چاسمين

رواية
چاسمين
أميرهاسامه
صاحبةالبطلالواحد
فتجدهم حيارى مضطربين ليسوا على يقين من أمرهم
البارت التاسع و العشرين
…………….
الجمعه 1422025 الساعه التاسعه صباحا
من داخل غرفة الاجتماعات المغلقه.
دخل أمجد وراء رأفت و كان جنبهم مهيب وخالد عينه كانت بتلف في كل ركن في المكان كان حاسي بهيبه كبير وتخض و يمكن كان اول مره يتحط في موقف شبه ده حتي التجمع نفسه و الاسامي اللي كان عارف انها هتحضر كانت ليها هيبه كبيره مكانش قادر يسيطر علي ضربات قلبه التوتر و الضغط اللي كان حاسس بيهم كان رهيب بس مع كل خطوه كان بيخطيها في المكان كان بيفتكر كلام فريد و يرجع تاني يشد نفسه و يثبت
شرد بعقله شويه و افتكر نصايح فريد ليه.
فلاش باك..
أمجد….انا وصلت البيت من شويه و الوقت انا لوحدي
فريد…اسمعني كويس يا امجد وكل كلمه هقولها تركز فيها لأنك مينفعش تغلط الغلط غير مسموح الغلطه بفوره يا امجد انت فاهم
امجد…..فاهم
فريد…..المكان اللي انت رايح عليه ده ليه هيبه كبيره الاسامي و الناس اللي هتشوفها يخضوا انا عارف بس لازم تكون واثق ثابت جامد لازم تثبت حضورك حتي لو منطقتش بكلمه .
اول نصيحه اوعي تتلفت كتير حواليك بلاش تلفت الانتباه
مهما كان هيبة المكان هيبتك انت لازم هي اللي تكون طاغيه
تاني نصيحه هتحس بضغط و هتحس بتوتر وقلق و يمكن خوف ورهبه اتغلب عليهم فورا عشان لو مقدرتش هتبقي عامل زي الطفل اللي رايح مع والده مشوار و وقتها هيبتك هتضيع ومحدش في الموجودين هيديلك اهتمام الاهتمام اللي لازم تحصل عليه من كل الموجودين مش بكلامك و لا تدخلك في اللي انت مش فاهمه الاهتمام هتلاقيه مش فرض شخصيتك حتي لو كنت ساكت.
ثالث نصيحه تشد نفسك وتفرد ظهرك راسك ديما تكون في نفس المستوي اللي انت قاعد عليه عينك هي اللي بتلف مع كل واحد يتكلم و لو لازم تلف راسك كتفك يلف وانت شادد نفسك
القاعده بتاعتك بتعبر عن شخصيتك .
رابع نصيحه اوعي تحاول تعمل نفسك فاهم وتدخل في اي حوار هتسمعه وحتي لو انت فاهم اللي بيتقال ادام متوجهش كلام ليك متتكلمش بس لو اتطلب منك رأيك او اتسألت في اي حاجه هترد باللي تعرفه لو حسيت انك تايهه ومش عارف ترد اوعي تتوتر تعد في سرك خمس عدات بهدوء و بعدين ترد رد مختصر ميتاخدش عليك بس في نفس الوقت يبان انك فاهم
سادس نصيحه عينك تبقي كاميرا تحفظ بيها كل الوشوش اللي هتشوفها الاسامي اللي انت عارف انها هتحضر وارد تكون جزء من العدد الاكبر اللي ممكن يحضر .
سابع نصيحه انا عارف انك في بدايه الاجتماع مش هتقدر تسيطر علي التوتر اللي ممكن تحس بيه بس عشان ميظهرش ده قدام الكل اوعي تفرغ التوتر ده في حركتك يعني متتحركش كتير بعيدا عن رجال الاعمال اللي هيكونوا موجودين انت هتقعد مع سياسين كبار و الناس دي خبره في لغة الجسد .
اي بني ادم طبيعي لما بيتوتر بيهز رجاه كتير بيلعب في شعره بېلمس وشه بيطرقع صوابعه بيمسك اي حاجه قلم ورقه
بيخبط بصوابعه علي المكتب او الترابيزه او اي حاجه ساند عليها
اتجنب كل ده لانك لو عملت حاجه فيهم هيبان عليك و هيشكوا فيك
ثامن نصيحه و الاخيره هقولك تاني الثبات الثقه الهيبه القوه الحضور لازم يكونوا طاغيين عليك بس بذكاء من غير تصنع
فاهم يا امجد
امجد….فاهم طيب و بخصوص الجهاز اعمل بيه ايه
فريد….الحزام اللي هتلبسه هتثبته فيه من جوه عشان وقت ما هتعدي علي الجهاز و يعمل صوت ميبانش وارد تسيب موبايلك بره ووارد لأ المهم الجهاز بمجرد ما تعدي الجهاز وتدخل جوه وتقعد بكل هدوء هتضغط بصباعك من غير ما اي حد يلاحظ و كده هيكون شغال قبل ما تخرج من البيت اتأكد انك حطيته كويس في توكة الحزام
امجد…..مش ممكن يقع او يتحرك
فريد….لا الجهاز في مغناطيس و توكة الحزام معدن عشان كده بقولك اتأكد كويس قبل ما تخرج
امجد….تمام
فريد….من هنا لحد الصبح لو في اي حاجه عايز تسأل فيها كلمني
امجد…تمام
فريد…خلي بالك من نفسك
امجد…حاضر
بااااااك.
قعد امجد علي الكرسي بعد ما دخلوا غرفة الاجتماعات بكل ثبات و هيبه حاول يطبق كل حرف من اللي قاله فريد بهدوء بسيط قرب ايده من الحزام و ضغط بصباعه علي الجهاز و فضل يتابع بصمت و يشوف كل الناس وهي داخله بتقعد في اماكنها.
المكان كان ليه رهبه وهيبه عباره عن صاله اجتماعات كبيره الكراسي كأنها في حلقه مستديره تشبه صالات المؤتمرات مكانش عارف اغلب الناس اللي بتدخل اغلبهم اول مره يشوفهم في منهم وشوش كان يعرفها و اغلبها لرجال الاعمال المشهورين لكن اغلب السياسين مكانش يعرفهم بدأ يحرك عينه بهدوء علي الاسامي المكتوبه كل كرسي كان محطوط قدامه اسم الشخص اللي هيقعد راح امجد بعينه علي اول اسم منصور توفيق وزير الداخليه لمح تاني اسم
و ماهر فواز نائب وزير الخارجيه
اسلام سعود عضو الوكاله الدوليه للطاقه الذريه وبدأ أمجد يمشي عينه بسرعه علي الاسامي
اللواء محمد حسنين
اللواء خيري حماد
اللواء جمال نجيب رئيس قطاع النقل البحري
اللواء مصطفي ابو العينين
محمد الرشيدي عادل الغندور
معتصم سلامه سفير مصر السابق في الاردن
سعد الدين رشدان رأفت الباشا مهيب الباز خالد الباز
عبد الوهاب شعلان رئيس قطاع التفتيش والرقابه الداخليه
راجح الطوبجي مراد الطوبجي
و اسامي تانيه كتير بتضم رجال اعمال و اصحاب مشاريع و رجال سياسه و الاسامي دي مذكرهاش رأفت
حس امجد انه داخ و اټصدم في الاسامي دي كلها مكانش عارف مين فيهم كويس ومين فيهم وحش لكن حس انه لازم يفوق ويركز لان خلاص تقريبا الكل دخل و الاجتماع هيبدأ
قعد كل واحد فيهم في مكانه الهدوء كان مسيطر علي المكان بشكل مش طبيعي بدأ الاجتماع
بكلمة من وزير الداخليه منصور توفيق.
منصور .. بسم الله يبدأ الاجتماع
الكل انتبه ليه بظهور مرفوعه و ثابته.
منصور….في البدايه اوجه شكري لكل اسم ذو قامه وقيمه موجود معانا اليوم كلا بأسمه و اخص بهذا الشكر معالي وزير الخارجيه السيد إبراهيم عبد الحكم الذي غاب عن هذا الاجتماع بسبب انشغاله القوي ولكن اناب عنه السيد ماهر فواز نائب معالي وزير الخارجيه و أحب اعتذر عن تأجيل هذا الاجتماع لاكثر من مره بسبب الاوضاع التي تمر بها البلد
في البدايه احب ارد علي سؤال اتسألت فيه عن سبب هذا التجمع الكبير اللي بيضم عدد من القادة السياسيه و رجال الاعمال و المستثمرين من داخل مصر وخارجها.
يمكن السبق ده حصل كتير ومش اول مره يحصل تجمع زي ده و خلينا متفقين ان في علاقه كبيره بين رجال الاعمال و السياسين كل واحد فيهم ليه دور كبير في البلد دي يمكن المبادئ السياسيه التي يدار بها الشأن الاقتصادي بتختلف اختلاف كلي عن مبادئ ادارة الاعمال و لكل واحد فيهم ابعاده الاقتصاديه و السياسيه وكمان الاجتماعيه.
لكن و الساده رجال الاعمال يركزوا علي كلمة لكن دي.
الفكر الخاص برجل الاعمال لا يتساوي بفكر و عقليه السياسه و
—
الاقتصاد.
وكلامي ده مش معناه ان رجل الاعمال اقل علما ومعرفه بالاقتصادي او السياسي لكن في طريقة تفكير مطلوبه من حيث التحليل والتقييم و دراسة اي انعكاسات سلبيه او ايجابيه لاي قرار .
وكلامي ده مش من فراغ مؤخرا ظهر في مصر فساد مالي و اداري في السلطه التنفيذيه بسبب رجال الاعمال وده لانهم كانوا بيخدموا استثمارتهم و اعمالهم اكثر من مصلحة الدوله كانوا بيسعلوا مصالحهم الشخصيه علي حساب الدوله.
بس طبعا انا مش بعمم اكيد في بعض الاستثناءات لرجال الاعمال اللي بيتمتعوا بخبرة عقلانيه
لكن انا هنا بتكلم عن شواهد بتثبت ان في بعض منهم حبه لمصلحته الشخصيه بتفوق حبه للوطن علي عكس رجل الاقتصاد و رجل السياسه اللي تفكيره الاول والاخير لمصلحة الوطن
و مش معني كلامي ده ان رجل الاعمال مش من حقه انه يمارس السياسه بالعكس اكيد في منكم كتير بيترشح في مجلس النواب لان ده من حقك كمواطن لكن خلينا نقول ان رجل الاعمال مواطن مسلح بالمال والنفوذ و ده معناه انه يمارس حقوقه دي كا مرشح في إطار قواعد وقيود معينه.
خليني كمان اوضح ان في فروق كبيره بين رجل الاعمال و الاقتصادي والسياسي.
بالنسبه لمهام كل واحد فيهم علي سبيل المثال يعني الاقتصادي مهمة الاساسيه تنظيم ثروات الوطن و العدل في توزيعها وده بيتم عن طريق سياسات و بدائل مختلفه و يحق ليه تجاهل رأي السياسي اذا كان رأيه غير مناسب لمصلحة الوطن اذا كان السياسي ده غير مدرك معني اهميه الوطن وكلما عارفين ان في كل مجال في الحلو والۏحش و جايز جدا يكون في خلل او اعوجاج في النظام السياسي احنا مش كلنا ملايكه
فا هنا بيجي دور الاقتصادي عشان يصلح الخطأ السياسي ده في مقابل حماية الوطن وباقي الافراد.
اما بالنسبه لرجل الاعمال هو ديما بيسعي لتعظيم و تضخيم ثروته و ده سلوك طبيعي بيتوافق مع المصلحه العامه في حالة لو في كفاءه في تخصيص الموارد و خلق فرص عمل جيده للشباب و الالتزام بدفع الضرائب اللي بتساعد الدوله في الانفاق علي التعليم و الصحه و الدفاع.
اما بالنسبه للسياسي معروف جدا ان رغبته في البقاء في الحكم بتدفعه ديما انه يتقن في عمله حتي يكتسب الثقه من الجميع و يساندونه في البقاء
في النهايه خليني ارجع تاني لكلامي الموجه لرجال الاعمال
انا عارف ان في منكم كتير مارس مهنته من سنين وبقي ليه اسم كبير و في منكم بدأ متأخر و كمان قدر يثبت اسمه في منكم علي درايه كامله ان مصلحة الوطن مهمه و بيلتزموا بكل المطلوب منهم وفي منكم اللي لسه مش قادر يفصل بين مصالحة الشخصية ومصلحة الوطن عشان كده في قرارات سياسيه بتتاخد القرارات دي جزء منها الزامي عليكم و يجب وقتها الطاعه و ده لان رجال الدوله علي درايه اكبر منكم في مصالح شؤون البلد يعني في قرارات مينفعش الرفض منكم فيها و لا حتي المناقشه وفي قرارات نقدر نقاشها مع بعض و نوصل بيها لحل يرضي جميع الاطراف.
ومن هذه القرارات هو طلب من رجال الاعمال الذين يمتلكون مشاريع التطوير والبناء العقاريه تخصيص مساحه كافيه سواء كانت من الاراضي او العقارات لامور تخص الدوله و طبعا كلامي ده موجه لمجموعة الطوبجي التي يديرها السيد راجح الطوبجي والسيد مراد الطوبجي و مجموعة السيد محمد الرشيدي و مجموعة السيد عادل الغندور و مجموعة المهيب للسيد مهيب الباز و زي ما قولت في البدايه ان في مستثمرين من داخل مصر وخارجها فا مجموعة السيد سعد الدين رشدان كمان هتلتزم بالقرار ده احب الاول اسمع رايكم اتفضلوا.
محمد الرشيدي….في البدايه احب ارحب بمعالي وزير الداخليه السيد منصور توفيق و ارحب بجميع الحضور و بالنسبه لرأيي فا انا موافق علي اي قرار يفيد الدوله
منصور….السيد مهيب
مهيب….موافق معالي الوزير
منصور….السيد عادل اتفضل
عادل الغندور….موافق طبعا
منصور….السيد سعد الدين رشدان
سعد الدين …اول شي حابب اشكر معالي وزير الداخليه علي هيدا السبق العظيم و بوجه شكري للساده الحضور و بحب اني اخص بالشكر الاكبر لهيدي البلد الي احتضنتني لسنوات كثيره بلدي الثاني مصر انا لبناني مصري چيت علي مصر في عمر الثلاثين كنت مستثمر بملك بس المصاري و الحقيقه ان مصر فتحت اديها الي و احتضنتني و قدمتلي الكثير زياراتي الي بلدي لبنان كانت مجرد زيارات بسيطه بس انا عشت هون و نچحت هون و اخدت الكثير من الدعم والاهتمام بهيدي البلد و عشان هيك انا بكل حب اوافق علي اي قرار يخص هيدا البلد و شكرا
منصور… كامل احترامي لأمتنانك ومعزتك الغاليه بهذه البلد التي تدعم و تقف بجانب اي شخص مصري و عربي يطمح في النجاح و خلينا الوقت ننتقل للسيد راجح الطوبجي و السيد مراد الطوبجي بصفتهم شركاء في مجموعة الطوبجي.
راجح…احمممم بسم الله الرحمن الرحيم في البدايه برحب بجانبك معالي السيد الوزير وارحب بجميع الحضور الكرام و حابب كمان اثني علي المقدمه الرائعه اللي معاليك بدأت بيها الاجتماع انا عندي سؤال مهم لكن قبل السؤال ده حابب بس اقول حاجه بسيطه وبعتذر اني هاخد من وقتكم الثمين
منصور….اتفضل يا سيد راجح
راجح….في البدايه بس عايز اقول كلمه سريعه كده في حق صاحب الفضل الاكبر اللي بسببه مجموعة الطوبجي بقت اسم كبير في الشرق الاوسط و الخليج العربي و بعض الدول الاوربيه صاحب الفضل ده كان والدي رحمة الله عليه اللي بدأ مسيرته المهنيه من تحت الصفر من مجرد عامل بسيط في مصنع سيراميك لصاحب اكبر مصانع سيراميك وادوات صحيه في مصر لا كان يملك المال ولا النفوذ ولا من عيلة معروفه لكن كان عنده حلم وطموح و محب للعمل بشكل غير طبيعي كان ماشي في حياته علي منهج واحد مش بيغيره حب الله ومراعاة الضمير في كل خطوه و حب الوطن كان بيعشق تراب البلد دي و كل حاجه اتعلمها في الدنيا رباني انا واخواتي عليها علمنا حجات كتير اهمهم ان البلد يوم ما تحتاجك تقف في ضهرها من غير تفكير و كان يقصد بالبلد هي اي فرض فيها من اصغر حد لا كبر حد مش بس خدمة الوطن من الناحيه السياسيه. و بفضل الله كملنا مسيرة والده بعد ما توفاه الله طورنا شغلنا اهتمينا بكل الفئات من ناحية الحاله الاقتصاديه و دخلنا كل بيت مصر من ارخص سعر لاعلي سعر و مع الوقت التطور زاد ومجموعة الطوبجي مش بس كانت مجرد مصانع سيراميك و ادوات صحيه لا بقي عندنا اكبر مجموعه عقارات في البلد تطورنا اكتر و بقينا وكيل اول في استيراد الاجهزه الكهربائيه و بقي عندنا كمان توكيل خاص بمجموعة الطوبجي وقدرنا نحصل علي ثقة كل حد اتعامل معانا.
انا قضيت اكتر بكتير من نص عمري في ادارة الاعمال يعني توضيح معاليك في الفرق بين رجل الاعمال و رجال الاقتصاد و رجال السياسه انا علي دراية كامله
—
بيه يعني خبرتي في اقتصاد البلد لا تقل اهميه عن خبرة رجال الاقتصاد و خبرتي في سياسة و امور البلد لا تقل خبرة عن رجال السياسه بحكم علاقتي الكبيره برجال سياسه و كوادر سياسيه عظيمه و اكيد اسمي دليل كبير علي اني رجل اعمال ناجح.
البلد دي ليها افضال عليا كتير وبأسمي و بأسم اخواتي و ولادي احنا معروفين اننا ديما بنقدم كل اللي نقدر عليه من خدمات للبلد دي و عمري ما اتطلب مني حاجه ورفضت و بالنسبه للطلب اللي معاليك طلبته انا معنديش اي مانع علي الموافقه بس سؤالي هنا انا محتاج افهم واعرف الاراضي والعقارات المطلوبه دي مطلوبه لايه و سؤالي ده مش عايز معاليك تفهمه غلط بس انا واحد من رجال الاعمال المعروفين اللي بطرح كل فتره شقق سكنيه للشباب المحدودين الدخل بمقدمات رمزيه تكاد تكون معدومه و تقسيطات بتوصل لعشرين سنه وده عشان أحد من الحمل الكبير اللي علي اكتاف هذه الدوله و اقدر اساعد اكبر كم من الشباب و كمان معاليك اكيد عارف كويس اني كنت من اوائل الناس اللي ساهمت بجزء كبير في بناء اكثر من عشرين وحده سكنيه للمتضررين في عشوائيات القاهره بأجور رمزيه يعني مجموعة الطوبجي ديما موجوده في ضهر البلد و مش بقصر في اي حاجه فا لما يجي يطلب مني اني اساهم بجزء اكبر بكتير و احمل علي عاتقي هذا الحمل الكبير فا اكيد من حقي افهم