چاسمين

منصور….طبعا كلامك كله كان واضح واكيد مما لا شك فيه انك من اكبر داعمين البلد دي في اي مشروع او استثمار و اكيد كمان احتياج الدوله المرادي لهذه المساحات سواء من الاراضي او العقارات بعيدة كل البعد عن اسكان الشباب و عن المتضررين من العشوائيات بس جنابك يا سيد راجح اكيد علي درايه كامله الاحداث اللي بتحصل في البلد و البلاد المجاور يعني تقدر تقول ان ده مجرد استعداد لاي ظروف طارئه
راجح….ظروف طارئه بمعني ايه
منصور…..يعني اكيد متابع موضوع التهجير
راجح….لا لا لحظه انا مش فاهم تقصد معاليك ان ده استعداد للتهجير
منصور…اكيد في منكم كتير عنده اراضي و مشاريع في سيناء و نويبع و اكيد الدوله محتاجه ليكم
راجح….الدوله محتاجه لينا احنا تحت امر الدوله بس ده موضوع ميخصش الدوله نفسها و معني كلام معاليك ان الامر خلاص بقي نافذ
منصور…..سيد راجح انا قولتك ان ده مجرد استعداد
راجح…..ماهو التنفيذ بيسبقه استعداد و ده معناه ان قرار زي ده لو كلنا نفذناه يبقي احنا بنتخلي عن القضيه وبنظام الشعب ده
منصور…..ولو تفتكر كلامي في البدايه انا قولت ان رجل الاعمال في حجات اكبر بكتير منه و مش معناه انه يقل عن السياسي في اي شئ لكن السياسه وضع تاني بعيدا عن ادارة الاعمال
راجح…لا لا بعيدا عن ادارة الاعمال انا بتكلم الوقت كا مواطن رافض التهجير و رافض يقول كلمه تكون غلط و يظلم بيها شعب انا ممكن اساهم و اساعد بكل حب في اني استقبل بكل ترحاب اسر تكون جايه مصر بهدف العلاج هوفر ليهم اكبر عدد من الوحدات السكنيه بدون مقابل ولا بمدة محدده حتي لو علاجهم ده هيستمر لشهور او اكثر من سنه و كمان هتكفل بكل ما يحتاجوه من اكل شرب لبس و لو المده اللي هيفضلوا فيها هنا اكبر من سنه هوفر لاي شاب او رجل منهم شغل بمقابل مادي تساعدهم اكتر في المعيشه وبكده انا ابقي عملت اقصي ما عندي لكم اني اوافق علي التهجير مش هقدر اعذرني
منصور…..بس انا حابب اقولك ان مساهمتك بالاراضي او بالعقارات هتكون بمقابل مادي مقابل انك تبيع يعني الدوله هتديك اللي هتطلبه و زياده.
مراد….بعد اذن معاليك خليني ارد علي الجزئيه دي راجح باشا فاهم كويس موضوع المقابل المادي ده بس الفكره نفسها مش مقبوله بيع الارض معناها بيع القضيه
راجح….ياريت المشكله في فلوس وقتها كان ممكن يبقي في تفاوض لكن الموضوع اكبر بكتير من الفلوس معاليك عارف كويس اوي ان علي الرغم من ان الفلوس جزء مهم لاي رجل اعمال وانا منهم بس كمان انا عندي مبدأ اه عايز اكسب بس انا اخر همي افكر في الفلوس بعد العمر ده كله وبعد اللي قدرت اوصله
انا سهل عليا اتنازل للدوله عن كام قطعة ارض بمساحات واسعه و سهل كمان اني احول الاراضي دي لمئات والاف الوحدات السكنيه و بدون مقابل و هنكرم الناس دي اخر كرم بس الصعب انهم هيفضلوا ضيوف طول عمرهم في البلد دي حتي لو كانوا بيشتغلوا بيتعلموا بيتعالجوا بيكبروا فيها بيلاقوا احسن تعامل ودعم من الشعب و الحكومه عشان كده انا بعتذر لرفضي الشديد و اتمني اني انال فهم سبب رفضي سواء لمعاليك او لاي حد.
بصله منصور و هو مبتسم ابتسامه بسيطه تكاد تكون معدومه
مهيب….اسمحلي اني اتدخل معالي الوزير سيد راجح حضرتك اكيد سمعت كلام معالي الوزير السيد منصور لما قال ان مش كل حاجه بتحصل في البلد احنا نقدر نفهمها في حجات كتير اوي اكبر بكتير مننا و متنساش اننا في النهايه رجال اعمال يعني لا نملك اي خبرة سياسيه.
راجح….بأبتسامة ثقه مع احترامي الشديد لشخصك الكريم يا سيد مهيب كلامك في تناقض رهيب علي حد علمي انك مرشح لمجلس النواب و بتسعي بكل جهودك انك تحصل علي منصب سياسي مع انك رجل اعمال و المفروض علي حد قولك يعني انك لا تملك الخبره السياسيه تقدر بقي تقولي لما انت لا تملك الخبره و غير مؤهل لمنصب زي ده ليه بتسعي ليه
مهيب….ومين قالك اني لا املك الخبره
راجح….بابتسامه استفزاز خلي مهيب يتوتر كلامك انت قولت متنساش اننا رجال اعمال و معندناش الخبره السياسيه فا بأي حق انت بتسعي للترشيح لمنصب سياسي مع ان يعني بحترم كلام معالي الوزير ان من حق اي مواطن يشارك سياسيا في مجلس النواب في حالة لو كان هيضيف حاجه للمجلس ده او عنده خبره كافيه لتولي منصب مهم زي ده انت بقي شايف انك تقدر علي تولي منصب مهم زي ده
مهيب…اكيد و إلا مكنتش رشحت نفسي !
راجح….بس للأسف انا مش شايف ده و اتمني تحترم رأيي و تتقبله اصل اللي يشوف انه ناقص خبره يبقي لا يصلح للتولي
مهيب…..و انت حكمت عليا بقي اني لا اصلح للتولي
راجح….في مثل قديم كان بيتقال يمكن يكون المثل ده مش مكانه المناسب بس هو حضرني بقي ولازم اقوله المثل ده بيقول لسانك حصانك ان صنته صانك
انت في لحظه استعراض عضلات و تنظير عليا قدام معالي الوزير و الحضور الكرام حسستني فجأه انك تملك من الوطنيه اللي انا مملكهوش خرجت تصريح من لسانك وانت مش عامل حسابك ان التصريح ده يدينك قولت ان رجال الاعمال لا يملكوا الخبره السياسيه و استعنت بكلام معالي الوزير في مقدمه كلامه بس للاسف انت مفهمتش كلامه كويس انت خدت منه الجزء
—
اللي يناسب مصالحك الشخصيه مع ان كلام معالي الوزير كان واضح وضوح الشمس اه من حق اي مواطن انه يترشح بس لو كان قد المسؤوليه لو هيقدر يخدم الناس هيقدر يدفع كل الضرايب اللي بتفيد و تساعد الدوله في الانفاق علي الصحه والتعليم وهيئة الدفاع لو هتقدر تخلق فرص عمل للشباب لو هتقدر تخصص موارد بكفاءه عاليه
مهيب…..وليه حكمت عليا اني بستعرض عضلاتي و خدت الكلام بصفة اتهام مباشر ليك
راجح….اولا انت جمعت ثانيا مع احترامي الشديد ليك بس انت لا تملك القدره علي اتهامي من الاساس راجح الطوبجي اسم معروف لا يشوبه اي شائبه بس لو علي الخبره و الدراسه وعدد السنين فا مكان زي اللي انت بتسعي تترشح فيه ده مش مكانك و لو عالخبره الحقيقيه فا خبرة راجح الطوبجي الكل يشهد بيها من اصغر واحد في البلد لاهم كادر في كوادر البلد
مهيب…..بابتسامه توتر و غيظ ولما جنابك شايف ان عندك خبره مترشحتش ليه واضح اوي ان جنابك كان نفسك تبقي في مكان زي ده و يمكن تكون معرفتش
راجح….بابتسامه المكان اللي انت بتسعي تبقي في ده لو فكرت بس اني ادخله انت مش هيبقالك مكان فيه لان الشعبيه اللي راجح الطوبجي يملكها مش موجوده عندك الخبره مش موجوده المسانده و الدعم اللي راجح الطوبجي هيحتاجها من كبار الدوله هيلاقيها بكل حب
مهيب…..و مين قالك اني معنديش خبره او شعبيه او حتي مسانده من كبار رجال الدوله
راجح…..اصل الخبره بتحتاج سنين عشان تكتسبها و انا بشتغل من وانا لسه طفل قضيت في شغلي و في الشارع اكتر من ستين سنه شغل و تطوىر واجتهاد و بناء في اسم عيله وكيان الكبير والصغير عارفه كويس وهو كيان الطوبجي
يعني ستين سنه شغل وخبره في كل المجالات بس انت ايه
علي حد علمي انك قولت في لقاء تلفزيوني قبل كده قدام الكل يعني ده مش كلامي انا قولت انك بدأت مسيرتك المهنيه من فلوس والدك من حوالي 30 سنه و وقت ما بدأت كان عندك حوالي 30 سنه زيهم في مثل بيقولك أكبر منك بسنه يعرف عنك بيوم وانا مش بس كبير سن انا كبير خبره يعني لما انت قررت تبدأ مسيرتك المهنيه وانت عندك 30 سنه انا كنت بادئها قبلك بكتير و انا لسه طفل في الشارع مترمط مع ابوه عشان يبدأوا رحلة كفاحهم.
منصور…..بابتسامة هدوء سيد راجح احنا هنا عشان المصلحه العامه و مش حابب يكون في مشاكل
راجح….معاليك عارفني كويس اوي و عارف اني مليش في المشاكل و دي مجرد مناظره بسيطه للسيد مهيب و بستأذن بس حضرتك تديني من وقتك جنابك خمس دقايق ارد عليه لان ده حقي لاني لا اسمح لاي مخلوق علي وجه الارض انه يشكك في وطنيتي اللي عملته في البلد دي كان كتير اوي و كان بكل حب
منصور…..و انا اشهد ليك بوطنيتك وحبك للبلد دي و مش انا بس كلنا نشهد بده.
راجح….عشان كده يا معالي الوزير اسمحلي اكمل حديثي الشيق مع السيد مهيب يمكن يكون هو معندهوش علم بيها
بص خالد لابوه پغضب بمعني انتي ساكت ليه
لكن خبرة مهيب في المواقف اللي زي دي تفوق خبرة خالد في النهايه هو شاب و لسه ميقدرش يسيطر علي غضبه
مهيب…..اتفضل كمل يا سيد راجح
راجح….اشكرك بالنسبه بقي للشعبيه لو هنتكلم عن الشعبيه فا تقدر تنزل الشارع و تسأل عن راجح الطوبجي هتلاقي طوب الارض يعرفوا و بيحبه و بيكن ليه كل الحب والاحترام في مجموعة الطوبجي انا اتحدي اي حد عنده نص العماله اللي عندي في كل المجالات و اللي بتتقدر بالالاف عمري ما قفلت باب الرزق في وش اي حد طالب الشغل و علي سبيل المثال في مره ابني اعتذر لشاب كان جاي يسأل عن وظيفه وقاله اننا معندناش اي مكان لعماله جديده في الوقت الحالي وقتها اتكلمت مع ابني وقولتله اوعي في مره تقفل بابك في وش سائل طالب الحلال قالي بس مفيش شغل قولتله لو مفيش اوجدله ادام خبط علي بابك يبقي محتاج و كان وقتها عندي مصنع جديد مأجل افتتاحه لاني مكنتش فاضي ليه بس بسبب الشاب ده قررت اني استعجل في افتتاح المصنع و اشغله ساعتها قولت لنفسي الشاب ده مش هو الوحيد اللي محتاج يتفتحله باب رزق و في خلال شهر كنت شغلت مئات الشباب اللي كانت بتدور علي شغل و انهارده بقولهالك و انا واثق من كلامي الشباب دي لو روحت ليهم في اي وقت و سألتهم عني هتعرف كم المحبه اللي بيحبوها ليه و تتأكد انهم مستعدين يضحوا بنفسهم وحياتهم عشاني انا واخواتي و ولادي علي عكسك انت يا سيد مهيب علي حد علمي ان الموظف اللي يغلط غلطه بسيطه بيبقي مصيرة الطرد و الدليل اني شغلت ناس كتير اتطردوا من شغلك
مهيب…..والله اللي اعرفه ان رجل الاعمال الناجح ميقبلش بالغلط لان الغلطه في شغلنا تمنها ملايين ومظنش رجل اعمال كبير زيك المفروض ميصدقش شوية الصعبانيات بتاعت الموظفين
راجح…..يبقي لسه متعلمتش و قدامك سنين كتير عشان يبقي ليك شعبيه و ناس مستعده تعمل عشانك اي حاجه ناس لما تقولها انك داخل انتخابات تديك صوتها من غير تفكير وبكل حب.
رجل الاعمال الناجح او اي شخص ايا كان مهنته ايه في البلد عشان يخلي الناس تحبه و تخلص ليه من قلبها و يفضلوا ديما معاه وفي ظهروا لازم و هو بيرسم خط سيره في النجاح يحط توقع ولو عشره في الميه من الغلط لاننا بشړ وكلنا بنغلط ولولا الغلط ما اتعلم الانسان
و مش من العدل ان بمجرد ما الشخص يغلط اطرده و اقطع عيشه في اساليب تانيه كتير ممكن اتخذها معاه غير الطرد
رجل الاعمال الناجح بيعمل دورات تدريبيه بدون مقابل عشان الشخص يتعلم وبدل ما اقفل بابي في وش شاب جاي بطلب الرزق و اقوله انت معندكش خبره اديله انا الخبره اللي محتاجها و اعلمه من العلم اللي انا اتعلمته و انفع الناس
اكافئهم ديما اشجعهم احمسهم احسسهم بقيمتهم في المكان حتي لو كان مجرد عامل بوفيه بيقدم شاي وقهوه لازم احسسه ان وجوده مهم ليا ولكل موظف في الشركه
نيجي بقي لمساندة كبار الدوله ليك جايز يكون عندك ناس بتساندك بس الاكيد انك مش هتلاقي الكل متفق معاك او متفقين علي دعمك و لو هنتكلم علي العلاقات فا صعب اعدلك علاقتي بكبار الدوله في قعده واحده واخيرا حابب بس اقولك كلمه صغيره انت قولت ادام انت عندك الخبره ليه مترشحتش
هقولك ليه
وخليني اقولك مثل ثالث معلش انا اصلي في الاساس ابن سوق المثل ده بيقولك صاحب بالين كداب جايز يكون عندي خبره ووعي كافي بالامور السياسيه بحكم علاقاتي مع اصدقائي السياسين و كودار الدوله الكبار
جايز اكون عندي ثقافه و حصيلة معلومات قويه من القراءه والبحث و المعرفه بس انا في الاصل راجل
—
تجاري و إداري و اقتصادي الارقام لعبتي لو ركزت في السياسه مستحيل اكون رجل اعمال ناجح لان السياسه عايزه بال فاضي و لو ركزت في شغلي مستحيل اقدر اخدم البلد دي و وقتها ابقي اتوليت منصب مكانش من حقي خذلت ناس وثقت فيا و مش معني اني فاهم في السياسه اني لازم اشتغل فيها و لا وقتها هبقي واخد المنصب ده اسف في التشبيه زي الكوبري هدفي الاول والاخير اني اخلص مصالحي و أقوي نفوذي و استغل علاقاتي الاجتماعيه مع كبار المسؤولين او مثلا عشان يكون الكرسي ده عباره عن حصانه و ستار ليا لشغلي اللي محدش يعرف عنه حاجه
مهيب….تقصد ايه بكلامك ده
راجح….بابتسامه بالعكس انا مقصدش انا بوضح رأيي في موضوع ترشيحي لمجال مش بتاعي.
منصور حس ان النقاش سخن وخرج عن الاطار اللي كانوا بيتكلموا فيه فا حب ينقذ الموقف
منصور….طيب انا بقول ان كفايا نقاش لحد كده كل واحد فيكم وضح اللي عنده خلينا نرجع تاني لكلامنا
مقدرش مهيب يفتح بوئه بس كان هينفجر هو وخالد في الوقت نفسه اللي كان في بعض من الموجودين مبسوطين من كلام راجح و فخورين بيه وبجرأته.
منصور… بالنسبه لموضوع الموافقه انا تقريبا خدتها من الجميع و اكيد يا سيد راجح هيبقي لينا نقاش خاص بعدين في موضوع رفضك في النهايه الموضوع مش اجبار يمكن لبك وجهة نظر معينه و اكيد تحترم بس كمان الدوله ليها رؤيه تانيه عموما خلينا نروح لنقطه تانيه
البلد الفتره دي بيحصل فيها حجات كتير يعني حركات تنقلات جديده ظروف اقتصاديه مش احسن حاجه حوادث و جرايم مشاريع واجب علينا تحفيزها ومشاريع لو اتعملت مش هتبقي في صالح البلد ترندات كل يوم اخبار حقيقيه و اخبار غير حقيقيه كل المواضيع دي حابين نتكلم فيها مع بعض و اللي عنده اي اقتراح او رايي في المواضيع المطروحه يتفضل.
اسلام سعود….معالي الوزير لو تسمحلي اتكلم
منصور….اتفضل
اسلام….الحقيقه انا عارف ان في دعم كبير من البلد لمشاريع الطاقه الذريه بس كمان الفتره دي بنواجه صعوبه في الموافقة علي بعض القرارات طلبي هو اتمني من حضرتك تسهيل الموافقه علي القرارات دي و الاجراءات تكون سريعه
منصور…..لو في تأخير او تعطيل لأي موافقه اكيد هو غير مقصود بس انت عارف ان الاوضاع اللي البلد بتمر بيها في الوقت ده صعبه و يمكن التركيز الفتره ده علي تأمين البلد
اسلام….عارف معاليك بس كمان اكيد معاليك عارف اننا بنكمل بعض في موضوع تأمين البلد كمان في مشاكل في وزارة الكهرباء يمكن بصفتي عضو في هيئه الطاقه الذريه التقيت بمعالي وزير الكهرباء السيد سمير محروس و عرضت عليه بعض من المشاكل اللي بتواجه الكتير جوه الوزاره وعدني انه هيلاقي حلول بس للاسف لا المشاكل بتتحل ولا في حلول كل اللي طالبه من حضرتك و من معالي وزير الكهرباء هو ايجاد حلول مناسبه و حل سريع لبعض المشاكل المطروحه امام معاليك
منصور….في اقرب وقت كل المشاكل دي هتتحل
اسلام….اشكر معاليك
رأفت الباشا…..معالي الوزير كنت حابب اتكلم مع جنابك في موضوعين مهمين
منصور…..اتفضل يا سيد رأفت
رأفت….اول موضوع كان في كلام علي انعقاد مؤتمر لتوعية للشباب للتصدي للفكر المتطرف و الحفاظ علي الامن القومي المصري و كان من المفترض ان معالي وزير الشباب و الرياضه هيحضر انا عارف طبعا ان ظروف البلد في الوقت الراهن غير مؤهله انها تعقد المؤتمر ده بس انا عندي رؤيه تانيه بتأكد اهميه الاجتماع في الوقت ده بوجه عام
بعد كلام رأفت ده اتنين من الموجودين كانوا مصډومين اولهم أمجد و ثانيهم اللواء خيري حماد حس امجد ان في حاجه غلط ازاي رافت يكون عامل كل البلاوي دي و بيطالب بانعقاد مؤتمر يوعي في الشباب من الافكار المتطرفه و نفس الصدمه كانت من نصيب خيري
منصور….وانا بأيد كلامك و اكيد في اقرب وقت لازم الاجتماع ده ينعقد
رأفت….اشكر معاليك بالنسبه لتاني موضوع انا كنت حابب اتكلم عن بعض المشاريع المقدمه امام جنابك
منصور….بابتسامه وطبعا اكيد بتدعم مشروع شركة الانتاج لان صاحب المشروع ده ابنك
رافت….بابتسامه مش بالظبط يا معالي الوزير اولا المشروع شړاكه بين أمجد و بين خالد و الحقيقه هنا بيبذلوا قصاري جهدهم عشان المشروع ده و الافكار اللي عندهم انا واثق انها هتساعد كتير في كل المجالات يعني بعيدا عن مجال الفن والترفيه والاعلام اكيد هتساعد سياسيا عن طريقهم هنقدر نوصل رسايل معينه للشعب وللشباب بالاخص كمان هيساعدوا بشكل كبير في توظيف الشباب
منصور…..طيب احب اعرف الاول الافكار اللي عندهم
خالد…..معالي الوزير بعد التحيه طبعا انا بأكد علي كلام رأفت باشا يمكن المشروع ده هيساعد بشكل كبير في توظيف الشباب في توصيل رسايل مهمه و هادفه عن طريق الفن سواء كانت الرسايل دي سياسيه او اجتماعيه
هنعالج المشاكل اللي بتحصل في البلد بشكل او بأخر زي ما قولت لحضرتك عن طريق تقديم مواضيع فنيه محترمه في المستقبل القريب هيكون في مهرجان فني عالمي بينافس المهرجانات العالميه يعني مش بس هنساعد في انتشار الفن و الترفيه كمان هنساعد في تنشيط السياحه و في كمان افكار كتير هتلاقيها مكتوبه قدام معاليك افكار هتبرز معالم مصر بطريقه تليق بمصر هنقدر نجذب بيها كل متفرج من كل مكان يعني الهدف من شركة الانتاج اكبر بكتير من مجرد شركه انتاج عاديه هدفها هو كسب المال وبس اكيد هدفي من مشروع زي ده اكبر واعمق من كده بكتير كمان بصفتي علي علاقه كبيره باغلب الفنانين ده هيساعدنا كتير في نجوم منهم ليهم شعبيه قويه و اكيد اي رساله الدوله حابه توصلها عن طريقهم هيكون في إستقبال قوي من جماهيرهم للرساله دي انا كده خلصت بس
يمكن لسه في افكار تانيه كتير هنطورها اكتر الفتره الجايه كمان أمجد عنده افكار حلوه اكيد
بص امجد بسرعه لخالد وخس انه كان قاصد يورطه
منصور…..جميل طيب قولي يا امجد ايه الافكار اللي عندك في المشروع ده يعني حابب تقدم ايه او شايف ايه اللي ممكن تقدمه من افكار فنيه تقدر تخرج صورة مصر بشكل كويس
حس امجد بالتوتر لكن افتكر بسرعه كلام فريد اللي كان بمثابه دعم لبه طول الاجتماع
امجد….والله انا مش حابب اقول عندي افكار وعندي حجات حلوه اقدر اقدمها لان في البدايه انا شراكتي مع خالد كانت مجرد استثمار شركة الانتاج في البدايه كانت فكرته هو و انا مقدرش انسب حاجه لنفسي مبذلتش فيها مجهود انا في النهايه دكتور و زي ما السيد راجح قال صاحب بالين كداب فا انا في المشروع ده مش اكتر من مستثمر و طبعا انا بشكر خالد جدا انه حابب يعرفكم اني جزء من الافكار دي و لو علي الافكار اللي ممكن تتقدم اكيد طبعا الفن رساله و رساله قويه جدا المهم اننا نقدر نوصل الرساله دي بشكل افضل يخلي صوره مصر ديما مشرفه
منصور…..طول ما في شباب زيكم بتسعي انها تظهر صوره مصر بشكل افضل اكيد مصر هتكون في المقدمه
—
انا عن نفسي موافق علي المشروع بس يارب متخيبوش ظني
مهيب….اطمن معاليك انا واثق اننا هنقدر نعمل حاجه تليق باسم مصر
منصور…..اتمني
اللواء خيري…..معالي الوزير في كام نقطه حابب اتكلم فيها
منصور…..اتفضل سيادة اللواء
اللواء خيري….بالنسبه للجيل الجديد سواء من الشاب المتخرجين من الكليه الحربيه او الجيل اللي سبقهم باكثر من سنه
الشباب دي بمثابه ساحة فداء جديده في جيل جديد لما بنبص ليهم بنطمن علي مستقبل مصر
تعبوا و ابذلوا قصاري جهدهم عشان يحافظوا علي الوطن و ابسط حقوق الجيل ده انه يحس بالامان اللي بيقدر يمنحه للشعب و الدوله معاليك عارف ان في فتره من الفترات مجموعه من الجيل ده اتضررت و للاسف المجموعه دي كانت من خير جنود مصر منهم اللي دفع حياته تمن و منهم اللي اهاليهم دفعوا التمن و عشان كده ابسط حقوقهم انتا نقف معاهم ونساندهم لانهم كانوا جزء من كل ده
منصور…..وضح اكتر سيادة اللواء ايه المطلوب
خيري….المطلوب اعادة النظر في القواضي الخاصه بيهم خاصتا لو جدت معلومات جديده تقدر تخليهم ياخدوا حقوقهم
منصور…..اعرضهم عليا و اعرض المعلومات كمان و لو في اي جديد يفيدهم ترجع القواضي تتفتح من تاني
خيري…..اشكر معاليك
اللواء محمد حسنين… معالي الوزير
منصور….اتفضل سيادة اللواء
اللواء محمد حسنين….بالنسبه لموضوع منع السفر الخاص باصحاب عمر ال
منصور…..هيفضل القرار قائم لحد سن الثلاثين و ده هيمشي علي اي شخص
محمد حسنين…..بس في كلام كتير حصل الفتره دي علي بعض ابناء رجال الاعمال و اقارب رجال دوله و ده عمل شوشره