لقاء كارثي

ايمي…..لا بصي انا مش قادره اعيط

رشيد….ايه يانوني الموقف عدي خلاص مش عايزين نفكر ليله

فضل…بابتسامه هاديه خلاص يا نوني

سامي….بابتسامه انتي بتعملي كده يعني عشان منمسكش فيكي خلاص يا ستي مش زعلانين منك

نعيمه….بدموع لا والله مش كده بس بجد الموقف ده كان بشع انا لما شوفتها خارجه من اوضتها بتجري بالترنج فكرت في حاجه تحت في عربيتها كنت صاحبه من النوم اصلا لقتها بتقولي عمر ابن قمر مش لاقينوا فتحت وجريت نزلت علي السلالم بقيت انادي عليها عشان افهم او اعرف اروحلها فين مردتش جريت لبست بسرعه و اتصلت علي اميمه كانت منهاره و عرفت مكانهم و قتها اتصلت بفضل عشان اقولوا بس فضل مردش كان وقتها بردوا حصلت الحادثه مع رهف و هما اتشغلوا بيها بصراحه متصلتش تاني وروحت وراها علي هناك اتسحلنا بقب كلنا عياط قمر وجع قلبي و كنت خايفه علي اميمه اوي لانها بتتعب بسرعه و سامح بجد الله يكون في عونه كان في حاله صعبه واقف مش بينطق و مصدوم احمد جوز اميمه و وليد اللي عمالين يجروا في كل مكان مع ليله

كل ثانيه تعدي اقول الوقت يلاقوه وهو مش بيظهر ولما جابوا التسجيلات و عرفنا انه خرج بره النول مع واحد و كمان لابس كاب و ماسك وقتها انا قولت عمر مش هيرجع اصلا قمر و وسامح و هما بيشوفوا كنت حاسه ان في حد هيرجالوا حاجه قمر مكانش علي لسانها غير ياريته مات علي الاقل هعرف هو فين

ايمي…..بتاثر بعد الشر

نعيمه…. الكلمه دي رعبتني بجد و معاها حق يعني اي حد بيموت بنعرف مكانه لكن يتخطف او يتوه لا مرعبه وطبعا كل ده كوم و الرعب اللي ليله كانت فيه كوم تاني كنت حاسه ان ليله هتقع من طولها و مش عارفه اعملها ايه عماله تقولي خليكي مع اخواتي و انا مش قادره اشوفها بتجري و رايحه جايه تدور و ليد و تقي و حمزه ابن اميمه قلبوا الدنيا

وكل ده كوم ولما مريم بعتت لليله صوره عمر كوم تاني مصوراه و في راجل حاطت ايده علي وشه و قالت لليله كلام قذر ان الشاب ده هيعمل في حجات ووو سكتت و هي بتمسح دموعها يعني بجد الله يكون في عونها انا مقدرتش اتحمل الموقف بصراحه اعصابي كانت بايظه و هي كانت هتتجنن وخايفه ان مريم تخلي الراجل ده يعمل كده في عمر بجد

ليله كانت بتسمعها و عماله تهز في رجلها و باصه للارض و هي بتنفخ دخان السجاير