لقاء كارثي

رشيد….عامله عمليه يا ايمي هتروح ازاي

ايمي…..ايوه بس في ايدها مش رجليها يعني لو اتكتبلها خروج بكره ممكن تروح عادي ولا ايه

رشيد…..بيتهيألي صعب تتخبط ولا حد يقرب من ايدها مش هتقدر

ايمي……ممكن يتعملها لجنه خاصه و بعدين في حالات بيهتموا بيها اكيد هي ايدها اليمين ولا الشمال

عشري….بتفكير انهي ايد يا فضل

فضل…الشمال تقريبا

ايمي….طيب يعني تقدر تكتب

عشري….والله يا ايمي مش عارف بس ممكن يبقي صعب ياستي خليها احسن بدل ما تتعب اكتر مجاتش علي ماده بعني حتي لو شالتها باذن الله تعوضها

ايمي…..هي سنه كام

عشري…..في اخر سنه

ايمي…..ياعمري لا حرام هي اكيد نفسها تخلص و تتخرج لو تقدر تروح شجعوها يعني الامتحان مش هيقعد اكتر من ساعتين تتحملهم و تعمل اللي عليها عشان مجهودها طول السنه دي ميروحش علي الفاضي

عشري….هنشوف بس الدكتور هيخرجها امته

ايمي…..منها لله اللي كانت السبب ذنبها ايه تضيع مستقبلها دي

رشيد….ولا ضاع ولا حاجه بامر الله تقدر تروح و لو مراحتش اكيد فيها خير ليها المهم انها بخير

فضل….الحمد لله.

سمعوا رن كتير علي الباب

تقي…ايه ده في ايه

عشري…..تلاقي العصابه وصلوا ماهما قالوا جايين

فضل….خليكي يا تقي استني

قام فضل فتح الباب لقي الشباب كلهم وصلوا و معاهم البنات و كمان سليم وعدي عشان عشري قالهم يجوا عشان ياخدوا الشنط بتاعت ليله كاها معاهم في العربيه وهما راجعين لان الحاجه كانت كتير و طبعا نادر و نسمه راحوا يطمنوا علي اختهم و علي ليله اكيد
دخلوا البنات بلهفه سلموا علي ليله و نادين سلمت بهدوء و بعدين الشباب سلموا علي الكل ابتسمت تقي لعدي بهدوء .

و بعد ما خلصوا سلام قعدوا كلهم مع بعض.

حسان…..بعتاب كده يا عشري كده متعرفناش

عشري…حقك عليا والله لو كنت عرفتك كنت جيت و اتشغلت معايا و ميدو و سلامه كمان لو عرفوا كانوا جم و مصطفي اللي كان هيتسوح

سلامه….متستعبطش القصه دي دايره من الصبح سليم قالنا يعني كنا هنبقي معاك و بليل نروح لمصطفي و بعدين مصطفي مش عيل يعني كان هيقدر الموقف

عشري….بص لسليم حكيت القصه

سليم….بضحك والله اضطريت بس مش انا اللي قولت

نسمه….بابتسامه بصراحه انا اللي قولت لنادين بس كنت بتكلم عادي فكراهم يعرفوا لقتها مصدومه و سلمي اتصدمت هي و ايه و بعدين اكتشفت ان محدش فيهم عارف حاجه انا قولت ادام جم الافتتاح يبقوا اطمنوا و اكيد عارفين