قولي
ليله….اللي اعرفه يا عشري انكم مش بترتبطوا بأي حد براكم يعني لازم تكونوا قرايب أو من نفس البلد
عشري……اه بس انا ابويا اتجوز صعيديه و اخويا الكبير متجوز اجنبيه و اخويا اللي بعده متجوز من القاهره عادي و حتي فضل ليه اخ متجوز من القاهره يمكن في عشتاير بترفض اختلاط النسب و لازم يتجوزا من نفس العشيره بس احنا لا و بعدين قولتلك الوضع اختلف عن زمان في النهايه بقينا عايشين في القاهره من سنين
ليله….تمام
عشري…..بابتسامه ايوه يعني ايه خلاص موافقه
ليله….بتنهيده ابتسمت بهدوء مبدأياً موافقه بس زي ما قولتلك لازم تحاول تعرف كل حاجه عني و تسألني في اي حاجه عايز تعرفها وانا كمان لازم اعرف عنك حجات كتير
عشري…..وانا موافق و عموماً لما نرجع القاهره في تفاصيل هنعرفها عن بعض اكتر من غير حتي ما نسأل يعني عايشه ازاي تفاصيل يومك بتمشي ازاي بتتعاملي ازاي في الحياه العاديه شغلك معارفك كل دي تفاصيل يهمني اني اعرفها و انتي كمان اكيد هتشوفي حجات عايزه تعرفيها عني من غير ما تسألي
ليله….ده اكيد اتفقنا
عشري….بابتسامه اتفقنا
………….
في الداخل قعد فضل علي السلم هو ونعيمه بعد ما ساعدوهم شويه و فضلوا يتكلموا.
فضل…..انا يا ستي مفيش اي حاجه معينه في يومي بعملها يعني بصحي علي عشره الصبح اظبط نفسي و انزل علي الشغل في العادي في كافيه معين بنفضل فيه طول الوقت انا وعشري بس بنمر علي باقي الكافيهات طول الوقت يعني الا بقي لو يوم مقفول
نعيمه…..يعني ايه يوم مقفول
فضل…..يعني مثلا لو يوم في ماتش مينفعش نفضل في كافيه واحد كل واحد فينا انا و عشري وأخواته واخواتي بننتشر
نعيمه….عشان الزحمه يعني
فضل….زحمه و ممكن يحصل مشاكل كده يعني
نعيمه….حصلت قبل كده مشكله بسبب ماتش
فضل….كتير بس احنا و الأستاف بتاع الشغل بنحاول نبعدهم فوراً عشان المكان ميتدمرش
نعيمه…..طيب قولي يا فضل انت بتتعامل ازاي في شغلك يعني صاحب مكان بقي وكده
فضل…..خالص والله اوقات كتير أصلاً بخدمة علي الزباين بنفسي و ده بيحصل لما بيكون في ضغط شغل زي يوم ماتش كبير مثلاً عيد ميلاد معمول في فرع من الفروع كده يعني لأن الشباب اللي شغالين معانا بصراحه مش بيقعدوا لما بحس أن في حد فيهم مش قادر بسرعه باخد مكانه
نعيمه….ده بجد
فضل…..اه والله العظيم بجد و علي فكره عشري كمان وأخواتنا كلنا بنعمل كده
نعيمه….علي فكره دي حاجه كويسه بتخلي في حب و احترام بينكم
فضل….ورحمه ماهو انا مش هشتري الشاب اللي شغال معايا بفلوسي ولا عشان ده مكاني اضغط عليه لازم لما احس انه مش قادر اخد مكانه فوراً لاني لو ضغطت عليه مش بيشتغل كويس هيأثر علي خدمه الزبون و حرام اجي عليه في النهايه الشباب دي بتشتغل عشان تبني مستقبلها مينفعش أننا نمسك في نقط ضعفهم دي و نضغط عليهم انا لو مكنتش صاحب مكان يا نعيمه كان هيطلع عين اهلي و اكيد كنت هتمني لو حسيت بتعب ارتاح لو دقيقه و بعدين يوم الماتش ده بيبقي شغل بجد مفيهاش دقيقه راحه المكان بره و جوه في اي فرع بيبقي مليان حرفياً بيجوا قبل الماتش بساعتين عشان المكان و بيمشوا بعد الماتش بساعه او اتنين يعني شغل طحن
نعيمه….بابتسامه يعني بتقدم طلبات و تاخد طلبات و تحاسب و كده يعني
فضل….ولو في حاجه وقعت من زبون بنضفها و بمسح التربيزات و كل حاجه
نعيمه…..بضحك مش متخيلاك بصراحه
فضل…..لا والله بجد بصي عشان المكان بتاعك يكون ناجح و يكون ليه سمعه طيبه بين الناس لازم صاحب المكان يشتغل بايده مينفعش أبداً اقعد وأحط رجل علي رجل واقول انا صاحب مكان و في اللي بيشتغل بالعكس لازم تشتغل بأيدك و الناقص بسرعه تكمله واللي الشباب يقصروا فيه تعمله انت لازم يكون في تعاون من الكل سواء صاحب مكان أو الموظفين اللي فيه
نعيمه….ياريت والله كل واحد صاحب مكان بيفكر بنفس العقليه دي مكانش في مشاريع اشتغلت و رجعت قفلت
فضل…..في ناس كتير بتعمل كده و في ناس بردوا بتشوف أنه لا انا جايب ناس بيشتغلوا و ديهم راتب يبقي لازم هما اللي يعملوا ده بس مش صح في حاجه اسمها رحمه و لازم اي حد بيشتغل معاكي يحس أن المكان ده بتاعه هو كمان يخاف عليه و يهتم بيه يشتغل من قلبه بجد عشان المكان ينجح
نعيمه……يعني مش بتشوف انك تشتغل مكان حد فيهم وحشه في حقك
فضل….لا طبعاً اللي هيبقي وحش في حقي بجد لو شوفت واحد تعبان و سيبته يكمل بالعكس هتحاسب عليه و كمان مش هاخد منه الخدمه الصح للزبون لازم اخليه يفصل نص ساعه او ساعه يروح يغسل وشه يروح يشرب أو ياكل حاجه يشرب سيجارته يريح حبه عشان يرجع بنشاط جديد و الساعه ولا النص ساعه دي مش هتأثر
نعيمه….والله براڤو عليك حلو أن البني ادم يكون في فقلبه رحمه لأننا للاسف مبقيناش نتعامل مع بعض غير بكل قسوه بس قولي يا فضل وبصراحه عمرك خصمت لاي حد عندك عشان عمل حاجه غلط
فضل…..غلط ازاي بالظبط عشان تفرق في أوقات لازم يحصل خصم لو في غلط ممكن يخسرني كتير أو لو في غلط بيتكرر و لو معملتش كده هخسر و الطبيعي مفيش صاحب مكان حابب يخسر و الاداره الصح لازم يكون فيها حزم أحياناً خصوصا لو اللي قدامك مستهون بيكي لو عدتها مره واثنين وتلاته الغلط هيتكرر و هيبقي مستباح فا تقصدي ايه
نعيمه….يعني واحد مثلا كسر حاجه واحد لغبط في الاوردر واحد كل و شرب من المكان كده يعني
فضل…..أولاً حكايه كل وشرب من المكان دي بتحصل في غداء بيجي كل يوم للشباب و الكل بيقعد مع بعضه و بياكل دي بره راتبهم لأن شغال معانا شباب مغتربين اللي من سيناء واللي من محافظات فا مش هنخصم كمان حق اكلهم و كمان في شقه كبيره عايشين فيها الناس اللي مش بتسافر ليهم دول اجازات كل فتره كمان ليهم مكان خاص بيهم كده فيه شاي وقهوه و مايه اي وقت دي حاجه بتاعتهم هما حبوا بقي اي مشروب تاني دي علي حسابهم فا موضوع الاكل والشرب محسوم بس لو حد وقع حاجه غلط في أورد أو بدله لا عادي بتحصل خصوصا تحت ضغط الشغل و الحمد لله الشباب مركزين فا الغلط ده مش بيحصل ديماً
نعيمه….امال ممكن تخصم أمته
فضل….لو واحد غلط في زميله غلط في زبون اتاخر علي شغله و أتكرر الموضوع كتير
نعيمه….بس بجد برافوا يعني النظام عندكم جميل و بيتهيألي كله دلع لاي حد شغال معاكم
فضل….الحمد لله و بصراحه هما شباب بتوع شغل يعني و ربنا كرمنا بيهم
نعيمه….طيب قولي انت بتحلم بأيه يعني عندك حلم تاني غير انك تكبر انت و عشري و اخواتك في موضوع سلسلة الكافيهات ده
فضل….هو بصراحه عندي حلم بس لا عشري و لا اخواتي ولا حتي حد من الشباب متحمس للموضوع أو مش حكايه مش متحمسين بالعكس الموضوع عاجبهم بس مفيش وقت خالص بسبب شغلنا
نعيمه…..طيب ايه هو ؟
فضل …ورشه تجميع عربيات بس مش ورشه اللي هي محل لا دي مساحه كبيره نجمع فيها العربيات
نعيمه……يعني ايه مش فاهمه اقصد يعني تصليح و لا تجمع فيها عربيات المعرض لو كتير
فضل…..بضحك وانا هخزنهم يا نوني
نعيمه….بضحك طيب تقصد ايه انا مش فاهمه والله
فضل….اقصد يعني أخد من كل عربيه احلي ما فيها و اجمعهم في عربيه تانيه خالص يعني مثلا علي سبيل المثال معاكي عربيه 128 اللي هي عربيه الزمن جه عليها بزياده اركب فيها ماتور b.m.w
و اغير في شكلها الخارجي بره شويه شكمانات بقي و صوت و جو تتحول تبقي عربية سباق بس هو ده
نعيمه….ايه ده هو ينفع؟
فضل…..اه ينفع طبعاً بس انا مش بشتغل في عربيات زي 128 انا بقولك مثال لكن انا هرمز علي عربيات افضل و احدث شويه في الشكل و الباقي عليا بقي
نعيمه….طيب هو انت دارس يعني حاجه زي كده ولا ايه ظروفك و ليه اصلا فكرت في المشروع ده
فضل…..انا لا دارس ولا اي حاجه انا بس بحب العربيات و بفهم فيها جداً و من حبي فيها حافظ كل قطعه في اي عربيه بتتفك منين و بتتحط فين و اكيد هيبقي معانا تيم كويس بردوا يعني مهندسين كده ونعمل معرض عربيات بشكل مختلف تماماً
نعيمه….طب والله حلوه الفكره بس بيتهيألي محتاجه مجهود فظيع و كمان محتاجه انك تعرف تجيب كمية العربيات دي منين
فضل….كل ده محلول أمره المهم هما يتحمسوا اكتر للفكره
نعيمه….طيب ادام الفكره انت متحمس ليها كده ليه مستنيهم هما ما تبدأ انت
فضل…..مقدرش دي فكره مقدرش عليها لوحدي من ناحية التكاليف الوقت المجهود حجات كتير
نعيمه…..طيب و بعدين
فضل….ولا قابلين انا بس مستني نخلص من المعرض اللي هنفتحه ده و بعد كده نبقي نشوف بقي
نعيمه…..ربنا يوفقك يا رب
فضل….طيب وانتي بتحلمي بأيه
نعيمه…انا بحلم اعمل مجمع كبير لتوكيلات كل براندات اللبس و الميكب اب
فضل…..صحيح انتي اللي بتشتغلي مع نادين في موضوع اللبس صح
نعيمه….اه انا صراحه هي اللي بدأت بس انا اتحمست اوي لاني مجنونة لبس و ميك اب و بحب كل حاجه جديده لما نادين كانت بتجيب الشحنات عشان تعرضهم في البيدچ بتعتها كنت بقعد عندها و اختار حجات قد كده لحد ما قفشتني قالتلي بقولك ايه والله ما هتاخدي اي حاجه و عشان متضيعيش كل اللي معاكي انتي من انهارده هتبقي معايا و هنشتغل سوا وفعلاً أشتغلت و حبيت الموضوع جداً و كبر في دماغي اكتر بس الفكره عموما في دماغنا و بأذن الله هننفذها بس مش الوقت
فضل…..طيب حلو يعني في حد يشجعك و متحمس معاكي
نعيمه….اه بس ده يرجع الفكره نفسها سهله احنا كل اللي محتاجينه مكان كبير يبقي زي المول كده و اكيد المبلغ نفسه لكن انت محتاج تفكير و شغل فظيع و تصاريح
فضل….صراحه اه الموضوع انا عارف أنه مش بسيط
نعيمه…..عموماً مفيش حد بيحب حاجه و بيسعي ليها و بتبقي صعبه عليه و ده ادام حلمك اوعي تستسلم
فضل…..اكيد
…………
حسان…..ماشي يا حبيبي خلاص بقي متزعليش عشان خاطري
هنا….اوك يا بابي
حسان….خلي بالك من نفسك و متتعبيش مامي وانا هكلمك تاني اوك
هنا….اوك باي
حسان….بأي يا روحي
قربت سلمي منه كان واقف قدام الشباك و ضهره للكنبه وقفت سلمي جنبه و سندت علي ضهر الكنبه
سلمي…..دي بنوتك ؟
بص حسان بأبتسامه علي الموبايل
حسان….ايوه هنا رفع وشه و بص للشباك و بعدين بصلها زعلانه مني
سلمي…..ليه
حسان….كنت واعدها اني اول ما أرجع من السفر هاخدها و نخرج و نتفسح و تقضي معايا يومين بس بعد اللي حصل اكيد معملتش اي حاجه ولا حتي رجعت
سلمي…..معلش هي اكيد كانت متحمسه و هي لسه صغيره مش هتقدر أن ده غصب عنك
حسان…..اكيد طبعاً أنا قولتلها بس ارجع و الدنيا تظبط و هنعمل كل حاجه مع بعض
سلمي….أن شاء الله انا كنت عايزه أسألك سؤال
حسان…..اكيد اتفضلي
سلمي….يعني لما كنا بنتكلم وقولت أن ماما هنا قالت إن هي هتتجوز انت مزعلتش خالص
حسان….بأبتسامه وانتي شايفه بقي انه غريب اني مزعلش
سلمي….مش بالمعني ده اوي بس يمكن احنا في مجتمع أغلب حالات الانفصال فيه مش بتنتهي بهدوء كده يعني ممكن تكون مش بتحبها زي ما قولت لكن عايز تقنعني انك مزعلتش أو حسيت انك غيران حتي
حسان…..خالص والله لأن مكانش في حب اه كان في احترام و في عشره كام سنه و بنوته بينا بس مفيش الحب اللي يخليني مضايق أو غيران
سلمي…..طيب هي علاقتها ايه بجوزها يعني لو نفس علاقتها بيك بارده و هاديه يبقي ده طبعها و هي من الناس اللي مش بتعرف تعبر لكن لو مختلفه انا شايفه أن ده ممكن يخليك مضايق
حسان…..لا هي بتحبه جداً وعلاقتها بيه كويسه اوي و بالعكس أنا شايف أن حتي ضحكتها اتغيرت بعد ما اتجوزته بقت مرحه اكتر بقت مقبله علي الحياه اكتر و ده مزعلنيش علي فكره لأن انا كمان اتغيرت لما سببتها شوفي يا سلمي هقولك حاجه ممكن انا وهي نكون أشخاص حلوين جداً فينا مميزات كويسه بس لو مفيش بين الطرفين حب صدقيني لا هيظهر قد ايه انتي حد كويس ولا هيظهر مميزاتك و طول الوقت هتبقي مطفيه
يعني زي ما قولتلك حاولت الاقي فيها اللي محتاجه في الحب ملاقتهوش و هي كمان اكيد دورت وملاقتش محدش فينا حاول ينور التاني بالعكس علاقتنا مع بعض كانت بتطفي كل حاجه حلوه جوانا
و هي كده العلاقات في علاقات تنور الأشخاص و في علاقت تطفيها
سلمي….هو انك تكون فاهم اصلا اللي انت بتقوله و بتناقشه ده في حد ذاته حاجه جميله و ايجابيه بس انت كده بتشجيع موضوع الانفصال
حسان….طبعاً ربنا حلله أنه اكيد مش هحرمه و بعدين الحياه فرص يا سلمي لو ملاقتش فرصتي مع الشخص اللي في حياتي لازم الاقي غيرها لو العلاقه اللي أنا فيها شايف أن هي عمرها ما هتتقدم و كمان بتأثر علي نفسيتها يبقي الانفصال هو الحل اكيد ليه افضل اقاوح في علاقه نهايتها محتومه ليه اخليها تعيسه و ليه ابقي راجل خاين مش لاقي الحب في بيتي و مع مراتي و اروح بره ادور عليه ما انا ممكن انفصل و ادور عليه براحتي من غير ما اكون خاين
سلمي….بس يعني اغلب الرجاله بتخون
حسان….مش شطاره والله يا سلمي و لا الراجل اللي بيعرف اكتر من ست علي مراته راجل صايع و خاربها و روش الخيانه مش حاجه افتخر بيها وسط صحابي واقول انا اعرف دي و ماشي مع دي بالعكس أنا راجل اهو بحتقر اي راجل يبص بره علي مراته الراجل الصح اللي يشوف نفسه مش مرتاح في علاقه يطلع راجل و يبقي صريح مش جبان و يروح يصارح الست اللي في حياته و يقولها أنه مش قادر يكمل مينفعش يغفلها في النهايه هي بني ادم و انا كاراجل اكيد ارفض خيانة الزوجه و أنها تغفلني فا ليه مبقاش طرف بيراعي ربنا بجد و اللي مش هقبله علي نفسي مقبلوش عليها
سلمي….لأن اصلا في رجاله كتير بتشوف أن خيانة الست غير خيانة الراجل
حسان…..عشان هي حقيقي مختلفه يا سلمي يمكن ربنا عقاب الخاين عنده واحد سواء ست أو راجل و قال الزاني والزانيه في النار يعني مفيش فرق مقالش مثلا أن الست اكتر بس يمكن اغلب الرجاله بتدور علي حاجه معينه خلينا نكون متفقين علي النقطه دي بس الست لا بتخون بقلبها في النهايه بالنسبالي كله واحد بس احنا عشان شرقيين اتعودنا نتصدم من خيانة الست لانها مش كتيره و ظاهره زي الرجاله فهمتي بس لو هتكلم عن نفسي انا مش بشوفها شطاره
سلمي….بأبتسامه حلو اصلا أن في راجل يفكر بطريقتك دي
حسان….هو بيبقي تعود علي فكره في رجاله بتعشق الست اللي في حياتهم بس هو طبعه كده بيحب يبص و يتعرف و يخون و ده طبع صعب هو مريض حرفياً مبيقدرش يستكفي بواحده في حياته بيحب ديما يكون مركز اهتمام و يحس أنه مطلوب من كل الستات
سلمي…..بس دي مش حاجه حلوه ده فعلاً مرض
حسان….اكيد مرض قوليلي يا سلمي انتي لما سيأتي خطيبك محستيش انك ندمتي أو اتسرعتي خصوصا يعني أنه حاول يرجعلك زي ما قولتي
سلمي…..لا خالص انا لما خدت القرار مكانش سهل و استنيت شويه لحد ما جبت اخري و اديت فرص كتير و انا قولتها لما اتكلمنا مع بعض انا مش شخص بيستغني بسرعه أو شخص بيزعل من موقف و ياخد قرار سريع يرجع يندم عليه بالعكس أنا بدي فرص كتير بحاول و ببذل مجهود في العلاقه بدي اعذار بسمع و بتسامح اوقات بس كل غلطه حتي لو بعدها اتصالنا بتفضل في بالي بحب اشوف هتتكرر تاني ولا كانت غلطه أولي وأخبره
اوقات بنغلط من غير ما نحس و بنعتذر والدنيا بتمشي بس انا بشوف أن الغلط لو أتكرر يبقي طبع و الطبع للاسف مستحيل تقدر تغيره و وقتها بيبقي في ايدك بقي تختار هتقدر تتحمل طبع زي ده و تتعايش معاه ولا لا و بصراحه انا لما قعدت مع نفسي لاقيت اني مستحيل اقدر أتعايش مع طبع زي ده العلاقات يا حسان عشان تكون ناجحه زي ما انت قولت كده بينوروا بعض و الحقيقه اني اخر فتره كنت حقيقي مطفيه لازم يكون في توازن مينفعش طرف يدي اكتر من التاني
حسان….صح لازم الطرفين يكونوا بيدعموا بعض و بيدوا مش واحد يدي والتاني ياخد بس
سلمي….بالظبط و كمان انا بشوف اني ممكن اكون غلطت أو طريقتي كانت غلط شويه يعني المفروض متحملش فوق طاقتي انا ممكن اكون بعمل كده عشان ببقي متمسكه بيك لآخر نفس مش عايزه اخسرك بحاول و بتسامح و بعدي لكن مش معني ده انك امتلكتني أو تحس اني مش هعرف اعيش من غيرك عشان كده صابره
حسان…. في ناس بتشوف أن ده حق مكتسب و بيستبيحوا محاولاتك و التسامح اللي عندك أنه خلاص ده حقي و لما بتتغيري أو بترفضي بيشوفوكي غريبه
سلمي….بالظبط ويمكن ده هو اللي حصل لما حاول بتكلم مع ايه قالها ايه اللي اتغير يعني مفيش حاجه عملتها نفس الموضوع ديما بنتكلم فيه و بترجع تاني و نتصالح حسيت وقتها أن لا مكانش ينفع اعمل كده هو شاف أن الموضوع بقي عادي من كتر ما انا سامحت فيه عشان كده مندمتش علي القرار و بالعكس مزعلتش خالص
حسان…..طيب قوليلي يا سلمي ايه مواصفات شريك حياتك يعني نفسك يكون عامل ازاي
سلمي…..شكل ولا مضمون
حسان….كله
سلمي……شكل مفيش مواصفات المهم يكون مقبول مضمون بقي لا كتير أولهم أنه ميبقاش شخص اناني عايز ياخد بس يكون راجل يكون نتحمل المسؤوليه و المسؤوليه اللي تقصدها مش ماديات انا اقصد مسؤوليه العلاقه انا مش عايزه اتجوز يا حسان عشان يبقي لينا بيت خاص و باب مقفول علينا و نجيب ولاد وبس كده خلاص الحياه انتهت لأ انا عايزه اعيش مع شخص بيكفي رغباتي كا ست احس بحبه و بأاهتمامه بأدق التفاصيل حتي لو بسيطه يكون ديما جنبي وقت ما أحتاجه لما يحصل معايا حاجه مفكرش ثواني حتي هروح لمين و يبقي هو أول شخص اجري عليه ابقي عارفه أنه هيسمعني و يفهمني و يتناقش معايا و لو اللي بقوله عبيط ميقللش منه مهما العمر جري بينا وبقي عندنا ولاد يفضل يتعامل معايا علي اني انا بنته الأولي يشوف نفسه بناته يتعاملوا ازاي من شريك حياتهم و يعاملني بنفس الطريقه يسمعني كلام حلو لأن مهما كانت الست بتحب الأفعال والمواقف بس كمان متقدرش تستغني عن الكلام الحلو من الراجل اللي اختارته بس هي يمكن حجات كتير بس التفاصيل دي لو مش موجوده في اي علاقه صدقني هتبقي علاقه ميته وطبعاً في المقابل هيلاقي مني كل اللي انا بتمني يتعمل معايا
حسان…..حلو اوي طيب و بالنسبه للسن بقي تحبي يكون قدك ولا اكبر بحاجه بسيطه
سلمي…..لا عادي بس انا بفضل يكون أكبر مني لأن انا حد عقلاني شويه و احب الراجل يكون عقله أكبر مني فا موضوع السن ده مش مقياس خالص بس بردوا ميبقاش أكبر مني ب15 سنه مثلا.
حسان…..لا طبعا فرق كبير شويه خصوصا في جيلنا الوقت طيب هسألك سؤال تاني
سلمي….اتفضل
حسان…..يعني لو اتقدملك شخص وفي كل المواصفات دي بس مثلا كان خاطب قبلك أو متجوز أو ارمل توافقي
سلمي…..عادي ما انا كنت مخطوبه و حتي لو كان متجوز و انفصل أو أرمل المهم يكون راجل و في كل الصفات دي و ميبقاش عنده مشاكل في حياته يعني مثلا ميبقاش منفصل و لسه في مشاكل بينه و بين طليقته لأن انا مش هتعمل بصراحه
حسان…..مش هتتحملي ايه يعني هتحسي انك غيرانه لو في تواصل
سلمي….لا مش موضوع غيره و انا معنديش مانع لو في تواصل بس افهم سبب التواصل في بينهم أطفال اكيد هقدر ده بس لو في تواصل و مكانش في بينهم أطفال وقتها الموضوع هيبقي مختلف واكيد هيبقي في غيره و اصلا من قبل ما يحصل غيره انا مش هكمل لاني مش هقبل أن جوزي يكون علي علاقه بطليقته
وهو مش معاه منها اطفال فاهمني
حسان….فاهمك طبعاً واكيد الموضوع هيبقي مختلف وحقك تضايقي انا بس اقصد لو في اطفال
سلمي….لا لو في اطفال و تواصلهم في نطاق طلبات الاطفال وبس مش مضايق طبعاً
حسان….بابتسامه حلو
……………
الكل كانوا بيتكلموا مع بعض و عسال واقف هيتجنن سلامه قاعد يتكلم و يهزر مع ايه و فضل و نعيمه قاعدين علي السلم بيتكلموا و حسان و سلمي عند الشباك و ليله وعشري بره قدام الشوايه و عاملين يتكلموا ويضحكوا ومنسجمين و ايمي و رشيد في المطبخ و كمان منسجمين و نادين شويه مع رشيد و ايمي و شويه بره مع عشري وليله و شويه تروح لايه وسلامه و بتهرب منه كل ما تحس انها بيقرب عليها وهو مش عارف يعمل ايه مبسوط من هروبها ده لانه بيتأكد من إحساسه اكتر و في نفس الوقت محتاج يقعد معاها لوحده.
نادين…..بتعملوا ايه
عشري….ايه جوعتي من الريحه طبعاً
نادين…..الريحه جميله بس بصراحه زهقانه
ليله …..مالك يا قلبي بس
نادين…..هموت علي البحر يا لولي كل ما اشوف اني بيني وبينه كام خطوه و مش عارفه اروحله اضايق وبصراحه حاسه اني اتخنقت مش بنعمل اي حاجه في الڤيلا
ليله….صراحه انا كمان اضايقت عارفه لو كانت المساحه دي كلها مفيهاش المايه دي كلها كنا علي الاقل قعدنا هنا وغيرنا شويه
عشري…..انا مش عارف ليه المايه مش بتقل بس
ليله….بس علي فكره هي نزلت شويه بص المايه بقت لحد تاني درجه
عشري…..عشان كل ما واحد من الشباب ينزل ياخد في أيده كام جردل
ليله….طيب علي فكره بقي انا حاسه ان الصرف في مشكله لأن الصرف جوه شغال كويس
عشري…..ماهو انا بفكر انزل و اشوف بنفسي كده و هو الجو هادي
نادين….تنزل فين و جو ايه الهادي انت مش شايف الهواء
عشري…..بس اخاف شويه و علي الاقل السيول وقفت كمان عشان العربيات ميحصلش فيها حاجه
ليله….هي لسه محصلش فيها ما عربياتنا مش بتشتغل
عشري…..لا ممكن بس عشان ضغط المايه و حتي لو عطلت متبوظش اكتر من كده
ليله….ايوه يا عشري بس المايه لونها اصفر وكلها تراب مش هتعرف تشوف
عشري…..هلبس نضاره عادي
نادين….لا لا بلاش احسن وبعدين كان في حجات كتير بتتكسر ممكن تدوس علي حاجه
ليله…..انا هموت واعرف ايه اللي اتكسر صحيح العربيات كلها سليمه
عشري….يمكن صوت تكسير من اي مكان مش شرط هنا
ليله….طيب بقولك ايه هو مش بيبقي في حوالين البسين صرف بيسحب المايه الزياده
عشري…..ماهو الصرف ده بيروح علي صندوق حديدي كده و انا شاكك أنه مقفول يعني مفتوح حاجه بسيطه عشان يسحب المايه اللي بتخرج من البسين مش المايه دي كلها عشان كده عايز اروح افتحه و اشوف كده
ليله…..بس علي ما نخلص اكل هيكون الليل جه ودي عايزه الصبح في النور
عشري…..ممكن بكره الصبح ابص عليها كده و الشباب يقفوا معانا حتي لو هتسحب نص الكميه علي الاقل تخف الضغط عن العربيات و كمان نحاول نعرف نخرج بره
نادين…..بس هو في حاجه غريبه هو ليه مفيش ناس
ليله….ماهما اكيد كمان محبوسين زينا يعني متخافيش منقرضوش
نادين…..انا بتكلم جد ده انا مش بشوف واحد معدي حتي بالصدفه بجد انا لما بفكر بالطريقه دي بترعب و بحس أن الناس كلها ماتت و احنا لوحدنا منعرفش اي حاجه
عشري…..بضحك بلاش تتفرجي علي افلام اجنبي كتير
ليله….بضحك اه والله كلت دماغها
نادين….انتوا بتتريقوا عليا صح
عشري….ماهو انتي بتقولي كلام غريب بردوا احنا هنا في توقيت المدارس كلها شغاله و شويه والشتاء هتدخل علينا والطبيعي التوقيت ده مبيجيش فيه غير ناس بسيطه ورائعه و بيحبوا الهدوء و اكيد اللي حاصل معانا حاصل معاهم
ليله….بصت لعشري وغمزتله بس تصدق يا عشري نودي معاها حق غريبه بردوا أن ميبقاش في حد موجود و يمكن معاها حق و احنا لوحدنا هنا
نادين…..بابتسامه ضربتها علي فكره شوفتك وانتي بتغمزيله يا رخمه
عشري…..بضحك العيال بتتعامل معاكي كده ليه
نادين….عشان رخمين و علي فكره بقي انت كمان رخم زيهم
عشري….بضحك الله وانا مالي ده انا حتي معاكي
نادين….لا بتتريق عليا و علي فكره بقي انا مش خايفه و عادي ايه يعني في شويه مايه ومش عارفين نخرج
عشري….بضحك مثلا يعني
ليله…..طب صالحيني بسرعه بقي قبل ما ارميكي في المايه عشان ايدك تقيله
نادين….بابتسامه جميله وجعتك
ليله….اه والله بصي نزلت ليله كتفها
نادين….طيب خلاص حقك عليا حضنتها نادين بحب وخرج عسال عليهم في الوقت ده
عشري….اهلا بعسال باشا
بصت نادين و برقت و هي في حضن ليله و بعدت بهدوء من غير ما تبص عليه كانت عايزه تدخل بس هو وعشرين واقفين قدام الباب
عسال….ايه الاخبار حرقتوا الاكل ولا لسه ؟
ليله….بابتسامه لو اتحرق يبقي عشري السبب انا مليش دعوه
عشري…..ايه انتي مش واقفه معايا
ليله….بس انت اللي بتشوي انا مليش دعوه
عشري….لا متحرقش واطلعي انتي منها هأكلكم احلي فراخ وكفته في حياتكم
عسال…..خلاص متضربوش بعض حتي لو محروقه هاكل منها
شاور عشري بعينه لليله علي كتفها
اتوترت وابتسمت بهدوء و رفعت كتفها تاني
عسال……المايه نزلت شويه صح ولا بيتهيالي
عشري….لا نزلت ولسه بنتكلم في الموضوع ده عايز بكره الصبح ابقي اشوف حوار الصرف شاكك أنه مقفول
عسال….تمام خلينا نشوفه مع بعض علي الاقل نحاول
ليله….لو هتقدروا تمام علي الاقل نحاول نخرج نشوف البحر نادين هتتجنن
عسال….بابتسامه جميله و عين بتلمع بص لنادين وهي ضهرها ليه ايه يا نادين عايزه تروحي البحر
بصت نادين بصدمه و فضلت مكانها من غير ما تبص عليه و هزت راسها من غير ولا كلمه
عسال…..صحيح يا ليله هي نادين مش بتتكلم كتير
ليله….مين دي دي لسانها اطول منها
نادين….بهمس مسموع اتلمي ها
عشري….كانت لسه بتتخانق معانا الوقت بقولكم ايه هروح شوفهم بيعملوا ايه في المطبخ
ليله….خدني معاك عايزه اطلع اغير حاسه اني ريحتني شوي
عشري….طيب يلا عسال انت ونادين خليوا بالكم من الاكل شويه
عسال….بسعاده بس كده عيني
وقفت نادين تتلفت حواليها بتوتر عايزه تجري وراهم دخل عشري هو وليله وقبل ما تجري وراهم وقف عسال علي الباب سند ضهره و حط رجله قدامه و منعها من الدخول وهو بيبتسم و رافع حاجبه
وقفت نادين و بصله بصدمه
عسال…..ده انا طلع معايا حق بقي و طلعتي بجد بتهربي مني
نادين….بتوتر ااااا ممكن تبعد عشان ادخل
عسال…..بابتسامه لأ مش ممكن
بصتله نادين ثواني و بعدين استسلمت مقدرتش تنطق تاني ولا تبص في عينه و رجعت وقفت مكانها و هي باصه علي بره
عسال…..وقف عدل و قرب اكتر من الشوايه كانت واقفه هي علي يمينه ابتسم بهدوء ايه هتفضلي ساكته كتير مش هتردي عليا
نادين…..اااا عسال انا مش ساكته ولا حاجه انت متكلمتش اصلا و خليني ادخل من فضلك
عسال….مش هدخلك علي فكره و بعدين انا اتكلمت و سألت و انتي مردتيش
نادين…..سألت ايه
عسال….قولتلك واحنا فوق بتهربي مني ليه فضلتي واقفه ساكته و اتوترتي و حسيت اني لو استنيت اجابتك اكتر من كده هيغن عليكي عشان كده قولتلك انزلي
نادين…..بس انا مش بهرب منك علي فكره و اصلا ااااا ههرب ليه
عسال…..أولاً كل كلامك الوقت بيأكد كلامي انتي متوتره و مرتبكه و مش عارفه تتكلمي كويس و بعدين كل تصرفاتك بتقول كده
نادين……مالها تصرفاتي و اشمعني انت اللي شايف كده
عسال….لأن انتي بتتعاملي مع الكل بطريقه مختلفه عكس طريقتك معايا بتتكلمي و بتضحكي و بتجاوبي و بتشاركي في نقاشات بس معايا الموضوع مختلف و أقرب حاجه يا نادين انا بكلمك و انتي مش قادره تبصي في عيني
لفت نادين و شها بسرعه و اتحركت خطوه عشان تدخل او بمعني اصح تهرب منه وقف بسرعه عسال قدامها مبقاش في مسافه فاصله بينهم و بصلها
وقفت نادين بسرعه و رجعت خطوه تاني لما حست انها هتلمسه ضربات قلبها زادت واتوترت اكتر بصتله ثواني و بسرعه بصت علي صدره عشان مترفعش عينها فيه
عسال……بتهربي ليه يا نادين ؟ ردي عليا و قوليلي سبب مقنع و هسيبك تدخلي
نادين….مش بهرب
عسال….لا بتهربي لو بجد مش بتهربي بصي في عيني يا نادين وانا بكلمك
هزت نادين راسها بلأ و مرضيتش ترفع راسها و كانت خلاص هتعيط
عسال…..نادين ارفعي راسك
نادين….بصوت مهزوز و مرتبك عسال خليني ادخل من فضلك
عسال…..انا عمري ما حبيت اضغط علي اي حد بس مش هسيبك تدخلي يا نادين و هتقفي وهتتكلمي معايا زي ما انا بتكلم معاكي انا زعلتك في حاجه ؟
هزت نادين راسها بلأ
عسال….طيب في حاجه عملتها ضايقتك مني
هزت راسها بلأ
عسال…..طيب ليه بتهربي مني ليه مش بتتعاملي معايا بطبيعتك زي ما بتتعاملي مع باقي الشباب ليه مش بتبصيلي وانا بكلمك
نادين……مممم مفيش حاجه صدقني
عسال…..طيب لو صدقتك انتي هتصدقي نفسك عموماً انا كده اتأكدت من سبب هروبك مني كنت حابب بس اتاكد بس خلاص مش محتاجه كلام يا نادين انا اتأكدت من احساسي
رفعت نادين عينها بهدوء و هي مصدومه و ضربات قلبها بتعلي اكتر عينها جات في عينه أقل من ثانيه و بعدت تاني
نادين….انت بتتكلم علي ايه انا مش فاهمه
عسال…بأبتسامه لا فاهمه بس انا عايز اقولك حاجه انا نفسي طويل اكتر مما تخيلي و هغير فكرتك دي يا نادين و خوفك اللي جواكي ده من اللي انا أقصده همحيه بطريقتي
نادين….خليني ادخل من فضلك
عسال…..ليه خايفه يا نادين ؟
نادين….عسااال
عسال…..ردي عليا طيب لو انا مش صح اثبتيلي واتكلمي
نادين…..انا عايز مني ايه سيبني في حالي الله يخليك
عسال…..لا مش هسيبك يا نادين
نادين….طيب انا لا بهرب منك ولا انت زعلتني ولا انا خايفه من حاجه و لا انا رافضه الكلام معاك انت بيتهيألك
عسال….طيب وانا مصدقك قرب أيده بهدوء من دقنها ممكن بقي تبصي في عيني عشان أصدقك اكتر
لمسته ليها زودت ضربات قلبها غمضت عينها من غير ما تفكر
عسال….هاااا فتحي عينك بقي و بصيلي
نادين….بهمس عسال
عسال….بابتسامه فضل باصص عليها وهي مغمضه و قلبه دق جامد و هو شايفها قدامه في الحاله دي نعم
نادين…..عايزه ادخل
عسال…..فتحي وانا ادخلك
فتحت بهدوء و مبصتش في عينه
عسال…..نادين هسيبك تدخلي بس يكون في علمك انا هسيبك الوقت بس لازم نتكلم مع بعض شويه ممكن
هزت نادين راسها بايوه عشان يسببها تدخل
عسال….لا قوليلي أمته عشان صراحه مش مصدقك انتي بتاخديني علي قد عقلي عشان تدخلي
نادين…..لا هتكلم حاضر
عسال….طيب أمته ؟
نادين….طيب انت عايز تكلمني في ايه
عسال…..مش مهم في ايه علي الاقل احس انك هتقعدي و تتكلمي معايا زي ما بتتكلمي مع الكل علي الاقل تثبتيلي انك مش بتهربي مني انا بالذات
نادين…..ااااا لما ناكل قصدي بكره
عسال….لا لما ناكل مفيش بكره و لا انتي حابه تفضلي واقفه هنا جنبي
نادين…..خلاص تمام لما ناكل
عسال…..مد أيده وعد
بصت نادين علي أيده بصدمه و مقدرتش تمد أيدها وهزت راسها
نادين….وعد
عسال…طيب هاتي ايدك
بلعت ريقها بصعوبه و مدت أيدها بهدوء و اول ما لمست أيدها غمضت عينها و فجأه فتحتها بصدمه اول ما حست بشفايفه علي كفها وبسرعه طارت من قدامه و خبطت في كتفه وهي بتجري علي فوق
وقف عسال يضحك بأبتسامه واسعه و هو قلبه مش مبطل دق
لمحتها ايمي وهي طالعه تجري علي فوق سابت عشري و رشيد و حسان و سلمي في المطبخ و طلعت وراها
ليله….يابت في ايه مالك انتي شوفتي عفريت
الباب فتح بصت نادين و هي مخضوضه
ايمي…..في ايه يا بنات؟
ليله…..انا عارفه داخله عليا زي المجنونه وجريت نطت علي السرير كأن في عفريت بيجري وراها
ايمي…هي طالعه تجري من تحت اصلا خضتني قولت اشوفها في ايه يا بت
نادين…..اااا احنا لازم نمشي من هنا
ايمي….ليه في ايه
ليله….في ايه يا بت حد عملك حاجه
نادين…..عسال عسال يا بنات
ليله….نهارن اسود قل أدبه عليكي
ايمي……يا شيخه ده شكله محترم
ليله…امال مالها وشها مخطوف كده ليه ما تنطقي يا بت قوليلي عمل ايه بدل ما انزل افرج عليه الدنيا
نادين….لا لا معملش حاجه بس انا مش قادره خلاص ايمي كان معاها حق بنات عسال بجد شكله مهتم بيا انا طول الوقت بهرب منه حتي مبقدرش ابصلوا و هو لاحظ و فهم اني بهرب منه و كان واقف يتكلم معايا و كل تلميحاته غريبه كأنه فاهم اني بهرب من موضوع السن عمال يقولي هغير اللي في دماغك و همحي اي حاجه مخوفاكي و لازم نتكلم و صمم اننا نتكلم مع بعض بعد الاكل قولتله طيب لانه كان واقف و مصمم أنه ميخلنيش ادخل غير لما يقول اللي عنده قالي وعد و مد أيده مقدرتش بس صمم مديت ايدي قولتله وعد كنت مغمضه عيني مقدرتش ابصله و فجأه لاقيته بيبوس ايدي بطريقه خلتني حاسه اني هموت و جريت بسرعه علي هناك احنا لازم نمشي بجد
ليله….بصت لايمي و الاتنين ضحكوا الله الله ده سي عسال طلع رومانسي كمان
ايمي…..عيب عليكم نظرتي عمرها ما خيبت
ليله….صراحه كان معاكي حق و علي فكره في كلام كتير حصل بيني و بين عشري لازم احكيلكم عليه
ايمي….من غير ما تحكي يا اختي الانسجام اللي بينكم واضح و كلامي طلع صح كل اتنين شوفتهم مع بعض قاعدين تحت وجهاتك يا رغي اكيد هنتكلم بس الاول خلينا في الهبله دي في ايه يا بت مالك
نادين…..مالي ايه انتوا عارفين اللي فيها
ايمي…..السن فين المشكله دول خمس سنين و بعدين هتخسري ايه اتعرفي عليه و بعدين عسال شكله مهتم بجد اوعي انتي و هي تفكروا اني لسه عيله و مش شايفه نظرات كل واحد فيهم و فيكم انتوا كمان و عسال بالذات نظراته مفضوحه الواد شكله وقع بجد
ليله….بعيداً عن موضوع السن و اني كنت فاهمه رفضك يا نادين و مأيداه بس بصراحه عسال ده عسل و محترم و يتحب و بيني وبينكم انا كمان حاسه أنه مهتم بيكي ليه خايفه كده
نادين….مش هقدر يا ليله مش هقدر اتخطي موضوع السن
ايمي…..طيب جربي يمكن لما تقعدي معاه تغيري رأيك و بعدين خوفك و تتوترك ده يا نادين ملوش غير معني واحد أن انتي كمان مشدوده ليه بس بتقاوحي
بصتلها نادين و هي عينها فيها حزن و هزت راسها
نادين…..ايوه يا ايمي ويمكن كمان اكتر من مشدوده
ايمي….طب لما هو الموضوع كده بتتعبي نفسك ليه
ليله….بلاش تيجي علي نفسك يا نادين عشان موضوع السن في النهايه انتي اللي هتتوجعي
نادين…..انا محصلش بيني وبينه اي حاجه ولا اي كلام و لسه علي البر و بتسحب ليه من غير ما أحس بالشكل ده نظراته بتوترني و ده شعور عمري ما جربته قبل كده هو بيقولي بتهربي مني و دي حقيقه انا بجد بهرب منه خايفه يا بنات خايفه اوي اتسحب اكتر من كده و مقدرش اتخطي السن و ارجع ابعد عنه بس انا عارفه نفسي و حاسه بالشعور اللي جوايا و اللي هو اول مره أحسه تجاه شخص انا لو قربت من عسال مش حاسه اني هقدر ابعد وده شعور محستهوش مع اي حد عرفته لما كنت ببعد عنهم مكنتش بضايق غير علي الوقت اللي قضيته وضاع لكن شعوري ناحية عسال مختلف انا حاسه
ايمي….طيب دي حاجه كويسه
نادين….بالعكس افرضي مقدرتش اتخطي السن
ليله….انتي لو حبيته بجد و هو قدر يخليكي تنسي الموضوع ده يا نادين صدقيني هتتخطيه من غير ما تحسي
نادين……ولو حبيته و مقدرتش ازاي هقدر ابعد عنه
ايمي…..ازاي هتقدري تبعدي عنه ؟! نادين انتي حبيبتي عسال بالفعل انتي مدركه ده ولا لا
بصتلها نادين بصدمه و سكتت
وللحديث بقيه…..
