لقاء كارثي

ايمي….قاعده ايه دي متخلفه انت هتعوم علي عومها

ليله…..بضحك طب والله شكل القاعده مش مريحه

ايمي…يابت ما تحلفيش ببقي نايمه وبصحي علي خبطهم

ليله…..طيب الفستان بتاعك ده ضيف عليهم

ايمي…..لا ده استرتش عادي والله هما كده علي طول بس ايه رايك

ليله….بضحكه جميله احيه علي القمر يجننوا بجد ماشاء الله ربنا يحميهم و يفضلوا يض*ر*بوا و يدوكي بالرجل والايد و يقرفوكي اخر قرف

ايمي….عقبال يارب ما اشوفك انتي كمان مقروفه نفس القرف ده

ليله…..بضحكه جميله يارب اللهم امين ما تولدي بقي وحشوني ولاد الصرمه دول

رشيد….انتي بتشتمي ولادي

ليله….لا انا براحتي ولادك دول هينزلوا من هنا هاخدهم من هنا مش هتشوفوهم غير باذني

رشيد….موافق بس اللي يرجع في كلامه

ليله….يبقي عيل خد بالك انا انا خلقي ضيق بس بالي طويل مع الاطفال انا الاي مربيه ولاد اخواتي كلهم

رشيد….ترجعي لقي تقولي مش بيسكتوا مش عارفه انام

ليله….بضحك لا بص يعني شويه وشويه

رشيد….بضحك رجعت في كلامها لما سمعت ان مفيهاش نوم

ليله…..لا بص انا مش حوار نوم ولا حوار انهم متعبين في السن ده بس انا بخاف اوي لما بيعيطوا مش ببقي عارفه فيهم ايه و ممكن اقعد اعيط جنبهم و تبقي حفلة عياط جماعي السن ده بجد مرعب فكره انهم يعيطوا و مبقاش عارفه اسكتهم او ابقي عارفه تعبانين ولا فيهم ايه بجد متعبه

رشيد…..دي حقيقه

ايمي….ان شاء الله يا حبيبي تحمل و متاخدش حد منهم

ليله…..طب ما احمل واخد منهم عادي لا بصي انا حاجزه واحده من الاخر كده

رشيد….بنت يعني مش ولد

ليله…..لا خليلك انت يا اخويا الولد انا هاخد بنت

رشيد….مش بتحبي الولاد

ليله….بالعكس بحبهم اوي بس هسببهولك عشان لوحده هاخد واحده من البنات

رشيد….اه و هتستني تشوفي مين احلي بقي وكده

ليله….بضحك لا يا حبيبي كلهم هيبقوا قمرات طالعين لامهم بس بصراحه انا منمره علي اللي قاعده لوحدها في الكيس بتاعها وقافله علي نفسها دي تيجي بقي حلوه وحشه دي اللي هتبقي الحته الشمال

بصت ايمي لرشيد و هو بصلها بصدمه وضحكوا وض*ر*بوا بعض بالكف

ليله…..بضحك في ايه

ايمي….بضحك لا مفيش

ليله….لا بجد في ايه حد.غيري منمر عليها ولا ايه

ايمي….بضحك لا والله بس بعدين هبقي اقولك

ليله….لا اعرف الوقت احيه عالفضول