لقاء كارثي

عشري….. بابتسامه و انت عايز ايه يا عدي

عدي…..انا عايز لما تقي تخلص امتحاناتها و تاخد الاجازه اتقدملها رسمي يعني فاتحه شبكه و بعدها بوقت بسيط قبل ما تبدأ السنه الجديده انا عايز اتجوز تقي

بصت ليله بصدمه و هي مبتسمه

ليله….طيب و انت شايف يا عدي ان دي خطوه صح يعني انها تتجوز وهي لسه قدامها سنه ده مش هيعطلها او المسؤوليه تخليها متقدرش تكمل او تفضل تعيد

عدي…..بابتسامه لا ليله انا متعلم و اكيد حابب ان البنت اللي هرتبط بيها تكون متعلمه و تقي موصلتش لكل ده عشان في الاخر بسببي تعيد او متكملش انا هكون معاها و هتكمل و هتنجح و هتحقق كل اللي هي عيزاه تشتغل او تعمل مشروعها الخاص هي حره عمري ما هوقفها بالعكس انا وهي هنكمل وهنكبر سوا و اكيد انا قد كلمتي و عمري ما هخذل عشري قدامك او قدام وليد ولا هخذل ابويا و لا هخذل تقي نفسها انا بس حابب اننا نتجوز و نكمل مع بعض انا مش صغير يعني 28 سنه اه تقي لسه شويه عليها وعارف انك خايفه عليها بس انا حابب اننا نبدأ مع بعضكل حاجه و اي حاجه عارف ان وليد ممكن يعترض بس اكيد كلامكم معاه هيخايه يوافق بصي يا ليله انا بحب تقي و هي البنت اللي عايز اكمل معاها يعني انا واثق في قراري والا مكنتش هفتح الموضوع ده الوقت

ليله…..بابتسامه ايه رايك يا تقي في الكلام ده

بصتلها تقي و ضحكت وهي وشها كله احمر

تقي….اااا مش عارفه

عشري…..مش عارفه ايه موافقه علي كلامه ولا حاسه انك مش هتقدري

ليله…..بضحكه تجنن لا ما انتي لازم تتكلمب يعني مش وقت كسوف

ابتسمت تقي وحطت ايدها علي وشها

عدي….بابتسامه ضحك عليها طيب بلاش تقي الوقت لاني وعدتها اتكلم انا بدالها بس افتكر يعني انها لو معترضه هتقوا معترضه كمان تقي هتبتت معاكي تقدري تتكلمي معاها براحتك و تشوفي رايها

عشري…..ايوه يعني ايه بقي كنا متقرطسين احنا ولا ايه

ليله….بضحك اه صحيح اتغفلنا صح

عدي….بصحك لا بقولكم ايه انتوا كنتوا عارفين و حاسين

ليله….. بابتسامه طيب بصراحه اه و يمكن انا كنت عارفه ان تقي عيزاني في كده هي قالتلي محتاجهاتكلم معاكي بس طبعا بسبب اللي كان حاصل مجاتش فرصه نتكلم و عموما يا عدي انا مش محتاجه اقول رايي فيك او في اهلك لان انا بقيت من العيله خلاص و وليد اكيد مش هيعترض عليك مش بس عشان انت اخو عشري خالص عشان انت شاب متترفضش و محترم و كفايه اوي القاعده اللي احنا قاعدينها دي تثبت انك جاد مع تقي و حتي راي تقي بيتهيألي واضح من غير ما نتكلم و لو علي وليد متقلقش حتي لو عنده تحفظ علي جزئيه دراستها انا اقدر اقنعوا
بس انا عيزاكم تفكروا اكتر في الخطوه دي و خدوا وقتكم انتوا لسه صغيرين و مفيش داعي للاستعجال يعني انا رايي ممكن نعمل خطوبه و يبقي في ارتباط رسمي عشان انت وتقي تكونوا مرتاحين و تستنوا السنه دي تكتشفوا بعض تعرفوا طباع بعض هي تتقبل عيوبك قبل مميزاتك وانت كمان خلال السنه دي تقدر تخلص باقي الشقه هي تخلص دراستها في مواقف يا عدي و تفاصيل بسيطه بتكتشفوها في بعض و بتبقي فاصله في مستقبلكم بتشوفوا هتقدروا تكملوا ولا لا