لقاء كارثي

لقاء كارثي
أميره أسامه
صاحبة البطل الواحد

. البارت المئه 150.

………………………..

السعاده اللي كانت فيها ريهام متتوصفش لاول مره تحس بمشاعر مختلفه تحس انها بنت من حقها تحب و تتحب يمكن جه في بالها كتير بينها وبين نفسها انها نفسها تعمل زي البنات تحب تتعرف تسمع كلام حلو بس تربيتها و احترامها لاخواتها منعوها و يمكن قفلهم عليها منعها اكتر مكانتش بتضايق ولا بتزعل بس كانت بتتمني تجرب المشاعر دي و لما جربتها نسيت قفلة اخواتها عليها بالعكس دي كانت مبسوطه انها يوم ما حبت كان الشخص ده محمود..

الحقيقه ان المشاعر اللي ريهام كانت حاسه بيها مكانتش المشاعر الوحيده امها و اخواتها كان ليهم نصيب من الفرحه و المشاعر دي

فرحة حنان كانت زي اي فرحه ام بتتمني تشوف بنتها عروسه في بيتها مستقره ليها حياه مسنوده علي كتف راجل بجد من اول ما ريهام حكيتلها و هي مبسوطه و متحمسه تشوف العلاقه دي وهي بتكمل كانت بتعدي من قلبها ان حظها يكون احسن منها..

اما عن فرحة سلامه و ميدو اللي كانت جايه بابتسامه و سكوت و كأن الصمت كان ليه لغه خاصه..

في غرفة سلامه كان قاعد علي السرير معاه البوم صور محتفظ بيه و عمال يقلب و يبتسم

خبط ميدو علي الباب و بعدين فتح

سلامه….تعالي يا ميدو

عسال….بابتسامه توقعت انك منمتش

سلامه….لا لسه كمل بضحكه هاديه بتفرج علي البوم الصور تعالي شوف مناظرنا كانت عامله ازاي واحنا صغيرين

قلع ميدو الشبشب و طلع جنبه علي السرير فتح سلامه دراعه و خد ميدو في حضنه

عسال……بضحك ايه المناظر دي

سلامه….بضحك كان شكلي عره

عسال…..بضحك انت حاطت التيشرت في البنطلون كده ليه

نطره سلامه من حضنه و الاتنين ماتوا من الضحك

سلامه…..بضحك ما تظبط يا خــ شوف سعرك وانت جايله علي جنب

عسال….بضحك اااااه بطني الله يحرقك لا بجد منظرك يم*و*ت من الضحك طيب شعري هنقول كنت طفل انما البنطلون طالع لصدرك كده ليه

سلامه….بضحك امك الله يسامحها مكانتش تعرف حاجه عن الشياكه

ضحك عسال خلي سلامه فطس من الضحك لحد ما عينهم دمعت

عسال….ااااااه ياما هم*و*ت والله انت محتفظ ليه بالفضايح دي بجد

سلامه…..بضحك بص الصوره دي انا وانت و ريهام و مصطفي شايف شبشب مصطفي

بص ميدو علي رجل مصطفي مات من الضحك كان لابس فرده كبيره و فرده صغيره