لقاء كارثي

نعيمه…..فا والله الموقف مكانش حلو خالص علي اي حد و بعدين انتوا عارفين كويس ان لو في حاجه غير كده هعرفكم بس الموقف ده بالذات خلاني مش قادره انطق اصلاً

نسمه….بهدوء اشرب يا نوني

سلمي….بس راح بيه فين كل ده يعني من واحده لاربعه كتير اوي

ايه…..و ازاي اصلا اتقبض علي مريم؟

ايمي…..اه صحيح ازاي اتقبض عليها يا ليله لقتوها فين

ليله….بهدوء بصتلهم هو مبدأياً عمر اتخطف من 12 ونص بالظبط تقي كلمتني انا علي واحده قالتلي ان قمر اتصلت علي وليد و قالت عمر تاه منها جريت علي هناك بسرعه و انا من جوايا عندي احساس قوي ان عمر مش تايه و كنت حاسه ان الموضوع وراه مريم روحت و قلبنا الدنيا في المول و بره المول مسيبناش محل غير لما دخلنا فيه و سألنا عليه تقريباً من كتر ما روحنا و جينا قدام المحلات صعبنا عليهم و بقوا يسألوا وليد لسه ملقتهوش

الوقت كان بيعدي ببطئ فظيع مكنتش عايزه اقف قدام قمر او سامح كنت هموت عشانهم و لاول مره احس اني مش عارفه اتصرف لحد ما بعتتلي الصوره زي ما نعيمه قالت اتصلت علي الرقم و هي اللي ردت اتكلمنا كتير و قالت كلام كتير

و بعدها قالتلي انها مبسوطه اوي وهي شيفاني بجري و مرعوبه عرفت انها بره و شيفاني كانت شايفه انها لعبتها بذكاء يعني و فرحانه اني لوحدي من غيركم و من غير عشري قالتلي بصراحه انها استغلت الفرصه او بمعني اصح كانت قاصده ان حوار أيه يجي مع حوار لخمتكم في افتتاح مصطفي مع انشغال عشري مع عدي او رهف

كانت مبسوطه و انا بطولي مع اخواتي بس قولتلها ترجع عمر و انا هروحلها بنفسي و تعمل اللي هي عيزاه قالتلي لما اللي خطفوا يلعب معاه شويه و طبعا تلميحها كان كفيل يكسرني ميت حته و لاني عارفه انها واصله للجنان في الانتقام كنت مرعوبه تعمل كده قفلت معاها و غابت شويه و انا سيبتها تفكر في العرض اللي قولتوا و غالبا فكرت و هي كانت قاصده تلعب باعصابي و قدرت بصراحه لحد ما لقينا بنتين داخلين علينا معاهم عمر البنت اللي شافت عمر كانت شافته الصبح في ايد قمر و سمعت كلام قمر و عمر ان ابوه مش هيقدر يجي و هيتاخر في شغلوا بليل و قالت ان الولد في محد يعرفوا عشان كده علق معاها و لما شافته مع الراجل خايف خدته منه و نادت علي شباب فا الراجل ركب عربيته و خاف طار من قدامهم