لقاء كارثي

نغم….بابتسامه متقولش كده انت تبجي اي وقت انا اصلا مفيش حد.هيسأل عليا غيركم

تامر……ياريت انتي كمان تبقي تيجي متنسيناش يعني

نغم…..مقدرش انا الصبح اصلا هاجي اعملكم ازعاج شويه

تامر….بضحكه جميله ماشي يا ستي اعملي براحتك يلا مش عايزه اي حاجه

نغم……لا سلامتك يا تامر

خرجوا مع بعض فتح تامر الباب

تامر……يلا اقفلي ورايا علي طول و خلي بالك من نفسك واي حاجه تحتاجيها كلميني في اي وقت

نغم….حاضر سلم علي عمو احمد كتير و قولوا اني هاجي بكره

تامر…..حاضر يوصل يلا ادخلي

نغم….طيب لما تنزل

تامر…..لا يلا ادخلي الاسانسير طالع

نغم…. بابتسامه اوك باي

تامر…..باي

قفلت الباب و فضلت واققه شويه لحد ما سمعت صوت باب الاسانسير بيتقفل ابتسمت و راحت تبص عليه و هي في ايدها الكارت

………………..

عند الشباب …

رشيد…..بقول ايه عشان انا قرفت منكم والله اللي فيكم هيزعل من التاني بعد كده لا هطلع عين اهله

فضل….بضحك في ايه يا عم ما خلاص مفيش زعل

رشيد….لا يا روح امك كلامي للكل مش ليك انت بس تعبتونا معاكم كل شويه هنشيل هم حد كفايه نكد بقي اعقلوا خلونا نفرح

عشري…. بابتسامه انا عاقل انا ومراتي

رشيد….اتلهي ما احنا بدأنا بيكم

ليله…..بضحك رشيد انت سخن علينا كده ليه

رشيد….زهقت منكم

عشري……بضحك انتي منكده علي الراجل ولا ايه يا ايمي هيطلع جنانه علينا

ايمي…..بضحك دي عدوة هرمونات

رشيد….بضحك خنقها هرمونات ايه يا اوزعه

ايمي….بضحك ااااه هرمونات الحمل بهتت عليك

حسان…..لا بجد رشيد معاه حق نعقل كده بقي بالله عليكم عشان زعلكم من بعض بيزعلنا و بيقلب مودنا خلينا نفرح بقي

فضل….بابتسامه حط ايده علي كتف نعيمه و سحب رقبتها لحضنه خلاص مفيش زعل تاني

سلامه….و لو فيه هتحط شرط و ترجع تضعف بقولكم ايه انا فضل اسمه مش ماشي معايا من هنا ورايح هيبقي حنفيييي هتنزل المرادي

ضحكوا كلهم و رنه نعيمه الضحكه

فضل….بضحكه بص لنعيمه عاجبك كده

نعيمه …بضحك انا مالي مش قادر عليه بتتشطر عليا انا يا حنفي

فضل….وحياة امك والله ما عايز اقوم ابوظ وشه عشان هيبقي عريس

سلامه…..بضحك حبيبي يا حنفي

حدفوا فضل بالمخده و ضحكوا كلهم

ليله…..ايمي انتي هتروحي علي زوزو زي ما قولتي

ايمي…..اه مش هينفع نروح بقي رشيد قالي هنقعد الفتره دي في الشقه