لقاء كارثي

الوقت كان بيجري و ليله قاعده بتشرب سيجاره وراء التانيه و بتتابع البنت البيت نضف و رجع زي ما كان نضفت كل حاجه و ليله معاها خطوه بخطوه لحد ما أخيراً خلصت علي الساعه سبعه حاسبت البنت و مشيت و بعد كده قفلت ليله البيت كله و خرجت ركبت العربيه و مشيت علي البيت و اتصلت علي عشري و هي في الطريق.

عشري…..الوووو

ليله….ايه يا حبيبي

عشري….حبيبي شويه و هتصل بيكي عشان مش عارف اكلمك

ليله….لا خليك براحتك انا بس كنت هقولك اني خلصت هروح اغير وانزل اقابل ايمي و رشيد

عشري…..طيب تمام يا قلبي هخلص اللي في ايدي و اتصل عليكي

ليله…..اوك باي يا روحي

عشري…..باي

قفلت ليله و كملت طريقها ..

………….

ابتسمت نسمه و هي باصه للرساله

سليم…..صليتي العشاء و لا لا.

نسمه…..صليت الحمد لله و بذاكر كمان

سليم….طيب كويس ربنا معاكي

نسمه…..خد بالك انا ملتزمه طول اليوم انهارده و صليت كل الفروض اللي عليا بس في واحد اعرفوا مش ملتزم و متصلش واضح كده انه نسي ان في عقاب ليه هو كمان

ابتسم سليم و رد عليها.

سليم…..علي فكره اتصلت بيكي انعارده علي الضهر انتي نصابه و كمان طول اليوم بفكرك بالصلاه

نسمه…..علي فكره انت اللي نصاب لان مكالمه الصبح دي كنت بتتصل عشان تقولي صلي الضهر بس احنا في لينا اتفاق تاني

سليم…..واضح ان في زهايمر لو تفتكري يعني احنا قولنا المكالمه دي هتكون لما اخلص شغل و اطلع البيت شكلك انتي اللي نسيتي صح

بعتت ايموشن بيضحك

نسمه…..ايوه صح ظلمتك

سليم…..مش بقولك نصابه عموماً هتصل عليكي بليل اوعي تنامي

نسمه…..لا مش هنام هستناك

سليم…..اتفقنا يلا روحي خلصي مذاكره عشان متتعطليش و عشان لما أكلمك تكوني فاضيه

نسمه…..اوك باي

سليم….باي.

قفلت نسمه و هي مبسوطه اوي و سليم كمان كان مبتسم و بص فجأه علي صوت محمود و سليمان اللي اترفع فجأه و راح عليهم بسرعه.

سليمان…..يا ابني انا جيت جنبك

سليم….في ايه

سليمان…..انا عارف ماله ده من الصبح مش طايق نفسه ولا طايق كلمه من حد

سليم…..في ايه يا محمود

محمود….بغضب بص لسليمان مش عاجبك متتعاملش معايا تاني

عدي…..محمود براحه يا اخوي

محمود…..لا براحه و لا زفت ارحموني بقي شويه كل مصيبه محمود محمود كفايه

سليم…..طيب حصل ايه يا محمود لكل ده

عدي……في ايه يا سليمان

سليمان…..زيي زيك هو جايه من الكافيه التاني كده و كل اللي حصل بقولوا محمود ارجع انت تاني انا و سليم و عدي واقفين هنا طلع فيا

محمود…..انا مش شغال عندك ولا شغال عند اي حد روح يا محمود تعالي يا محمود سوي يا محمود بيكفي

سليم…..طيب وحد الله و صلي علي النبي و شوف انت عايز تقف فين لو عايز تفضل هنا خليك و انا هروح بدالك هناك.

محمود…..ايه بتعاملوني علي اني عيل صغير و بتاخدوني علي قد عقلي

سليم…..يا حودا وحد الله بس انا عايز اريحك مش اكتر

قرب منهم عمر بهدوء كان راكب العربيه ركن و قرب منهم لما شافهم واقفين مع بعض و واضح ان في مشكله.

سليمان…..اهو اتفضل

عمر…..سلام عليكم ويش صاير حسكم عالي ليه

عدي…..مفيش يا اخوي

سليمان….مافي شي يا عمر كله زين بنسولف عادي

عمر…..ويش صاير يا محمود

محمود…..عمر انا بدي اطلع علي سيناء بشتغل هناك

بصوا كلهم ليه بصدمه

سليم…..انت بتقول ايه يا محمود !

عدي…..محمود استهدي بالله ليه كل ده يا اخوي

سليمان……ليش بتكبر الحكايه ماسويتلك شي اني

عمر…..كيف بعني تشتغل هناك ما فهمت

محمود…..يعني اشتغل هناك يا عمر مابديش اجلس اهنا

عمر….ليش و يش صاير بينكم فهموني

سليمان…..يا اخوي ما صار شي عصب عليا عشان قولتلوا روح تاني الكافيه انا و عدي و سليم هنا و مش محتاجينك ما قصدت اي شي خايس فضل هناك لحاله و الكافيه التاني ابوك هناك و علي و انت كمان

عمر…..طيب مافيها شي يا محمود خليك مع فضل

محمود…..طول الوقت محمود روح محمود تعال محمود خليك محمود سوي لا متسويش تعبت كني لعبه في يد الكل

عمر…..مخبول انت اياك طول اليوم الكل بيتنقل من مكان لمكان واللي بيحتاج حد بيتصل عليه ايش اللي جد

محمود….مافي شي بس انا مابديش اكمل عايز اطلع سيناء اشتغل هناك

عمر…..انت ايش صاير معك بتعرف زين ان ابوك ما يسمحلك و بعدين محمد داخل علي جواز بدك تروح و تخليه لحاله

محمود……انتوا معاه

عمر…..كلنا معاه مافي شي اسمه انتوا معاه

سليم….محمود انت في حاجه تانيه مضيقاك طيب يا اخوي

محمود….مالك دخل فيني

سليم…..طيب تمام حقك عليا وحد الله بس

سليمان….ايش هو اللي مالك دخل فيني انت ايش صايرك

محمود…..بغضب مااااالك دخل انت

سليمان….بغضب قرب منه انتبه لروحك

سليم وعدي وقفوا بينهم بسرعه

عدي…..سليمان الله يخليك اتركه

سليم…..هدي يا اخوي هدي

عمر…..بغضب بيكفييييي بتضاربوا جدامي مانكم ملاحظين حسكم العالي

سليمان…..يا اخوي انا ماسويت شي

عمر……بغضب بص لمحمود انت ايش صايرلك اتخبلت في عقلك بترفع حسك جدامي يلاااااا احط من وچهي بدك تروح يلا اتسهل علي الدار ابوك يبقي يحلها وياك يلاااا

سليم…..عمر

عمر…..مابدي اسمع حس فيكم يلا احط

بصلوا محمود بهدوء و غضب مكبوت و سابهم ومشي.

سليمان….خلاص يا اخوي الله يخليك نادي عليه

عمر…..ما بدي اسمه حرف خليه يروح

عدي…..سليمان انت متأكد ان ده اللي حصل

سليمان….ايش تقصد بكذب اني

عدي…..لا يا اخوي ماقصديش بس هو مش طبيعي

سليم…..طيب اكلم فضل اعرف منه هو معاه من بدري يمكن حصل حاجه

عمر…..انا بحكيه روحوا انتوا علي شغلكم يلا.

مشيوا الثلاثه من قدام عمر و اتصل هو علي فضل.

فضل……هلا عمور

عمر…..هلا فضل ويش صاير مع محمود

فضل…..لا مش فاهم

عمر…..معصب و اتضارب ويا سليمان من غير سبب و بدوا يترك و يطلع علي سيناء

فضل…..كيف يعني بدو يترك

عمر……ما بعرف بس اول مره بشوفه في هاذي الحاله انت بتعرف محمود ما بيعصب ولا بيرفع صوته

فضل…..شوف ما بعرف ويش صاير معه بس هو من الصبح ما علي بعضه و معصب و طفشان و مابيتكلم كلمتين علي بعض من شويه جالي انا بروح هناك قولتله علي راحتك و خليته ما حبيت اضايقه بس هو معصب

عمر…..مادري ويش صاير معه طيب اسمع محمد يعرف اي شئ او حصل بينهم اي شي

فضل…..لا انت بتعرف الكل في كفه عند عشري و محمود في كفه لحاله هو مر علينا اليوم و أطمن علي الشغل و بعدها راح محصلش اي حاجه

عمر…..ماشي يا فضل انا بشوف بعدين ايش صاير معه

فضل…..طيب تبعت حد من الشباب و انا باجي اشوفه

عمر …..لا انا خليته يروح علي الدار اتضارب هو وسليمان جدامي و رفع حسه عصبت منه و قولتله يروح

فضل…..ليه بس يا ابن الحلال انت تدري محمود طيب و غلبان

عمر….عصبت يا فضل حسه اترفع و بيقرب من سليمان و هيمسكوا في بعض جدامي

فضل….طيب هدي يا اخوي الله يخليك محمود طيب اكيد في شي معصب منه

عمر…..ماشي يا فضل بلا روح انت شوف شغلك و انا بحلها

فضل…..طيب روق ما نبغي نكد الله يخليك

عمر…..ماشي يا اخوي يلا بالسلامه

فضل….سلام يا اخوي.

………………

نزلت ليله من البيت لمحت رشيد واقف هو و ايمي بالعربيه ابتسمت وقربت منهم باست ايمي و هي في مكانها

ليله……وحشتيني من امبارح

ايمي….وانتي كمان يا قلبي

ليله…..اخبارك ايه يا رشيد

رشيد…..بابتسامه زي الفل يلا اركبي

ركبت ليله وراء

ليله…..بردوا جيتوا مش قولتلكم هاجي انا وراكم

رشيد…..بضحك ايمي مش واثقه فيكي

ايمي…..بصتلها وضحكت حصل

ليله…..قولتلك هاجي امسكي المفتاح بتاعكم قبل ما انسي

رشيد…..تعبتك معايا يا ليله والله

ليله……عيب عليك تعب ايه بس

ايمي……ربنا ما يحرمني منك

ليله…..ولا منك يا موزتي

ايمي….البيت كان مترب صح

ليله…..يعني مش اوي بس رجع زي الاول متقلقيش

ايمي……قلبي انتي والله

ليله……قوليلي بقي جاهزه يا مامي تشوفي القمر

ايمي…..بس احسن انا متوتره اوي

ليله…..ليه بس اتبسطي يا كئيبه

ايمي….مبسوطه اوي والله بس مش عارفه حاسه ليه بالتوتر ده كله

ليله…..طبيعي يعني بس هتتعودي و لا ايه يا بابي

رشيد…..بضحك بس عشان انا متوتر اكتر منها

ليله…..بضحك ده ايه الاب و الام الرخمين دول ربنا يكون في عونك يا صغنن يا قمر

ايمي……بكره يا اختي تتحطي في نفس الموقف و تحسي بيا

ليله…..والله حاسه بيكي و اقولك سر كملت بضحك انا كمان متوتره

ايمي……بضحك جيبتك يا عبد المعين

ليله…..بضحك لا بس توتر حلو فيه حماس يعني بس بقولك ايه مش المفروض تعملي تحاليل

ايمي….اكيد بس هي بقي هتطلب مني انهارده انا معرفش المفروض اعمل ايه

رشيد…..هي تطلب كل التحاليل و احنا هنعملها و نشوف هنروح امته تاني

ايمي…اه ان شاء الله و العياده كمان فيها مكان للتحاليل

رشيد….طيب كويس

ليله……بابتسامه زوزو و حماده عملوا ايه

ايمي….يالهوي يا ليله علي رد فعلهم حماده مبطلش يابنت الكلـ,ـب يابنت الكلـ,ـب فرحوا اوي امسكي الموبايل مجمود بعتلي الڤديو

ليله……بابتسامه هاتي .

خدت ليله الموبايل و شافت الڤديو و فضلت تضحك علي رد فعلهم و اتاثرت بعياطهم.

ليله…..يالهوي علي القمر فرحانين خالص

ايمي…..اه اوي

ليله…ر.بنا يكمل فرحتهم علي خير يارب و تقومي بالف خير انتي و القمر بتاعتي

ايمي….يارب يا لولي و افرح بيكي انتي و البلطجي بتاعك

رشيد…..بضحك اه و تجيبولنا بلطجيه صغيرين

ليله…..بضحك ربنا يستر دي اكتر حاجه خايفه منها تربيه عشري

رشيد…..بضحك تربيه وسخه

ضحكت ايمي و ليله مع رشيد و كملوا طريقهم

………….

اتصلت تقي علي عدي كانت الساعه 8 بليل.

عدي…..الووو

تقي…..هاي

عدي….ايه يا تقي فينك

تقي…ايه ده انت مال صوتك

عدي…..مفيش كله تمام روحتي

تقي….اه انا تحت البيت بس قولت اتصل عليك قبل ما اطلع و اتسحل معاهم فوق و ترجع تزعل لو مش عرفت أرد

عدي…..انتي متأخره كده ليه مش كان عندك محاضره واحده بس الساعه ثلاثه وقولتي هتجيبي ورق و ترجعي

تقي….ماهو بعد المحاضره انا مخرجتش علي طول من الجامعه كنت مع تمارا و واحده تانيه زميلتنا كنت بنقل منهم كام محضره مهمه و بعد كده خرجنا جيبنا ورق بس المكاتب كانت زحمه اوي بس و خلصت و مشيت بس الطريق زحمه

عدي….هي تمارا موصلتكيش ولا هي و لا ادهم

تقي….لا محدش راح من صحابي انهارده هي تمارا بس و عندها مشوار فا خدت اوبر

عدي…..طيب تمام يلا اطلعي متفضليش واقفه كده الجو برد عليكي

تقي…..طيب انت مش هتقولي مالك صوتك بجد متغير

عدي…..مفيش والله بس محمود و سليمان اخويا شدوا مع بعض شويه فا مخنوق بس مش اكتر

تقي….طيب ليه عشان الشغل يعني

عدي….والله ما عارف يا تقي بس محمود متعصب اوي و دي مش طبيعته اصلاً محمود اهدأ و اطيب واحد فينا و حتي لما بيزعل من حد عمره ما بيوصل للدرجه دي

تقي…..طيب يمكن سليمان ضايقه جامد

عدي…..خالص والله انا كنت واقف معاهم و محصلش انه قال حاجه تعصبه كده و المشكله انهم شدوا قدام عمر اخويا فا هو اتعصب عليهم هما الاتنين و خلي محمود يمشي من الكافيه يعني حوار كده

تقي….اممممم طيب متزعلش يعني خير ان شاء الله هو يمكن عنده مشكله تانيه او في حاجه بعيد عن الشغل مضيقاه

عدي….شكلوا كده عموماً خير ان شاء الله المهم يلا اطلعي متفضليش واقفه في الشارع كده خلصي اللي وراكي كله و ابقي كلميني اي وقت

تقي…..اوك وأنت روق كده شويه يا صديقي العزيز

عدي…..بابتسامه جميله ماشي يا صديقتي العزيزه

تقي……بضحكه هاديه يلا باي

عدي…..باي.

………….