لقاء كارثي

عشري….ومن امتي و في بينا الكلام ده

ايمي….طب علي فكره عشري بيتكلم صح يا ميدو

عشري….اهو

عسال….فين الصح في كلامه يا ايمي هدفع الناس تمن اقامتها بعمل الفرح علي حسابهم

ايمي….ليه علي حسابهم اولا الفرح انت اللي هتتحمل تكاليفه ثانياً هتحجز غرف ليك انت ونادين و اهلك واهلها و خلصت علي كده احنا بقي هنظبط براحتنا الغرف بتاعتنا بالعدد اللي يريحنا كأننا مسافرين اي مكان انا اتعزمت علي فرح قبل كده كان معمول في الغردقه و سافرت علي حسابي طيران و فندق و حضرت الفرح لاني راحه للشخص نفسه انما انت مش مجبر تتحمل تكاليف غرف

سلامه…..استهدي بالله بس هو ايه اللي مش هينفع انتوا بتهرجوا يا جدعان يعني رشيد لما حجز يوم فرحكم غرف في الفندق ليكم ولينا حاسيناه ولا عشري كمان لما عمل لكل واحد فينا غرفه يجهز فيها دفعنا متهرجوش

عشري…..انا محجزتش في فنادق احنا كنا في مكان الفرح وكله كان من ضمن التكاليف

عسال…..بس دفعت و خليت الويدنج بلانر عملك زي فندق مخصوص لينا اتصمم واتبني غرف استديو مخصوص يعني اكتر من الفندق بلاش تعصبوني بالله عليكم وتخلوا اليوم يقفل من اولها بقولكم ايه اقفلوا السيره بتاعت الغرف دي وانا هتصرف احجز 100 غرفه ولا احجز المكان كله لو فاضي

ليله….بابتسامه استهدي بالله بس ليه 100 غرفه وليه المكان كله

عسال…..طيب بذمتك يا ليله اللي بيتقال ده صح دي اصول قولي بصراحه

ليله….هما مش حابين يا ميدو يضغطوا عليك

عسال….هيضغطوا عليا في ايه هو انا اشتكيت من الفلوس ظروفي علي قدي مثلا ما انا لو عملت هنا برضوا هحجز غرف في فندق لاي حد حابب يجي و هحطه علي راسي يا ليله انا قبل ما سلامه و حسان يقترحوا عليا موضوع السحنه ده انا كلامي كله كان علي دهب او الجونه واساليهم انا كنت ناوي احجز طيران للكل مش بس غرفه في فندق اساليهم

حسان…..حصل و احنا اللي اقترحنا عليه موضوع السخنه

عسال….فا ايه بقي هتدفعوا انتوا تمن اقامتكم

ليله….طيب اهدي كده انت معاك حق اينعم هما بيتكلموا من باب اننا واحد ومش فارقه بس انا فاهمه وجهة نظرك

عسال….لا فارقه يا ليله مينفعش

رشيد…..هو انت بتتعصب ليه يلاااا و ايه اللي فارقه هو احنا مش واحد

عسال….في كل حاجه يا رشيد الا دي يعني ايه يعني عشري يحجز هو لاهله و لفضل واهله و ايمي تقولي كلنا هنشيل نفسنا بتهرجوا يا جدعان