لقاء كارثي

عشري….لا مقولناش لحد خالص

نسمه…حقكم عليا والله و نعيمه لما كلمتها مقالتليش متقوليش اصلا كنت فاكره ان البنات معاكم

حسان…..مش فاهم يعني كنت هتخسر ايه صحيح لو قولت الافتتاح كان لحد بليل يعني احنا اصلا سيبنا مصطفي و هو لسه هناك

عشري…..يا ابني افهم انتوا خارجين من النيابه علي اربعه تقريبا و حوار رهف ده كان من واحد و حتي جوار ابن اخت ليله كان نفس التوقيت وانتوا خرجتوا بعد العصر هتيجوا امته و ترجعوا امته مكانش ينفع

وبعدين انا بعت سليم و عدي لما كل ده كان خلص و انا والله لو كان فيا دماغ بعد اليوم الطويل ده كنت جيت بس مش قادر والله و مكنتش هقدر اسيب ليله في الحاله دي

حسان….طيب طمني رهف بخير

عشري…..زي الفل خرجت من العمليات والدكتور طمننا و عدت الحمد لله

سلامه….هي كتفها بس

عشري…..اه الحمد لله

سلمي….طيب انتي طمنيني عليكي انتي شكلك مش كويس خالص

ليله….بابتسامه انا بخير يا سلمي والله الحمد لله

ايه….هو ايه اللي حصل طيب هي بجد اللي عملت كده في رهف و عمر يعني ازاي عملتها دي هي بروحين

رشيد….بضحك بروحين ازاي يعني

ايه….ماهي غريبه بصراحه دي لو زعيمه عصابه مش هتعرف تظبطها كده و كمان لحقت امته ده امبارح لسه ملبساني مصيبه و كمان ايش عرفها ان قمر نازله بعيالها

فضل…..واضح انها كانت مخليه حد يراقبها

ايه….حتي لو عامله كده ازاي جاتلها الفكره بسرعه كده يعني اللي بيراقب لو بلغها انها نزلت امته جات علي بالها الفكره

رشيد….زي ما جالها الفكره اللي دخلت عليكي بيها يا ايه

ايمي….ليله قالتها في الاول و طلع معاها حق مريم كانت عارفه كويس هتبدأ بمين و مين اللي هتخليه بعدين و اهي بدأت بيكي و بقمر و برهف

ايه…..نهار اسود انتوا مصممين ليه تطلعوني هباه و يضحك عليا

ايمي…..بابتسامه مش هبله يا قلبي اقصد ان انتي و نودي تقدر تجيبكم بسهوله هتامنوا ليها يعني و قمر و اميمه مفيش اغلب منهم

عشري…..علي فكره هي مكانتش قاصده رهف ولا كانت في حسابتها الموضوع جه صدفه مش اكتر هي كانت باعته صوره عدي للواد اللي مسكتوا و فعلا كان هيخبط عدي بس اللي لحقوا رهف بعدته و اتخبطت هي

ايمي……احييييه كانت عيزاك انت يا عدي

عدي….بابتسامه شوفتي بقي

سلمي….ايه بجد الشر ده دي مش طبيعيه و بعدين ازاي بجد تخطف ولد صغير يعني حتي لو هنقول عندك مشكله مع ليله و عشري ايه ذنب الاطفال في الموضوع