لقاء كارثي

ليله….بابتسامه طبعا اللي حابب فيكم يروح يروح طبعا بس انا عارفه ان سلمي في شغلها وايمي مش هتقدر روحي انتي معاهم

عشري…..اللي حابب يجي يا بنات يروح يعني لو تقي نسمه فاضيين و عايزين ينجزوا مع البنات يروحوا

نعيمه…..عندهم امتحانات دول

عشري…….اللي فاضي فيهم يجي معاكم

رشيد….خلاص اتفقوا مع بعض علي يوم بس الاول خلينا نخلص الاهم يعني الخوار ده ممكن يتعمل قبل يومين من الفرح مثلا بس عايزين بكره تاخدوا ليله و تروحوا معاها تشوفوا الفساتين ضروري

عسال….هو مفيش وقت فا لازم فعلا تنجزوا

عشري……بكره انا هاخد ليله و ننزل

ليله….بابتسامه مش هتيجي معايا

عشري…..ابتسم ورفع حاجبه لسه مصممه

ليله…..بقولك ايه انا علي اخري و مش هتيجي يعني مش هتيجي

عشري….بهمس هطلع عينك لو الفستان عريان

ليله…..طلع عيني طلع روحي انا مش باقيه علي حاجه خلاص

عشري….بضحك ايه مستبيعه خلاص

ليله…..والله مش عاجبك متعملش فرح انا اصلا نفسيا مش مؤهله لاي حاجه و بتلكك

عشري…..ماشي يا بنت المارديني اما نشوف اخرتها

ايمي…..لا خلاص احنا ننزل بكره بامر الله و انتوا بردوا حاولوا تنزلوا بكره و لو مش هتعرفوا تنزلوا مع بعض اللي فاضي يروح و يننجز بقي

رشيد….احنا هنظبطها مع بعض بس احنا امرنا سهل عنكم يعني بكره انتوا كده كده لازم تنزلوا

ايمي…..خلاص تمام

نعيمه…..وموضوع اللبس بتاع ليله زي ما رشيد قال يعني ممكن قبلها بيومين ولو ربنا كرم بكره و عرفنا نجيب الفساتين من اول مره هتفق معاك يا عشري و نيجي بدري عن كده

عشري…..طيب تمام اي وقت يريحكم عادي

رن موبايل ليله لقت وليد بيتصل بيها.

قامت بهدوء بعيد عن الدوشه و راحت عند البلكونه

ليله…..ايوه يا حبيبي

وليد…..اخبارك ايه يا قمر

ليله….بخير يا حبيبي انت كويس فينك كل ده

وليد…..انا بكلمك عشان كده حقك عليا مش هقدر اجيلك انهارده بس بكره الصبح هكون عندك

ليله…..لا طبعا براحتك بس قولي في حاجه

وليد….مها كلمتني و قالتلي ان كنزي سخنه اوي و عناله ترجع روحت خدتهم و نزلنا المستشفي حراراتها كانت 39 و عندها التهاب جامد و طبعا لسه راجعين اهو مش هقدر اجي

ليله…..يا عمري لا طبعا متجيش بس هي تعبت من ايه

وليد….والله ما عارف هي كانت كويسه بس الدكتور بيقول اللوز تعبانه اوي عملتلها صديد في زورها و كتبلها علاج