لقاء كارثي

فضل…..الحمد لله علي راي ايمي اهي غارت في داهيه.

ايمي…….نودي واقفه ليه كده تعالي اقعدي

بصتلها ليله لقتها باصه عليها و غضبانه

نادين….انا تمام كده يا ايمي

ليله…..بابتسامه هاديه نودي زعلانه مني

ايمي…..منك انتي ليه ؟

ليله….اه

عسال….. اكيد لا هي مضايقه عشانك بس صح يا نودي

ليله….و انا بقولك زعلانه مني

عشري…ايه نودي زعلانه من ليله بجد ولا ايه

نادين….بنبره جاده اه يا عشري زعلانه من ليله مش ده الطبيعي اني ازعل منها

عشري….طيب ليه حصل ايه

نادين….انت شايف ان اللي حصل ده كله مينفعش ازعل منها فيه

عسال…..في ايه يا نودي

نادين…..في ان وسط كل اللي هي كانت بتمر بيه و اللي قالتوا هي و نعيمه مكانش حد فينا معاها
في ان كان لازم نكون معاها حتي لو شايفه اننا مش هنقدر نتصرف او مش هنعرف نتعامل مع مريم او اننا اضعف من اننا ندخل في مشكله بس الصح اننا كان لازم نبقي معاها

ليله….انتي عبيطه يا نادين هو انتي فاكره اني مقولتش عشان عارفه انكم مش هتقدروا تتصرفوا او تتعاملوا او حتي تدخلوا في مشكله

نادين….اه يا ليله انتي شايفه انها ليها تفسير تاني

عسال…..نودي اكيد ليله مفكرتش كده و اكيد كمان الموقف ده فعلا مش هتقدر تتكلم فيه هي كانت في ايه ولا ايه

نادين….وانا مقدره موقفها بس كان ممكن تخلي نعيمه تقولنا و متتكلمش هي بس هي قالتلها متقولش لحد

رشيد….نودي هي محبتش تقلق حد و بالاخص ايمي لانها عارفه كويس ان ايمي مش هتسكت عايز اقولك بعد ما رجعنا من حوار أيه ده بليل ايمي تعبت اوي و فضلت قلقان عليها طول الليل

نادين……كان ممكن اوي يا رشيد تقولنا محدش يقول لايمي لو هي فعلا كل اللي فارق معاها ان ايمي متعرفش و هي عارفه كويس ان محدش فينا هيقولها بس هي قالت لنعيمه ماقولش لاي حد

عشري…..علي فكره يا نادين انا كمان مكنتش اعرف

نادين…عشان انت كنت مشغول زي ما هي كانت مشغوله بالظبط

عشري…..ايوه كنت مشغول بس انا حتي ملقتش منها اتصال بعني متصلتش وانا مثلا معرفتش ارد انا كنت فاكرها نايمه كل ده

ايمي….انتي في ايه يابت عايزه تعملي مشكله هي متصلتش علي اي حد خالص و فعلا حتي لو عشري مشغول كان ممكن تتصل عليه بس هي متصلتش

نعيمه…..علي فكره يا نادين انا معرفتش من ليله اي حاجه غير ان عمر ضابع من قمر و فضلت انادي عليها طارت ملحقتهاش ولا فهمت اي حاجه انا اتصلت علي اميمه افهم و نزلت وراها جري و لما اتصلت علي فضل و مردش علي بال ما روحت انا كمان من الموقف مكنتش قادره اتصل عليه تاني و ليله مقالتليش متقوليش غير لما روحت و عرفنا انه اتخطف.