لقاء كارثي

نادين….جميل طيب فين فرصتنا في ان عقلنا يبقي معاها…

ليله….بتنهيده طويله خلصتي يا نادين ولا لسه جواكي حاجه تاني عايزه تقوليها

بصتلها نادين بزعل و متكلمتش

ليله….طيب بصي يا ست البنات احممم اولاً انا عمري ما شوفت واحده فيكم ضعيفه او مقدرش اتسند عليها لو عندي مشكله و لا عمري شوفت واحده فيكم ميعتمدتش عليها و لا عمري يا نادين فضلت حد فيكم عن التاني

نادين…انا مقولتش فضلتي

ليله….طيب اخلص كلامي انا سيبتك تقولي و تطلعي كل اللي جواكي عشان انا شيفاكي مضايقه من وقت ما دخلتي و حقك طبعا بس اديني فرصه علي الاقل ادافع عن نفسي و اغير نظرتك اللس شوفتيني بيها دي

نادين….نظره ايه يا ليله انا مقولتش اني نظرتي اتغيرت فيكي في اي حاجه انا بس مضايقه من موقف و قولتوا

عشري….بابتسامه طيب خليها تتكلم مالك متعصبه كده ليه انا اول مره اشوفك كده

نادين…..عشان بجد مضايقه يا عشري

عسال….بضحكه جميله طيب خليها تتكلم يا روحي قولي يا ليله

نادين…..بصي يا نادين يمكن لو هتكلم علي اليوم ده بالذات فا انا حقيقي مكنتش في وضع يسمحلي اني افكر استنجد بأي حد حتي لو كانت الشرطه انا عقلي وقف مكنتش بفكر في اي حاجه غير اني الاقي عمر و اوصل لمريم و مش تقليل منك او من البنات او من الشباب
او عشري بس صدقيني وجودكم مكانش هيعملي حاجه هتقوليلي نطمنك نبقي جنبك نشيل عنك نطبطب عليكي هقولهالك قدام الكل

وجودكم انا اسفه لا كان هيطمني و لا هيشيل عني و لا طبطبتكم عليا كانت هتريحني للن انا كنت فاصله تماماً مكنتش بفكر غير في كل ثانيه بتعدي و عمر مش بيرجع كل الافكار الوحشه اللي تتخيليها جات في دماغي و زادت اكتر لما اتاكدت من شكي و طلعت مريم اللي وراها

يعني و جود اي حد جنبي مكانش هيعمل اي حاجه انا نفسي مكنتش عارفه اعمل حاجه الشرطه واقفين مش عارفين يعملوا حاجه فا اكيد مكانش عندي دماغ اني افكر في اي حد ..

ثانياً لما طلبت من نعيمه متقولش لحد كان عشان اللي هي قالتوا ايمي مكنتش عيزاها تعرف لانها لو عرفت مش هتقعد وهتيجي و لااسف يرايت وجودها هيعمل حاجه او يرجع عمر لا ده هيوترها هيتعبها مجهود عليها ضغط و قلق و لو حصلها حاجه كنت هعيش بذنبها

وانا مكنتش هتحمل ده ابداً و بالنسبه ليكم انتوا خلصتوا نيابه متأخر و المفروض كنتوا هتروحوا لمصطفي و انا صعب عليا مصطفي يا نادين يعني شاب لسه في بدايه حياته بيفرح و بيحقق حلم ليه صعب اوي انه في اكتر يوم محتاج ليكم فيه و محتاج اخواته يبقي شايف انكم مش معاه او اللي معاه واقف مش علي بعضه و دماغه في حته تانيه طيب هستفاد ايه لما تعرفوا و وجودكم مش هيعمل اكتر من اللي الشرطه هتعملوا .