لقاء كارثي

نادين…..و هو ده اللي بتكلم فيه ليه تقولك اصلا متعرفيناش بصت لليله و كملت كلامها و هي باين عليها انها زعلانه بجد انا عارفه كويس اوي يا ليله ان انتب طول عمرك بتحبي تواجهي مشاكلك و اي حاجه تخصك لوحدك و عارفه كمان انك مش بتحبي تقولي فيكي ايه و لا بتحبي شعور انك محتاجه حد يساعدك

بس احنا كلنا يا ليله لما بيحصل معانا اي حاجه بنجري عليكي او بنجري علي بعض عموماً انا عن نفسي لما بقع في اي مشكله او اي حاجه مش عارفه اتصرف فيها بقولك بقول لايمي بقول لسلمي او لنعيمه او ايه و اظن حقنا عليكي ان انتب كمان تشاركينا زي ما احنا بنشاركك حتي لو من بابا المعرفه ياستي شايفه ان انا ممكن مساعدكيش او ايه او سلمي بس مش جايز نساعدك بفكره او نساعدك بوجودنا جنبك و انك متحسيش انك لوحدك بس اللي حصل ده انا اسفه بجد شيفاه تقليل مننا او خليني اتكلم عن نفسي يا ليله انا مش عاجبني اللي حصل و مش موافقه عليه كمان فكره اني اسمع منك و من نعيمه كل اللي حصل ده و انا اخر من يعلم بعرفوا زيي زي الغريب يعني لو نسمه مكانتش غلطت قدامنا مكناش هنعرف هنخلص الافتتاح و نرجع بيوتنا كده عادي

دي نسمه اتفاجئت لما لقتني اتصدمت كانت متخيله بحكم قربنا من بعض اننا اكيد عارفين اللي حصل

نسمه….نادين بجد انا اسفه والاه العظيم انا لو كنت اعرف ان كلامي هيعمل بينكم زعل مكنتش اتكلمت

نادين…..متتأسفيش علي حاجه انتي مغلطتيش فيها لان الطبيعي اننا نكون عارفين

عسال…طيب ممكن خلاص و بلاش نكبر المواضيع و الاهم اننا اطمنا عليهم ولا ايه

نادين….لا يا ميدو انا مش بتكلم غلط و لا بكبر المواضيع زي ماهي موجوده في حياتنا في الوحش قبل الحلو احما كمان لتزم نكون في حياتها يعني ايه بجد تقول لنعيمه متعرفيش البنات طب ايمي و هنفهمها انما احنا ليه منبقاش جنبك ليه منعرفش

عشري….بابتسامه طيب ممكن تهدي

حسان….نودي خلاص هو كده كده الحوار خلص

نادين….هو فعلا خلص بس خلص بطريقه مش حلوه يا حسان

سلمي…..نادين طيب علي الاقل نراعي اليوم الصعب اللي هي مرت بيه و بعد كده نتعاتب براحتنا

نعيمه…..نادين هو انتي مضايقه ان انا عرفت و كنت جنبها و انتي لا

نادين…..بعصبيه و هي صوتها مهزوز و مخنوقه بالعياط حقيييي حقي في ليله يخليني أضايق ااااااه مضايقه يا نعيمه بس مش عشانك مضايقه عشان هي اختارت انها متعرفناش و لو هضايق منك فا هضايق انك سمعتي كلامها