لقاء كارثي

انتوا الوقت مبسوطين و العلاقه عشان جديده كل واحد فيكم هيبقي بيظهر احلي حاجه عنده مش قصدي انكم بتمثلوا علي بعض بس تسمع عن حلاوه البدايات هي دي الفتره اللي انتوا فيها هي هتبقي عايزه تعمل كل حاجه حلوه عشانك و انت كمان هتبقي عايز تسعدها لسه طاقه الحب هي اللي مسيطره عليكم

لكن السنه اللي هيبقي فيها ارتباط او خطوبه هي دي السنه اللي هتظهر فيها كل حاجه عصبيتكم خناقكم مواقفكم طباعكم صفاتكم هتمروا بأوقات صعبه لو قدرتوا تتخطوها بكل سهوله هتعرفوا تكملوا بعد كده

هتتحملوا عصبيه بعض تقي هتفهم حدودها جايز الوقت هي ليها دماغ بس في الارتباط لازم تعرف ان الراجل كلمته بتمشي و اوقات بتعارض دماغها لازم تعرف انها اوقات مطلوب منها موجها يبقي عالي و اوقات تانيه لازم تهدي الموجه لازم انتوا الاتنين تعرفوا امته تكبروا المواضيع عشان هي تستاهل انها تكبر و امته نعدي عشان الموضوع تافهه صدقني يا عدي انا عارفه انك جاد و عارف انت عايز ايه بس تقي لازم تحط رجلها علي ارض صلبه مش معاك مع نفسها و كلامي ده مش معناه قلة ثقه في بنت اخويا بالعكس بس لازم تبقي واثقه من جواها ان عدي هو القرار الصح تبقي واثقه انها متقبله عصبيته غضبه تقلباته الجد بتاعه التصميم علي الرأي قبل ما تتقبل حبه و كلامه الحلو و وقفته في ضهرها ديماً باختصار لازم تشوف عيوبك قبل مميزاتك و دي حاجه مهمه اوي عشان لما تاخدوا خطوه جد تبقوا حافظين بعض انا مش مع الجواز بدري بس مش معني ده ان اغلب الجواز بدري فاشل بالعكس بس علي الاقل خليها تخلص السنه دي و كفايه اوي تبقي لابسه دبلتك
ومرتبطه رسمي قدام الكل

و خلال السنه خططوا و ارسموا مستقبلكم زي ما تحبوا جهزوا البيت فكروا في شغل اكتر لو حابين تعملوا حاجه خاصه بيكم تخلص دراستها علي الاقل عشان تبقي مركزه معتك وبس ميبقاش في خناق و زعل وغيره انا نازله الجامعه انا واقفه مع صحابي انا انا انا وقتها هتبقي مراتك وغيرتك عليها حقك بس كمان ممكن يبقي ليك قرار مش حلو و تبدأ المشاكل طيب ليه ما نخلص براحتها و نركز مع بعض اكتر نتقبل بعض اكتر و احنا معاكم اكيد و انا اول واحده هدعم علاقتكم دي

عشري….بابتسامه و انا مع ليله في كل كلمه خلي تقي تخلص دراستها براحتها و تشوف هي عايزه تعمل ايه بعد الدراسه خليها تحقق نفسها وبعد كده خطوه الجواز هتيجي هتيجي لو علي الارتباط فا بعد فرحنا يا سيدي تكون هي خلصت و نروح نتكلم مع وليد و لو وافق نلبسها شبكتها وبعدها تسيبها في دراستها من غير اي تعطيل منك لان وقتها انا اللي هقفلك و خلال السنه بتاعتها تكون انت جهزت البيت كله زي ما هي عايزه و براحتك و هي براحتها و لما تخلصوا خالص انتوا احرار مع بعض و زي ما ليله تكونوا عرفتوا بعض اكتر انا وليله اكبر منكم بكتير و حضل بينا مشاكل كتيررررر بس المشاكل دي اللي هلتني اتمسكت بليله اكتر و ليله كمان اتمسكت بيا