لقاء كارثي
لقاء كارثي
الدكتوره……بضحك بجد والله بس يعني هو في حاجه صغيره او مش صغيره
بصتلها ايمي بخوف
ايمي……حاجه ايه؟
الدكتوره….طيب غيري هدومك و تعالي بره هقولك كملت كلامها بابتسامه متقلقيش حاجه حلوه.
قامت الدكتوره و خرج بره و هي وشها بيضحك رشيد بصلها
رشيد…..خير يا دكتور صح
الدكتوره ….بابتسامه خير جداً هنستناها بس تيجي و هقولك
قامت ايمي بسرعه لبست ليله ساعدتها
ايمي…..انا مش فتهمه حاجه
ليله…..قالتلك خير و كل حاجه كويسه و بعدين بتضحك قدامك اهي بلاش توتر بقي
ايمي…..ربنا يستر يارب.
قفلتلها ليله زرار البنطلون و نزلت علي ركبها لبستها الشراب و الكوتش
ليله…..يلا تعالي
ايمي….اوووف
خرجوا بره ايمي بصت لرشيد بخوف قرب منها و مسك كفها و راح بيها قدام المكتب و قعدوا.
ايمي…..في ايه طمنيني و النبي اعصابي باظت.
الدكتوره…..بابتسامه هو الحقيقه لما عملتلك السونار الاول انا اللي اعصابي باظت شويه و اتوترت للني مكنتش فاهمه اوي اللي قدامي عشان كده طلبت نعمل سونار داخلي
ليله….طيب وايه اللي مكانش مفهوم
الدكتوره…..بابتسامه هو الحقيقه في كيسين حمل
رشيد…..يعني ايه
ليله….بصدمه ابتسمت توأمممممم
بصت ايمي بصدمه لليله و بعدين بصت للددكتوره
ايمي…..توأم يا هبه
الدكتوره….بضحكه جميله باين عليها الصدمه اه توأم مبروك
حطت رشيد ايده علي بوئه و فضل يضحك بصت ايمي بابتسامه صدمه لرشيد
ايمي….توأم يا رشيدددد
ابتسم رشيد و حضـ,ـنها كانت مصدومه بتضحك و بتعيط
الدكتوره…..بضحك لحظه بس عشان في حاجه مهمه
بصولها تاني
الدكتوره…. بصي هو اول كيس قدامي ظهر كويس جداً و الكيس التاني كمان كان ظاهر كويس بس ده اللي خلاني اشك ان في حاجه مش مفهومه ولا قادره افسرها و كان لتزم نعمل سونار داخلي عشان الرؤيه توضح اكتر الكيس ده كان حجمه مش طبيعي مقاساته مش طبيعيه للحظه حسيت انه لاقدر الله في تشوه او حاجه مش تمام بس السونار الداخلي فهمني الدنيا فيها ايه.
رشيد……يعني ايه طيب مقاساته مش طبيعيه
ايمي….في تشوه يا دكتور انا انا كنت باخد المهدأ اللي انتي عرفاه ايه في حاجه
الدكتوره…..بضحك ده اللي خوفني الاول بس الحمد لله مفيش حاجه كل الحكايه انك حامل في توأم بس في كيس منهم في اتنين
الثلاثه بصولها بصدمه و هي فضلت تضحك
ليله….بضحك ثلاث توام ده بجد
ايمي….لا لحظه يعني ايه كيسين و كيس منهم في اتنين انا حامل في ثلاث بيبيهات
الدكتوره ….بضحك اه يا ايمي ثلاثه مبروك يا بطل
رشيد….بضحك قام وقف دكتور انتي بتتكلمي جد
الدكتوره ….بضحك والله العظيم الكيس التاني خلاني استغربت لان في ظل غريب وراء البيبي فا قولت في تشوه او في حاجه غلط بس السونار الداخلي وضح انهم اتنين في قلبين جوه كيس واحد نبضهم كويس لسه بسيط بس واضح و البيبي التاني كمان كويس اوي مقاساتهم بالنسبه انهم ثلاثه معقوله يمكن اللي في الكيس مع بعض حجمهم اصغر شويه بس هما بخير
ليله…..بضحك قربت من ايمي حـ,ـضنتها وهي قاعده مبرووووك يا عمري اناااا
فضلت ايمي تعيط في حضـ,ـن ليله
ليله….بدموع الحمد لله يارب الحمد لله قولتلك يا ايمي ربنا كريم اوي وقف رشيد و بص لبعيد و هو دموعه نازله الموقف كان صدمه و مشاعره كلها تلغبط سعاده و دموع و صدمه الثلاثه بيعيطوا و تلدمتوره كمان دمعت و قامت حضـ,ـنت ايمي
كانت ايدها بتترعش و مش عارفه تعمل اي حاجه غير انها تعيط
قربت ليله من رشيد و طبطبت علي كتفه و هي مبتسمه و دموعها نازله
ليله…..لا بقولك ايه امسك نفسك و الله انا ماسكه نفسي بالعافيه
رشيد…..ابتسم رشيد و باس ليله من راسها انتي وش الخير
ليله….بضحكه جميله ضر,بته في كتفه روح خد مراتك في حضـ,ـنك
مسح رشيد دموعه و قرب من ايمي و هو مبتسم و حضـ,ـنها اوي
المشاعر اللي كانوا حاسين بيها عمرهم ما كانوا يتوقعوها صدمتهم في البدايه انهم توأم و فرحتهم بالخبر كانت الضعف لما عرفوا انهم ثلاثه مش بس اتنين عوض ربنا ديماً غير متوقع و اكبر بكتير من احلامنا هما اتمنوا حمل في طفل و عمرهم ما كانوا يتوقعوا انهم ثلاثه ولا حتي فكروا فيها هما متوقعوش اصلا ان الحمل يحصل بالسرعه دي.
بعد دقايق من الدموع والصدمه و السعاده هديوا اخيراً و رجعوا قعدوا تاني .
الدكتوره…..بضحك ايه بقيتي تمام
ايمي….بعدم استيعاب ابتسمت هو ازاي اصلاً طيب هو انتي متخيله اللي بتقوليه
الدكتوره….اه متخيله و بتحصل كتير و ربك كريم يا ايمي عوضك عوض كبير ماشاء الله
ايمي….طيب مش يمكن في حاجه غلط يعني مش الاحسن نعمل اشعه 3d عشان نتأكد انهم ثلاثه و ده مش تشوه
الدكتوره…..هنعمل 3d و4d و هنعمل تحليل حمل رقمي كل 48 ساعه عشان نتأكد ان الرقم بيزيد مش بيقل و كل حاجه بس متخافيش انا شكيت في البدايه ان الحجم مش طبيعي و لا الشمل طبيعي بس اتأكدت من السونار الداخلي قلبين يا ايمي و جسمين و كل حاجه فيهم زي الفل متقلقيش حتب المشيمه اتنين
مسحت ايمي دموعها و هي مبتسمه
ليله…..ماشاء الله ماشاء الله الف حمد وشكر ليك يارب
ايمي….طيب ليه في واحد لوحده ليه مش قاعد معاهم وليه في اتنين مشيمه بس مش هما ثلاثه
الدكتوره…..بابتسامه ده اللي خلاني في الاول متوقعش انهم توأم ثلاثي بس في العموم عدد الاجنه عادي جدا و بتحصل وفي ناس بتجيب اكتر من ثلاثه كمان بس الحمل عندك حمل ثلاثي طبيعي و موجود بس من الحالات النادره شويه بمعني
انه طبياً ممكن اتنين من الأجنة يكونوا في كيس واحد والجنين التالت يكون في كيس لوحده
وده بيحصل حسب طريقة انقسام البويضة و هفهمكم ببساطه
دول بيقوا بويضتين
بويضة اتخصبت وانقسمت توأم متماثل في كيس واحد
وبويضة تانية اتخصبت لوحدها جنين منفصل في كيس لوحده
كلهم في نفس الرحم لكن كيسين حمل و اتنين مشيمه
وده اسمه طبياً حمل ثلاثي مختلط او Mixed Triplet Pregnancy
الحالة دي محتاجة متابعة دقيقة جداً واهتمام مني و منها و منك انت كمان عكس الحمل العادي خصوصًا إن فيه اتنين في كيس واحد لأنهم بيشاركوا المشيمة نفسها.
رشيد…..ااااا طيب وده في خطوره يادكتور عليها او ممكن لا قدر الله يحصل اي حاجه ليهم هما
الدكتوره…..لا مفيش خطوره ان شاء الله طول ما احنا ملتزمين في كل اللي هقولوا لو ايمي نفذت كل حاجه
هطلبها هنعدي الفتره الجايه في سلام و هي و هما هيبقوا بخير
رشيد…..تمام قولي ايه المطلوب و هننفذه بالحرف.
الدكتوره…..اولاً في تحاليل هطلبها هتتعمل بالكامل ثانياً هنمشي علي نظام غذائي الحمل مش اكل عمال علي بطال زي ما هو مشاع كلي عشان في بطنك عيل لا خالص الافضل من انك تاكلي اي حاجه انك تاكلي و تشربي حاجه تفيدك وتفيدهم يعني الغذاء الصح بيعتمد علي نوع الاكل مش كميته .
ثانياً هنبعد عن اي ادويه و بالاخص المسكنات المهدئات المنوم الكافيين بكل انواعه التدخين هنبعد عن اي اكل بيتعب القولون نهائي عشان منضطرش ناخد علاج ليه عايزه معدتك علي طول مرتاحه هكتبلك علي مسكت خفيف و هيتاخد عند اللزوم و لو في صداع او اي تعبت نقدر نتحمله الأفضل مناخدش اي حاجه خالص.
الاهم من كل ده الراحه ثم الراحه ثم الراحه الي ما لانهايه انتي لازم تقدري الموقف اللي انتي فيه و تحطي قدام عينك ان الحمل عندك حمل مش عادي انتي حامل في ثلاث اجنه
ليله……دكتور الراحه ده شئ مفروغ منه اعتبري انه حصل اصلاً
الدكتوره…..ياريت مهم اوي ان كل اللي حواليها كمان يقدروا موقفها و يهتموا بيها زي ما هي هتهتم بنفسها يعني دي مسؤوليه كبيره عليكم زبها بالظبط
ليله……قولي كل طلباتك و انا هنفذها مش هخلبها تتحرك ابداً
الدكتوره…..هو في الحقيقه احنا محتاجين نرتاح اوي يعني منعملش اب حركه الا للضروره لا نطلع سلم ولا نركب عربيات كتير ولا نمشي كتير يعني عشان متتخنقيش عادي اتحركي في البيت براحتك بس من غير مجهود ممنوع طلوع السلم او حركه مبالغ فيها
ايمي…..طيب انا اوضتي في دور تاني هو مش سلالم كتير يعني
الدكتوره….لو نقدر ننقل اوضه تحت ياريت
رشيد……طبعاً ننزل تحت تمام
الدكتوره…..حاجه كمان عيزاكم تكونوا جاهزين ليها و محضرين نفسكم انها ممكن تحصل
ايمي….ايه هي
الدكتوره…..ممكن لا قدر الله نفقد حد منهم ممكن مش كلهم يكملوا و ممكن لو التزمنا يكملوا ان شاء الله بس الخوف ان حد فيهم ميكملش خصوصا للاجنه اللي مع بعض ممكن تسبب خطوره للكل
رشيد…..لا لا لا هنلتزم التزام كامل متقلقيش
الدكتوره…..انا واثقه انكم هتلتزموا بس انا لازم اعرفكم كل اللي ممكن يحصل ايمي ممنوع تتوتري تتعصبي تتضايقي و انتوا كمان حاولوا تبعدوا عنها اي توتر او اي حاجه تضايقها
ليله…..حاضر اطمني هنعمل كده
الدكتوره…..اول باول يا ايمي تتصلي عليا تطمنيني عليكي لو حاسه باي حاجه تعرفيني انا كمان هتاعبك متقلقيش خالص هنعدي الفتره دي ان شاء الله مع بعض هتبقي فتره متعبه علينا كلنا بس هنعديها مع بعض هنتحبس حبه حلوين لحد ما الحمل يستقر و يثبت و نطمن علي صحتهم اكتر و بعد كده الحركه بردوا هتبقي بحساب بس طول فتره الحمل ممنوع اب مجهود عشان ميحصلش ولاده مبكره كمان لتزم تعرفوا ان في منهم ان مكانش كلهم هيحتاجوا حضانه بعد الولاده بس ان شاء الله خير و مش هيحصل كده
رشيد…..يارب ان شاء الله خير
الدكتوره….و كمان معلش يا بطل اعتبر ايمي في اجازه منك شويه حلوين يعني العلاقه بالاخص اول فتره دي بلاش
رشيد….ااا لا مفيش خالص اطمني
ايمي….دكتور هما مش واضح بنات ولا ولاد
الدكتوره….لا لسه مش واضح قدامي الاهم الاول نطمن عليهم هما و علي وضعهم الصحي و الحمد لله هما بخير لحد الوقت قدامي بس هيبان في الزيارات الجايه
ايمي….تمام
الدكتوره……الوقت انا بس عيزاكي تعملي التحاليل دي عشان اشوفها ضروري
ايمي…..ينفع اعملها هنا الوقت
الدكتور…..ده ياريت عشان متضطريش تروحي تاني و تخرجي تاني اعمليهم بالمره وانا هستلمهم بنفسي واعرفك النتيجه بالتليفون
رشيد…..هنعمل الوقت اه علي طول
كتبت الدكتوره التحاليل ايمي كانت عماله تبص لليله و تضحك بسعاده قربت ليله لقدام و مسكت كفها باسته بحب
ليله…..بهمس مبروك يا ام العيال
ضحكت ايمي بسعاده متتوصفش و بصت لرشيد ابتسم وباسها من راسها بسعاده .
الدكتوره…..امسكي دي التحاليل و دي ورقه الاكل المسموح كله و الاكل الممنوع و دي روشته فيها المسكن اللي ينفع تاخديه و دي حبايه للترجيع لو حسيتي باي ترجيع او غثيان بتاخدي واحده و ده فوليك اسيد كل يوم حبايه
ليله…..طيب مفيش يا دكتور ڤيتامينات او اي حاجه تساعدها
الدكتوره…..لا مش الوقت من بعد الشهر الخامس الافضل يعني
ليله…..تمام
الدكتوره…..بس كده مبروك يا احلي مامي و ربنا يعينك
ايمي….بابتسامه الله يبارك فيكي يا دكتور تسلميلي يارب
الدكتوره……مبروك يا بطل
رشيد….بضحك الله يبارك فيكي يا دكتور تابعينا بقي في موضوع التحليل
الدكتوره…. اكيد متقلقش وقت ما النتيجه تطلع هبلغكم هنحمل الوقت كمان تحليل رقمي و بعد 48 ساعه نقرره و ياريت لو حد يجي ياخد منها العينه في البيت
رشيد…..تمام متقلقيش انا هتصرف
قاموا وقفوا شكروا الدكتوره و خرجوا وهما في قمة سعادتهم راحوا غلي غرفه تانيه و عملت ايمي التحاليل كلها و نزلوا في الاسانسير و اول ما خرجوا تحت وقفت ليله تتنطت بسعاده و هي بتحـ,ـضن ايمي و هي ورشيد مصدومين و عمالين يضحكوا
و عمالين يفكروا في صدمت الكل من الخبر..
و للحديث بقيه……
