لقاء كارثي

ليله….بابتسامه اسمع

عشري….رجع شعرها لوراء و هو باصصلها بحب اعصابك هتهدأ و نفسياً هتتحسني و هتنسي كل اللي حصل بس وانتي في حضني انا هعرف اعمل كل ده و هعملوا ازاي نتجوز في المعاد و نعمل فرحنا و بعدين اقولك بقي هعمل ايه

ابتسمت ليله و ضحكت و هي بترفع حاجبها بهدوء.

ليله….امممم شايفه يعني انك بتحاول تقنعني بالعقل

عشري…..بضحكه تجنن غمزلها والله انا شايف واحده بتحاول تخلع من الفرح و بتحاول تأجل مش عشان نفسيتها تعبانه زي ما بتقول بس عشان في واحده بدأت تعمل زي العرايس و تتوتر و تخاف و تبقي جبانه

ضحكت ليله بهدوء و بصت بعيد

عشري….. بابتسامه وووو و تتكسف و تقلق كده يعني صح ولا ايه

ليله….. بابتسامه وشها احمر هو انت مش ناوي تبقي مؤدب شويه

عشري…..بابتسامه من المرات القليله اوي اللي بشوفك فيها مكسوفه و بصراحه بحب انا الجزء اللي محدش بيشوفوا غيري ده

ليله…بضحك و توتر بقولك ايه لو فضلت ترخم عليا كده هدخل و اسيبك و هتلكك بجد و هبوظلك الفرح

عشري….بضحك شوفتي بقي اني حافظك تعالي يا قلب عشري خلاص انا هسكت و هبقي مؤدب بس ده لغايه الفرح بس و بعدها انتي بتاعتي

ليله….بضحك بصتلوا و هو انا مش بتاعتك الوقت

عشري…..لا بتاعتي طبعاً بس بعد فرحنا هتبقي بتاعتي اكتر

ليله…بتوتر اااا طيب احممم انا هدخل عشااان

مسكها من كفها و رجعها لحضنوا دخلت ليله في حضنوا و مسكت في هدومه و هي مغمضه عينها

عشري……طيب انا هسكت والله خلاص و هغير الموضوع كمان قوليلي بقي مش ناويه بردوا تاخديني معاكي بكره

بعدت عن حضنه و هي لسه مكسوفه..

ليله….لا انت اصلا عايز تيجي ليه عشان تضمن انك تشوف الفتسان بعني عريان ولا لا

عشري…..والله ابدا انتي عارفه ان مش قاصد كده بس يعني اكيد لازم اكون معاكي

ليله…لا مش لازم اصلا لو جيت مش هخليك تشوف الفستان لازم يكون مفجأه و كمان مش بيقولوا انه فال وحش العريس يشوف الفستان عايز تيجي ليه بقي

عشري….طيب ما انا ممكن اجي و مشوفش الفستان

ليله….لا انت هتروح تجيب بدلتك و تشوف كل اللي ناقصك و انا هروح مع البنات و لو خايف يعني انه يكون عريان اطمن و حتي لو عريان يعني هتعمل ايه مضطر توافق

عشري….بضحك هتحطيني قدام الامر الواقع يا بنت المارديني

ليله….بضحك اه او عادي ممكن ترفض و تروح حالف عليا ما في فرح و تبقي جات منك