لقاء كارثي

فضل….دي فلتت علي الاخر خد بالك انا اليوم ده كنت بحد مضايق الكل بيهاجمني وانا معملتش حاجه بس بيني وبينك خوفت اجادلها

نعيمه….بضحك هي قد كده بس صراحه يتخاف منها

فضل…لا مش الفكره بس هي بجد كانت متعصبه اوي و اول مره كنت اشوفها كده او شوفتها متعصبه كده بس عليكم يوم مشكله ليله وعشري خوفت اجادلها عشان خوفت تتعب و يجرالها حاجه و رشيد يقفش في رقتبي قولت ياض خليك محترم واسكت سيبها تطلع اللي جواها

سلمي…..علي فكره هي خرجت من عندك سمعت نعيمه نفس الربع ده

فضل….بضحك دي وهي بتتخانق معايا بتقولي انا هقول لنعيمه لو عرفتي فضل تاني هخسرك قولت بس الجوازه باظت بجد

نعيمه….بضحك وهي في حضنه خرجت قالتلي كل ده انا لسه قايله لفضل كذا كذا كذا بس انتي غلطانه و انتي لو مجتيش هعمل تيت تيت

حسان….بضحك بتشد و ترخي

نعيمه….اه علي الاخر بس لولي كانت مؤدبه

فضل……ليله كانت بتسمعني اللي هي عايزه تسمعهولي بس بصراحه متعصبتش عليا كده بس مبتسكتش هي كمان

حسان….الحمد لله انها عدت علي خير

سلمي….الحمد لله بس قولي يا فضل مش ملاحظ كده بعني ان في تغير شويه في نوني

جسان….رفع كفه انا اول واحد ملاحظ وقولتلك صح في تغير جذري

سلمي….بضحك صاحه اه قالي و كنا بننم عليكي بس نم حلو

فضل….بصي نوني من اول ما عرفتها وحبيتها و هي كل حاجه فيها جميله و تجنن بس مقدرش انكر انها متغيره تغيير جذري لا دي متبدله نوني اللي سافرت غير اللي رجعت

رفعت وشها وبصتلوا و ابتسمت

نعيمه…..بجد

فضل…..بجد هو في كل الاحوال حتي نوني اللي سافرت بحبها و بم*و*ت فيها ومجنونه بس نوني بتاعت الوقت تجنن

نعيمه….بضحكه كسوف بصتلهم هو انا متغيره اوي كده

حسان….بابتسامه جدااااا

نعيمه….طيب ايه التغيير اللي فيا

حسان…حاسس انك بقيتي كيوت شويه اينعم نفس الجنان والهيبره و الضحكه بس انا بتكلم عن الطبع

سلمي….وانت يا فضل

فضل….. بابتسامه لا انا لاحظت التغيير ده في اكتر من موقف اول موقف انا كنت واثق ان نوني هترفض الشرط اللي قولتوا بس هي فاجئتني و يمكن موافقتها دي امتصت جزء كبير اوي من الغضب اللي كان جوايا لاقيت نفسي بسكت كمان حسيت انها راجعه بتحاول تصلح كل الحجات اللي حصلت منها قبل ما تسافر حبيت اوي علاقتها مع نغم لما نزلت معاها كمان الماركت كنت مبسوط حسيتها مسؤوله و بتحاول تساعدها لما اتجمعنا المره اللي فاتت بعد حوار نغم و خالتها ده و الشباب حكوا اللي حصل من خالتها ومرضها اتفاجئت برضوا بكلامها كانت عاقله كده و تجنن