لقاء كارثي
لقاء كارثي
ايمي…طيب حلو اوي اهو في مفاجأه كمان يا ست نودي
حسان….بابتسامه الراجل شكلوا مش عابز باخدك عشان عايز يفاجئك
ابتسمت نادين ابتسامه بسيطه و فضلت ساكته.
فضل….نودي خلاص اتقمصت
نادين…لا عادي والله انا تمام
عسال…..انا الوقت بس عايز اعرف هحجز كام غرفه يعني مش عارف الكل هيروح يبات ولا ايه
عشري….هو في كل الاحوال يا ميدو حتي لو في ناس محبتش موضوع انها تمشي قبلها بيوم اكيد اللي هيوصل هناك هيحتاج يرتاح ياخد شاور من الكريق و يجهز يعني اكيد هيحتاجوا غرف
عسال….اكيد طبعا بس انا مش عارف العدد انت فاهمني
نعيمه…..احسبوا الوقت الناس اللي هتتعزم
عسال…..مبدأياً كل اتنين متجوزين في اوضه احسبي بقي ورايا وعدي معايا
نعيمه….طيب لحظه بس يعني عشري وليله وايمي و رشيد و حسان وسلمي طبعا هيبقوا اتجوزوا وايه وسلامه ليه كل ده
ايمي….استني انتي كده وحد الله و ركز معايا معلش بص يا ميدو انا شايفه ان كده كتير اوي و تكلفه فظيعه
عسال….ملكيش دعوه بالتكلفه انا عايز العدد
ايمي….لا طبعا ليا دعوه بالتكلفه اولا انا والبنات و انت والشباب الليله دي هنسهر فيها براحتنا و هنطلع علي النوم و تاني يوم محدش فينا هيشوف خلقه التاني احنا بنجهز وانتوا بتجهزوا يبقي ليه كل الغرف دي ما ننام مع بعض و انتوا كمان ناموا مع بعض اصلا احنا مبقناش نتجمع غير كل فين وفين
عسال….ماشي يا ايمي بس سيبك من النوم والسهر مش هينفع هيبقي عدد في الغرفه و كل واحده فيكم هتحتاج تجهز براحتها يوم الفرح وبعيدا عننا احنا يا ستي في ناس تانيه مش هينفع اعمل كده خالص معاهم
ليله….ليه مش هينفع خلينا نشوف كده مع بعض مين اللي هيجي الاول و نظبطها
عسال…..عندك لو قولنا من ناحيتكم انتوا البنات اهل نعيمه اهلك انتي اهل نودي حمودي وتامر اهل ايمي
ليله…..تمام كمل و هنظبطها في الاخر
سلامه….عندك امي واخواتي عندك اهل رشيد اهل حسان اهل عشري وفضل
عشري…اسمع خرج ابويا وامي واخواتي و الجماعه عند فضل من الليله دي كلها دي بتاعتي
عسال…..نعم يا اخويا انت بتهرج
عشري….لا مبهرجش بس انا هتصرف فيهم خليك في معازيمك انت احنا مش اغراب
عسال…..طب بالله عليك يا شيخ بلاش تعصبني
عشري….وليه اعصبك ؟
عسال….عشان ده فرحي يا عشري عشان مش هعمل فرح و امرمط الناس في سفر و طريق و اخليهم يدفوا تمن اقامتهم في الفندق
