لقاء كارثي

عسال…..بضحك مصطفي كان شبه العيال اللي بتشتغل في الاشارات

سلامه……بضحك ااااا خير يارب كمل بضحكه تم*و*ت من الضحك بص ريهام شعرها منكوش ازاي

عسال…..فضل بضحك و يكح

سلامه….بضحك يخربيت اهلك هتفطس مني

عسال…..والله ما قادر منك لله

سلامه……نهار اسود عالمناظر بجد افتكر الالبوم ده لو وقع في ايد ايه البومه مش هتسكت

عسال…..بضحك ده انت هتركب مسرح مش هتنزل من عليه طول عمرك

سلامه….بصلوا بتفكير لا ودي واطيه ما بتصدق كمل بضحك انا بفكر احرق الصور دي

عسال….بضحك والله كانت حلوه

سلامه……اووووبا اوعي الشيااااكه بتتريق علي البنطلون يا عره ايه ياض الهيكول اللي انت لابسه ده

حط ميدو ايده علي وشه و مات من الضحك

عسال…..هات كده

سلامه….بحضك سيب ياض والله ابداً دي هتفضل معايا يا عره عشان لو فكرت تفتن لايه علي الصور دي هفضحك دي كنز

عسال….بضحك بتساومني يا واطي

سلامه….بضحك رزق وربنا بعته ليا ده انا هعمل من وراكم شويه فلوس
ايه ياض اللبس ده

عسال…..بضحك الله يسامحك يا حنون

قلب في الصور و الاتنين مره واحده سحبوا سحبه من كتر الضحك لما شافوا صوره مصطفي و هو مكشر تكشيره مسخره و مش لابس هدوم

سلامه…..هم*و*ت والله هم*و*ت ااااه يخربيتك يا مصطفي

عسال……بضحك ايه الصوره دي بجد

سلامه….نهار اسود ده لو شافها هينتحر فيها دي

عسال….بضحك انا اول مره اشوف الصور دي علي فكره

سلامه….بضحك ده كنز

عسال….ومحتفظ ليه بالعره دي

سلامه…..والله ذكري حلوه علي فكره في الوقت ده الصور كلها كانت كده

عسال….كده ايه يا راجل دي نادين لو شافت الصور دي هتطلب الطلاق

سلامه……بضحك علي الاقل انت متجوز ايه هترمي الخاتم في وشي و تخلع

عسال…..بضحك طب والله كنا عسل و علي فكره بقي الايام دي كانت جميله

سلامه…..بصراحه اه علي قد ما كل حاجه في الوقت ده كانت صعبه بس بجد كانت فتره حلوه اوي

عسال……تصدق البيت وحشني

سلامه…..والله وانا عيشنا فيه ايام حلوه اينعم كان بايظ و متبهدل بس كان حلو اوي

عسال…..تعرف اني عمري ما حسيت اني كنت مبسوط اني مشينا منه يعني اه ربنا كرمنا و جينا هنا وفرحت عشان ماما و مصطفي وريهام كانوا فرحانين اوي بس والله كنت بحبه

سلامه……البيت ده المواقف اللي حصلت فيه تتكتب مسلسل