لقاء كارثي
لقاء كارثي
عسال…. بضحك ولا يهمني
فضل…..لا هو بجد بقي يعني نرجع نوني من العمره باذن الله و نخلص فرش البيت علي طول و نحدد المعاد اصلا مفيش وقت واحنا لسه قدامنا حجات كتير
عسال….بعيد عن الهزار خد وقتك فعلا بلاش الجري اللي احنا بنجريه وراء بعض ده علي الاقل يكون في هدنه شويه بيننا كلنا عشان نبقي فاضين معاكم و مركزين
فضل….ما احنا هنعمل كده باذن الله
ايمي…..ميدو هو انت حجزت المعاد اصلا ولا لسه و سؤال معلش اشمعني السخنه
عسال…..بابتسامه بصي انا لسه محجزتش و كنت جاي عشان اتكلم في موضوع الحجز ده معاكم ليه السخنه بص لنادين بابتسامه تجنن عشان نادين قالت قدامي مره نفسها تعمل الفرح قدام البحر
ابتسمت نادين بتوتر بسيط
عسال….طبعا جونه او دهب هيبقي بعيد في ناس كبيره ممكن يبقي صعب عليها المشوار و سلامه و حسان اقترحوا عليا السخنه هي اقرب للكل
ليله…….اه دي مشوار صغير نبقي هناك
نعيمه….ساعتين ونص باين
ليله….لا طبعا حوالي ساعه ونص او ساعه وربع حسب لو شادين عالطريق
عسال….اه قريبه السخنه اوي المهم يعني هي قالتلي كده كام حاجه بس انا قولت احققلها حاجه اقدر عليها
ايمي…. بابتسامه حقها طبعا دي الصغنن بتاعنا
عسال….اكيد بصلخا وابتسم مع اني عارف انها تطلع عيني الوقت
نادين….. بابتسامه ليه
سلامه….بضحك اديهالها في وشها و اخلص
نادين….هي ايه ؟
ايه……ايه هتجيب عروسه غيرها
عسال…..بضحك لا مقدرش بصي بقي انا علي الساعه خمسه كده هتحرك علي السخنه هسافر يومين و ممكن تلاته عشان التجهيز بتاع الفرح و عشان احجز الفندق والغرف وكل حاجه خلصت في يومين هرجع محتاج لسه وقت هستني و هاجي نفس اليوم بتاع كتب الكتاب
نادين…..تسافر انت بتهرج ولا بتتكلم جد
عسال….والله بتكلم جد
ليله…..عشان يلحق يا نادين مفيش وقت المكان لو هنا الموضوع هيبقي سهل بس هو لازم يسافر عشان يحجز و يخلص
رشيد…..هو فعلا مفيش وقت خالص يعني الثلاث ايام دول هو المفروض بنجز فيهم علي قد ما يقدر عشان يرجع غلي كتب الكتاب و يشوف لو وراه حاجه هنا يخلصها متنسيش انه هو كمان محتاج يجيب بدلته و بدل الفرح اللي هيحضرها بعد كتب الكتاب هيبقي فرح محمود و تقريبا حوالي يومين ثلاثه فرح الشباب
حسان…..وبعدها فرحكم
رشيد…بالظبط مش هيلحق هو فرصته في الكام يوم دول
