چاسمين

وقلق كتير وسط الناس
منصور…. و دول موقفهم كان ايه من التجنيد
محمد حسنين….جزء فيهم كان واخد اعفاء و الجزء التاني لأ
منصور….طيب والجزء التاني ازاي سافر
محمد….والله انا اتفاجئت اينعم سفرهم كان سياحه بس مش عارف مين سمح بحاجه زي دي
منصور…..يبقي تبحث في الموضوع ده انا مش عايز قلق و شوشره كفايه اللي البلد بتمر بيه الايام دي مش عايز الشباب الممنوعه من السفر تقول اشمعني دول سافروا واحنا ممنوعين كمان انا عايزك تعرفلي مين اللي سرب معلومات زي دي
محمد حسنين ….تمام معالي الوزير
فضل الاجتماع مستمر من الساعه تسعه صباحا لحد الساعه الثانيه مساءا
اتقال في كلام كتير اوي كلام مهم امجد كان مركز في كل حاجه في البدايه كان متوتر لكن بعد ما بدأ ياخد علي الجو التوتر راح قدر يفهم مين الشريف و قدر يعرف مين الفاسد اتفتح مواضيع كبيره و اتفتح مواضيع كلها فساد لكن بتظاهر لحب البلد
قدر يفهم ان ابوه شخص وحش قادر يكون ممثل شاطر في الوقت اللي هو عامل فيه مصايب قدر يفهم ان هو و مهيب مش بيحبوا بعض و ان كل واحد فيهم بيدور بس علي مصلحته لكن لو عليهم يخلصوا علي بعض
وقدر كمان يفهم ان خالد نسخه مصغره من مهيب و حب يعمل ده معاه قدام الكل لما قال انه عنده افكار و هو عارف كويس انه كان رافض يدخل في مشروع زي ده من الاساس.
كان محتار في خيري حماد و افتكر انه كان واحد من الناس اللي اكد فريد عليه انه يتابعه
قال كلام كويس و طلب فتح القضايا و اللي اكيد كان بيقصد بيها فريد في نفس الوقت هو كان من الاشخاص اللي فريد شاكك فيهم حس امجد انه تايهه وسطهم لكن علي قد ما قدر حب انه يركز و يفهم كل حاجه بتدور حواليه.
في منزل فريد
كان متوتر جدا ومستني الوقت اللي امجد يكلمه فيه عشان يعرف اللي حصل مكانش مركز مع بيري خالص و لا بيتكلم
اما بيري فا خرجت من اوضتها بعد ما صحيت و قررت انها تتعامل عادي و تتجاهل كسوفها عشان هو كمان ينسي الموقف ده
لكن استغربت انه ساكت مش بيتكلم عمال يطلع من الاوضه يدخل المكتب ينزل عالصاله كان باين عليه انه مش طبيعي في البدايه ترجمت ده علي انه بيتجنبها عشان ممتحرجش لكن بعد كده افتكرت موضوع الاجتماع و فهمت ان توتره ده بسبب ده كانت زهقانه و مضايقه حاسه ان اليوم طويل شويه تدخل اوضتها وشويه تلعب مع قدر و شويه تتفرج من الشباك
الوقت كان بيعدي الساعه بقت سته المغرب و كل ده امجد مفتحش موبايله مكانش فاهم هو لسه في الاجتماع ولا حصل حاجه وكل خوفه ان امجد يبان عليه او يتوتر او حتي حد يكتشف الجهاز لحد ما اخيرا فتح امجد موبايله واتصل علي فريد اول ما شاف اسمه قام بسرعه من مكانه تحت نظرات بيري.
فريد….الوووو
امجد…ايوه يا استاذ فريد
فريد…انت كويس فيك حاجه قولي خصل معاك اي حاجه
امجد…لا لا انا بخير اطمن
فريد…طيب حد اكتشف الجهاز بان عليك انك متوتر
امجد…مفيش حاجه من كل ده اطمن
فريد…طيب اتأخرت ليه كل ده قلقتني
امجد….الاجتماع خلص الساعه ثلاثه و بعد الاجتماع الباشا طلب مني امشي انا و مشي هو مع مهيب و كام حد من الموجودين كنت حابب اعرف رايحين فين وهيعملوا ايه اطمنت ان مفيش حد ورايا و طلعت وراه من بعيد
دخلوا فندق فضلت واقف شويه بس لما اتأخر ا مسيت كنت عايز اعرف بيقولوا ايه بيتكلموا في ايه بس للاسف معرفتش
فريد….مين غيره هو ومهيب
امجد….اتنين من اللواءات اللي كانوا موجودين و سفير الاردن السابق و محمد الرشيدي وعادل الغندور و خالد كمان وبس.
فريد….طيب وخيري حماد
امجد….لا مكانش معاهم
فريد….طيب طمني عملت ايه وحصل ايه
امجد….مش هقدر في الموبايل ده حصل حجات كتير اوي و عموما كله متسجل كمان شوف بس انت تحب امته بالظبط اديك الجهاز
فريد….قولي انت متأكد ان نفيش حد وراك
امجد….اطمن انهارده يوم يعتبر مهم بالنسبه ليهم كلهم ومحدش فيهم فاضي انه يضيع وقته بمراقبتنا اصلا لما خرجوا قالوا انهم حابين يتكلموا في موضوع مهم جدا و عشان كده كنت حابب اروح وراهم واعرف رايحين فين او هيقولوا ايه بس معرفتش
فريد….طيب اسمعني كويس يا امجد
دخل فريد علي غرفه المكتب و بعد ما خلص اتفاقه مع امجد عمل كام اتصال وقفل.
خرج من الاوضه لمح بيري واقفه قدام الشباك وسرحانه وباين انها مضايقه.
فريد….بيري بيري
بيري….نعم
فريد….مالك واقفه ليه كده
بيري…مفيش حاجه اعماها فا وقفه عادي
فريد…انتي مالك ليه شكلك مش مظبوط من الصبح
بيري….لا عادي مفيش انت مشغول من بدري وباين انك متوتر وقلقان وانا محبتش اوترك اكتر
فريد….طيب هتفضلي واقفه كده كتير
بيري….هو انت عايز مني اي حاجه
فريد…لا بس حاسس انك مضايقه فا عايزك تشوفي حاجه تسليكي شويه
بيري….لا انا مبسوطه كده لو خارج اخرج متحملش همي
بصت تاني عالشباك و فضلت ساكته بصلها فريد وطلع علي الاوضه غاب شويه ونزل وهو لابس لقاها واقفه زي ما هي
ولما سمعت صوت نزوله بصت عليه و رجعت بصت تاني عالشباك
فريد….هااا وبعدين
بصتله بيري و سكتت
بص فريد في ساعته و رجع بصلها
فريد…قدامك عشر دقايق مش اكتر تكوني لابسه وجاهزه عشان نخرج
بصتله بيري پصدمه
بيري….نخرج يعني انا هخرج
فريد….مش عايزه طيب تمام هخرج انا
بيري….مسكت في ايده بسرعه لا لا لا انا هاجي معاك بس هنروح فين
فريد….ملكيش دعوه خليها مفجأه
بيري….انت بتتكلم جد انا هخرج
فريد….بابتسامه وانا باين عليا اني بكدب
بيري….لا بس خاېفه تكون بتكدب
فريد….بنظره حب لا ياستي مش بكدب
بيري….طيب هخرج من هنا ازاي مش انت قولت مينفعش اخرج
فريد…اه بس انا هخرجك اينعم هي فيها خطوره ومش عايزك تفكري في مره تعمليها لوحدك عشان مقتلكيش بس انهارده اعتبريه يوم مميز و بصراحه مش عايز اشوفك مضايقه
هاااا هنفضل نرغي ولا نقعد
بيري….لا لا ثواني وهكون جاهزه
جريت بسرعه من قدامه علي فوق ابتسم فريد و فضل واقف مستنيها لحد ما تنزل.
وللحديث بقيه…..