لقاء كارثي

نعيمه…..انا سمعت كلامها عشان هي كان معاها حق ايمي هتتعب متخيله يعني لو عرفت هتفضل قاعده في بيتها ما هي هتيجي و هتلف و مش هتسيب ليله و اخواتها و وقتها مش هتتحمل و انتوا كان عندكم نيابه من بدري و المفروض هتروحوا لمصطفي الافتتاح

نادين…..كان معاها حق في موضوع ايمي مختلفناش انما فينا احنا احنا بقي اللي نقرر هي معاها حق ولا لا

احنا اللي نقرر وقتها نجيلها ولا نروح لمصطفي

ايمي….ماهي لو واثقه يا نادين انك مش هتيجي و هتروحي لمصطفي كانت قالت

نادين……عشان الصح اني اكون معاها يا ايمييييي الصح اني مينفعش اروح افرح و احتفل و هي في مصيبه انا لو في نفس الموقف ليله مش هتسكت انتي لما اتجوزتي و حصلت المشكله بتاعتها هي و عشري انتي و رشيد رفضتوا تسافروا و صحابكم في مشكله و هما ردوها ليكم و خبوا عليكم عمليه عشري و تعبوا و ده الصح ان الصحاب يقفوا جنب بعض في الحلو و الوحش و انا ليا حق عند ليله مليش علاقه بيكم كلكم زعلانين و لا اهم عندكم انهم بخير انا بتكلم عني نفسي و اه زعلانه بجد اكيد يفرق معايا ان عمر بخير ان بنت اخوك بخير يا عشري بس ازعل بجد لما اعرف في الاخر زيي زي الغريب بعد ما كل اموركم تتحل

انا ليله ليها مواقف معايا مستحيل تتنسي و عملت معايا و عشاني كتير و حقها عليا اني اردلها ده حتي لو بقلقي عليها بس هي منعت عني الحق ده..

عسال….طيب يا روحي ممكن كفايه عشان خاطري الوقت علي الاقل

حسان….بهدوء سيبها يا ميدو خد بالك انا ساكت عشان مش حابب اضغطهم اكتر و شايف منظر ليله بس انا مع نادين هي معاها حق مش هعاتب الوقت و اصلا العتاب مبقاش ليه لزوم بس كان لازم نبقي مع عشري و مع ليله حتي لو بسؤال كان ممكن رشيد ميعرفش ايمي كان ممكن انت و سلامه تبقوا مع مصطفي و تفهموا الوضع و احنا نقسم نفسنا معاهم و لما الحوار يخلص نروح لمصطفي و نفرح معاه بس ده محصلش وانا مقدر عصبيه نادين بس كمان يا نودي اكيد الموقف لعشري و لليله كان اصعب من انهم يتكلموا و يعرفونا وقت ما بيحصل مصيبه العقل بيغيب

نادين…..صدقني يا حسان ده مش مبرر ادام في اطراف عرفت زي نعيمه و زي رشيد و فضل مكانش ينفع يتقالهم محدش يقول

نعيمه….نادين علي فكره في كل القلق الي كان حاصل ده ليله دماغها كانت مع الكل انا لو مكانها بصراحه مش هفكر غير في المصيبه اللي انا فيها بس ليله عقلها كان معاكم و انتوا في النيابه و عقلها في ايمي اللي كانت مرعوبه عليها و في سلمي كمان لانها هددتها بردوا بسلمي و كان عقلها في ريهام اللي وعدتها تروح بدالها اليوم ده و تبقي اجازه و عقلها مع مصطفي اللي افتااحه انهارده و لما عرفت علي رهف بقي عقلها مع عشري غير عمر اللي اتخطف