لقاء كارثي
(لقاءكارثي)
لقاء كارثي
أميره أسامه
صاحبة البطل الواحد
~° البارت التاسع°~
……………
نعيمه….لا انا بترعب من الحشرات
فضل…..بتقولك حشرات دي مشافتش العقارب و الثعابين في سيناء
نعيمه….لا انت كده عايزني اموت فيها
فضل…..طيب وانتي يا ايه
ايه….انا بصراحه بقرف و في حجات بخاف منها بس حيوانات لا
سلامه…..ايوه كلاب و قطط عرفنا بس الحيوانات عموما
ايه….لا والله مش بخاف اسأل نوني
عسال…..بضحكه جميله بص باقولهالم ازاي
سلامه…..بضحك و هو بيقلدها لا والله مش بخاف
ايه…..بابتسامه بطل رخامه انت وهو والله ما بخاف
نعيمه…..علي فكره البت دي قلبها جامد و بجد مش بتخاف دي مربيه لعمو احمد الخفيف يا عيني
فضل……طيب ايه الحيوانات اللي ممكن تقربي منها و متخافيش يا ايه
ايه….لا كتير والله يعني تعابين عادي مسكتهم و اتصورت بيهم شبل و اسد كمان و نمر و كنت جنبهم مش من بره اتصورت بصقر اتصورت بتمساح حجات كتير والله مش فاكره
سلامه….بجد ولا بتشتغلنا
نعيمه….لا دي قلبها بارد صدقها كنا في مره في دبي هناك في جنينه حيوانات مفتوحه و دخلت واتصورات
ايه….طب اقولكم علي حاجه انا هتجنن و يبقي عندي ثعبان و سحالي و شبل صغير كده نفسي يبقي عندي بيت و اربي كل ده فيه و يبقوا رايحين جايب معايا في البيت اااااه ااااه و اتصورت كمان بعناكب اللي هي الكبيره دي بس بصراحه كنت مرعوبه شويه لأن جسمه كله شوك
عسال…..اهي العناكب دي بالذات اللي مقدرش امسكها
سلامه…..الله يقرفك اللي يشوفك كيوت كده ميقولش أن ده يطلع منك
فضل….بضحك طب والله جدعه
نعيمه….دي معفنه يا شيخ انا مقدرش اعمل كده انا أخري العب مع قطه و مش ديماً
ايه …وميلو كمان
نعيمه….لا ده بقي صاحبنا خلاص
فضل….صاحبك ولا مفروض عليكي
نعيمه….اعمل ايه ماهو اللي يعرفها لازم استاذ ميلو يبقي فوق البيعه بس عموما يعني بحبه بس زنان ابن جزمه
ايه…..ده قمر
عشري……من بعيد بقول ايه الاكل خلاص خلص حد يناديهم من فوق و سيبكم من استاذ ميلو و جنينه الحيوانات اللي فتحتوها دي
ايه….بضحك نعم يا استاذ عشري مالك ومال ميلو و حيواناتي بتخاف انت كمان
عشري….اخاف والله انتي غلبانه
فضل….لا فضل عامل زيك كده مش بيخاف
ايه…..طيب بتربي حاجه
عشري…..لا خالص انا مش بقعد في البيت و الحيوانات محتاجه اهتمام حرام اظلمها معايا بس بحب الخيل
ايه….ايه ده الله بجد انا كمان بحبهم بس ولا مره ركبت حصان
رشيد….لا عشري و فضل خيالين خدي بالك
نعيمه…..ايه ده بتركب خيل يا فضل ؟
فضل…..ايه بتخافي منهم هما كمان
نعيمه…..لا معرفش مجربتش ولا مره اصلا و مش بعرف اركب عليهم
عشري….ركوب الخيل ده متعه و حياه تانيه
ايه….طيب انت بتركب فين
عشري….بركب في سيناء و بركب في الصعيد اصلا اتعلمت ركوبهم من هناك
ايه….لا اقصد في القاهره بتركب و لا لما بتكون في سيناء والصعيد بس
عشري…لا بركب طبعا اللي يتعود علي الخيل علي الاقل مره في الاسبوع لازم يروح ميقدرش يبعد عنهم و عموماً بركب في الهرم ديماً
ايه…..طب ايه انا عايزه مليش دعوه
عشري….بس كده نرجع أن شاء الله و نروح يوم مع بعض كلنا و اركب
رشيد…..عشري القهوه كده تمام و لا لسه شويه
عشري…..لا خلاص أطفي عليها
عسال…..قهوه تاني لا انت دماغك تعبانه
عشري…..بضحك يا سيدي متبقاش تشرب
عسال….مين قالك اني هشرب اصلاً ولا حتي هقعد جنبك
نعيمه…..الكل بيهرب منك يا عشري بس غريبه أن فضل مش زيك
عشري….مين ده بيشرب اكتر مني والله
عسال….فضل حريقه قهوه هو كمان بس عشري يكرهك في اليوم اللي قولتي فيها حلوه و قعدتي جنبه
قرب منهم حسان هو وسلمي
حسان….ايه يا شباب احنا جوعنا اخبار الاكل ايه
رشيد…..خلص خلاص عايزين حد بس ينادي عليهم من فوق
ايه…..لحظه هشوفهم انا
عشري….طيب يلا بسرعه
طلعت ايه علي فوق تناديهم
………..
نادين….انتي بتقولي ايه يا ايمي ؟
ايمي…..اللي حاسه من كلامك و شيفاه في عينك يا نادين
ليله…….ايمي معاها حق يا نادين وانا شايفه انك تجربي مش هتخسري حاجه
نادين….هخسر كتير يا ليله لو حسيت اني مبسوطه
ليله….يا بنتي انتي مريضه ماهو ده المطلوب انك تحسي انك مبسوطه هو انتي يعني عايزه تدخلي علاقه تبقي تعيشه فيها
نادين….مقصدش كده انا خايفه احبه و ابقي مبسوطه و يفضل موضوع السن ده مطاردني
ايمي…..نادين يا روحي فوقي خايفه من ايه انتي اصلا حبيبتي عسال متضحكيش علي نفسك
نادين…..لا مستحيل انا عارفه نفسي
ليله….واضح انك مش عارفه اي حاجه
نادين…..طيب ماشي خدوني علي قد عقلي و كل اللي طلباه منكم تساعدوني
ليله….نساعدك في ايه يا بت انتي دي هتنقطني
ايمي….والله عصبتني و هفتح راسها الوقت
نادين…..هو انتوا بجد ليه مش قادرين تفهموني انا مش هقدر بقولكم
ايمي…..طيب تمام انتي حره بس اقعدي مع الراجل ولو حسيتي أنه فتح الموضوع ده اقفليها في وشه بطريقه شيك و عرفيه أن المبدأ عندك مرفوض و اكيد هو هيفهم لكن متهربيش منه زي العيله الصغيره
نادين….لا مش هقدر انا بس طالبه منكم طلب لو سمعتوا عسال بينادي عليا و قال عايزيني حاولوا تنادوني و لو اتحرجت و معرفتش ارفض تعالوا اقعدوا معايا
ايمي….انا عن نفسي مش هعمل كده
نادين…..ايمي عشان خاطري انا اول مره اطلب منك طلب زي ده
ايمي…..وانا عشان بحبك مش هعمل كده عارفه ليه عشان انا واثقه ان في احتمال كبير تبقي مبسوطه مع عسال
نادين….اديكي قولتي اهو احتمال يعني في احتمال تاني مبقاش مبسوطه
ايمي……انا قولت كده لانك لسه بتتعرفي عليه جايز ميعجبكيش طبعه و جايز يعجبك و تبقي مبسوطه بس انتي رفضك نفسه عشان السن مش عشان طباعه اللي ممكن تكتشفيها و متعجبكيش
ليله…..طيب هقولك اقعدي معاه و اسمعيه و انا ليكي عليا بعد عشر دقايق كده هاجي اقعد معاكم
نادين….بجد يا ليله
ليله….بجد اه بس متبقيش احرجتيه و هربتي زي العيال
نادين….بتوتر ااا ماشي تمام
دخلت ايه في الوقت ده
ايه….بتعملوا ايه ده كله يلا الاكل جاهز
ايمي….يلا نازلين اهو
بصت ليله لايمي و غمزتلها و ابتسمت و بعدين نزلوا كلهم و نزلت نادين آخر واحده فيهم.
رشيد…..ايه كل ده هنموت من الجوع
ايمي….جينا اهو خلاص يلا بينا
قرب عشري من ليله بهدوء و هو مبتسم
ليله…..معلش اتأخرنا و جوعناكم
عشري…..انتي هتعرفي تقعدي علي الارض بفستانك كده
بصت ليله علي نفسها و ابتسمت بتوتر
ليله….هقعد متقلقش
عشري…..تقعدي ازاي جسمك هيبقي باين
بصله ليله بصدمه وابتسمت
ليله….انت بتقول ايه
عشري…..ايه بقول ايه غلط انتي ناسيه أننا هنقعد علي الارض
ليله…..طيب خلاص هحط مخده أو اي حاجه
عشري…..شايفه الكرسي اللي هناك ده
ليله….بابتسامه أااه ماله
عشري……متنزليش من عليه
ليله…..بضحك ايه بتعاقبني و مش هتأكلني
عشري…..بنظره غضب تضحك وانا صملان قلبي امطوااه
ليله….بابتسامه ايه ده اتحولت ليه كده انت متعصب صح بتقول ايه انت
عشري….بقول اني بتكلم جد و انتي بتضحكي و بتستهزأي بكلامي
ليله…..لا علي فكره انا معملتش كده بس يعني مستغربه انك بتغير
عشري…..ليله انا مبهزرش الوقت تروحي تقعدي علي الكرسي مفهوم و هتاكلي متقلقيش
ليله….طيب براحه
عشري….براحه ماشي بس حسابنا بعدين
ليله…..بضحك الله هي فيها حساب بعدين
عشري…..بتضحكي تاني صح
ليله….لا خلاص خلاص مفيش ضحك
عشري…..يلا قدامي
ليله…..لا براحه شويه بلاش أوامر عشان مش بحبها
عشري…..لا تحبيها من هنا ورايح
ابتسمت ليله و هي مبسوطه
ليله….بنبرة دلع طيب متزوقش
الاكل جاهز و راحت ليله قعدت علي الكرسي و قعد عشري علي المخده اللي تحتها علي طول
رفعت نادين عينها بهدوء علي عسال و خدت نفس براحه كبيره لما لاقيته مش باصص عليها و بيجهز معاهم ثواني بالظبط و عينه جات عليها لقاها باصه عليه
ابتسم و مال براسه شويه بصت علي الاكل بسرعه وهي بتلعب في شعرها.
ايمي…..انتي قاعده ليه فوق مستنين عزومه يا هانم يلا انزلي
ليله…..اااا مش هعرف اقعد في الأرض عشان الفستان
ايمي….مش هتعرفي طيب تاكلي فوق كده
عشري…..لا هتعرف انا هحطلها كل حاجه في طبقها
ايمي…..بصت ليليه بأبتسامه بسيطه تمام
بصوا البنات لبعض بهدوء و ابتسموا وسكتوا.
ايمي….يلا انتي كمان اقعدي
سلمي…..هو اقتراح حلو قعدت الأرض دي عشان المكان يكفينا بس مش كان احسن لو قعدنا فوق
حسان….بهدوء مش هتعرفي تقعدي علي الارض
سلمي….لا لا عادي خلاص
حسان….لو حابه تقعدي فوق خليكي
سلمي…..لا خلاص هقعد معاكم
حسان….طيب اقعدي يلا.
قعد رشيد جنب ايمي و ابتسم
رشيد…..قعدتي انتي و ارتاحتي
ايمي…..جعانه
رشيد…..ياسلام نأكل القمر حالاً
ابتسمت ايمي ابتسامه جميله
ايمي……بقولك ايه عايزه معلقه
رشيد……حاضر عيوني
حطت عشري الاكل لليله في الطبق و يصلها بهدوء و صوت هامس
عشري…..كده كويس
ليله….اه كفايه ده كتير
عشري….طيب في اي حاجه مش عايزاه أو زودلك حاجه
ليله…..لا كويس كده بس فين المعلقه هامل بأيدي
عشري…..رفع حاجبه هجيب لحظه اتفضلي
ليله…..بس علي فكره انا مش بحب اكل لوحدي
عشري…..مين قال انك لوحدك كلنا بناكل معاكي
ليله…..لا انا قاعده لوحدي فوق
عشري…..مش هتنزلي يا ليله ويلا كلي
ليله….بضحك هو انا قولت انزل
عشري….طيب يلا كلي و حطي المخده دي علي رجلك
ليله…..لا بقولك ايه كده كتير
عشري…..أنطمي
ليله….بضحك هو انا ليه حسيتها شتيمه لا بقولك ايه اتكلم معايا بلهجه افهمها ايه أنطمي دي
عشري…..بابتسامه جميله يلا كلي
ليله…..شتمت صح ؟
عشري…..بضحك لا بس يعني حطي لسانك في بوئك
ليله….اخرس يعني ؟!
عشري….مقولتش اخرسي انا
ليله….بضحك شكلنا هنتعب مع بعض خد بالك
عشري…..وماله بالي طويل عليكي
فضل……عايزه حاجه تاني
نعيمه…..لا شكراً كل انت بقي
فضل….هاكل اهو
ايمي…..نودي يلا كلي فين طبقك
سلامه….الاطباق ناقصه ولا ايه
عسال…..لا طبقها معايا اهو
بصت نادين قدامها و هي ساكته و مصدومه من تصرفاته واهتمامه اللي هيموتها و بعدين بصت لايمي و ليله لقيتهم بيضحكوا
عسال…..اتفضلي طبقك
مدت أيدها بسرعه خدته من غير ما تبصله وحطته قدامها و بصت فيه
ايمي…..بضحكه جميله يلا كلي يا نودي
بصتلها نادين بغيظ
رشيد…..بابتسامه بتضحكي علي ايه
ايمي….انا لا مفيش
رشيد….لا بجد في حاجه
ايمي….لا والله مفيش بس نودي شكلها زعلانه عشان مفيش بطاطس
نادين….ااا انا لا خالص
رشيد….بتحبي البطاطس
ايمي…..مش بتعرف تاكل غير لما يكون في بطاطس
رشيد….طيب مقولتيش ليه كنا عملنا
نادين….لا عادي والله الاكل كتير سيبك من ايمي دي مجنونه
ايمي….بضحك طيب يا ستي انا غلطانه
ليله….بضحك نبقي نعملها بالليل صح يا نودي
نادين….بابتسامه غيظ هو انتي ممكن تأكلي وانتي ساكته انتي وهي
عشري…..مالهم ومالك يا نودي
نادين…..رخمين
قام عسال بهدوء و هما لسه قاعدين بيحطوا الاكل في الأطباق غاب دقيقتين
سلامه…..عسال
عسال….ايوه يا سلامه اجبلك حاجه
سلامه….لا يا حبيبي بشوفك يلا أكلك هيبرد
عسال….ثواني جاي اهو
رجع عسال مكانه وقعد بهدوء و حط من أيده ازاي مائه و كوبايات
ايه……حسان ممكن كوبايه و مايه
حسان….عيوني اتفضلي
ايه….شكراً
بص سلامه عليها و ضحك
سلامه….مش عارفه تفتحي الأزازه
ايه…..بضحك استر عليا مش عارفه من ضوافري
سلامه….بضحك طب هاتي افتحالك
ايه…..ربنا ما يوقعك في ضيقه
سلامه….خلاص انتي هتشحتي و بعدين ايه اللي زانقك الزنقه دي
ايه….ايوه زنقه مهببه معاك حق بس مش عارفه اشيلهم كنت فاكره بقي هنقعد علي البحر و نتصور قولت لزوم البرستيچ
سلامه….بضحك طب ابقي خلي البرستيچ ينفعك وانتي مش عارفه تفتحي المايه
امسكي يا ستي
ايه….تصدق انت صح قال يعني اللي كان هيشوف الصور كان هيبص علي صوابعي يلا بلا دلع بنات والله لا افكهم
سلامه…..بضحك جدعه بس هتفكيهم ازاي
ايه…..مايه دافئه بقي
سلامه…..ربنا معاكي
نعيمه….فضل
فضل….ايوه
نعيمه…..ممكن تجيب الملح
فضل…..ايه سامط
نعيمه….مين ده اللي صامت
فضل….بضحك لا متشغليش بالك ده الموبايل
نعيمه…بابتسامه لا بجد مش فاهمه
فضل…..بسألك علي الاكل سامط يعني مفيهوش ملح
نعيمه….ااااااه اتحولت كملت بضحك لا مفيهوش ملح
فضل……طيب اتفضلي يا ست نوني انا بقول تتعلمي لهجتنا
نعيمه….والله لو عملت ايه ولا هعرف
فضل…..لا لازم تجربي
نعيمه….ماشي عموما اول كلمه فهمتها صامت
فضل….مش بالصاد بالسين
نعيمه….طيب براحه هي السين قريبتك
فضل….بضحك ايوه قريبتي
حسان …..عارفه تقعدي
سلمي…..اه تمام كده
حسان….اقربلك اي حاجه
سلمي….بابتسامه لا شكراً تمام والله
قام عسال بهدوء مره تانيه و غاب كام دقيقه.
عشري…..يا عساااال الاكل يا خوي
عسال….جاي يا حبيبي كلوا انتوا
عشري…..بيعمل ايه ده
سلامه…..مش عارف تلاقيه بيجيب حاجه
دقيقه بالظبط و رجع عسال معاه طبقين فيهم بطاطس
عسال…..نادين اتفضلي و ده لو حد حابب ياكل منه
بصت نادين بصدمه و حست ان نفسها الأرض تتشق و تبلعها اهتمامه ليها بقي قدام الكل و مش فارق معاه اي حد
ايمي…..بابتسامه بصت لليله و بعدين بصت لنادين اللي كانت مصدومه والله يا عسال انت زوق اوي
رشيد…..عملته أمته ده
عسال….لما جبت المايه طلعت الكيس وحطيت الزيت علي النار و سيبته يتحمر
عشري…..والله يا عسال انت ما في منك
ليله……يلا يا ست نودي كلي البطاطس اتعملتلك مخصوص
بصتلها نادين بغيظ و بعدين بصت علي طبقها
نادين…..شكراً تعبتك
عسال.. بألف هنا
كملوا اكلهم و هما بيتكلموا و يضحكوا
وعسال عينه عليها مدت أيدها بهدوء علي البطاطس و بدأت تاكل وهي مرسوم علي وشها ابتسامه جميله خلت عسال طاير من الفرحه.
بعد ما خلصوا و شالوا الاكل قربت ليله من نادين.
ليله….بيتهيألي بعد الحركه اللي هو عملها دي لو مقعدتيش معاه و سمعتي اللي عنده ميبقاش عندك دم
نادين….بقولك ايه سبيني في حالي انا مش نقصاكي كفايه هو عليا
ليله….يابت الراجل بيحاول يلاقي الف باب يفتحه عشان يقرب منك كل تصرفاته بتبين أنه مهتم
نادين…..بقولك ايه خليكي انتي مع سي عشري اللي سناره شكلها غمزت معاه و سبيني في حالي
ليله…ماشي يا نادين بس علي فكرة لو زعلتي عسال بجد هزعل منك عشان هو حد جميل و بيني وبينك دخل قلبي حاسه أنه اخويا الصغير و يمكن هو اكتر حد من الشباب حبيته اوي
نادين…..طيب و استاذ عشري
ليله….بابتسامه لا عشري حاجه تانيه يا رخمه يلا اعقلي بقي واديله فرصه و خلينا نروح نشوف الخناقه اللي هناك دي
ايمي….لا والله محدش فيكم هيغسل حاجه سيب يا عسال احنا موجودين
عسال….خلاص بقي انتوا حضرتوا الاكل مع بعض
حسان….وسعي انتي وهو انا هغسلهم
ايمي….تغسل ايه انت كمان يلا انت وهو من هنا
عسال….علي فكره انا حلفت خلاص يلا روحي اقعدي
رشيد….روحي وانا هساعده
ايمي….بقولكم ايه انتوا الثلاثه يلا بره وانت يا استاذ عشري معاهم
عشري….بضحك طيب تساعد بعض ايه رأيك الاطباق كتير
سلمي…..سيبوا كل حاجه انا هساعد ايمي
ايمي….يلا بره خرجهم يا رشيد
عشري….طيب لحظه متزقيش هأكل الغلبان ده
ايمي…ايه حبيته
عشري…..بابتسامه جميله والله و طيب و صاحبته مش سائله فيه
ايه….لا والله أكلته
عشري…..بس شكله لسه جعان وبياكل اهو
ايمي…..يلا بقي منك ليه خلوني اخلص انا و البنات
حسان…..الحاجه كتير والله
ايمي….طيب هقولكم روحوا يلا ظبطوا المكان عشان لما نخلص نيجي و نقعد نلعب شويه مع بعض
سلامه…..نلعب ايه
ايمي….روحوا بس متقطعش رزقك واقولك اعمل فيا خير انت يا سلامه و أتكلموا علي الله فوق شويه احنا هنظبط كل حاجه
عسال…طيب انا حلفت
ايمي…..طيب هقولك عشان حلفانك شوف مين عايز قهوه شاي كده يعني و ظبط انت الدنيا و في كمان ازايز بيبسي وعصير حطهم في الثلاجه احسن سخنين خالص
عشري…..طيب يلا يا شباب خليهم يخلصوا براحتهم و احنا نظبط المكان بره
وقفوا البنات ساعدوا بعض و فضلت نادين وليله مع الشباب بره يظبطوا المكان عشان عسال كان واقف معاهم جوه
سأل عسال الكل يشربوا ايه و سأل نادين من بعيد
نادين….بتوتر ااا لا شكراً مش عايزه
الوقت
ايمي…..نادين بتحب البيبسي لما يسقع تبقي تشرب
عسال….تمام.
ايمي….بقولك ايه انا هموت علي فنجان قهوه مظبوط
عسال….احلي فنجان قهوه ليكي
ايمي….تسلم ايدك
وقف عسال يعمل القهوه و سرح مع نفسه و بدأ يدندن كده بصوت واطي مع نفسه
اغنيه لوائل جسار..
ايمي و نعيمه و سلمي و أيه كانوا واقفين يظبطوا المطبخ و بيتكلموا و اول ما سمعوا صوتوا ايمي سكتتهم ابتسموا كلهم و فضلوا يسمعوا صوته.
بصت ايمي لعشري و رشيد و الشباب لقتهم مبتسمين و صوتهم بقي واطي
ركزت معاه نادين لاول شويه حلوين و فضلت بصاله من بعيد وهو مكانش مركز خالص بيعمل القهوه واندماج و بعدين سكت
ايمي…..يخرب عقلك انت صوتك طلع حلو
بص عسال بسرعه و بعدين ابتسم لما شاف الكل مركز معاه.
عسال….شكلي سرحت و صدعتكم
نعيمه….صدعت ايه بس انت صوتك حلو اوي
فضل….قرب و قعد علي كرسي البار نسينا نقولكم أن عسال احسن مطرب في الدنيا
ليله…..ايه ده انت بتغني يا عسال
عسال….بأبتسامن سيبك منه هو انا لو كنت بغني مكنتش هبقي معروف بالنسبالكم يعني
ليله….يعني مش بتغني
عسال….لا خالص
ليله….ولا بتحاول حتي تسعي في الموضوع ده
رشيد….عيل فقري
عسال……صراحه لا يا ليله
ايمي…..انت بتتكلم جد ولا بتهزر يا عسال
عسال….اه والله بتكلم جد
ايمي….امال فين بقي عسال طموح و عسال مكسر الدنيا و هو سايب صوته كده مركون علي الرف
رشيد….حاولنا كتير معاه بس مش راضي
سلامه….والنبي ما تفكروني انا لساني اتشل معاه و هو ولا هنا
ليله….طيب ليه يا عسال بجد مش بجمالك انت صوتك حلو فعلاً
ايمي….المشكله ان انتي مش بتأدي وصوتك مقبول انت بجد مطرب
عسال….معرفش والله بس انا ديماً بسعي و بجتهد في الحاجه اللي انا بحبها
ايمي….طيب و صوتك الحلو ده
عسال….مش عارف بس عمري ما حسيت اني حابب اسعي في المجال ده يعني انا شخص اجتماعي بس في نفس الوقت مليش في جو الاضواء والشهرة و الكلام ده مجربتش افكر بصراحه بشكل جدي في الموضوع
سلمي…..نصيحه مني لازم تفكر لأن صوتك بجد يستاهل
ايمي…..انتوا ازاي محاولتوش معاه بجد
حسان ….والله كلنا اتكلمنا معاه بس هو مش عايز ياخد الخطوه
ايمي….خساره بجد و بعدين انت شكلك زي القمر و مش ناقصك اي حاجه غير انك تاخد الخطوه.
عسال….بابتسامه خلاص موافق بس بشرط تبقي انتي المنتجه
ايمي….يا سلام و الله موافقه
عسال….بضحك الحق دي ما صدقت يلا القهوه خلصت
ايمي…..مش هسيبك علي فكره متهربش
عسال….بابتسامه مش بهرب
حط عسال القهوه و راحوا كلهم بره رجع تاني عسال حط بيبسي في كوبايه و فيها ثلج وراح علي نادين مد أيده من غير ولا كلمه
بصتله و خدت منها الكوبايه من غير ولا كلمه
ايه…..و انت بقي متحمس لمشروع الكلاب و عايز تشتغل ليهم خاطبه و تجوزهم و سائب صوتك ده كده
عسال…..بضحك شوفتي بقي فقري صح
ايه….اه والله فقري يا ابني انت لو غنيت هتقعد ناس كتير في البيت
رشيد…..والله عندها حق علي الاقل نترحم شويه بتوع المهرجانات
عسال….علي اساس يعني مفيش مطربين غيري ما في ناس أصواتهم تجنن و بتوع المهرجانات موجودين عادي و بعدين الناس دي ليها جمهورها
ايه…..بقولك ايه قعدهم كلهم في البيت معادا اوكا عشان ليله متزعلش
فضل….ايه ده بتحبي اوكا اشمعني اوكا
ليله….بضحكه جميله عشان بيغنيلي
فضل….يعني ايه بيغنيلي
ايمي….ايه ده في حد مسمعش اغنيه ليله مش عارف ليله عند الحبايب ولا ايه
فضل…..بضحك اااااه صح تصدقي مجاش في بالي
عشري….بهمس بسيط ابتسم بيغنيلك ها
ليله….و انت مالك زعلانه ليه هو انا لاقيت حد يغنيلي غيره
عشري…..لا والله ماشي يا ست ليله خلي عم اوكا ينفعك
ضحكت ليله و سكتت
سلمي…..سيبكم بقي من اوكا و الناس دي احنا لازم نسمع صوتك يا عسال بجد
عسال….علي فكره سيبك من منهم انا صوتي حلو بس مش للدرجه دي يعني هما صحابي وانتي فاهمه أن الصحاب بيطبلوا لبعض
ايمي….علي فكره انا اللي قولت صوتك حلو لما سمعتك و استغربت اصلا أنهم مجابوش سيره أن صوتك حلو
نعيمه…..يا عم اعتبرنا احنا كمان بنطبلك و غني و بعدين انت عاجبك الصمت اللي احنا فيه ده ما تعمل أجواء حلوه
فضل….يلا بسرعه يا عسال نعيمه اتحمست
نعيمه…..بغيظ نعيمه في عينك
فضل…..بضحك نوني يا عم متوقعناش في غلط
ايه….يلا بقي غني بجد
ايمي….علي فكره عايزه اقولك حاجه هو اه الصحاب بيطبلوا لبعض و اسالني انا بس في حجات مينفعش نضحك علي بعض فيها و لو صوتك مش حلو محدش هيشجعك و لا هيخليك تتعلق بحلم مش بتاعك
عشري….يا ستي خليه يتعلق احنا عايزينه يتعلق اصلا هو اللي مش راضي
ليله….طيب غني بقي يا عسال
سلامه….يلا يا عسال و انا هوصل الموبايل بالساعات و اشغلك الموسيقي
نعيمه….بضحك هو هيغني في المايك ولا ايه
سلامه….مايك ايه انتي كمان عسال عنده كل نغمات الاغاني موسيقي من غير صوت هو بيغني معاها
نعيمه….طيب حلو ده يلا بقي و الله اتحمست
عسال….بابتسامه والله انا شايف الكل متحمس معادا نادين ولا ايه
رفعت نادين راسها بصدمه ليه و بصت للكل بتوتر و ابتسامه بسيطه
ايمي….ايه يا نودي يغني
ليله…..هي متحمسه علي فكره يا عسال
عسال….بابتسامه والله لو قالت غني هغني و ياريت متقولش اه
ايه……الحقي ده بيهرب و بيتكلم بيكي
نادين….بابتسامه إحراج احمممم لأ غني
عشري….اخلص بقي ملكش حاجه و تعالي اقعد هنا جنبي بدل ما انت واقف كده
عسال…..والله لو اخر مكان جنبك انت هفضل واقف امشي يا عم بقهوتك دي
كلهم ضحكوا علي عسال
ليله…..عقدته حرام عليك
عشري….طب علي فكره بقي انت مشربتش انهارده
عسال….بابتسامه يا جدع والله هموت واقولك حطلي فنجان بس عارف انك ما هتصدق
عشري….بضحك طب هو واحد والله
عسال…..شاهدوا عليه حلف يلا حط
سلامه….هوصلك السماعات
عسال….تمام طيب بتحبوا تسمعوا مين
ايمي…..اللي يعجبك انا بسمع اي حد
سلمي…..وانا كمان عادي اللي يجي منك كويس
سلامه…..بضحك انا رأيي تختاروا انتوا عشان لو سيبتوا الاختيار لعسال هتنتحروا ده نكدي وكل أغانيه حزينه
ايه……ليه بس يا عسال مش كفايه النكد اللي احنا فيه و الحبسه دي فرفش الجو الله يخليك و ليله تقوم ترقص
مسكت ليله المخدره حدفتها بيها
ليله….ليه رقاصه معاكم
ضحكوا كلهم علي ليله
ايه….بضحك الله نفسي احس اني في رحله
ايمي…..بضحك البت دي مجرمه والله هتموتني
نعيمه….بقولك ايه يا عسال سيبك منهم غني اي حاجه حتي لو نكد انا اصلا بحب النكد و ياريت لو تامر عاشور حافظ حاجه ليه
فضل….بضحك وده سؤال بردوا ده ابو النكد كله.
عسال….طيب بتسمعوا لمين غير تامر عاشور
ايمي…..انا بحب ذكري اوي
عسال….امممم جميله طبعاً مين تاني
ليله…..انا لو ولاد تامر عاشور حماقي عمرو القديم وائل جسار
عشري….كده انتي جيتي علي الجرح واىل جسار حبيبه
ليله….ايه ده بتحبه بجد
عسال…..اه اوي
ليله…..طيب حلو لو بنات بقي شيرين اصاله اليسا انغام كده يعني
سلمي….انا بحب انغام اوي
عسال…..انا كمان ليها اغاني كتير حلوه
حسان….علي فكره عسال كمان بيعرف يقلد
ايمي….اوباااااا طلعت متعدد المواهب بقي
عسال…بضحك الله يفضحك اسمعي مش تقليد بمعني تقليد والله بس بعرف اغني بلهجة اي مطرب يعني خليجي عراقي لبناني كده يعني
حسان….اسمعي مني و بيقلد
عسال….بضحك ما اسكتي يا عم
ليله…..خلاص فضحك و هتقلد
سلامه……هااا جاهز
عسال…..تمام
سلامه…ايه هتغني ايه عشان اشغل الموسيقي
ايه…..بضحك d.g سلااااامه
ضحكوا كلهم علي ايه
سلامه……بتتريقي عليا والله اخليه يديكي واحده نكد تجيب أجلك
ايه….بضحك لا خلاص بس الأفيه حكمت والله حسيتك واقف علي الd.g
فضل…..بصوت هامس لكن مسموع d.g عمرو حاحا
ضحكت ايه و ضربت فضل بالكف و كلهم ضحكوا
فضل…..اسف يا سلامه والله هي اللي نكشتني
سلامه….وانت روحت معاها كده علي طول
فضل….بضحك ما هي قالتلك الافيه حكمت بقي.
نعيمه….شغل بقي يا سلامه و لا اجي انا اقف علي الd.g ده
سلامه….الله مش لما يقولي هيغني ايه
ايمي…..نكد علينا يا عسال يلا
عسال…..طيب اسمعوا قبل ما انكد عليكم هغني حاجه كده لتامر عاشور
عشري……ببصلوا بطرف عينه علي اساس ان تامر عاشور رومانسي يعني
عسال….بضحكه جميله استني بس واسمعها والله هتعجبك و بصراحه انا حاسس اني عايز أغنيها
سلامه…..بقولكم ايه اهدي النور شويه
وقف عشري بسرعه وبصلوا
عشري…..في ايه يا جدع انت مالك انت مقلقني علي فكره و مش مرتحالك
وقعت ايه من الضحك و كلهم ضحكوا علي طريقه عشري
سلامه….بضحك الله الحق عليا عايز ادخلكم في المود
ايه….بضحك والله متحمس بشكل مش طبيعي حياه واقف علي البيست
عشري….بيست ايه ده شويه شويه ويقوم ينقط ما تظبط يا عم
ليله….بضحك انت مالك انت كمان سخنت كده ليه
عشري…..ما هو واحد عايز يهدي النور و التانيه تقولوا غني و ليله ترقص مبقتش قاعده نضيع بيها وقت ده بقي شارع الهرم
حسان….بضحك عشري قلق منك انتي و سلامه
سلامه…..بضحك الله يلعن ابو النور اللي هيزعلنا من بعض خلاص يا عم مش هاجي جنب النور وانت يا جدع انت غني و خلصنا
عسال…..طيب يلا
قام عسال راح عند سلامه و فضل يقلب معاه في التليفون
وايه و ليله لسه ميتين من الضحك
عشري….بابتسامه غيظ اضحكوا اضحكوا
ليله…..انا مالي هما اللي قالوا
بدأت الموسيقي تشتغل الكل سكت و البنات و الشباب بطلوا ضحك فضلت نادين عينها بعيد عن عسال لحد ما بدأ يغني
راح قعد عسال تاني علي الكرسي و بدأ يغني مع الموسيقي بصوت جميل و حنين و كله إحساس و هو عينه علي نادين و هي شويه تبص عليه و شويه لما تحس ان الكلام اللي في الاغنيه عسال يقصدها بيه تبعد عينها بسرعه كانت متوتر و مبتسمه و تايهه لكن كانت مبسوطه و طول ماهو بيغني ضربات قلبها بتدق بسرعه.
عسال……احممم
في قصر بعيد ولا في الأحلام
ساكنة أميرة عمري الجاي
وأنا من تفكيري لا بعرف أنام
نفسي أعرف بس أوصله ازاي
حراسها كتير والوضع خطير وأنا لا أمير
ولا حيلتي جاه وقالولي افوق وارجع بالذوق ومبصش فوق وبلاش معاناة
أنا عمري ما اسيب.. أحلامي تغيب
لو لينا نصيب.. فالحب حياة
رجعت تاني الموسيقي و الكل مندمج و سرحان مع الكلمات وصوته اللي يجنن وعلي ملامحهم ابتسامه جميله
من امتى وكان الحب معاد أو سور وحصون حراس وبلاد ده علشانها اعدي بحور وبحور واموت لو مرة تشوفني جبان
حراسها كتير والوضع خطير وأنا لا أمير
ولا حيلتي جاه وقالولي افوق وارجع بالذوق ومبصش فوق وبلاش معاناة
أنا عمري ما اسيب.. أحلامي تغيب
لو لينا نصيب.. فالحب حياااااااة
ااااااه اااااااااه اااااااااه ااااااه
انتهت الاغنيه الكل صقفله و فضل عسال عينه في عين نادين و هو مبتسم و بعدين بعد عينه عنها بصت نادين علي الارض و هي مبتسمه و بتحاول تسيطر علي شعورها اللي متأكده انه أترسم علي وشها من غير ما تقصد
ايمي……يخربيت صوتك ايه ده بجد
عسال…..بابتسامه تسلمي يا ايمي
نعيمه…..ايه ده يا جدع ده انا اللي هنتجلك مش ايمي بجد ماشاء الله صوتك تحفه
عسال….شكراً يا نوني
فضل….ابسط يا عم المنتجين نازلين علي راسك قد كده
ليله…..ماشاء الله بجد حلو اوي يا عسال و صدقني خساره انك متغنيش
سلمي……صراحه لما كنت بتغني في المطبخ براحه كده صوتك كان حلو بس مكنتش اعرف انه حلو اوي كده
عسال….تسلموا بجد
سلمي…..لازم تسمعي في الموضوع ده و اكيد كلنا هنشجعك
حسان….ياخد هو بس الخطوه و كلنا معاه
عسال…..صدقوني انا مبسوط والله بكلامك بس حقيقي الموضوع مش حلمي يعني كفايه عندي اغني مع نفسي اغني لصحابي ليكم كده يعني
ايه…..ليه يا عسال طب تصدق مش هشوف لأرثر عروسه غير لما توافق تغني
سلامه…..بضحك حد يسكت ايه بجد
ايمي….بضحك بقولك هتموتني والله
فضل….طب يلا يا عسال ادينا واحده بقي وائل جسار أو حاجه لعايض خلي عشري يتبسط عشان سلامه و ايه نكدوا عليه
ضحكوا كلهم
عشري….لا بلاش عايض الله يخليك
ليله……ليه مش ده السعودي
عشري….اه بس عسال صوته في حته تانيه في أغانيه و متعب شويه
سلمي….بتحب عايض يا عشري
عشري….اه اوي
سلمي….انا كمان بحب صوته اوي
عشري….لو سمعتي أغانيه بصوت عسال هتحبيها منه اكتر
فضل…..لا بس الاول وائل هنتعبك يا فنان
عسال….وائل ولا عايض
عشري…..وائل بلاش عايض
نعيمه….مش حافظ حاجه لاحمد سعد ده نكد اوي هو كمان
سلامه……بقولكم ايه عسال عنده حاجه حلوه اوي بيعمل ميكسات كده جامده و بيغني حجات كتير مع بعض ايه رأيك يا عسال
نعيمه….حلو ده اجمعهم كلهم مع بعض خلينا ننتحر و نخلص
ايمي…..حلو ده اوي مش بقولكم كله مواهب
عسال…..طيب تمام بس افتكروا أن انتوا اللي طلبتوا
ليله…..شكلنا هنجهز المناديل
رشيد…..اه و اسمعوا مني بقولكم بلاش
ايمي….لا لا خليه يغني
عسال….بابتسامه طيب هشرب بس و ارجعلكم
راح شرب و رجع مسك الموبايل من سلامه و جمع موسيقي الاغاني اللي هيغنيها و عملهم ميكس
عسال…..ها جاهزين
فضل….جاهزين
سلامه….بضحك حد عايز مناديل
عشري….يا ابني اقعد يا ابني اتهد بتوزيع مناديل كمان اقعد الله يباركلك انت مش مطمني
ضحكوا عليه كلهم و راح سلامه قعد و شغل عسال الموسيقي و راح وقف قدام المطبخ و سند ضهره علي رخامه المطبخ
بدأت الموسيقي و ثواني و بدأ هو كمان الاغنيه بصوت كله إحساس و حزن و اول اغنيه غناها كانت ظروف معنداني غناها و الكل اندمج معاه و ثواني و دخل علي لحن تاني و غني اغنيه احمد سعد بخاف الكل كان متأثر جداً و في منهم اللي دمع
وبعد نص الاغنيه رجعت الموسيقي
قام عشري بتأثر وبص لعسال
عشري….يا جدددددع يا جدع
ابتسم عسال و رجع كمل الاغنيه
راح عشري وقف عند الباب و ولع سيجاره
ثواني و خلص عسال الاغنيه ودخل في الاخيره كانت اغنيه عايض
((عشان العشره))
و فضل يغني عسال سرحت نادين معاه و اتأثرت و حست بوجع في قلبها عشانه
عشري كان واقف يسمع اغنيه عايض و بيشرب سيجارته و باين عليه التأثر
خلص عسال الكل سقفله ابتسمت ايمي و هي عينها مدمعه و مسحت نعيمه دموعها وهي بتضحك
نعيمه….الله يسامحك يا عسال
عسال….بابتسامه حقكم عليا والله
رشيد….ما قولتلكم بلاش مسمعتوش الكلام
فضل….عاش يا صاحبي
حسان….عااااش يا عسال
عسال….حبايبي
راح عسال المطبخ و وقف يشرب
قامت ليله وراحت لعشري بره
ليله……ايه مالك
عشري….بابتسامه بسيطه مفيش تمام
ليله….قمت ليه حسيت انك اتأثرت جالك علي الجرح ولا ايه
نفخ عشري دخان سيجارته وبص لليله
عشري…..عسال بيوجع قلبي يا ليله يمكن يبان شخص جامد قوي عنده طاقه حلوه و هو كده فعلاً بس مش عارف ليه بتوجع عشانه
ليله….ليه ما هو زي الفل اهو
عشري…ايوه الحمد لله بس انا عارف أن جواه حاجه ناقصه بتبان في عينه و يمكن هو نفسه مش بيحسها اوي شوفي يا ليله عسال كان محظوظ بخالته و كانت عوض ربنا ليه في الدنيا دي بعد أمه وأبوه بس صدقيني مفيش حد يقدر يعوض مكانهم يمكن الست دي عملت اللي احتمال كبير أمه لو عايشه مكانتش عملته وهو نفسه مقدر ده بس مهما كان وجود الام بيفرق ليعوض نقص كبير
ليله…..ده اكيد بس زي ما قولت هي كانت عوض ليه و بيتهيألي ربنا كان كريم معاه أن أمه ماتت وهو صغير لو كان كبير كان الموضوع هيبقي اصعب
عشري…..فراق الام يا ليله وجعه واحد سواء كنا كبار أو صغيرين صدقيني احساس اليتم ده صعب اوي و عسال اتحرك من أمه وأبوه بصي يمكن اكون بأڨور شويه بالنسبالكم بس انا لما ببص لعسال بشوف في عينه نظره بتقتلني معرفش ليه بيصعب عليا عسال طيب اوي
ليله……بابتسامه شكلك بتحبه اوي
عشري….بابتسامه فوق ما تتخيلي
ليله….طيب لو قولتلك مين اكتر واحد بتحبه فيهم كلهم هتقول مين
عشري…..لو علي الحب كلهم والله بحبهم و مقدرش اتخيل حياتي من غير واحد فيهم كلهم قريبين مني اوي انا وقتي كله معاهم يا ليله بس يمكن عسال أغلاهم علي قلبي
ليله….بابتسامه للدرجادي بتتكلم جد
عشري….اه والله العظيم و هما كلهم عارفين كده خدي بالك انا جوايا حته كده في قلبي ضعيفه قدام الواد ده بحبه و بخاف عليه و يعتبره اخويا الصغير لا عسال عندي ليه مكانه خاصه شويه يمكن عشان احساسي بالوجه عطشانه يمكن عشان بحس أنه حد نضيف و يستاهل أن الكل يحبه مش عارف
ليله…..اكتر من فضل كمان ؟
عشري…..بابتسامه شوفي فضل اخويا وصاحبي وابن عمتي و مقدرش يومي يعدي غير وهو معايا بس اه والله عسال غلاوته اكبر
ليله…..انت بتتكلم بجد
عشري….والله بتكلم بجد
ليله…..انا توقعت أن الكيميا بتاعتك مع فضل مع رشيد هما اكتر مثلا
عشري…..لا انا الكيميا بتاعتي مع الكل والله بس زي ما قولتلك عسال في حته تانيه يعني مستحيل اشوف حد فيهم مزعله واسكت حتي لو فضل نفسه
ليله……هو واضح أن عسال الكل اجمع علي حبه
عشري…..عشان هو يجبرك انك تحبيه شوفي يا ليله مش عشان هما صحابي بس صدقيني كل واحد في الشباب جواه حته حلوه و نضيفه بجد جدعان و صحاب بجد و فيهم صفات كتير تخليكي متقدريش تستغني عنهم يعني كلامي عن عسال ميقللش منهم بالعكس كل ما هتتعاملي معاهم هتعرفي أن هما بجد قريبين من قلبك
ليله……علي فكره انا مبسوطه اوي انك بتتكلم عن صحابك بالشكل ده
عشري….دول اخواتي يا ليله احنا بينا عشره و سنين و مواقف و ايام مينفعش انساها حتي المواقف الوحشه و الزعل مينفعش بتنسي لأن بعد زعل أو موقف مش حلو كانت علاقتنا بتقوي اكتر
و بنتمسك ببعض اكتر
ليله…..ما هو اللي بيقوي اي علاقه الموقف الوحش أو الصعب و بيعرفك إذا كان الشخص اللي في حياتك ده يستاهل انك تكمل معاه ولا لأ
عشري….بالظبط و كل موقف كان بيخلي كل واحد فينا يتأكد أن وجودنا في حياه بعض أهم من حجات كتير اوي
ليله…..انا كمان كده علي فكره احنا علاقتنا مع بعض مش كلها ضحك و هزار و فسح لا كان بيجي علينا وقت و نتخانق و مش خناقات عاديه كنا بنقفش علي بعض بجد و بنزعل و نمشي و منتكلمش يعدي يوم او اتنين منقدرش و في اوقات لما كنا نبص لبعض نضحك و الموقف يعدي و ننسي اصلا أن كان في مشكله.
عشري…..عشان علاقتهم نضيفه و فيها مشاعر حلوه لبعض و طول ما كل واحده فيكم مش جوازها حقد أو كرهه التانيه عمركم ما هتشيلوا من بعض
ليله….بالعكس أنا عمري ما افتكر اني في مره حسيت أن واحده فيهم غيرانه مني أو مضايقه اني معايا اي حاجه خالص فرحتهم بتبان في عينهم بجد و مش انا بس لو واحده فيهم حصل معاها حاجه كويسه بلاحظ أن الكل مبسوط من قلبه بجد
عشري……احنا كمان كده ربنا يخليهم لينا صدقيني دول اكبر نعمه في حياتنا و لازم نشكر ربنا عليها
ليله….بابتسامه معاك حق بقولك ايه تعالي نشوفهم بيقولوا ايه
عشري….تعالي يلا
في الداخل..
ايمي…..طيب قولي انت يا فضل انت مع فكرة أن الحب ممكن يجي بعد الجواز
فضل…..والله يا ايمي مش عارف بس في الوقت بتاعنا احنا ده مش ديماً بيتهيألي بتبقي حالات بسيطه
ايمي….يعني انت شايف أن في وقتنا ده عشان العلاقه تبقي ناجحه لازم الطرفين يكونوا بيحبوا بعض من قبل الجواز
فضل……لا مش كده هي بتعتمد بردوا علي الشخصيات يعني في ناس مبيبقاش في بينهم حب و بعد الجواز بيبقوا بيحبوا بعض عادي
نعيمه…..لا طبعا ازاي اتجوز راجل مش بحبه و بعد الجواز فجأه كده احبه
فضل…..بتحصل والله لو الراجل اللي انتي اتجوزتيه قدر يخليكي تحبيه
ايمي……يعني انت مع ايه بالظبط قبل ولا بعد الجواز
فضل…..بصي هي حالات فرديه بصراحه محدش فينا يقدر ينكر أنه صادف علاقات أو سمع عن علاقات مكانش في بينهم حب بس بعد الجواز بقي فيه و بيتهيألي اغلب اهالينا مكانش في بينهم حب و لا نعرفه سابقه زي الوقت و عادي كملوا وحبوا بعض
رشيد…..ايوه ده زمان امي وامك و الناس دي ايمي تقصد الوقت
فضل….ماهو زي ما كان في زمان اكيد بردوا في الوقت حتي لو حالات بسيطه
ايمي…..طيب وانت يا حسان
حسان…..بصي يا ايمي انا هتكلم عن تجربتي الشخصيه مقدرش احكم عليه تجارب الكل انا لما اتجوزت كان في بيني و بين ام بنتي حب اه مكانش حب بالمعني القوي بس نقدر نقول قبول استلطاف راحه للشخص اللي هيبقي في حياتي اعجاب بس بعد الجواز بدأت الأمور تطور يعني خليني اشرحلك اكتر اي شاب او اي بنت بيتجوزوا في البدايه نظرتهم للجواز بتكون مختلفه تماماً عن الجواز الحقيقي
الجواز يا جماعه مش بدله و فستان و فرح و معازيم و هي فرحانه أن ليها بيت مستقل عن أهلها وهو كمان فرحان أنه بقي عنده بيت بعيد عن اهله لأ الجواز مشروع كبير طرفين بيشيلوا علي كتافهم مسؤوليه كبيره اتحولت فجأه من شاب او من بنت عايشين بالطول والعرض في بيت اهاليهم لطرفين مسؤولين عن بيت و كيان كبير و اولاد و زحمة حياه و سباق مع الزمن بس في فاصل بسيط اوي لازم ناخد بالنا منه و ده اللي بيخلينا يا نفشل يا ننجح وانا شايف ان الجواز الناجح اللي في وسط كل الضغوطات دي مش لازم الطرفين ينسوا أن راحتهم النفسيه اهم من كل حاجه حتي من الأولاد نفسهم لان لو نسينا نفسنا نسينا أن في راجل و في ست في الكيان ده لازم يكون في بينهم حب و رومانسيه وكلام حلو و اهتمام عشان يقدروا يوقفوا الكيان ده علي رجله ديماً وعشان الاولاد دول يعيشوا حياه حلوه وهاديه و لو نسينا نفسنا كل ده هيتهد و انا عن نفسي كنت متخيل أن المشاعر اللي كانت جوايا وانا مقبل علي الجواز هتطور و هقدر ابني الكيان ده و الحب هيكبر بس للاسف مفيش طرف بيقدر يبني لوحده و انا مقدرتش الاقي اللي كنت فاكر أنه هيحصل عشان كده الكيان ده اتهد الاعجاب و الحب و فرحة البدايات مكملتش بعد الجواز ولاقيت نفسي في متاهه بدور فيها علي نفسي و حاسس ان ده مش مكاني فا لو هتساليني يا ايمي عن رأيي و بعد تجربتي لا بيتهيألي الحب بيفرق قبل الارتباط و الجواز كتير .
فضل……بس انت قولت اهو انك بتتكلم عن تجربتك
رشيد…..بص يا فضل بصي يا ايمي خلينا متفقين أن مفيش حد فينا بيحب زي التاني كل واحد ليه دماغ وليه طريقه حسان بيتكلم عن تجربته وده كلام يحترم لانه عاش التجربه دي واكيد مش هيقدر يكررها بنفس الطريقه فضل كمان بيتكلم عن أن زمان كان مكانش في حب اصلا بس بعد الجواز بيحبوا بعض و انا بالنسبه لتجربتي كان في حب قويه قبل الجواز و استمر بعد الجواز و رغم اني كاراجل اتعرضت لضغط كبير من كل اللي حواليا
عشان موضوع الخلفه إلا اني مسمعتش منهم و كملت و فضلت احبها بنفس درجة حبي ليها بس جه وقت والحب خلص او بمعني اصح مواقف وضغط كبير خلوا رصيد الحب ده انتهي فاهي ملهاش مقياس صدقيني يعني لو مكانش كل ده حصل انا كنت هيبقي مكمل و مبسوط عادي .
ايمي……طيب تفتكروا ليه الناس زمان مكانش موجود بينهم فكرة أن الست و الراجل يتعرفوا و كانوا بيتجوزوا علي طول ورغم كده جوازهم كان بيستمر
عشري….اصلا الناس زمان يا ايمي أغلبهم يعني مش كلهم في منهم كانوا مبيشوفوش العريس غير يوم فرحهم
ايمي…..صح يا عشري بس بردوا جوائزهم كان بيستمر و بيبقي في بينهم حب و ده اللي بسأل عليه
سلامه…..لان الحياه مكانتش زي الوقت يا ايمي اختلفت تماماً
ايمي…..ايه هو بقي اللي اختلف عن الوقت
حسان…..اقرب مثال التطور اللي احنا فيه التكنولوچيا كل الحجات دي أثرت علينا بالسلب زمان الناس كانت بسيطه طموحاتهم بسيطه لكن الوقت يا ايمي كل حاجه قدامك متاحه في مغريات كتير بتخلي البنات مش قابلين الراجل غير بمستوي معين و بتخلي الراجل من كتر اللي بيشوفوا مش قادر يتقبل اي بنت عاديه غير بشكل و طريقه وأسلوب معين
كل واحد فيهم بيفكر بعقلية التطور اللي وصلنا ليه علي قد ما التكنولوچيا ايجابيه علي قد ما هي كمان سلبيه
فضل…..انا مع حسان زمان الست كانت بتقبل تتجوز بحاجات بسيطه و تقبل الراجل علي المستوي اللي هو فيه أياً كان و بالعكس كانت الست هي اللي بتقف في ظهر الراجل و تدعمه وتخليه يكبر الوقت في بنات كتير الحب عندها مش أولوياتها لا هي عايزاه ثري عربي زي ما بيقولوا
نادين…..وأخيراً نطقت وشاركت في الحوار لا يا فضل انا مش معاك في النقطه دي مش كلهم
فضل….اكيد مش كلهم انا بقولك ده تفكير جزء كبير من البنات
نادين….لا مش جزء كبير ولا حاجه اغلب البنات بيوافقوا علي إمكانيات الشاب اللي معاهم لأنهم بيحبوهم و قابلينهم علي اي حال لكن اللي مش بتوافق غير بمستوي معين أو بترسم لنفسها حياه تانيه انا بشوف بردوا أن هي مش غلط لأسباب كتير يمكن عندها طموح يمكن محبتش و بما انها محبتش بجد فا هتفكر بعقلها و في منهم عاشوا حياه مش حلوه و لما سمحت لهم الفرصه أنهم يختاروا قرروا يطوروا من حياتهم
فضل….معاكي واكيد مش غلط بس كمان مش هننكر أن في بنات بتركز بس علي الشباب أو الرجاله اللي معاهم فلوس و بيبقي عندها تارجت أن هي تقعد معاه سنه ولا اتنين بالكتير تاخد منه اللي تقدر عليه و بعدين تسيبه
نادين….تمام بس دول ميتحسبوش علينا احنا كابنات هو الموضوع بالنسبه ليهم مجرد بيزنس بيختاروا انهم يتجوزوا في الحلال عشان يحققوا أحلامهم و بردوا في منهم ممكن تغير فكرتها وتكمل مع الراجل لو حبته بجد و الباقي مش بيفرق معاهم ودول كده بيبقوا نسبه بسيطه
عشري….شوفوا انا عندي رأي في الموضوع ده حتي لو في بنات بتعمل كده الراجل مش غبي بيبقي عارف البنت اللي قدامه معاه ليه
فضل….ده اكيد
ايمي…..نادين تقصد أن لو حاولنا نصفي من البنات كل واحد علي حسب عقليته لحد ما نوصل لأسوء جزء مش هيبقوا كتير دي بتبقي حاله شاذه لكن الاغلبيه في الرجاله اسوء
سلامه…لا لا انا شايف بصراحه أن ده ظلم الرجاله انا معاكي أن شباب كتير ورجاله كتير بيبقوا سبب لتدمير العلاقه بس بردوا مش نسبه كبيره يعني انا مثلا اه ممكن اتعرف علي بنات و اتسلي لكن اكيد يوم ما هتجوز عمري ما هكون حاطت تارجت في دماغي اني اتسلي كمان باللي هتجوزها
ايمي….ده تفكيرك انت و علي فكره ده مش تعميم عليكم انتوا بس حتي البنات كمان اللي أقصده أن مبقاش في حد عنده طولة بال للمشاكل اللي ممكن تحصل مع اي مشكله هي تقول مش هعمل وهو هيقول هطلق مبقاش في صبر
سلامه….ماهو بردوا ده انا بشوفه عدم حب صدقيني يا ايمي لو الطرفين بيحبوا بعض مهما حصل بينهم مشاكل اخر حاجه ممكن يفكروا فيها الطلاق
ايمي….بالظبطططط هو ده اللي بقوله لو علاقتهم قويه صدقني المشاكل مش هتاثر فيهم عشان كده اهالينا زمان مهما مروا بمشاكل وصعوبات كانوا عندهم قدره للتحمل رهيبه
عشري….ماهو بردوا يا ايمي ده متوقف علي نوع المشكله نفسها يعني انا مثلا او الست اللي معايا هنخرب بيتنا عشان ايه ايه المشكله الكبيره اللي تخلي راجل وست الدنيا تسود في وشهم و ميلاقوش قدامهم حل غير الانفصال
ايمي…..حجات كتير يا عشري و بيتهيألي احنا كده علي بعضنا خير مثال للعلاقات الفاشله يعني حسان كان عايش في علاقه بارده و دي اسوء علاقه ممكن يعيش فيها طرفين رشيد مقدرش يتحمل أن طباع مراته اتغيرت بالشكل ده وانا بشوف بردوا انها مشكله مش حلوه اني اكون مع شخص و الراقيه يتبدل و حتي لو كان عندها أسبابها لكن هو كان الطرف اللي اتحمل اكتر وقعد سنين مستنيها تتقبل ده و مقدرش انا كمان علاقتي كانت فاشله و مكنتش هقدر اعدي اللي حصل الراجل ده خلاني فقدت الثقه فيه و الثقه لو اتسرقت منك مع الشخص اللي انت بتحبه مش هقدر ترجعها سلمي كمان مشكلتها مكانتش بسيطه إهمال وعدم اهتمام و دي كارثه
الست لو ملاقتش اهتمام بتنفر من العلاقه
و انا بشوف انها عملت الصح لما اتفصلت في غيرها بيتحمل بس لو سمع كلمه حلوه او اهتمام من شخص غريب بيروح معاه و بتخون للاسف و مهما كانت مبررتها بتبقي في نظر الجميع خاينه مع أن هي بشر بس بتبقي خاينه كمان ليله علاقتها كانت فاشله لأن هي ملاقتش الشخص اللي معاها متحملها وواقف معاها في ظروفها الصعبه اللي مرت بيها بعد موت امها علي فكره هي لو كانت حست أنه داعم ليها كانت ممكن تسافر اسبوع اتنين شهر و يوحشها و ترجع تاني بس هو معملش كده وساب الفرصه قدامها انها تبعد خالص
صدقوني في مواقف بتخلي الشخص لا يكمل وهو مرتاح يا ينفصل بضمير مرتاح بعد ما بيكون قدم كل الحلول اللي عنده
رشيد…..صح انا معاكي
سلامه….طيب انا معاكي انا كمان بس اسف يا نوني هي قالت إن علاقه والدها و مامتها مش حلوه رغم أن الطرفين كويسين جدا و بيتهيألي هما علاقتهم تشبه لحد كبير علاقه حسان بأم بنته علاقه بارده مفيهاش مشاعر رغم أن والدها زي ما قالت شخص حنين و ديما بيفكر يأمنهم ليه محصلش بينهم انفصال
ايمي……هقولك يا سلامه عشان انا قولتلك أن اهالينا عقليتهم مختلفه عننا الوقت زي ما كل حاجه بتطور حوالينا عقلنا كمان وتفكيرها بيتغير ماما نعيمه قدرت تتحمل عشان العشره عشان الولاد عشان البيت ميتخربش عشان هي بتحبه وعشان هي من جوايا واثقه أن الشخص ده كويس عشان كمان عمره ما قل منها أو طريقته كانت وحشه تخليها تنفر بالعكس والد نعيمه حد محترم لسانه كويس هادي ملوش في المشاكل أو أنه يسمعها كلام بايخ يخليها تكرهه فا هنا هي كان عندها حجات كتير حلوه تخليها تقدر تتخطي الوحش اللي هي محتجاه
سلمي…..اسفه يا ايمي هقاطعك كمان يا سلامه نعيمه قالت إن وقت ما كان بيحس أن مامتها مضايقه أنه مش ليخرج مش بيسافر كان بيجي علي نفسه حتي لو مضايق بس في النهايه بيجي علي نفسه لكن الوقت مبقاش حد يجي علي نفسه لا راجل ولا ست
رشيد…..صدقوني يمكن اكتر حاجه معقده في الدنيا هي العلاقات تركيبة عقل كل بني ادم ربنا خلقه محتجاه سنين عشان الواحد يكتشفها فا صعب انك تلاقي عقلي ليتوافق مع عقل شريك حياتك بنسبة ميه في الميه
حسان…..صح يا رشيد
ايمي…طيب وانت يا عسال ايه رأيك في موضوع الحب انت مع ولا قبل وشايف مين اللي ممكن يدمر العلاقه اكتر الراجل ولا الست
عشري….ما بلاش ده بالله عليكي ده نصير الستات
فضل….بضحك اه عسال راجل بس مش معانا هو بينصر الست اكتر
ليله…..طيب وانتوا زعلانين ليه اخيرا في راجل يقف مع الست
عسال…..بصوا هي الحكايه مش انا نصير الراجل او الست بس رشيد اختصر كل ده وقال حاجه حلوه اوي ربنا مخلقش عقل زي التاني و حتي لو لقينا شخص نقدر تتوافق معاه فكرياً في النهايه لازم يكون في اختلاف علي الاقل في الطباع و هنا بقي بيحكمنا درجة تمسكنا ببعض يعني انا لو حابب الشخص اللي في حياتي هقبله بكل مافيها من عيوب و مميزات و هي كمان لو بتحبني هتقبل طباعي و تصرفاتي و كل حاجه عقل كل شخص فينا معقد و دي حكمه كبيره من ربنا تفكيري غير تفكيرك يا ايمي غير تفكير عشري غير تفكير سلامه كده يعني و كل واحد فينا ربنا خالق جواه قدره علي التحمل
بس انا عن نفسي اسف يا شباب انا مع الست قلباً و قابلاً
عشري….اهو شوفتي يا ست ايمي
ايمي…..بابتسامه استني بس يا عشري نفهم
فضل….تفهمني ايه هيطلعنا اشباح اسمعي مني و هيكرهكم في الصنف
ليله….بالعكس لو في منكم بيقف معانا بطريقته و شايف دماغنا بطريقتنا احنا مش هنكرهم
ايمي….كمل يا عسال
عسال……شوفوا انا عارف أن في شباب و رجاله كتير قد المسؤوليه و بجد جدعان بس مش الكل للاسف الاغلبيه هما اللي خلوا البنات تنفر مننا يعني مثلا انا ضد تماما أن الرجاله تقول علي البنات نكديين بطبعهم
عشري….بضحك طيب انا هنسحب من الحوار عشان مقتبس استاذ عسال
ضحكوا كلهم علي عشري
ليله….ماتقعد بقي خلينا نسمع
عشري….طب انا راضي ذمتك انتي موافقه علي انكم مش نكديين
ليله….بضحك والله ما نكديين اوقات بيبقي في تقلبات مزاج وهرمونات بس قلبنا طيب
عشري….يعني نكديين يا جدع حرام عليك ده هما نفسهم لما مزاجهم بيتقلب مبيبقوش عارفين السبب
ايمي….بضحك صراحه في دي هو معاه حق يا عسال
عشري….اهي الست العاقله اعترفت
عسال….عشان ده طبع في البشر كلهم مش بس هما احنا كمان بيجي علينا وقت مش بتبقي طابقين حتي هدومنا و من غير اي سبب احنا بشر علي فكره و بيبقي جوانا ضغوط وتراكمات بتبقي منسيه بالنسبه لينا بس العقل مخزونها
عشري…..مخزن ايه بقي يا جدع
ايمي….ما تسيبه يكمل يا عشري الله بيقول كلام زي الفل
رشيد…طيب استني يا عشري متقاطعهوش خلينا نفهم وجهة نظره
عشري….قول يا عم مش هقاطعك
عسال….بص يا عشري البنت مش نكديه و قدرتها في التحمل علي الضغوط تفوق قدرة الراجل بمراحل يعني لو انت الوقت متجوز و مراتك في البيت عندها شويه مشاكل بتمر بيها مشاكل بقي من الولاد من الحياه من المسؤوليه مشاكل حاصله عند اهلها و مش حابه تعرفك مشاكل في شغلها لو بتشتغل هرمونات زي ما ليله قالت و لو مثلا ظروف المعيشه مش احسن حاجه فا هي بتعاني كمان من من المصاريف مش انت بس لان هي عندها متطلبات مش بتيجي عشان هي مراعيه ظروفك وعارفه أنه مش بأيدك عندها طلبات ولادها و بيتهيألي ده صعب علي اي ست أن هي تشوف ولادها محتاجين حاجه و مش قادره نجيبها ولا قادره في نفس الوقت تطلبها منك عشان متضغطش عليك فا هنا هي عايشه جوه صراع بين عاطفتها ناحيتك و ناحية ولادها و بين عقلها لأن هي عارفه أنه مش بأيدك و في وسط كل الضغط النفسي ده لو شافتك بعد كام ساعه غياب داخل و مبتسم في وشها و بتقولها كلمه حلوه
اتحداك لو منسيتش كل ده
ليله….شابو يا عسال
نعيمه….عاش بجد والله بيقول كلام زي الفل
ايمي….لا احنا محتاجين سقفه بجد
ابتسم عسال و هما بيسقفوا
عسال….لحظه بس في نفي الوقت لو شافتك يا عشري داخل عليها مكشر مكتئب بتتخانق دبان وشك مش طايق تسمع كلمه و لا طايق تسمع حتي صوت ولادك وانت اهو معاك حق وغصب عنك انت راجل طلعان عينك بس مش قادر تسيطر علي ده وقتها بقي يا صاحبي هتشوف انفجار في وشك اسوء من انفجار البركان و غضبها المكبوت و الصراع اللي كانت عايشه فيه مع نفسها هيطلع عليك
انت وقتها أو الراجل عموما هيشوفها نكديه ديماً تتخانق هتشوفها مش اصيله لأن هي اكتر حد عارف ظروفك اللي هي مش بأيدك باختصار يا صاحبي الراجل اللي في أيده زمام الأمور يا يدخل بأبتسامه وكلمه حلوه ينسي الست اللي هي بتمر بيه طول اليوم و يديها الفرصه كمان انها تنسيه تعب الشغل و مشاكله وضغطه يا تدخل مكشر و شايل علي كتافك طاقه سلبيه ترميها في وشها و وقتها متزعلش من رد فعلها مهما كانت خارج توقعاتك
سرحت نادين معاه و تاهت في عقليه البني ادم اللي قدامها.
ايمي……والله العظيم انت مافي منك يا عسال
فضل….طيب اسمع يا عسال انا والله مقتنع بكلامك ده بس انت قولت أن الراجل مضغوط وغصب عنه مستحيل يقدر يتعصب علي مديره أو الناس اللي بيشتغل معاهم عشان ميخسرش اكل عيشه اللي هو أمله الوحيد بس هو كمان بشر حاسس انه مضغوط هيطلع فين اللي جواهر لو مش هيطلعه في بيته مش المفروض الست تراعي أنه محتاج يخرج اللي جواه
عسال…..ومين يراعي الست اللي مش بتنطق يا فضل ماهي كمان صابره ومتحمله و شايله معاك الضغط ده ماهو انت يا صاحبي لما تروح و تطلع غضبك عليها امورك مش هتتحل بالعكس هتتعقد اكتر لان لو روحتلها وانت تعبان وخلاص جايب اخرك واترميت في حضنها قولتلها كل اللي انت بتمر بيه ده و عرفتها قد ايه انت مش طايق نفسك هتاخدك في حضنها و هتطبطب عليك و هتسمعك بالعكس هتحط كل اللي جواها علي جنب و هنشوف قد ايه هو صغير بالنسبه للي انت شايله ممكن تلاقي معاك حل ممكن تبقي ست بميت راجل و تفكر في اي مشروع حتي لو صغير من البيت تساعدك بيه ولو معملتش كل ده اكيد هتسمعك و هتريحك
انت بقي شايف انك جاي عامل زي البركان وفي نفس الوقت مش حابب تخسر الست اللي في حياتك متروحش علي طول روح اقعد شويه علي القهوه روح اتمشي ارجع اقف تحت البيت لكن اوعي تدخل بطاقه سلبيه البيت عشان وقتها مستحيل تلاقي منها طاقه ايجابيه هتخسرها و هتخسر ولادك اللي هيشوفوا خناقكم و نكدكم و هيتحملوا مشاكل اكبر من سنهم مالهم هما بمصاريف و مسؤوليه و كلام كبير زي ده في النهايه دول اطفال محتاجين يعيشوا في هدوء محتاجين يلاقوا طلباتهم مهما اتعصبت و انفجرت في وشهم مش هيقدروا يفهموا أن في نقص في البيت
بس كمان في ايدك تطلع ولادك سواء بنات أو ولاد عندهم رحمه لما تتكلم معاهم بهدوء صدقني هيفهموا وهيراعوا ظروفك لما توعدهم أن كل طلباتهم هتتحقق اول ما يبقي زياده هيفضل عندهم امل أن بكره احسن لكن لو معملتش كده هينفروا هنا كمان منك
سلمي…..الله عليك بجد يا عسال انا مكنتش متوقعه بصراحه انك بتفكر بالطريقه دي
عشري….مش قولتلك نصير الستات ده
ليله….ليه هو قال حاجه غلط
عشري….بالعكس كلامه صح بس يعني مش كل الناس تقدر تعمل كده
ليله…..بس لو كله عمل كده مش هيبقي في طلاق ولا بيوت بتدمر
ايمي……طلعت معانا بجد يا عسال
عسال…..انت تربية ست بس كانت ست بميت راجل الست دي شالتني فوق راسها و بسببها خلت فكرتي عن كل الستات مختلفه قدرت اشوف تفكيرهم بطريقتهم هما عرفت يعني ايه الست ممكن تضحي قد ايه شوفتها وهي بتتحب و تشقي وحياتها تتسرق منها عشان تربي اربع اطفال فيهم واحد مش ابنها و بسببه ضحت بحياتها عشانه و كان رد الجميل ليها اني اشوف الست بعيونها هي
في عز تعبها عمرها ما اشتكت في عز وجع جسمها من كتر الشغل كانت تبتسم في وشنا كلنا كانت و نعم الطاعه لامها الست الكبيره عمرها ما حسست اي حد فينا أن الحمل كبير عملت اللي مفيش راجل يعمله كبرت و علمت و ربت وشقيت و عملت كل حاجه قامت بدور الاب والام لينا احنا الاربعه عمري ما حسيت اني يتيم في حضنها كل لحظه حلوه او مناسبه كانت واقفه في ضهري و ضهرنا كلنا
فا انا لو مبقتش نصير الستات يبقي خساره تعبها و تربيتها ليا و عمرها اللي ضاع عشاني
الكل كان متأثر بكلامه جداً و نادين دمعت و نزلت وشها في الأرض
ايمي……يابختها بيك يا عسال
عسال….يا بختي انا بيها
ليله….بابتسامه جميله طيب قولي يا عسال معني كلامك ده انك ممكن تتقبل الست اللي في حياتك بكل عيوبها
عسال….اكيد ما انا بردوا عندي عيوب
نعيمه….بس ده لو بتحبها مش كده يعني لو مش بتحب الست دي او مفيش بينكم حب قوي ممكن متتحملش طباعها يعني وارد يكون في بينكم مشاكل
عشري….بابتسامه لا ماهو عسال مقرر أن حياته مش هيبقي فيها مشاكل
سلمي….هو في حياه من غير مشاكل
عشري….ايوه اخيرا لقيت حد عاقل قولي انتي بقي يا سلمي في حياه من غير مشاكل
سلمي….بضحك علي عشري لا طبعاً الحياه كلها صعود و هبوط يعني المشاكل أمر مفروغ منه
نعيمه…..الحياه مش وردي اكيد علي طول
عشري…..سامع يا غريب الأطوار
ضحك عسال علي عشري وهو بيهز راسه وكلهم ضحكوا
ليله….بضحك انت مالك وماله بجد
عشري….لا غريب بجد انا والله نفسي عسال يتجوز عشان اشوف هينفذ اللي بيقولوا ده ولا لا أصل الطبيعي يكون في مشاكل غير متوقعه تواجه الطرفين فا الاكيد بيحصل صدام و اكيد هنعديه مع بعض و نحل المشاكل بس لازم نكون متفقين أن في مشاكل
ايمي…..طيب انا مش فاهمه يا عسال تقصد ايه عشري معاه حق اكيد في مشاكل وفي طباع و عيوب لا يمكن نتخطاها و خصوصا زي ما قالت نعيمه لو مش بتحبها أو مفيش بينكم قصه حب مش هتقدر
عسال…..بصي يا ايمي انا شخص في موضوع العلاقات ده جد جداً فوق ما تتخيلي يمكن اتعرفت علي بنات يمكن حبيت اني اجرب ادخل في علاقه زي اي شاب بس عمري ما كملت في علاقه طويله لاني محستش ولا مره أن هي دي اللي انا محتاجها في حياتي
ليله…..تمام ده بيحصل عادي بس ممكن تتجوز واحده في بينكم كيميا بس لسه موصلتش لحب و ده بيحصل كتير
سلمي…..اقصد يعني أن الحب ممكن يجي بعد الجواز
عسال…..بيحصل بس معايا انا مستحيل بصي يا ليله انتي وسلمي انا مؤمن أن كل شخص فينا هيعيش حياته مره واحده سمعتوا عن حد حياته خلصت ورجع تاني خد فرصه اكيد لا فا احنا الرجاله هنعيش مره واحده وانتوا البنات هتعيشوا مره واحده فا انا ليه اتجوز واحده من البدايه مش عايش معاها احلي قصه حب و من جوايا عايزها تكمل للنهايه ليه اصلا اخلي الست اللي هتدخل حياتي زي سوري يعني فار التجارب هشوف كده هقدر احبها و اكمل معاها ولا مش هقدر و أسيبها ليه تفضل مرهونه لمشاعري انا باختصار عمري ما هرتبط غير بالبنت اللي هتخطف قلبي من اول نظره
عينه جات ثواني في عين نادين و رجع كمل كلامه.
مش هقدر اعيش غير مع شخص شبههي مش في الطباع لأن كلنا طباعنا مختلفه بس شبه روحي و لو لأسوء الظروف مقدرتش اعيش معاها قصه حب كبيره و طويله قبل ما نبدا حياتنا علي الاقل ابقي شايف شاور بشكل عشوائي بس أيده جات علي نادين ابقي شايف أن البنت دي أن لامس جوازها حاجه تخليني مش قادر اشوف ست غيرها ابقي عارف أن البنت دي ليا انا و مش لحد تاني
اتوترت نادين من صباعه اللي شاور عليها و فضلت تلعب في شعرها.
ايمي……طيب يعني انت مع الحب قبل الجواز
عسال….طبعاً لازم اختار نصي التاني اللي هكمل حياتي معاه مش هحط اي احتماليه عمري أني اجرب انا مش هدخل علاقه غير وانا عارف اني مش هتسلي بالبنت دي و حقيقي عايزها تكون ليا حبيبه و زوجه و ام لأولادي و شايف أن بعد عمر طويل الحياه هترجع تصفي عليا انا وهي وبس
ايمي……طيب هنرجع تاني للمشاكل لو حصل بينكم خلاف هتعمل ايه
عسال….مستحيل مش هيحصل
فضل…..ليه حق عشري يقوم يكسر دماغك
ايمي….بضحك بص انا معاك في كل اللي قولته بس هما كمان معاهم حق مفيش حياه من غير مشاكل
عسال…..يمكن بس انا قولت كلهم في ايد الراجل لو هنتكلم عن مسؤوليه وضغوط حياه و معيشه ممكن تتبدل لأسوء و مشاكل زي ما قولت من شويه دي مش بتاعتها انا يوم ما هشاور علي الست اللي هتبقي في حياتي واقول اني متمسك بيها و عايزها معايا مستحيل اخليها تعيش كل ده حتي لو هي حاسه بيا و عارفه ظروفي مش هحسسها أن ده مهم بالنسبالي مش هشيلها فوق طاقتها مش هشوفها عمري انها مرتاحه وقاعده في البيت طول اليوم وانا اللي طالع عيني لأن مسؤليتها اكبر من مسؤوليتي ومينفعش اقلل من قعدتها في البيت لأن هي بتلعب ولا مرتاحه زي ما اغلب الرجاله بيقولوا وانا شوفت ده بعيني مع امي .
فا انا عمري ما هزعلها ولا هختلق مشاكل عبيطه بينا و حتي لو حصل مواقف كبيره بما أن انا الراجل لازم اتحمل المسؤوليه دي و اتصرف برجوله في الموقف ده
ايمي….طيب لو المشكله الكبيره دي هي اللي غلطت فيها هتعمل ايه
عسال….بما اني بحبها و اختارتها من وسط بنات الدنيا بحالها لازم يكون في صبر عندي مهما كنت بغلي من جوايا بسبب اللي عملته هتكلم معاها كا صحاب كل بنتي الصغيره اللي غلطت يعني في الاخر لازم اخليها تحس انها غلطت و مش لازم اكون قاسي معاها عشان تقدر تفهم غلطها
نعيمه….طيب قولي يا عسال ايه الحاجه اللي لو حصلت مستحيل تكمل علاقتك معاها
عسال…..صدقيني لو بحبها مفيش حاجه هتخليني اخسر علاقتي بيها
نعيمه….ولا اي حاجه
عسال…..خالص إلا حاجه واحده بس مستحيل اقدر أعديها
نعيمه…..ايه هي ؟
عسال…..الخيانه اكيد
فضل….بضحك أخيراً رجعت راجل شرقي
عسال….لا ماهو انا قولتلك انا مع الست اكتر بس كمان في النهايه انا راجل شرقي مستحيل اقبل بالخيانه
نعيمه….طيب هتعمل ايه وقتها
عسال….صراحه دي الحاجه اللي مقدرش اقرارها لاني عمري ما اتحطيت في الموقف ده
نعيمه….طيب ما انت متخطتش في مواقف مشاكل و حكمت انك مش هتتخلنق ولا هيبقي في بينكم مشاكل
عسال….لا اتحطيت فيها و شوفت امي ازاي تعبت وازاي مرت بمشاكل كتير مختلفه لكن خيانه لا محدش يقدر يحكم علي موقف مجربش يكون فيه بس انا مش شخص همجي عيني مفتكرش اني اقدر اذيها هننفصل بهدوء
ايمي….بس لو بتحبها زي ما قولت هتتوجع يا عسال و خيانتها هتخليك نفسك تكسرها
عسال….ما انا قولت مش عارف بس احتمال افتكر حبي ليها ده و مقدرش اذيها
رشيد….بضحك لا بقولك ايه براحه شويه يا عم عسال انت كده كلت مننا الجو هاااا ارحم شويه
ايمي….بضحك والله عسال ده لو اكبر شويه مكنتش سببته
رشيد…..طب نخف بقي يا عم عسال هااا
عسال….بابتسامه ما صدق كلمة ايمي طيب قوليلي يا ايمي انتي عندك مشكله مع السن عموما
ايمي…..صراحه لا بس كمان مش اي سن يعني ميبقاش فرق كبير اوي
عسال….قد ايه مثلا
ايمي….يعني أخري ست سبع سنين
عسال….بابتسامه تجنن طب و لو خمسه؟
ايمي…بصت لليله و نادين و ابتسمت صراحه لو خمسه ده مش فرق كبير عادي
عسال….لا هو مش فرق خالص انا عن نفسي حتي لو أكبر مني بعشره 15 سنه لو بحبها خلاص
رشيد….بضحك هو انت وايمي في فرق بينكم قد ايه ما تهدي يا عم بقي
ضحكوا كلهم علي رشيد و ضحكت ايمي بإحراج
ايمي…..لا كتير عليا هو بالنسبه ليه عادي مليش دعوه
عسال….بضحك لا انا مش بتكلم علي ايمي بالذات انا بتكلم في العموم الله يخربيتك يا رشيد مش كده ياعم براحه انت
رشيد…..بضحك يبقي تخرس شويه هتاكل الجو مننا
ايه….طيب انا عندي سؤال ليك يا سلامه انت وعسال هموت واعرف إجابته
سلامه….اسألي
عسال….اتفضلي يا ايه.
وللحديث…..بقيه
