لقاء كارثي
لقاء كارثي
قفلت تقي و دخلت علي جوه ركبت الاسانسير و طلعت علي فوق خبطت علي الباب.
في الداخل..
رقيه….ماما ماما تقي بتخبط
مها….طيب يلا يلا روحي قولي لبابا بسرعه و خليه يفتح
جريت تقي بسرعه علي وليد
رقيه….بابا تقي جات تعالي افتحلها
وليد…..طيب قولي لماما
رقيه….قولتلها
كنزي…..افتح انا
وليد….لا استني انا هفتح
خرج و ليد علي صوت الجرس
وليد…..طيب طيب فتح الباب ايه كل ده
تقي…..بقالي سنه بخبط اتخطفتوا ولا ايه
رقيه…..تيكووووو
تقي…..بابتسامه تجنن حضـ,ـنتها و حشتيني رو كاااااا
رقيه….انتي كمان و حشتيني اوي
تقي….كنوزتي قلبي
كنزي….حضـ,ـنتها وحشتيني
تقي….انتي وحشتيني اكتر فين ماما
رقيه…..في المطبخ جايه الوقت
تقي…..ماما ماماااااا
خرجت مها و فأيدها تورته و شمع
ابتسمت تقي بسعاده وغنوا كلهم
هابي بيرث داي تو يو هابي بيرث داي تو يو هابي بيرث داي تقيييي هابي بيرث داي تو يو…
خد وليد من مها التورته و قربت تقي حضـ,ـنتها و هي بتضحك.
تقي……وحشتينيييي
مها…..انتي وحشتيني اكتر كل سنه وانتي طيبه عقبال ميـ,ـت سنه
تقي…..وانتب طيبه يا قلبي
رقيه….كل سنه وانتي طيبه يا تيكو دي هديتك
تقي…..بضحك الله الله ايه المفجأه الحلوه دي
وليد….بضحك طبعاً يا واطيه قولتي هنطنش و مش هنحتفل عشان كنتي مسافره
تقي….بضحك بصراحه اه و كنت ناويه اعمل مصيبه
مها….بضحك شوفت قولتلك هتسكت لحد ما يعدي الوقت ومش هتسكت
تقي…..بضحك حصل
كنزي….كل سنه وانتي طيبه يا تقي
تقي….ياعمري انتي كمان جيبتيلي هديه
كنزي…..ايوه روحت انا و ماما و رقيه جبتهالك
تقي…..يالهوي علي الصغنن هاتي حضـ,ـن كبير
حـ,ـضنتها كنزي و هي مبسوطه
مها…..ودي هديتك يا ستي يارب تعجبك
تقي….اوباااااا شكلها علبه دهب صارفه و مكلفه انتي
مها….بضحك اي خدمه
تقي……بصت لوليد و رفعت حاجبها خير يا حاج طب ايه هتفضل زاقف ماسك التورته كده
وليد…..بضحك بصي هتمو,ت علي الهديه
تقي…..بضحك لا مش القصه يعني يا عم لودي انت هديتي اصلاً بس كلك ذوق لو في هديه مش هقول لا
وليد……بأبتسامه جميله ماشي يا ستي هديتك علي سريرك في الاوضه بارب تعجبك
ابتسمت تقي و قربت منه حضـ,ـنتوا
تقي….ربنا يخليك ليا انت و ماما واخواتي
مها……طيب ممكن يلا بقي تدخلي تاخدي شاور و تغيري عشان نتعشي و ناكل التورته
كنزي…..ونفتح الهدايا
تقي…..بابتسامه صح و نفتح الهدايا شنطتي فين يا بابا
وليد…..في اوضتك
مها…..انا فتحتها و خدت هدومك منها عشان تتغسل كلها
تقي…..طيب تمام ماشي انا هروح بسرعه و انتي يا سوسه اياك تدبي صباعك في التورته بتاعتي قبل ما اجي
كنزي….بضحكه جميلة لا متخافيش
تقي…..التورته في امانتك ماشي
كنزي…..ماشي انا هقف حارس جنبها
تقي…..ابتسمت و غمزتلها جدعه خدي بالك من لودي كمان هااا عشان بيدب صباعه هو كمان
كنزي…..ضحكت وبصت لوليد متخافيش
مها….يلا بلاش رغي روحي عشان عملالك اكل حلو
تقي……والله همو,ت من الجوع طيب يلا مش هتأخر
دخلت تقي علي الاوضه لمحت بوكس علي سريرها كان في هديه وليد ابتسمت و سابته عشان تبقي تفتح الهدايا معاهم و راحت خدت غيار و دخلت عشان تاخد شاور.
…………..
في العياده..
ايمي كانت نايمه علي السرير ايدها متلجه نفسها عمال يطلع و ينزل و باين انها متوتره جداً مبتسمه ابتسامه بسيطه و عينها مدمعه.
قربت منها الدكتوره رشيد كان واقف جنبها و ليله واقفه قدامها طبطبت علي رجلها بحب عشان كانت حاسه انها متوتره
بصتلها ايمي غمزتلها ليله بعينها و حدفتلها بو,سه.
الدكتوره…..بابتسامه ها يا مامي جاهزه تشوفي القمر
ايمي….بصوت مهزوز اااا اوووف مش عارفه
الدكتوره….بضحكه جميله متوتره صح
ايمي…..جداً
الدكتوره…..ايه يا بابي مش نهديها ولا نعمل حاجه
رشيد…..بضحكه جميله كلها توتر والله انا متوتر زيها بالظبط
الدكتوره……اكيد يعني انا مقدره الموقف بس اللحظه دي صدقوني هتبقي احلي لحظه في حياتكم انا بس عيزاكي تهدي خدي نفس طويل يعني التوتر عموماً مش حاجه كويسه سواء كنتي فرحانه او زعلانه حاولي ديماً تسيطري ولو شويه علي رد فعلك و عشان تتخلصي من اي توتر يحصلك غمضي عينك دقيقه و عدي في سرك براحه و نظمي نفسك يعني حاولي تشتتي تفكيرك لان التوتر في العموم ممكن يعمل حجات كتير للحامل زي تعب القولون مثلاً
ليله…هي اصلا قولونها عصبي
الدكتور…..بالظبط فا ده يتعبنا مع الحمل كمان التوتر و شدة الاعصاب ممكن تعمل طلق مبكر و احنا في غني خالص عن المرحله دي احنا لسه في البدايه و مش عايزين نوصل للمرحله دي ابداً و كمان ممكن كتر التوتر يسبب صداع فا ناخد مسكنات و المسكنات غلط فا الافضل اننا نتلاشي اي توتر خالص اتفقنا.
ايمي….اتفقنا
الدكتوره….يلا خدي نفس كده و خاولي تهدي عشان نشوف القمر و يسلم علي مامي
ابتسمت ايمي و نزلت دموعها
رشيد….بحب مسح دموعها ايمي نهدأ شويه
ليله….طب ايه بقي الدكتور لسه بتقول ايه و انتي بتعملي ايه والله هعيط انا كمان
الدكتوره….بضحكه جميله وانا هعيط معاكم و هيبقي يوم عالمي هي عارفه
ابتسمت ايمي و خدت نفس طويل و بعدين بصت للدكتوره.
ايمي…ااا خلاص انا تمام و جاهزه يلا
الدكتوره….طيب يلا بينا ارفعي بس الهدوم شويه
رفعت ايمي التيشرت و كشفت بطنها نزلت الدكتوره البنطلون شويه
الدكتوره…..ااا معلش الچل هيبقي ساقع شويه
ايمي….لا تمام عادي
حطت الدكتوره الچل علي بطنها و بدأت تحرك السونار علي بطنها ليله و رشيد عينهم كانت علي الشاشه و ايمي مغمضه عينها بقوه و ضاغطه بكفها علي ايد رشيد و هو عمال يحرك ايده علي راسها بهدوء…
ابتسمت الدكتوره ابتسامه بسيطه و هي بترفع حاجبها لفوق و بعدين ضيقت عينها و قربت الكرسي من الشاشه اكتر و رجعت زودت چل و فضلت تحرك الدراع علي بطن ايمي و تعمل زوم علي الشاشه و تكتب حجات ايمي كانت باصلها بقلق و توتر اكبر و التوتر ده اتنقل لليله و رشيد كمان رشيد كان عمال ينقل عينه بين ليله و الدكتوره و الشاشه و ليله عماله تطرقع في صوابعها و تعض علي شفايفها.
بصت الدكتوره ليهم بصدمه و فضلت ساكته ثواني ايمي من كتر توترها من ملامح الدكتوره مسألتش في ايه.
رشيد…..بهدوء ااا هاااا خير يا دكتور هو في حاجه
الدكتوره…..ااا لا بس انا في حاجه مش عارفه افسرها فا يعني هنحتاج نعمل سونار داخلي
رشيد…..يعني ايه مش عارفه تفسريها و يعني ايه سونار داخلي
الدكتوره….بنبره جاده و علميه يعني سونار مهبلي و ده بيكون ادق خصوصا في اسابيع الحمل الاولي هو الحمل علي حسابنا زي ما قولتلك حصل من بعد جوازك بيومين تقريباً فا انتي تقريباً حامل في الاسبوع السادس السابع النبض مش واضح السونار الداخلي بيوضح النبض شويه و بيعرفنا اكتر الدنيا فيها ايه
ليله….ااا طيب يا دكتور هو في حاجه يعني
الدكتوره…..لا خالص زي ما قولت انا محتاجه تفسير لحاجه معينه مش اكتر و ده بيكون أدق انا مش عيزاكي تقلقي يا ايمي
ايمي….طيب عرفيني في ايه يا هبه ملامحك متطمنش قولي و انا تمام
هبه…..بابتسامه لا بصي هو مفيش حاجه خالص بس خليني اعمل السونار و هقولك في ايه بس عموما مش حاجه تقلق متخافيش يلا هتقلعي البنطلون و اتغطي كويس وبعدين نادي عليا
ايمي….ااا اوك ماشي
قامت الدكتوره خرجت بره مكان الكشف و ىاحت علي مكتبها
رشيد….حبيبي اساعدك
ايمي….اااا لا خليك بره
رشيد…..بابتسامه طيب يلا انا بره
ليله…..ايمي انا هخرج و انتي علي مهلك متقلقيش خير ماشي
ايمي….بتوتر و خوف ملحوظ ليله خليكي معايا
ليله…..انا معاكي بس هستني بره متقلقيش عشان تقلعي براحتك
ايمي….لا خليكي معايا و النبي
ليله….بابتسامه بسيطه طيب خلاص معاكي متقلقيش .
قامت ايمي بهدوء عشان تقلع هدومها و ساعدتها ليله بهدوء
في الخارج.
رشيد…..بهمس دكتور هو في حاجه تقلق
الدكتوره…..مفيش حاجه ان شاء الله خليني بس اعمل السونار و هطمنكم و اكيد لو في حاجه طبعاً هقولك بس مبدأياً اطمن
رشيد…..ربنا يستر خير ان شاء الله
عند ايمي و ليله.
نامت ايمي علي السرير تاني غطتها ليله كويس و سحبت ايمي بهدوء هدومها الداخليه و خدتها ليله منها
ليله…..باستها من راسها ايمي متخافيش اهدي ان شاء الله مفيش اي حاجه ربنا كرمك و اكيد مش هيوجعك ابداً
ايمي….انا مرعوبه يا ليله
ليله……لا يا قلبي ربنا كريم و الله خير متقلقيش ماشي مدت كفها و مسحت دموعها بلاش عياط و حياتي عندك
ايمي….ماشي خليها تيجي خليني اخلص من التوتر ده
ليله….طيب تحبي اخرج
ايمي….لا خليكي و النبي
هزت ليله راسها و نادت علي الدكتوره.
ليله…..دكتور ايمي جاهزه.
قامت الدكتوره من مكتبها بهدوء و هي بتلبس جلافز في ايدها
فضل رشيد في مكانه عمال يهز رجله محبش بدخل عشان متتحرجش منه و تتوتر اكتر ما هي متوتره.
دخلت الدكتوره بهدوء و ابتسمت
الدكتوره….ارفعي بس رجلك الاتنين و اهدي خالص و متشديش نفسك.
ايمي….ااا تمام
سمع رشيد صوتها بتتألم ضيق عينه و فضل يمشي ايده علي وشه بقلق قام وقف و فضل يتحرك .
الدكتوره ….بس اهدي خلاص متشديش نفسك بقي
ضغطت ليله علي كف ايمي و هي ضر,بات قلبها هي كمان بقت عاليه و مرعوبه..
فضلت الدكتوره تحرك الدراع و تبص علي الشاشه و هي ملامحها مش مفهومه خالص لكن مش تخوف.
غابت في كشفها و بصها علي الشاشه و هي عماله تكتب و تعمل زوم حوالي خمس دقايق و يمكن كانوا اطول خمس دقايق عليهم كلهم و بالاخص ايمي بصتلها الدكتوره و أبتسمت
هزت ايمي راسها بمعني في ايه و هي دموعها نازله.
الدكتوره…..بابتسامه ااا النبض كويس الحمد لله الوزن يعني لسه صغير بس طبيعي المقاسات كلها مظبوطه مفيش اي قلق او حاجه تخوف.
ليله….بأبتسامه الحمد لله
رشيد…..كان سامعهم و اخيرا خد نفسه و هو بيهمس الحمد لله
ايمي….بجد يا دكتور
