لقاء كارثي

ليله…..الف سلامه عليها بس كده لازم تعملها با وليد هي علي طول بتتعب بسببها

وليد…..ما الدكتور قالي لازم تعملها لانها متضخمه جامد بس علي الصيق بقي و تكون في الاجازه كمان المهم انا بس قولت اعرفك و عشان تقي كمان كانت فاكره اني هرجع اخدها

ليله…..لا يا حبيبي خليك معاها عشان لو تعبت تاني و ملكش دعوه بتقي هي هتبات معايا

وليد….طيب طمنيني عليكي انتي كويسه

ليله…..بخير يا حبيبي متقلقش عليا

وليد…..انا لسه مكلم اميمه قالتلي ان قمر نامت و بخير

ليله….انا كلمتهم من شويه اطمنت عليهم و بكره بعد ما اصحي هروح اطمن عليهم

وليد…..طيب هتروحي امته عشان لو كده مجيش انا علي عندك واجيلك علي اميمه

ليله….انت ملكش دعوه بيا خليك مع بنت و مراتك انا كده كده هصحي اروحلهم علي طول عشان المفروض انا والبنات هنتقابل و نروح نشوف الفساتين و بعدين انت و مراتك و البنات بردوا لازم تجهزوا نفسكم يعني متجيش انا خلاص بخير ابداوا بقي جهزوا نفسكم عشان الوقت بيضيع مننا

وليد….ماشي يا ستي عموما انا بردوا هبقي معاكي بالتليفون

ليله…..تمام يا حبيبي سلم علي مها و بوسلي كنوزه كتير و بكره هتصل عليها

وليد…..ماشي يا قلب اخوكي يلا تصبحي علي الف خير

ليله…..وانت من اهل الخير باي

وليد….باي

قفلت ليله و بصت علي الشارع و هي بتاخد نفس طويل و بتغمض عينها كانت حاسه براحه بعد كل الضغط اللي عاشت فيه ده و فجأه لقت عشري وراها بيضمها و بيبوسها بهدوء من خدها.

ابتسمت ليله و بصتلوا باسها من جنب شفايفها

ليله….بهدوء اتلم يا بلطجي

عشري…..بابتسامه وقف جنبها وضم راسها لحضنوا حمدالله علي سلامتك يا قلب البلطجي يا احلي عروسه في الدنيا

ليله….بضحكه سخريه عروسه بذمتك علي راي ايمي ده منظر عروسه

عشري….اه منظر عروسه و هتبقي احلي عروسه في الدنيا كلها شافتها عيني و هتشوفها عيون الناس كلها

ليله….عارف لو انا ضامنه انك مش هتزعل بجد كنت هقولك نأجل الفرح

عشري…. بابتسامه هو انا اكيد مش هزعل منك و لو انتي شايفه ان دي رغبتك بجد هعمل كده عشانك لان انا عارف انك مش كويسه و اللي حصل خلال الكام يوم دول مكانش حلو و لا سهل بس خلينا نتكلم بهدوء و عقل اكتر تفتكري يعني لما نأجل الفرح هيحصل ايه و هنأجل ليه اصلا عشان محتاجه مثلا اعصابك تهدأ او نفسيا تتحسني او تنسي كل اللي حصل ده حقك بصراحه بس بيتهيألي هتاخدي وقت
طويل لكن تسمعي نصيحتي