لقاء كارثي

لقاء كارثي
أميره أسامه
صاحبة البطل الواحد

. البارت المئه 104.

………………………

قبل اسبوعين من فرح ليله و عشري كان في احداث كتير مهمه و سريعه
كان في علاقات بتقوي اكتر و علاقات بتستقر و علاقات بتطور بشكل ملحوظ الترابط اللي كان بين الجميع كان بيزيد و عامل حاله جميله طول الاسبوعين دول كان في فتره تجهيز من البنات و الشباب غير عاديه لبداية حياه جديده..

قرر عشري و بدون سابق إنذار انه يغير حجات كتير في البيت فرحته كانت كبيره لدرجه متتوصفش كان هاين عليه يجيب حته من السماء عشان ليله و بالرغم من انها مكانتش موافقه خالص علي التغييرات دي إلا انها في الاخر مقدرتش تقف قدام قراره الصارم في تغيير شويه حجات في البيت نكانش تغيير جذري لان البيت مكانش محتاج لكن كانت بعض اللمسات البسيطه زي السجاد و الستاير و شويه ديكورات و تجهيز الروف بشكل احلي و افخم لمسات تجنن في اوضه النوم و المطبخ و الغرف عموما كان عامل زي الطفل اللي بيعمل اي حاجه عشان يقدر يبهر امه كان عايز يفرح ليله و عايزها لما تدخل البيت للمره التانيه تحس بتغيير و تحس انها عروسه بجد..
ومش بس كده وسط إنشغاله بالبيت كان مشغول بتجهيز الفرح طبعاً اخواته السته كلهم و الشباب كانوا معاه في اي حاجه خطوه بخطوه لانه كان مضغوط جداً استقر علي المكان اللي هيتعمل فيه الفرح و صمم علي اختياره للهرم رغم ان ليله حاولن معاه كتير بعد ما رجعوا انه يكون في مكان عادي بس مقدرتش بردوا عليه أستعان بتيم كامل و قرر ان كل حاجه تكون مفجأه لليله مراحتش معاه ولا مره و لا كانت عارفه هتعمل ايه اصلاً.

و رغم إنشغال صحابه معاه إلا ان كلهم كانوا مشغولين بردوا.

حسان و سلامه بدأوا في تجهيز البيت بمساعدة تامر اللي كمان قرر يدفن نفسه في الشغل ليل نهار لاسباب كتير اول سبب فيهم انه يطلع من الحاله اللي كان فيها بأي طريقه تاني سبب انه ميخذلش سلامه بعد الثقه الكبيره اللي حطها فيه يمكن رغم كلام سلمي معاه و رغم كلام سلامه و موقفه اللي صدمه إلا انه كان لسه موجوع عقله مقتنع بس قلبه لسه مش معاه و ده غصب عنه لان المشاعر مش مجرد زرار ندوس عليه فا ننسي حتي لو مقتنعين و مصدقين بنحتاج وقت للتعافي و التخطي بس الحقيقه ان تامر مكانش شخص وحش و لا كان شخص مؤذي بذرته كانت صالحه و تربيه ابوه ليه كانت تربيه كامله ينقصها بس تربيه ونصايح ام مش اكتر..

بدأ تامر هو و التيم الكبير بتاعه يبدأوا في بيت حسان و يعملوا كل حاجه سلمي طلبتها و نزل كمان مع سلامه وايه راح البيت و شاف كل طلباتهم و بدأ فيه علي طول…

فضل و نعيمه كمان اخيراً بعد معاناه استقروا علي كل حاجه و اختارت نعيمه كل اللي هي عيزاه و بدأ فضل هو كمان في الشقه..

حتي ميدو و نادين كمان بدأوا في البيت و كان تامر بردوا هو اللي ماسك الشغل عندهم بحكم ان الشقتين كانوا في نفس البيت كان ضغط كبير عليه و علي التيم بتاعه بس كان بيعمل كل اللي يقدر عليه و كان حابب المجاذفه دي عشان يتشغل اوي…

و بعيداً عن كل الانشغال و التجهيزات دي كان في احداث كتير تانيه بدأت من تاني يوم رجوعهم واول حدث فيهم كان يخص
ايمي و رشيد اللي رجعوا تعبانين اوي من السفر و قررت ايمي تنام و ترتاح و لما تصحي تقول لأهلها خبر الحمل تاني يوم.

فلاش باك…………

في صباح تاني يوم من رجوعهم صحيت زوزو جهزت الفطار بمساعده حماده و محمود في الجنينه..

صحيت ايمي من النوم لمحت رشيد صاحي و باصص عليها..

رشيد….بأبتسامه صباح الفل علي القمر

ايمي…..صباح النور يا حبيبي صاحي بقالك كتير ولا ايه

رشيد…يعني مش كتير اوي بس كنت بتكلم مع بنتي شويه

ايمي…..بابتسامه جميله حطت كفها علي شعره ايه خلاص اتأكدت انها بنت

رشيد….امممم مش عارف بس مجرد أحساس و بصراحه بقي ياريت تبقي بنوته شبهك كده

ايمي….بابتسامه امممم او ولد شبهك

رشيد…والله من هنا لحد ما نعرف القمر الل جوه ده ايه نوعه انا هتعامل علي انها بنوته و انتي اتعاملي علي انه ولد براحتك بقي

ايمي….ماشي يا سيدي اتفقنا انت هتروح الشغل ولا هتعمل ايه

رشيد….اه عندي كام مشوار كده و بعدين هرجع اخدك و نروح للدكتوره نطمن عليكي

ايمي…طيب بعد الدكتوره هنرجع ناخد الشنط و نروح و لا هنعمل ايه مش المفروض هنروح

رشيد….عادي زي ما تحبي ممكن ناخد الحاجه لما نرجع او ممكن انا بكره اجي اخدهم و لو مش حابه ترجعي انهارده او عايزه تقعدي كام يوم براحتك

ايمي….لا لا عادي عايزه ارجع البيت زمانه اتبهدل و اتترب لازم اظبط الدنيا

رشيد….بيت ايه انتي مش هتتحركي من مكانك ولا تعملي اي حاجه اصلا انا هتصل بليله تجيب البنت اللي بتروح تساعدهم دي و هتيجي تظبط الدنيا عشان لما تروحي بليل كل حاجه تبقي زي الفل

ايمي….لا بقولك ايه انا مليش في الجو ده و انت عارف كويس انا اكيد مش هتعب نفسي بس بردوا بلاش نبدأها جد اوي كده انا اعرف اقوم براحه واعمل كل حاجه

رشيد….لا اسمعيني انتي هنبدأها جد و هتسمعي الكلام و مش هسمح بأي اعتراض اولاً انتي راجعه من طريق سفر و تعب ثانياً هنروح بليل للدكتوره يعني مش هينفع ترجعي بليل تعمل اي حاجه

ايمي….يا حبيبي بس البنت مين هيقف معاها طيب انت عندك مشاوير شغل و اكيد ليله و البنات مش هيبقوا فاضيين يروحوا يقفوا معاها

رشيد….يا ستي ملكيش انتي دعوه دي بتاعتي انا انتي كل اللي ليكي ترجعي تلاقي كل حاجه زي ما سبتيها المهم يلا قومي بقي عشان عايز انزل

ايمي…..مش هتخرج غير لما تفطر

رشيد….طيب ماشي لسه كمان هنقول لزوزو و حماده يلا خلينا نشوف رد فعلهم

ايمي….بابتسامه هيفرحوا اوي مش كده

رشيد….طبعاً ده انا متحمس اوي اشوف فرحتهم دي و لسه عايز اقول لابويا و امي و اميره

ايمي….بابتسامه مش هتقولهم غير وانا معاك

رشيد….عيوني يلا انا هقوم اجهز بسرعه وانتي قومي بلاش كسل انتي و بنتك

ايمي….بضحك تاني بنتي ماشي يا سيدي

باسها رشيد من راسها و بعدين قام دخل الحمام .

بعد وقت مش طويل اوي نزلت هي و رشيد من شقتها كانت لابسه ترنج و هو لابس لبس خروج عشان هيمشي بعدها..

رشيد…..صباح النور

ايمي…..صباح النور

حماده…..صباح الفل يا ولاد

ماريز…..صباح الخير يا حبايبي نمتوا كويس

رشيد….اه الحمد لله كنا مقتولين

محمود…..لو كنتوا اتاخرتوا اكتر من كده كنت هطلع اجيبكم من فوق همو,ت من الجوع

ايمي…..بضحك صحينا خلاص يا طفس

محمود….انا طفس طب بذمتك ريحة الفطار دي مش تجنن

ايمي…..صراحه اه

رشيد….تسلم ايدك يا زوزو الريحه تفتح النفس

ماريز…..حماده ساعدني كمان هو اللي عامل الفول

رشيد….تسلم ايدك يا احلي حماده

محمود….يا سلام يا ست زوزو و انا مساعدتش يعني

ماريز…..عشان قشرتلك شويه بطاطس و وقفت حمرتهم

محمود…..و هو ده شويه طب انا راضي ذمتك يا عم رشيد في حد بيقطع البطاطس حلو كده

رشيد….بابتسامه لا مفيش

ايمي….طبل اوي يا رشيد ايه اخترعت الذره يا سي حوده

ماريز…..قوليلوا يا ايمي

محمود….اعوذ بالله عليكم دي الكلمه الطيبه صدقه طبلولي طيب هيحصلكم حاجه

رشيد….هما مالهم مش طايقينك ليه يا حوده

محمود….انا عارف شكلهم لاقوني علي باب جامع

ايمي….بضحك باسته من خده ياعم تسلم ايدك و لا تزعل نفسك يا احلي شيف

محمود…..بابتسامه جميله اهو ده الكلام

ماريز…..طب بطل رغي يلا روح هات العيش الاكل كله جهز خلاص يلا عشان ميبردش من الجو

ايمي….بابتسامه طيب ممكن بس قبل ما نفطر تقعدوا كده اقولكم حاجه انا و رشيد

محمود…..بابتسامه اه صح اقعدوا يلا عشان عندهم حاجه عايزين يقولوهالكم

ماريز……خير يارب

حماده……حاجه ايه دي هتقعدوا معانا هنا علي طول

ايمي….بضحك لا مش للدرجادي يا حماده

رشيد…..بابتسامه ايه عايزنا نقعد هنا يا حماده متأكد

حماده….يا سلام ده يوم المني لما قلب ابوها تفضل جنبه علي طول

رشيد….طب و العروسه بتاعتك مش عايز تختلي بيها و تخلص من العيال الرخمه دي

حماده…..بضحك ده كلام هتصدقني ولا تصدق زوزو ربنا عالم اننا منقدرش نستغني عنهم

رشيد….ربنا ما يحرمكم من بعض ابداً يارب بس هو بصراحه مش ده اللي احنا عايزين نقولوا

ايمي….و بعدين يا حماده احنا متفقين شويه هنا و شويه هنا

حماده….شوفي ادام انتي مبسوطه انتي و رشيد اعملوا اللي يريحكم هنا بيتكم و هناك بيتكم المهم انكم معانا ديماً

ايمي….ربنا يخليك لينا يا حبيبي انت وزوزو عموماً يعني زي ما رشيد قال مش ده الخبر اللي انا عايزه اقولوا هو في خبر تاني بصراحه بصت لرشيد وابتسمت اقول انا ولا تقول انت

رشيد…..بابتسامه حب لا قولي انتي

محمود…..طيب استنوا اصور بس الاول احسن الواد مصطفي موصيني عايز يعملكم بالڤديوهات دي حاجه حلوه.

ماريز…..تصور ايه انا مش فاهمه حاجه.

ايمي…..هفهمك جاهز يا حوده

محمود….بابتسامه اه خليهم بس جنب بعض و تعالوا انتوا كده

رشيد…..تعالي يا زوزو جنب حماده

ماريز…..اهو اخلصوا يلا عندي فضول اعرف في ايه

محمود…..يلا انا جاهز.

ايمي….بابتسامه اااا احممم زوزو حماده اااا يعني انا حامل

بصت ماريز بصدمه و حطت ايدها علي قلبها و منطقتش

حماده……بصدمه قام وقف بسرعه ايه ايه بجد احلفي يا ايمي بتتكلمي جد حامل يا رشيد.

ابتسمت ايمي بتأثر و عينها دمعت

ايمي…والله العظيم حامل يا حماده

حماده….بدموع و ابتسامه قرب منها يا بنت الكـ,ـلب يا بنت الكـ,ـلب

حضـ,ـنها و فضل يبو,س فيها و يبو,س في ايدها و هي عماله تعيط و تضحك حضـ,ـن رشيد و رجع حضـ,ـنها تاني بسعاده

رشيد…..بضحكه تجنن اهدا يا حماده

حماده….اهدأ ايه انا قلبي هيقف من الفرحه مش قادر والله اتلم علي اعصابي

ايمي….بضحك هتبقي احلي جدو في الدنيا

حماده…..يا بنت الكاااالب ااااه الف حمد وشكر ليك يارب الف حمد وشكر ليك يارب

رشيد….بضحك ايه يا زوزو جرالك ايه

محمود…..زوزو اتصدمت

ماريز….ايمي انتي بتتكلمي جد

ايمي…..حامل يا زوزو و حياتك عندي حامل

ماريز……حطت ايدها علي وشها و فضلت تعيط

ايمي…..بدموع قربت منها و حضـ,ـنتها ايه يا زوزو بس

رشيد…..هتبقي تيته يا زوزو و هتطرديها بعيالها لما يبهدلولك الدنيا

ماريز….حضـ,ـنت ايمي و فضلت تعيط الف حمد وشكر ليك يارب و الله كان قلبي حاسس يا بنتي و الله كنت عارفه ان ربنا هيكرمك و يفرح قلبنا بيكي

حماده…..في خبر كمان حلو ليكي يا ايمي

ايمي…..بابتسامه عرفته يا سي حماده حمل امنيه صح

ماريز….انتي عرفتي

ايمي….اه عرفت و زعلانه منك بذمتك يا زوزو انتي عارفه اني ممكن ازعل من خبر زي ده

ماريز…..لا طبعاً عارفه انك مش هتزعلي بس انا خوفت علي مشاعرك قولتلها تستني شويه و بعدين تقول كان عندي امل كبير انك تحملي انتي كمان و الفرحه تبقي اتنين انا بس خوفت الحمل يتاخر شويه و انتي تحطي الموضوع في بالك و الحمل بالذات طول ما الست بتفكر فيه نفسيتها بتتعب و الحمل ممكن يتأخر

ايمي…. اديني حملت يا ست زوزو و كبرناكي انتي و حماده

ماريز…..يا فرحة قلبي بيكم يا فرحة قلبي بيكي يا ايمي يا بنت قلبي اااااه تعالي تعالي يا نور عيني في حضـ,ـني

رشيد….بضحك طب و انا يا ست زوزو مفيش حضـ,ـن ولا مبروك

ماريز….بضحك مسحت دموعها و قربت منه حـ,ـضنتوا تعالي يا قلب زوزو ده انت الحضـ,ـن الكبير يا فرحه قلبي بيكم انتوا الاتنين ده انهارده عيد و الله العظيم عيد

حماده……اه والله ربنا كريم اوي

محمود….مبسوط يا حماده

حماده….مبسوط دي كلمه صغيره والله علي المشاعر الجميله اللي حاسس بيها انا عايز اتنطت من الفرحه

محمود…..طيب بصراحه كده فرحت لمين اكتر اكنيه و لا ايمي

حماده…..وده سؤال بردوا الاتنين طبعاً

محمود…..بلاش دبلوماسيه يا حماده خليك صريح

حماده…..يا واد انت عايز توقعني في غلط دول بناتي و اكيد فرحان عشانهم

محمود….بس اكيد فرحتك مختلفه يعني فرحت لامنيه بس فرحتك بايمي كان فيها دموع و نطه من علي الكرسي رجعت شاب

رشيد….بضحك انت هتحسد الراجل

محمود…..بضحك لا بس الڤديو متصور

حماده….بابتسامه طيب بص فرحتي بامنيه والله العظيم كبيره و مش اقل من فرحتي بايمي بس هي اكيد الفرحه مختلفه ايمي البكريه بتاعتي و اول فرحتي فا فرحتي بيها بجد مش قادر اوصفها بس ميمنعش اني فرحت من قلبي لامنيه و عمرو

محمود….طب وانتي يا زوزو

ماريز…..زي ما حماده قال فرحتي بيهم قد بعض بس يمكن تكون مختلفه امنيه لسه اول جوازه و اول فرحه و لسه صغيره

ايمي…خير يا ست زوزو قصدك اني كبرت

ماريز……بضحك لا مش كده بس الوضع مختلف و الظروف مختلفه يمكن استنيت الخبر ده من زمان و محصلش نصيب فا الفرحه متختلفه اكيد فرحانه عشان ربنا رضاكي و عشان ربنا رضي رشيد والله فرحتي بيكم ملهاش وصف انا هاين عليا الوقت اقف اكسر الدنيا من الفرحه قوليلي نفسك تاكلي ايه انا هعملك كل حاجه نفسك فيها

ايمي…..بابتسامه ولا اي حاجه يا ست الكل المهم انك فرحانه

ماريز…..هتروحي امته للدكتور

ايمي…..انا هروح انهارده باذن الله انا و رشيد للدكتوره عشان نطمن اكتر

ماريز…..اوعي تقولي انكم هتروحوا بعد كده

ايمي…..هنروح يا زوزو لازم ارجع البيت كفايه كده

ماريز….هو ايه اللي كفايه انتوا قعدتوا غير ليله و احده و بعدين هتقعدي لوحدك ازاي

رشيد….بابتسامه متبصليش انا مليش دعوه عايزه تقعد انا معنديش اعتراض

ماريز……تقعد طبعاً امال مين هيهتم بيها

ايمي….لا هو ايه اللي تقعد طبعاً رشيد عنده شغل و حجات كتير و انا كمان عايزه اروح اكيد هنروح و نيجي عليكي بس سيبوني براحتي بلاش الاهتمام الزايد ده متوترونيش

ماريز…..يا بنتي خليكي و اسمعي الكلام

حماده….سيبها براحتها يا زوزو هي تروح و تيجي علينا و انتي بردوا ابقي روحيلها عشان متبقاش لوحدها

ايمي….اهو ده كلام الناس العاقله صح يا حماده كده سيبوني اتعامل براحتي عشان خاطري انا عارفه ان رشيد معندوش مشكله بس انا عايزه كمان نبقي عايشين طبيعين و اكيد يعني لو حسيت اني مينفعش اكون لوحدي هاجي هنا هروح فين يعني

ماريز…..ماشي يا ايمي بس لو الدكتوره قالتلك محتاجه راحه تامه هتيجي غصب عنك

رشيد….متقلقيش يا زوزو انا اللي الدكتوره هتقول عليه هيتعمل سيبك منها خالص

ماريز…..انا هصدقك انت يا رشيد مليش دعوه بايمي

رشيد….هقولك والله

محمود…..طيب ممكن بقي نفطر همو,ت من الجوع

حماده…..بابتسامه والله حاسس اني شبعت من الفرحه

ماريز…..بضحكه جميله وانا كمان والله حاسه اني واكله خروف

ايمي….بضحك لا مع نفسكم بقي انا هاكل

ضحكوا و قعدوا كلهم يفطروا بسعاده كبيره اوي ..

و بعد وقت مش طويل خرج رشيد و ساب ايمي معاهم و مشي..

……………

ركب رشيد العربيه و اتصل علي ليله
ردت ليله بصوت نايم خالص

ليله….الووو

رشيد….اوووف انتي نايمه طب اسف والله روحي كملي نوم

ليله…..لا لا استني انا هصحي خلاص

رشيد….روحي والنبي بس و لما تصحي او تفوقي كلميني عشان عايزك

ليله…..يا جدع متبقاش رخم زي مراتك انا صحيت والله مش هعرف انام تاني

رشيد….حقك عليا والله معرفش انك لسه نايمه امبارح قولتي انك عندك مشاوير كتير فا قولت هتصحي بدري

ليله…..كويس انك صحتني اصلا كل البنات مقتولين و محدش صحي و عشري شكلوا نايم بردوا مصحنيش

رشيد….طيب يا استي صباح الفل

ليله….بابتسامه صباح النور ايه الاخبار ايمي كويسه

رشيد….زي الفل انا لسه هارج و سايبها مع زوزو و حماده

ليله…..قالتلهم علي الحمل

رشيد….بضحك اه فرحوا جدا و حوده صور الڤديو ابقي شوفي رد فعلهم بقي

ليله…..حبايب قلبي ربنا يفرحهم يارب

رشيد….اللهم امين بصي يا بقي يا ليله انا عارف انك مشغوله انهارده بس معلش انا محتاجك في خدمتين حقك عليا

ليله…..عيب عليك عيوني يا قلب اختك لو مشغوله افضالك

رشيد….حبيبة قلبي يا ليله بصي اول حاجه انا عايزك تكلميلي حد من البنات اللي بيروحوا يظبطوا الشقق قبل ما حد يسكن فيها او اي بنت بتتعاملي معاها للتنضيف انتي عارفه اننا راجعين انهارده البيت و اكيد البيت مترب و محتاج يتنضف و ايمي عايزه تعملوا و انا بصراحه مش عايزها تتعب

ليله…..اعتبروا حصل اصلا من غير ما تقول كنت هتصل علي ايمي و هعرفها ان في بنت هتروح تساعدها

رشيد…..اختي الجدعه ربنا مايحرمنا منك بس بصي انا عايز حد يكون ثقه لان بصراحه انا عندي كام مشوار كده و مش هقدر اكون موجود و بردوا مش عايز ابقي لوحدي مع البنت فا عايز خد بتثقي فيه جدا اسيبوا لوحده يتعامل

ليله….ملكش انت دعوه سيبها عليا روح شغلك و شوف دنيتك انا هبقي معاها بص هما اغلبهم ثقه و بنتعامل معاهم من زمان بس بصراحه انا مش بعرف ادي الامان اوي عشان ميحصلش اي حاجه انا هروح و هقف معاها لحد ما تخلص

رشيد…..ما انا كده مش هعرف بردوا انتي عندك مشاويرك و مش عايز اعطلك

ليله…..انا عندي مشوار واحد انهارده و بكره هيبقي عندي مشاوير كتير و بعدين حتي المشوار ده ممكن يتأجل عادي ملكش انت دعوه

رشيد…..طيب ما تسيبها لوحدها و لا مش واثقه خالص

ليله….مش حكايه مش واثقه بس كده افضل انا ليا دماغ تعبانه شويه معلش و كمان عشان ينضفوا البيت كويس و انا قولتلك معنديش حجات كتير اوي انا انهارده كنت هروح لاميمه اختي بس ممكن مروحش لان قمر مش هتقدر تروح انهارده فا عادي نخليها بكره المهم المفتاح اخده منك ازاي

رشيد….في نسخه مع حسان انا هبقي اتصل عليه و اخليه يجي يدهولك عند البيت

ليله….تمام خلاص ولو هو مشغول او عنده حاجه انا هعدي عليه و اخده منه سيبوا مرتاح

رشيد…..هتصل عليه و اعرف دنيته فيها ايه و هقولك

ليله…..اشطا وانا هقوم كده افوق و اشرب قهوتي و هتصل علي المكتب و هسبق علي هناك

رشيد…..حقك عليا يا ليله و النبي

ليله….هزعل منك يا رشيد والله لو احتاجت منك حاجه مش هتعملها

رشيد…..رقبتي والله انتي تؤمري

ليله….طب امال ايه اصلا مش محتاجه انك تطلب يعني قولي بقي ايه الطلب التاني

رشيد….ااااه صح نسيت بصي يا ستي بما اني رخم و هتعبك معايا فا انا عايزك معانا انهارده علي الساعه ثمانيه كده هنروح للدكتوره مع بعض

ليله….اااااه طب بص عشان ايه الحوار ده عارفه انه طالع من ايمي

رشيد….بضحك استني بس هقولك هي عيزاكي تبقي معاها و اكيد انا كمان لو مشغوله او مش هتقدري تمام بس لو هينفع متزعليهاش بالله عليكي

ليله…..مقدرش ازعلها والموضوع مش حكايه اني مشغوله انت عارف كويس و هي كمان عارفه اني لو ورايا هم الدنيا و هي محتجاني مش هتأخر بس يعني يا رشيد انا حابه ان اللحظه دي تكون خاصه بينكم و اكيد ليها فرحه مختلفه لو روحتوا مع بعض مش حابه اكون رخمه بجد

رشيد…..هو ايه العبط ده احنا اللي بنطلب منك و بعدين يعني انتي لو جيتي فرحتنا مش هتبقب كامله يا ليله

ليله……يا قلب اختك مقصدتش بس دي لحظه خاصه واول زياره فاهمني

رشيد….بس هي عيزاكي يا ليله و هي اللي طلبت مني اقولك علي فكره عشان عارفه انك بتثبتيها

ليله….بضحك بصراحه اه بثبتها

رشيد….لا بالله عليكي ايمي فرحانه اوي و عيزاكي تكوني جنبها انتي عارفه ايمي بتعتبرك اختها و متقلقيش يا ستي لو عليا اكيد مش هضايق من الهبل اللي في دماغك ده و متنسيش ان دي اول تجربه ليا يعني انا متوتر بما فيه الكفايه واكيد محتاجينك معانا

ليله…..بأبتسامه ماشي يا سيدي انا عيوني ليكم انتوا الاتنين

رشيد….يعني هتيجي ولا بتثبتيني انا كمان

ليله……بابتسامه لا والله هاجي خلاص خليني بس اروح اظبط البيت و هرجه اخد شاور واغير و اقابلكم عند الدكتوره

رشيد…..بضحك لا رجلينا علي رجلك هعدي عليكي اخدك

ليله….بضحك يا جدع عيب عليك والله هاجي خلاص هنتقابل متقلقش

رشيد…..طيب تمام بقولك ايه ابقي قولي انتي بقي لعشري بدل ما ينفخني في البهدله اللي هبهدلهالك دي

ليله…..بابتسامه لا متقلقش انت عارف عشري كويس لو يقدر يعملك اي حاجه مش هيتأخر قبلي قولي بس محتاج اي حاجه تاني

رشيد….ربنا ما يحرمنا منك عايز سلامتك

ليله…..بجد والله عايز اي حاجه في البيت طلبات اي حاجه

رشيد….تسلمي والله لو في حاجه هقولك

ليله….ماشي يا حبيبي يلا شويه و هنزل

رشيد…..امام يلا مع السلامه

ليله….سلام يا رشيد

قفلت ليله و بصت لقت نادين صحيت و بتدعك في وشها

ليله….صباح الفل علي القمر بتاعي

نادين….صباح النور ما تروحي معاها متبقيش رخمه

ليله…..هروح يا اختي بس بصراحه بتحرج انا من حوار المتجوزين ده مش عايزه ابقي رخمه

نادين…..هو ايه اللي رخمه انتي راحه غصب عنهم ايمي اللي عيزاكي و رشيد اللي بيكلمك بنفسه و بيتحايل عليكي روحي و متزعليهاش بقي

ليله……هروح والله خلاص عقبالك يا صغنن

نادين…..بابتسامه انتي الاول

ليله…..قلبي انتي صحيتي خلاص

نادين…..اه عايزه امشي بقي عشان ورايا حجات كتير انا كمان

ليله….اما تفطري الاول قومي يلا هلينا نشوف نوني و تقي مقتولين مش هيصحوا دول

نادين……ماشي احضرلكم انا الفطار

ليله…..ده ايه الرضا ده كله حساكي كده بابت بقيتي ست بيت و هيجي منك

نادين….بضحك بحاول بصراحه مش عايزه ابقي فاشله زي نعيمه

ليله…بضحك لو سمعتك هتنفخك

نادين…..بضحك اوعي تقوليلها دي شريره

ليله…..لا مش هقولها يلا قومي .

قامت هي و نادين اتصلت علي المكتب و ادتهم العنوان و قالت انها بعد ساعه هتكون هناك و بعدين خرجت راحت صحت تقي و نعيمه.