لقاء كارثي

حسان…..هي عمرها ما هتفكر بالطريقه دي يا سلمي هي كل اللي يهمها انها تشوف مين اكتر حد ممكن يوجع ليله او عشري و تأذيه زي ما قالت كده في التسجيل بتاعها

عسال…..طيب انا بردوا مش فاهم هي ازاي خطفت الولد يعني هو عادي بيروح مع اي حد

تقي……لا خالص عمر فاهم انه مينفعش يروح مع حد غريب بس هو الراجل ضحك عليه عمر قال انه تقريبا قالوا يختار معاه لعبه لابنه عشان عيد ميلاده و اقنعوا في النهايه عمر طفل و راح معاه و عمتو قمر بتقول ان عمر كان زهقان اصلا و عايز بباه يجي عشان يلعبوا فا كان مضايق انه مش هيقدر يكون معاهم عشان شغلوا وراح معاه علي تحت اصلا الراجل في الكاميرات كان ماشي قدامه و مش ماسك ايده عشان لو عمتو شافته يعرف يمشي بسرعه و فعلا نزل معاه راحوا وقفوا قدام محل لعب ثواني وبعدين شاورله علي الباب عمر قال انه قالوا طيب في محل احلي واكبر بره و خرج معاه و بعدين ظهر في الكاميرا الخارجيه انه ماشي بسرعه علي الرصيف وسط المحلات بعدين اختفي .

ايمي….بصت لليله خدي بالك انا زعلانه منك بس هعديها عشان انتي مش ناقصه مش فاهمه ازاي كل ده يحصل و متعرفيش حد فينا

سلمي…ده بجد بقي والله ايمي معاها حق

ليله…كنتوا هتعملوا ايه بس احنا نفسنا مكناش عارفين نعمل حاجه

ايه…..علي الاقل نبقي معاكم يا ليله

ايمي….والله بجد مضايقه منك اوي

ليله……حقك عليا والله.

نعيمه….هي كانت خايفه عليكي والله يا ايمي

ايمي…..بس انتي كمان عشان مش طيقاكي كلمتك مرتين يا جزمه و مهانش عليكي تقولي اصلاً انا مستغرباكي ازاي عرفتي تمسكي لسانك و تخبي عننا كلنا.

سلمي…انا كمان كلمتها و مقالتش حاجه و لا كان باين عليها اصلا ان في مشكله.

ايمي…..ده اللي هيجنني والله

رشيد…هي اتشغلت مع ليله اكيد

نعيمه….اولا ليله قالتلي مقولكيش يا ايمي عشان متخافيش او تيجي و انتي امبارح كنتي معانا و اكيد يعني مش عايزينك تتعبي او تتوتري ثانياً قالتلي مقولش للبنات و اقول لفضل ميقولش قدام الشباب لانهم خلصوا النيابه و المفروض كانوا رايحين لمصطفي و لو كانوا عرفوا مكانش حد راح وقف معاه بالكتير اوي كان اخواته هيروحوا وده بعد ما يطمنوا علي عشري و ليله كمان فا بصراحه كان معاها حق صعب عليا مصطفي والله و الاهم بقي من كل ده و الله يا ايمي الموقف اللي عيشناه انهارده كان موقف صعب يمكن من اصعب المواقف اللي عيشتها في حياتي و محدش فيكم يزعل من ليله لان بعيداً خالص عن موضوع مصطفي او انها تقلق حد فيكم بجد الله يكون في عونها الموقف كان مرعب و هي حالتها كانت وحشه جداً و اكيد مكانش عندها دماغ تقول لاي حد سكتت ثواني و بعدين كملت بخنقه عياط ..