لقاء كارثي

فضل….الله انا بقول اللي شايفه

عشري…..ما تتلم ياض نحس في عينك انت وهو انتوا متغاظين اننا هنتجوز قبلكم صح اعترفوا

ايمي…..سيبك منهم دي عيال رخمه هيتجوزوا و يفرحوا و يتبسطوا يا رخم منك ليه

رشيد…..طيب خلينا بقي نقول كلمتين مهمين كده

ايمي…..خير

رشيد….احنا الحمد لله خلصنا من هم مريم و مصايبها و كل القرف اللي عيشنا فيه بيتهيألي بقي نخلي عندنا دم عشان احنا عندنا عروسه زي القمر عايزين نفرح بيها و بصراحه ليله الفتره اللي فاتت دي عاشت ايام زي الزفت في توقيت مش مناسب لاي عروسه فا عايزين بقي نقفل علي الموضوع ده خالص و نحاول نفرحها هي و عشري و نفرح معاهم خلاص هانت اسبوع او ست ايام و فرحهم يجي يعني مفيش وقت مش هنقضيها مشاكل و تهديدات و خناق و توتر و نيابه و اقسام كتير

حسان….صراحه معاك حق

ايمي…..ايوص بص وشها بقي عامل ازاي دي منظر عروسه

ليله…. بابتسامه ده مدح ولا زم

ايمي…..لا صعبانه عليا بجد المشكله ان ليله لحد الوقت مجابتش الفستان ولا احنا ولا انتوا جيبتوا حاجه يعني ست ايام و لحد الوقت عروسه متجيبش فستانها.

نادين….ايوه صح يا ليله ده مشوار الفستان ده عايز ست ايام لوحده غير البروڤا عليه احنا نفسنا عشان نلاقي فساتين محتاجين وقت

نعيمه……و كمان لسه حاجة ليله لبسها كله اللي اشترته مراحش علي البيت

فضل…..لا في حجات خدناها انا و عشري

نعيمه….ماهو مش كله في حجات كتير اوي في عربيتها وفي حجات هنا في الاوضه الحاجه دي لازم تروح علي البيت و محتاجين يوم نظبطلها فيه هدومها دي كلها في بيتها

عشري….ما انا قولت لسليم وعدي يجوا عشان باخدوا معانا الحاجه كلها بالمره كده و نطلعها علي هناك

رشيد….ماهو عشان كده بقي انا فتحت الموضوع ده عشري ياخد الحاجه يحطها في البيت و شوفي يا ليله انتي حابه مين يرتبلك حاجتك يعني اخواتك او حد من البنات مش هتفرق اكيد بس عشان ننجز

ليله…..بهدوء عادي زي ما قولت مش هتفرق بس يعني ممكن نوني و معاها نادين يعني نعيمه اكتر حد عارف انا برتب حاجتي ازاي و هي اللي عايشه معايا و عارفه نظامي و نادين بردوا بتعرف تتعامل مع اللبس و تظبيطه و الحجات دي بحكم شغلها

ايه…..مليش دعوه وانا كمان هروح انا بقيت لا شغله و لا مشغله

ضحكوا علي ايه كلهم