لقاء كارثي

ثالثاً بقي و ده الاهم يا نادين انا يمكن اتعودت من صغري اشيل هم نفسي مبعرفش اشيل همي لحد مبحبش اوجع دماغ اي حد بمشاكلي

خصوصا لو هقدر انا اخلصها و اقدر عليها بس مش معني ده يا نادين اني بدي لنفسي الحق اتشارك معاكم في اي مشكله تخصكم و ابعدكم عن المشاركه في مشاكلي و امنعكم من الوقفه جنبي و ابسط دليل علي كلامي ..

اليوم اللي مريم ظهرت فيه و ركبت معايا و هددتني بكل الكلام اللي سمعتوا ده كان قدامي حل من اتنين يا اسكت و متكلمش و اعتبر كلامها هواء و محاولش اني اقلقكم او اشغل دماغكم بكلام فارغ او اني اشارككم معايا و اخد كلامها جد و مستهترش بيه…

اليوم ده انا تقريا منمتش كنت عماله افكر اعمل ايه بس في لحظه معينه حسيت فيها ان المقابله دي كانت اكبر مني اكبر من اني اشيل لوحدي اكبر من اني اخبي اكبر من اني اقول مشكله بسيطه و انا هحلها او اخد بالي منهم من بعيد لبعيد و احميهم و اخد حذري يمكن تكون بتتكلم جد و هتنفذ تهديدها…

بس في الاخر انا معملتش كده يا نادين لاسباب كتير اولهم انا مكنتش هقدر احميكم كلكم مكنتش هقدر اركز مع الكل لاني مش شخص خارق انا بني ادمه عاديه اه ممكن وقت الجد اتصرف بس في حجات لو فكرت اني ممكن اعملها ابقي بضحك عليكم و علي نفسي

مهما كان الشخص يبان قوي جامد بيعرف يتصرف بس كل ده ليه حد معين و انا شخص بيعرف حدوده

و لما فكرت قولت لا سواء كلامها مجرد تهديد او في احتماليه لتنفيذه قا انتوا لازم تعرفوا و جريت عليكم يا نادين لما حسيت ان الموضوع اكبر مني جريت عليكم لما حسيت اني محتاجه اشارككم واخد رايكم

يعني مش زي ما انتي بتقولي يا نادين اني مش بشارككم مشاكلي بس انا بختار امته اشارككم بحاجه تستاهل و بحاجه اكبر مني و امته احلها من غير ما اوجع دماغكم و اقلقكم..

و كان معايا حق يا نادين اني قولت
لاني لو كنت استهترت بكلامها كنت هندم و هشيل ذنبكم لو حد فيكم حصل معاه حاجه يعني كان ممكن اوي ايه تنزل شغلها و تاخد في ايدها هنا و ابوها مينزلش معاها
لانه وقتها مكانش هيبقي عارف حاجه ولا هي كانت هتبقي حاطه في دماغها ان في لعبه بتتلعب عليها.

تخيلي بقي لو مكنتش قولت و أيه نزلت علي عماها و هي متعرفش و ابوها مش عارف تخيلي مثلا لو سلامه ميعرفش مكانش هيفكر ثواني انه يتصل بسرعه علي حسان و تامر و الشباب و يعملوا حسابهم لكل ده وقتها أيه كانت هتبقي بطولها و معاها طفله و بتتعرض للموقف ده لوحدها و ياعالم كان ممكن يحصل ايه ؟