لقاء كارثي

لقاء كارثي
أميره أسامه
صاحبة البطل الواحد

. البارت المئه 122.

………………………..

الكل عرف و رشيد حكي لايمي و علي قد الخوف علي قد ما ارتاحوا ان مريم اتقبض عليها يمكن مكانش حد عارف غير ان رهف اتخبطت بالعربيه و ان عمر اتخطف بس باقي الاحداث و اللي ليله عملتوا في مريم مكانش حد عارف لسه التفاصيل..

لكن كانوا مرتاحين جدا مقدروش يلوموا ليله او يزعلوا منها لانهم عارفين كويس انها مكانتش عايزه تقلقهم و اكيد مكانتش فاضيه انها تقول بيحصل معاها ايه..

بس طبعاً نادين اكتر واحده زعلت و خدت موقف بجد رغم انها مقدره حالة ليله و مقدره انها مش عايزه حد يقلق او يخاف و مقدره ان الكل كان مشغول بس اضايقت بجد ..
كلهم اتفقوا يخلصوا مع مصطفي و يروحوا عليهم هناك يطمنوا و يفهموا اللي حصل كله..

واول حد كان وصل ايمي و رشيد ..

اللي من اول ما دخلت وهي واخده ليله في حضنها..

رشيد….بابتسامه ريا وسكينه

عشري….بضحكه هاديه كان ماسك كف ليله ملكش دعوه بيهم يا رخم

ايمي…..بابتسامه عاجبك كده بقولك ايه احنا نطلع علي الجوز دول حسب الله و عبد العال ايه رايك

ليله…. بابتسامه هاديه ماشي

رشيد…لا بقولك ايه يا ست لولي انا مش متعود عليكي هاديه كده فوقي و روقي

ليله…..بابتسامه خالص والله انا زي الفل الحمد لله

فضل…..ليله شكلها تعبانه و محتاجه تنام

رشيد…..انت بتطردنا بالذوق ولا ايه يا عم احنا لسه جايين طب مش ماشي بقي

فضل….بضحك ما انتوا لو اتطردتوا هطرد معاكم

ليله….لا خالص والله انا اصلا امبارح نمت كتير اوي انا صاحيه الساعه واحده علي تليفون تقي و بجد مضايقه اوي لاني مروحتش المطعم بدل ريهام زي ما وعدتها

ايمي….محمود راحلها متقلقيش

ليله….ايوه ماهو راح بعد ما خلص النيابه هو كمان كان مشغول

ايمي….ماهو انتي في كل الاحوال مكنتيش هتعرفي تروحي بعد اللي حصل ده فا كويس انه خلص وراح

رشيد….يلا تتعوض و الحمد لله انها جات سليمه

ايمي….طمني علي بنت علي يا عشري

عشري……احسن الحمد لله بس لما شوفتها كانت عماله تقوم و تنام بسبب البنج بس الدكتور قال انها بخير لما كلمت علي قالي بس انها زعلانه وعماله تعيط لان بعد بكره عندها امتحان

ايمي…اه صح في امتحانات شغاله الوقت طيب هي مش هينفع تروح خالص